المساعد الشخصي الرقمي

مشاهدة النسخة كاملة : هل يوجد أحد يستطيع مساعدتي ؟



"HISHAM
06-26-2012, 08:46 AM
أنا مهندس مدني إنشائي , حاصل على ماجستير في الهندسة الإنشائية , وأريد أن أدرس الدكتوراة في ألمانيا , فهل يوجد أحد يستطيع أن يساعدني للحصول على قبول , علما أنه:

حاصل على شهادة اللغة الألمانية zd
كشوف العلامات للبكالوريوس وشهادة البكالوريوس وشهادة الماجستير كلها مترجمة للغة الألمانية ومصدقة من العدل ووزارة الخارجية ,لكنها غير مصدقة من السفارة الألمانية ,لأن السفارة مغلقة هنا في دمشق.

أرجو ممن له علاقة بالهندسة الإنشائية أو ممن يعرف أحد له علاقة بالهندسة الإنشائية أن يساعدني , علما أن قبول الدكتوراة في ألمانيا بحاجة لموافقة بروفيسور .

"HISHAM
06-26-2012, 05:28 PM
ما شالله ماحدا لحدا ........؟

Modest Sentry
06-26-2012, 06:14 PM
بالنسبة لألي .. فأنا آسف كتير أخي...لأن والله أنا صغير كتير وما بعرف ب هيك أمور ع الاطلاق.....بقا ما بعرف باقي الشباب و الصبايا......بيعرفو...ما بيعرفو!!!!!..شكراً.

Sanaa
06-26-2012, 06:23 PM
أهلا و سهلا فيك ...

هلأ بشكل عام ... بالنسبة للقبول ..
حضرتك ممكن تحصل عليه شخصيا إذا بدك .. من خلال مراسلتك لبعض الجامعات الألمانية يلي بيتوفر فيها اختصاصك ..
مع العلم انو كمان من خلال مواقع الجامعات يلي ع النت ...
ممكن تراسل شي بروفسور ( ضمن اختصاصك ) و تتواصل معه و إذا عجبو وضعك بيوافق انو يكون المشرف عليك بـ ألمانيا ...
لانو على موقع اي جامعة ممكن تلاقي كل شي بتحتاجو .... و متاح إلك تتواصل مع اي بروفسور بالجامعة ( بتكون ايميلاتهم موجودة ..) ..
و الشي الممتاز بوضعك ... انو معك شهادة لغة ألماني ... و انو اوراقك الاكاديمية جاهزة و مترجمة و مصدقة ...
لانو الجامعات اول شي بتعملو ... بتطلب نسخ الكترونية من شهاداتك ...


كنت بتمنى اقدر ساعدك اكتر من هيك .... بس انا هي المعلومات يلي عندي :(
ع العموم ان شا الله اي حدا من المغتربين بـ ألمانيا ... و خاصة يلي عم يدرسوا بـ الجامعات الالمانية ...
بيتواصل معك و بيقدر يأمنلك قبول عن قريب .....
و ان شا الله رح يتم ارسال موضوعك على ايميلات كل الأعضاء ... ليكون في فرصة أكبر للاطلاع عليه ...

بالتوفيق ....

sha_awa1234
06-27-2012, 02:55 PM
السلام عليكم
أخي قبول الدكتوراه صعب شوي..وبالأخص أنهم بدون مقايلة شخصية..وبالنسبة لشهادة اللغة..فيعني ما بتفيدك كتير باللدكتوراه..اللمهم أنهم يقدروا يتواصلوا معك ولو كان بالصيني..بس بتفيدك منشان الفيزا فقط والتواصل الأجتماعي هون بالمانيا
بدك نصيحتي..أنا كان عندي عنس المشكلة
بتعمل ورقة أسمها motivation:وبتكتب فيها لمحة عنك وعن دراستك وعن المواد اللي درستها والبرامج اللي متقنها وبتكتب فيها أسباب أختيارك للجامعة وللأختصاص اللي بدك تعمل فيه دكتوراه...يفضل تكتبها بالأنكليزي..بتكتبها وبتقدمها مع السيفي والشهادات الموثقة تبعك على عنوان البروفسور وعلى سكرتيرته...لا تنسى تذكر مصدر الدعم المادي تبعك...ولازم تقول أنك بتصرف عحالك...أبعت هي الأوراق..وبدك تستنى شوية...وبأذن الله بيجيك رد
ولو ما مشي حال...في مكاتب بسوريا بتجيب قبولات..وبتاخذ عليهم مبلغ مادي
أنا في جامعتي ما في هندسة مدنية...لو فيه كنت ساعدتك أكتر من هيك
السلام عليكم

"HISHAM
06-27-2012, 04:08 PM
شكرا لردك ...

"HISHAM
06-27-2012, 04:11 PM
أخي ممكن سؤال ...

أحدهم أخبرني بأن البروفيسور لا يعطي قبول حتى يعرف ما هو البحث الذي تريد عمله هناك فهل هذا صحيح , مع أني أجد هذا غير منطقي لأن البحث يتم الأتفاق عليه بين الطالب والمشرف .

أرجو ألا أزعجك بأسألتي ...