مرحباااااا

[tarook]

انا شاب سوري ومسافر على كندا بعد كم يوم وبصراحه مابعرف ولا حدا هونيك بعمري سجلت جديد بلمنتدى بركي بستفيد او بتعرف على اشخاص عايشين هونيك بتمنى تفيدوني اذا في شي الواحد لازم يعرفو قبل مايطلع لهونيك كيف الحياه هونيك وشو وضع البلد
يعني في كتير عرب وسوريين في مطاعم وقهاوي عربيه وهل اسعارون غاليه ولا الناس مابتروح هونيك لهيك اماكن

شكرا :z019:

[مريام]

بعد خمسه هونيك يا اهلا فيك ومن ناحيتي مبعرف حدن للاسف

[Sanaa]

أولا ... اهلا و سهلا فيك بالملتقى

أنا للأسف ما فيني كتير فيدك بما يخص كندا ...

بس حسب معلوماتي ... طبعا في نسبة عرب و سوريين هنيك ... و أكيد في مطاعم عربي ..

بس هاد الشي بيختلف من منطقة للتانية .... يعني حسب المنطقة يلي حضرتك طالع عليها ....

في مناطق نسبة العرب بتكون فيها كبيرة ... و مناطق لاء ...

و طبيعي المنطقة يلي بيكون فيها نسبة العرب كبيرة .... تتواجد فيها مطاعم و محلات عربية كتير ...

كنت بتمنى انو فيدك أكتر ... بس للأسف معلوماتي جدا محدودة ...

إن شا الله إذا اي حدا من الأعضاء عايش بكندا او عندو معلومات عنها ... بيتواصل معك و بيساعدك ....

و إذا انا قدرت احصل على اي معلومات تانية .. أكيد رح خبرك ...

سفرة موفقة ....

مع التحية ....

[tarook]

شكرا على الرد

[tarook]

شكرا اخت سناء انا على منطقه اوتاوا بتصور بما انها العاصمه تكون فيها نسبه سوريين منيحه

[Sanaa]

أوتاوا -إن لم تكن قد سمعت بهذا الاسم من قبل- هي عاصمة كندا وتقع في مقاطعة (ولاية) أونتاريو وهي أيضاً عاصمة للمقاطعة. و هناك فكرة سائدة لدى كثير من الناس من أن عاصمة كندا هي تورنتو تماماً كما تسود فكرة أن دبي هي عاصمة الإمارات العربية المتحدة لدى كثير من الغربيين. وكعادة عواصم المقاطعات في كندا فإن أوتاوا مدينة صغيرة وهادئة لا يزيد تعداد سكانها عن المليون نسمة.


وإذا كنا أكثر دقة فسنلاحظ أن مدينة أوتاوا تقع على الحدود بين مقاطعتي أونتاريو و كيبيك واللغة الرسمية في المقاطعة الأخيرة هي الفرنسية.النهر الفاصل بين المقاطعتين يدعى بنهر أوتاوا. ويمكن ملاحظة القنال المتفرع من نهر أوتاوا والمتجه جنوباً ويسمى بقنال ريدو.


و كثرة العرب في مدينة أوتاوا يذكر بالشئ ذاته في مدينة لندن، بالتالي لا يستغرب انتشار المطاعم العربية. وبجانب قهوة ستار بكس يوجد مطعم شاورما اسمه: لجونا. اسم المطعم له معنى معبر..


و هي صورة لمطعم الشاورما

http://saudigeek.com/var_pics/shawarma.jpg




المعلومات السابقة ... طبعا .... منقولة للفائدة






بشكل عام و حسب ما عرفت ... المدينة فيها كتييير عرب ( مو شرط سوريين ) و بالتالي فيها مطاعم عربية ...

و هي مدينة هادية و حلوة كتيير ...



بتمنالك كل التوفيق ...

[mohannad]

هلق أنا ما بعرف شو الوضع بأتاوا مثل عادة.. بس اكيد في سوريين وفي محلات عربية