المساعد الشخصي الرقمي

مشاهدة النسخة كاملة : حكايتك في ملتقى المغتربين السورين (الاخت ms.lonley) أتمنى قبول الدعوة


الصقرالحنون
10-01-2010, 09:16 PM
السلام عليكم ورحمـة الله..


للكل منا في هذا الملتقى الغالي (حكايه)



آفرحنا .. وآحزآنا .. همومنآ .. ومشآكلنا .. وتهآنينا .. وآوجعآنا


آحبآبنا .. وآصحآبنا .. وآخوآنا ... وآصدقآنا ..
::




::



لذلك أطرح عليكم مجموعه من الأسئـله..


ويجب عليكم الألتزام والأجابه على جميـع الأسئله والاجابه بشكل محدد..


بسم الله
نبدء
::
::


1

/ كيف بدات رحلتك (حكايتك) مع الملتقى وكيف وصلت لهـ..!




2/ ملتقى (المغتربين السورين) ماذا يمثل لك..!




3/ هل تفكر في الملتقى وانت خارجه والي اي درجه..؟..( .وبما تفــكر. )..!




3/ ما أول شئ تفعله عند دخولك الملتقى..؟ >>> (بشرح لو سمحت)..




4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!




5 / من الثلاثه الذي تبحث عنهم وانت في الملتقى..

وتتمنى وجودهم..!..





6 / من العضو الذي يسعدك مرورة في موضوع لك ويشارك فيهـ..!




7 / موضوع تمنيت ان تكتبه لكنه موجود باسم عضــو آخر..!





8 / ما هو الشئ الذي يقلق في الملتقى وتتمنى اصلاحـه..!





9 / اصعب موقف مرة عليك في الملتقى ولا تقدر ان تنساه..؟






10 / لحظه مرت عليك في الملتقى ولم تنساها ألى اليوم من شدة الفرح بهـ..!





11 / اي قسم الي ترتاح فيه وتحب ان تكون فيه واي قسم الذي تبدع فيه..؟




12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!





13/هل تريد ان تقول شئ قبل ان تغادر..؟




14 / ثلاث أعضــاء لن تنساهم حتى بعد مغادرتك الملتقى..!




15 / من خلال معاملتك مع المراقبين والمشرفين ..أكثر شخص قريب منك منهم من..!




16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!




17 / أقتراح تقدمه للملتقى..؟




وشكرا

في انتضار ردودكم


مع تمنيتي لكل عضو يدخل على الموضوع يجاوب على كافه الأسئلة

وراح ايكون أول عضو معنا ألاخ سيف الحبيب
SHARIEF FATTOUH
10-03-2010, 02:31 AM
السلام عليكم و رحمة الله و بركاته
شكراً لك أخي الصقر الحنون على هذا الموضوع الرائع و هذه الابدرة الطيبة منك أن أكون اول المتشرفين في الإجابة على هذه الأسئلة
و أسف جداً على التاخير


1/ كيف بدات رحلتك (حكايتك) مع الملتقى وكيف وصلت لهـ..!
بدأت رحلتي مع ملتقى السوريين المغتربين عندما تعرفت من أحد برامج التشات على أخت عزيزة و غالية من الأعضاء الأوائل في الموقع و كان الموقع في بداياته و بعد أن أصبحنا أصدقاء قالت لي لماذا لا تدخل إلى موقعنا و ترينا ما لديك و هنا بدأت العمل في هذا الموقع بعد أن أعجبتني الأفكار التي كانت تطرح فيه و كانت اهداف الموقع سامية جداً و هنا كانت قمة المتعة و وصلت لهنا بحبي لهذا الموقع و بمشاركة بعض أصدقائي و أقاربي الذين أراهم كل يوم فكان حافزاً لهم و لي بالبقاء في الموقع و متابعة اخباره



2/ ملتقى (المغتربين السورين) ماذا يمثل لك..!
هذا الموقع يمثل لي الكثير فأنا قمت بالعمل كثيراً في هذا الموقع و قمت بجهد كبير لأقنع بعض الأشخاص بالدخول لهذا الموقع و قمت بالتعب عليهم فمعظمهم كان هذا الموقع هو اول منتدى بالنسبة لهم يشاركون فيه طبعاً و كان كذلك بالنسبة لي و جزى الله خيراً الأخ خالد و الدعم الفني للموقع فقد تعبو معنا أيضاً و الأخت الغالية سوسن أيضاً تعبت معي كثيراً حتى أصبحنا هنا



3/ هل تفكر في الملتقى وانت خارجه والي اي درجه..؟..( .وبما تفــكر. )..!


نعم أفكر في الملتقى كثيراً و كأني أعيش فيه و كان السبب هو صداقتي مع الأخت سوسن و صداقتي مع الأستاذ خالد أيضاً و الأخ عاشق الوطنية وهو صديقي منذ ما يقارب الثماني سنوات و الأخ مان فورايفر أيضاً و هو ابن خالي و الأخ عابر البحار أيضاً ابن خالي و الأخ رامون ابن عمي و الأخ الهكر و هو صديق عزيز و أخو صديق عزيز أيضاً هؤلاء هم ابرز المشاركين و هم الذين يجعلوني أفكر بالموقع كثيراً أفكرفي كل شيء
الأعضاء و تعاملهم فيما بينهم و طريقة ترقية الموقع و الأعمال التي نقوم بها إن كانت تضر ام تفيد هكذا أمور

3/ ما أول شئ تفعله عند دخولك الملتقى..؟ >>> (بشرح لو سمحت)..
أول شيء كنت أفعله هو تفقد مواضيع الأنسة سوسن لأن لها سحر خاصاً في مواضيعها و كتاباتها و بعدها أرى قائمة أعلى المشاركين _(طبعاً قبل أن يتم حذفها من البرمجية ) و بعدها أقوم بالمشاركة في بعض الموضيع و أقوم بكتابة البعض من المواضيع التي أراها مناسبة و يبداً العمل الطبيعي بالموقع



4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!
سوسن _ خالد_ سامر مخلوف المدير الفني السابق


5 / من الثلاثه الذي تبحث عنهم وانت في الملتقى..

وتتمنى وجودهم..!..


سوسن
خالد
الدكتور حسن


6 / من العضو الذي يسعدك مرورة في موضوع لك ويشارك فيهـ..!

بصراحة جميع الاعضاء و لكن أنا اشتاق لمرور الدكتور حسن على موضوعي و مشاركته فيه


7 / موضوع تمنيت ان تكتبه لكنه موجود باسم عضــو آخر..!

هههههه كتيرة هي الموضيع



8 / ما هو الشئ الذي يقلق في الملتقى وتتمنى اصلاحـه..!

لا أدري لحد الأن و لكن ارى أن الملتقى قد بدأ بمرحلة خطيرة و أتمنى أن يتفاداها بنجاح



9 / اصعب موقف مرة عليك في الملتقى ولا تقدر ان تنساه..؟


لقد مررت بمواقف كثيرة صعبة في هذا الملتقى و لا أذكر أيها كان الأصعب لأنها كانت جميعها من النوع الفتاك



10 / لحظه مرت عليك في الملتقى ولم تنساها ألى اليوم من شدة الفرح بهـ..!

أول موضوع كتبته و عندما مر عليه جميع من كان يشارك في الملتقى و أخذ الكثير من التقييمات لأهميته و قوته



11 / اي قسم الي ترتاح فيه وتحب ان تكون فيه واي قسم الذي تبدع فيه..؟


أنا أرتاح في قسم الاستراحة و أبدع فيه لأنني احب أن اكتب المواضيع التي فيها نصيحة أو شيء فيه القليل من العلم أو الكثير أو القصة التي منها عبرة

12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!


شكراً لك أخي الصقر الحنون على هذا الموضوع الرائع و شكراً لأنك اثرتني في بداية الموضوع و شكراً لأنك تسأل عني كل يوم


13/هل تريد ان تقول شئ قبل ان تغادر..؟

استروا ما شفتوا منا و أرجو أن يكون عملكم خالصاً لوجه الله تعالى


14 / ثلاث أعضــاء لن تنساهم حتى بعد مغادرتك الملتقى..!

خالد و سوسن و سامر مخلوف


15 / من خلال معاملتك مع المراقبين والمشرفين ..أكثر شخص قريب منك منهم من..!

هههههههه ما بعرف لأنو المشرفين ما شاء الله كلهم حوليي يعني انا و عاشق الوطنية و الرامون و مان كل يوم مع بعض


16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!

سوسن


17 / أقتراح تقدمه للملتقى..؟

حببوا الأعضاء في موقعنا و أعطوهم اكثر مما تأخذوه منهم
و أجعلوا عملكم خالصاً لوجه الله



شكراً لك مرة ثالثة أخي الصقر الحنون و أسف مرة اخرى على التأخير في الرد
و أنا أسف لأنني لم أجب بما يليق بالأسئلة و لكن كانت هذه الأجابات الأولى التي تخطرفي بالي

أرجو أن تعذروني يا أخواني لأنني قصرت في حقكم في هذا الموضوع و لكن الأستاذ خالد و الأنسة سوسن و الأستاذ سامر كان لهم معي وضع خاص فلذلك هم الأكثر في بالي
طبعاً ما عدا الشباب الموجودين حولي و معي في النت طبعاً هدول كمان ما غابو عني و لا عن تفكيري
الصقرالحنون
10-03-2010, 05:35 PM
اشكرك اخي العزيز سيف الحبيب على قبول الدعوة

والأجابة بكل صراحة على الأسئلة

.........
الصقرالحنون
10-03-2010, 05:38 PM
وبعد ان تكرم الاخ سيف على الأجوبه

راح نستضيف المشرفة والأخت سناء


الأخت سناء طبعاً غنية عن التعريف

وانا عم حاول استضيف حسب القدم وحسب التفاعل مع الموقع

والكل عندي واحد

اتمنى من الأخت سناء اتجاوب وانا متاكد ماراح تتاخر
Sanaa
10-05-2010, 06:38 PM
1

/ كيف بدات رحلتك (حكايتك) مع الملتقى وكيف وصلت لهـ..!



اتعرفت ع الملتقى بالصدفة .. عن طريق البحث بــ غوغل .. كان عندي استفسار

و صدفة وصلت لهالملتقى ... وطرحت استفساري ... و ما كان ببالي الاستمرار مطلقا

بس لاحظت سرعة التجاوب ... يلي خلقت عندي نوع من الفضول لأتعرف ع الملتقى

و أقسامه و مواضيعه ... بصراحة عجبني و حسيت أنه كتير مميز و محترم

فصرت شارك فيه ... يعني الموضوع صدفة .. بس صدفة حلوة






2/ ملتقى (المغتربين السورين) ماذا يمثل لك..!


أنا بعتبره ملتقى النخبة ... ملتقى متميز جداا ...

هادف فعلا مو مجرد كلام ( و هاد الشي يلي بيميزه )


بيعجبني كتير ... بنظامه و بقوانينه

باختصار ملتقى جدير بالاحترام ... بتمناله الاستمرارية و النجاح و التألق أكتر و أكتر







3/ هل تفكر في الملتقى وانت خارجه والي اي درجه..؟..( .وبما تفــكر. )..!


أكيد بيخطر ببالي لما بسمع خبر جديد .. معلومة جديدة .. موضوع مميز


أول شي بيخطر ببالي أنه رح نزله بالملتقى ... يعني بفكر شو في شي جديد و مميز كرمال نزله بالملتقى








3/ ما أول شئ تفعله عند دخولك الملتقى..؟ >>> (بشرح لو سمحت)..


هلأ أنا بشكل عام بهتم بالأخبار ... لذلك أول شي بعمله غالبا ... بشوف

أقسام الأخبار ( شو في شي جديد ) ... مو بس أخبار سوريا ... كمان الأخبار الغريبة

و أخبار العالم .. و أخبار الانترنت ... و الطب و الاقتصاد .. و هل تعلم .....


بعدين بشوف الأقسام التانية







4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!


ما في حدا محدد ..

بس بشكل عام ... إذا سمعت شي خبر أو معلومة أو كان في نقاش حول شي موضوع ( بالحياة العادية )

بيخطر ببالي العضو يلي أنا سمعت منه المعلومة أو الخبر بالملتقى...

أو مثلا ممكن أحيانا اسمع من حدا تعليق مشابه لتعليق حدا من الأعضاء على أحد المواضيع ...

لذلك بيخطر ببالي هالعضو ... يعني ما في شي محدد حسب المواقف .







5 / من الثلاثه الذي تبحث عنهم وانت في الملتقى..

وتتمنى وجودهم..!..


أنا كتير بكون مبسوطة لما بيكون الملتقى نشيط ... في عدد كبير من الأعضاء

و كتير مواضيع و كتير مشاركات ... لذلك بتمنى وجود و تفاعل الكل بدون استثناء

( ما في حدا معين ببحث عنه ) بس أكيد ممكن انتبه لغياب البعض

و بنتظر إني شوف مشاركاتهم من جديد .








6 / من العضو الذي يسعدك مرورة في موضوع لك ويشارك فيهـ..!


ولله الكل و بدون أي استثناء ... وما بحس أبدا أنه بيسعدني مرور حدا أكتر من حدا

بس عموما أكيد بنبسط بمشاركة حدا صرله فترة غايب






7 / موضوع تمنيت ان تكتبه لكنه موجود باسم عضــو آخر..!


هي بتصير كتير .... ممكن يكون ببالي نزل موضوع .. و لاقي حدا سبقني و نزله

بس هاد الوضع كتير عادي ...








8 / ما هو الشئ الذي يقلق في الملتقى وتتمنى اصلاحـه..!


أنا من جهتي مو ملاحظة أي شي بيقلق ... أنا بلاقي الأمور هون الحمد لله

رايقة و تماام ... و ما في مشاكل ... بالعكس في تنظيم كتير حلو

حاليا يمكن بس في موضوع الدعم المادي .. بس إن شاء الله بيمر على خير

و الملتقى بيستمر و بيستمر بإذن الله ... و كلنا رح نكون ايد وحدة

و طالما الإرادة و النية الصافية موجودة .. كل شي رح يكون تمام إن شاء الله






9 / اصعب موقف مرة عليك في الملتقى ولا تقدر ان تنساه..؟


الحمد لله ... أنا شخصيا ما مر عليي و لا موقف صعب بالملتقى ..

هلأ بشكل عام أي مكان ممكن يمر بمواقف صعبة شوي ...

بس بيبقى اسمها مواقف

بيتوقف عندها شوي ... وبعدين بيتكمل الطريق بإذن الله







10 / لحظه مرت عليك في الملتقى ولم تنساها ألى اليوم من شدة الفرح بهـ..!


ما في موقف ( فرح شديد) ... بس مثلا ما بنسى أول موضوع نزلته و شاركت

فيه بالملتقى ... كان بالقسم الطبي







11 / اي قسم الي ترتاح فيه وتحب ان تكون فيه واي قسم الذي تبدع فيه..؟


بشكل عام بحب أقسام الأخبار ( سوريا ,العالم , طب , اقتصاد , انترنت , هل تعلم .. )

هاد الشي ما بيعني إني ما بحب الأقسام التانية ...

بحب قسم الحوار و الاستراحة و الثقافة و آدم و حواء ...

كل قسم في شي بيميزه







12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!



الصقر الحنون : شكرا ع الموضوع المميز .. شكرا ع الدعوة


و شكرا كتير على مجهودك الواضح و المميز بالملتقى





13/هل تريد ان تقول شئ قبل ان تغادر..؟

يؤسفني فعلا ترك الملتقى ( إذا تركت الملتقى ..أكيد رح اتركه لظروف خاصة .. مو لأي سبب بيتعلق بالملتقى ... كتير بتمنى استمر .. بس إذا صار ( لا قدر الله ) و تركت .. رح يكون عندي ظروف معينة بتمنعني من الاستمرار ) ..

بوجه تحية لكل القائمين ع الملتقى ( إدارة , إشراف , أعضاء ) .. بشكر كل مين استفدت منه بمعلومة أو فكرة ..

بتمنى للملتقى كل الخير .. بتمنى أنه يستمر و يرتقي و يتألق أكتر و أكتر .. لأنه عن جد بيستاهل ... و حتى إذا تركت

أكيد رح زور الملتقى من فترة للتانية .. مشان اطمن على أوضاعه





14 / ثلاث أعضــاء لن تنساهم حتى بعد مغادرتك الملتقى..!


ما رح انسى الملتقى ككل .. لأنه ببساطة الملتقى الوحيد يلي مشتركة فيه

و لأنه فعلا ( غير شكل ) .. و ما رح انسى كل القائمين عليه و خاصة يلي كانوا على تواصل دائم مع الملتقى .





15 / من خلال معاملتك مع المراقبين والمشرفين ..أكثر شخص قريب منك منهم من..!


كلهم على سلامتهم ... ما في منهم ... الحمد لله علاقتي مع الكل تمام ( ع الأقل أنا هيك بحس ) ...




16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!



دمعة فرح , وردة شامية , دانا


مهضومين كتير و أسلوبهم حلو


و في كتير من الأعضاء الجدد ... مشاركاتهم لسا قليلة.. بس بيعجبني اسلوبهم كتير

و إن شاء الله بيستمروا معنا .. و أنا متأكدة أنه رح يكونوا كتير مميزين إن شاء الله .

و على فكرة بيعجبني أسلوب " نانو " , " متيمة سوريا " , " صديقة من الجزائر "


صرلهم فترة غايبين ( إن شا الله خير ) ... و إن شاء الله بيرجعوا عن قريب






17 / أقتراح تقدمه للملتقى..؟



ما في شي ببالي .. بس بتمناله كل التوفيق






بشكرك كتير ع الموضوع المميز و الدعوة اللطيفة
الصقرالحنون
10-06-2010, 01:55 PM
كل الشكر للاخت سناء

وراح ايكون ضيفنا الجديد مديرة الموقع رورو بنت سورية الاسد
ريماس
10-07-2010, 12:04 PM
/ كيف بدات رحلتك (حكايتك) مع الملتقى وكيف وصلت لهـ..!


بدئت رحلتي عن طريق قوقل كنت جاية عم ادور على مواضيع للطش شفت هون مواضيع مميزة كتير وسجلت

وبعدين عادتي لما ألطش لازم اعطي رد ماعرفت ارد فكتبت مشكلتي البسيطة للادراة لقيت فورا ردو على مشكلتي وحلوها لقيت فورا استجابة

هون قلت في حالي بدي اشارك كم يوم قمت لقيت اهتماام وردود كتيرة على مواضيعي وشفت ترابط الاخوة بينهم وتعاونهم هااد يلي خلاني استمر بالمنتدى



2/ ملتقى (المغتربين السورين) ماذا يمثل لك..!


بكل صراحة يمثل لي الكثير فانا اشعر بانه جزء مني وان الاعضاء اسرتي بحق وتعودت عليهن



3/ هل تفكر في الملتقى وانت خارجه والي اي درجه..؟..( .وبما تفــكر. )..!


اي أكيد أفكر فيه
وبدرجة كبيرة
ودائما ماافكر بمواضيع جديدة ومميزة لأطرحها حتى تنال اعجاب الاعضاء



3/ ما أول شئ تفعله عند دخولك الملتقى..؟ >>> (بشرح لو سمحت)..


اول شي بعملو بروح عالقسم الاخبار وقسم السيارات انزل اخبار جديدة وبعدين ببدء بأقسام تانية بتدريج بقوم الرد على مواضيع الجديدة بالاول وبعدين برد على مواضيعي وبعدين انزل مواضيع جديدة .



4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!


بصراحة الاعضاء ئلي تعودت تواجدن بالمنتدى وحضورن المميز وردودهم

في حالة اذا غابو بيشغلو تفكيري



5 / من الثلاثه الذي تبحث عنهم وانت في الملتقى..

وتتمنى وجودهم..!..



بصراحة مو ثلاثة في كثيرين (الصقر الحنون -السكون -خالد -ايمن- عمر -دمعة فرح -سناء-رامون- king-of-nothing -أبو عمر - متيمة سوريا -نانو -صديقة من الجزائر -وردة شامية -سيف الحبيب -دكتور حسان

أحمد فرحات -محمد ن -عاشق الوطنية -لولو -الهكر -دانا - ميدوالمشاكس- ربيع العمر -سارة-ms.lonley -******** -****** FOR EVER -ابراهيم - غياث ومين كمان الاعضاء يلي بيشاركونا وفجأة ينئطعو عنا)



6 / من العضو الذي يسعدك مرورة في موضوع لك ويشارك فيهـ..!


كل يلي بيرد على مواضيعي ويشارك فيا بكون كتير كتير سعيدة بوجودو
اكتر الاشخاص بيرد على مواضيعي وبيشارك فيها ويلي عودني على تواجدن الدائم على صفحاتي هنن ( الصقر الحنون -السكون -ايمن-رامون -عمر-دمعة فرح - king-of-nothing -عاشق الوطنية - الهكر -لولو )



7 / موضوع تمنيت ان تكتبه لكنه موجود باسم عضــو آخر..!


في مواضيع كتيرة تمنيت انزلها بس خلاص عااادي العضو يلي نزل الموضوع كأنو أنا يلي نزلتو اهم شي انو نزل الموضوع ..




8 / ما هو الشئ الذي يقلق في الملتقى وتتمنى اصلاحـه..!
يقلقني هؤلاء ضعاف النفوس الذين يبثون السموم والحاقدين والحساد ولكن علي يقين التام تقوم الادراة بردع هؤلاء ..
أما احوال الملتقى ولله الحمد لاتقلقني كل شي تمام لانو الاوضاع كلها مسيطرة عليها وبفضل يعود لله ثم الادراة الموقرة الاستاذ عبدالله ياسين والاستاذ خالد والدعم الفني..



9 / اصعب موقف مرة عليك في الملتقى ولا تقدر ان تنساه..؟


الحمد الله مامر علي اي موقف صعب كل شي تمام




10 / لحظه مرت عليك في الملتقى ولم تنساها ألى اليوم من شدة الفرح بهـ..!


لحظة الثقة التي اعطتني اياه الادراة وان شاء الله اكون عند حسن ظنن ...



11 / اي قسم الي ترتاح فيه وتحب ان تكون فيه واي قسم الذي تبدع فيه..؟


قسم المطبخ برتاح اكتر شي فيه تعرفو بحب كل شي يتعلق بالاكل :z027:
الابداع مافي قسم محدد وان شاء الله في كل الاقسام ببدع فيه



12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!



حابة اشكر يلي اكتر شي حسيتن قريبين مني ودايما معي بكل المواضيع ويصير في تحاور وضحك هنن ( دمعة فرح -الصقر الحنون -عمر -رامون -ايمن -عاشق الوطنية -لولو -السكون- king-of-nothing - الهكر )



13/هل تريد ان تقول شئ قبل ان تغادر..؟


أريد أن أقول للأعضاء
ياليت يكون في تواجد أكثر
وتفاعل أكثر
لننهض بمنتدانا ويكون الأرقى




14 / ثلاث أعضــاء لن تنساهم حتى بعد مغادرتك الملتقى..!


كلن ان شاء الله مارح انساهن ابدا



15 / من خلال معاملتك مع المراقبين والمشرفين ..أكثر شخص قريب منك منهم من..!


( لولو -الصقر الحنون -عاشق الوطنية -رامون -ايمن -السكون- عمر )طالما خصصت بس المشرفين



16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!


كلن يعجبوني اسلوبن والرد عالمواضيع كفاية انو بلهجة سورية



17 / أقتراح تقدمه للملتقى..؟

حاليا ماعندي اي اقترااااح

شكرا كتير الصقر الحنون على اختيارك لي

تحياتي
الصقرالحنون
10-11-2010, 07:07 PM
شكرا الك رورو لقبول الدعوة

والآن نراح نستضيف الأخ السكون
أحمد فرحات
10-11-2010, 07:25 PM
/ كيف بدات رحلتك (حكايتك) مع الملتقى وكيف وصلت لهـ..!
كويسة و الحمد لله





2/ ملتقى (المغتربين السورين) ماذا يمثل لك..!
يمثل اوقات فراغي





3/ هل تفكر في الملتقى وانت خارجه والي اي درجه..؟..( .وبما تفــكر. )..!
لا ما بفكر بشي





3/ ما أول شئ تفعله عند دخولك الملتقى..؟ >>> (بشرح لو سمحت)..
بشوف مين راددلي على مواضيعي و بتشكرو
و بشوف شو في موايع جديدة برد عليها





4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!
رورو - خالد - معلمي عمر





5 / من الثلاثه الذي تبحث عنهم وانت في الملتقى..

وتتمنى وجودهم..!..
كل العالم خير و بركة






6 / من العضو الذي يسعدك مرورة في موضوع لك ويشارك فيهـ..!
قلنا كل العالم خير
بس خالد مرورو بكون مميز





7 / موضوع تمنيت ان تكتبه لكنه موجود باسم عضــو آخر..!
ما بحط عيني على شي لغيري بعدين بصيبو بالعين ههه






8 / ما هو الشئ الذي يقلق في الملتقى وتتمنى اصلاحـه..!
مش كل شي ظريف






9 / اصعب موقف مرة عليك في الملتقى ولا تقدر ان تنساه..؟
كلمة مشكوور عيني ههههههههههه بتذكروها ؟؟؟ هههه







10 / لحظه مرت عليك في الملتقى ولم تنساها ألى اليوم من شدة الفرح بهـ..!
عند اعطائي الوسامين





11 / اي قسم الي ترتاح فيه وتحب ان تكون فيه واي قسم الذي تبدع فيه..؟
قسم المشرفين

و قسمي اكيد





12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!
يا خالد مشكور على جهودك
و انظر في امري :z019:






13/هل تريد ان تقول شئ قبل ان تغادر..؟
رح سكر الباب ورايي





14 / ثلاث أعضــاء لن تنساهم حتى بعد مغادرتك الملتقى..!
رامون - عمر - خالد





15 / من خلال معاملتك مع المراقبين والمشرفين ..أكثر شخص قريب منك منهم من..!
عمر





16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!
سناء





17 / أقتراح تقدمه للملتقى..؟

مشكورين :z025:
السكون
10-11-2010, 11:19 PM
/ كيف بدات رحلتك (حكايتك) مع الملتقى وكيف وصلت لهـ..!

من خلال الاخت رورو





2/ ملتقى (المغتربين السورين) ماذا يمثل لك..!

الاخوة والصداقة الصادقة





3/ هل تفكر في الملتقى وانت خارجه والي اي درجه..؟..( .وبما تفــكر. )..!

ليس كثيرا لاني كثير النسيان





3/ ما أول شئ تفعله عند دخولك الملتقى..؟ >>> (بشرح لو سمحت)..

افتح صفحة اليسكا ههههه بروح الحوار العام





4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!

بصراحة بصراحة ولا واحد





5 / من الثلاثه الذي تبحث عنهم وانت في الملتقى..


وتتمنى وجودهم..!..

الكل دون استثناء





6 / من العضو الذي يسعدك مرورة في موضوع لك ويشارك فيهـ..!

كل الاعضاء





7 / موضوع تمنيت ان تكتبه لكنه موجود باسم عضــو آخر..!

ولا اي موضوع






8 / ما هو الشئ الذي يقلق في الملتقى وتتمنى اصلاحـه..!

الاخطاء النحوية






9 / اصعب موقف مرة عليك في الملتقى ولا تقدر ان تنساه..؟

لا شيئ يذكر







10 / لحظه مرت عليك في الملتقى ولم تنساها ألى اليوم من شدة الفرح بهـ..!

لا شيئ يذكر






11 / اي قسم الي ترتاح فيه وتحب ان تكون فيه واي قسم الذي تبدع فيه..؟

قسم الثقافة والادب





12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!


ولا واحد






13/هل تريد ان تقول شئ قبل ان تغادر..؟

لا





14 / ثلاث أعضــاء لن تنساهم حتى بعد مغادرتك الملتقى..!

انا انسى اسمي بس اطلع من المنتدى





15 / من خلال معاملتك مع المراقبين والمشرفين ..أكثر شخص قريب منك منهم من..!

كل المشرفين عدا سارة هي الاروع وصاحبة الضحكة المخملية

حبيت امزح معك ولو مو انتي مشرفة النكث







16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!

لكل اسلوبه الخاص وكل عضو مميز باسلوبو





17 / أقتراح تقدمه للملتقى..؟


ماعندي اي اقتراح


شكرا
الصقرالحنون
10-12-2010, 08:03 PM
شكرا لمشارتك اخي احمد

انوس شو عم توفر حروف ههههه

مشكور
الصقرالحنون
10-12-2010, 08:04 PM
نستضبف المشرفة لولو الرائعة اتمنى قبول الدعوة
ibrahem706
10-12-2010, 09:50 PM
1
/ كيف بدات رحلتك (حكايتك) مع الملتقى وكيف وصلت لهـ..!
كنت في الهند وكان بدي عنوان السفارة السورية في الهند
فبدات ابحث في جوجل وبالصدفة طلعيلي هالمنتدى وهيك بدات الحكاية


2/ ملتقى (المغتربين السورين) ماذا يمثل لك..!
ادمان


3/ هل تفكر في الملتقى وانت خارجه والي اي درجه..؟..( .وبما تفــكر. )..!

اكيد بيخطر على بالي

3/ ما أول شئ تفعله عند دخولك الملتقى..؟ >>> (بشرح لو سمحت)..

اول شي بدخل بقرا المواضيع الجديدة
وبعلق عليها
بعدين بحط مواضيع
وبعدين بطلع

4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!
رورو= الصقر الحنون =سكون = ابو عمر =احمد= خالد=دمعة=يعني الكل


5 / من الثلاثه الذي تبحث عنهم وانت في الملتقى..
وتتمنى وجودهم..!..
صقر +سكون +رورو+خالد+احمد+عاشق الوطنية +دمعة=سناء والله الكل


6 / من العضو الذي يسعدك مرورة في موضوع لك ويشارك فيهـ..!
صراحة الجميع
7 / موضوع تمنيت ان تكتبه لكنه موجود باسم عضــو آخر..!
لاتعليق



8 / ما هو الشئ الذي يقلق في الملتقى وتتمنى اصلاحـه..!


ولا شي

9 / اصعب موقف مرة عليك في الملتقى ولا تقدر ان تنساه..؟

لا شيئ يذكر



10 / لحظه مرت عليك في الملتقى ولم تنساها ألى اليوم من شدة الفرح بهـ..!

كل اللحظات


11 / اي قسم الي ترتاح فيه وتحب ان تكون فيه واي قسم الذي تبدع فيه..؟

قسم الاستراحة -الادب والشعر- النكت والفرفشة

12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!

بشكر :الجميع


13/هل تريد ان تقول شئ قبل ان تغادر..؟

سبحانك ربي اني كنت من الظالمين

14 / ثلاث أعضــاء لن تنساهم حتى بعد مغادرتك الملتقى..!

صراحة: سكون رورو - صقر

15 / من خلال معاملتك مع المراقبين والمشرفين ..أكثر شخص قريب منك منهم من..!

سكون - رورو -عاشق الوطنية -صقر

16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!

ابو عمر

17 / أقتراح تقدمه للملتقى..؟
لاشئ يذكر
لولو الصغيرة
10-14-2010, 02:09 AM
مشكور حسين على الموضوع الرائع والمميز
وإلي الشرف بقبول دعوتك

1/كيف بدات رحلتك (حكايتك) مع الملتقى وكيف وصلت لهـ..!
محمد(عاشق الوطنية)كان صارع راسي بقصص المنتدى وكان يشجعني كتير لأدخل جرب
دخلت وجربت وفعلا لقيت الجو حلو كتير وعجبني وضليت وهلق أنا بصرع راسو ههههه:z027:





2/ ملتقى (المغتربين السورين) ماذا يمثل لك..!
بيتي عائلتي التانية..يلي مابقدر إستغني عنها





3/ هل تفكر في الملتقى وانت خارجه والي اي درجه..
\؟..( .وبما تفــكر. )..!
أكيد ..بصير مواقف كتير بتخليني فكر وأتزكر المنتدى
مثلا .. نزل موضوع جديد بفكرة جديدة..الردود من الأعضاء على مواضيعي وردت فعلهون..
بتزكر المواقف بالمنتدى .. وبشتاق للأعضاء كتير






3/ ما أول شئ تفعله عند دخولك الملتقى..؟ >>> (بشرح لو سمحت)..
بدخل بشوف آخر المشركات..وبرد عليها وبعدين بشوف المواضيع الجديدة
وبرد عليهون ..وبروح بشوف مواضيعي والكوارس يلي فيا





4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!
ماحدا معين





5 / من الثلاثه الذي تبحث عنهم وانت في الملتقى..
عاشق الوطنية .. دمعة فرح .. رورو .. صقر الحنون
السكون .. السيف الحبيب ..كينغ .. أبو عمر ..والله الكل
وتتمنى وجودهم..!..







6 / من العضو الذي يسعدك مرورة في موضوع لك ويشارك فيهـ..!
الكل والله من دون إستثناء...





7 / موضوع تمنيت ان تكتبه لكنه موجود باسم عضــو آخر..!
كتير والله بصير معي هالموق بس مافي شي حاليا ببالي






8 / ما هو الشئ الذي يقلق في الملتقى وتتمنى اصلاحـه..!
أي اشكال بهدد المنتدى ..بتمنى إصلاحه من كل قلبي






9 / اصعب موقف مرة عليك في الملتقى ولا تقدر ان تنساه..؟
إمممممممم .. مافي شي








10 / لحظه مرت عليك في الملتقى ولم تنساها ألى اليوم من شدة الفرح بهـ..!
مممممم مافي شي






11 / اي قسم الي ترتاح فيه وتحب ان تكون فيه واي قسم الذي تبدع فيه..؟
الحوار وعالم المرأة السورية





12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!
ممممممممم مافي شي








13/هل تريد ان تقول شئ قبل ان تغادر..؟
لا





14 / ثلاث أعضــاء لن تنساهم حتى بعد مغادرتك الملتقى..!
الكل





15 / من خلال معاملتك مع المراقبين والمشرفين ..أكثر شخص قريب منك منهم من..!
عاشق الوطنية





16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!
كتااااااااار





17 / أقتراح تقدمه للملتقى..؟
مافي شي ببالي


يسلموووو حسين إستمتعت بالإجابة على الأسئلة
الله يعطيك العافية
الصقرالحنون
10-15-2010, 04:41 PM
شكرا لقبول الدعوة لولو

ونستقبل الأخ العزيز مان (محمد العربي )
M-AraBi
10-16-2010, 12:55 AM
1/ كيف بدات رحلتك (حكايتك) مع الملتقى وكيف وصلت لهـ..!
وصلت عن طريق ابن عمتي (شريف) سيف الحبيب والحمد كانت موفقة ومازالت





2/ ملتقى (المغتربين السورين) ماذا يمثل لك..!

الموقع والمنتدى الوحيد الذي ادخله وأقرء منه بل وأصبحت أتصفح النت كثيراً من وراءه حتى أصبح شيء أساسي ومن ضروريات الحياة



3/ هل تفكر في الملتقى وانت خارجه والي اي درجه..؟..( .وبما تفــكر. )..!

الصراحة موكتير بفكر فيه
بس سيرتو ما بتفام عن لساني ومع كل سيرة في سيرة وقصةعن الملتقى
وأكثر ما أفكر به هو الأستراحة وشو صاير فيها



3/ ما أول شئ تفعله عند دخولك الملتقى..؟ >>> (بشرح لو سمحت)..

ادخل على الأستارحة أفتح كافة المواضيع الجديدة وأقرئها وأشارك بها وأنظمها لكن أشارك بالمواضيع حسب تاريخها كي لا يتغير الترتيب للمواضيع



4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!

ما بفكر كتير بالأعضاء لأنو همي هو الموقع والأستراحة مو الأعضاء



5 / من الثلاثه الذي تبحث عنهم وانت في الملتقى..

وتتمنى وجودهم..!..

خالد - أخي (عابر البحار) - وسارة خانم (من شان أتسلى)



6 / من العضو الذي يسعدك مرورة في موضوع لك ويشارك فيهـ..!

طبعاً الأستاذ خالد لأنه ما بيشارك غير المواضيع المميزة ويلي بتعجبه وأيضاً مرور أصدقائي (الذين في الجامعة وسجلو بالموقع)



7 / موضوع تمنيت ان تكتبه لكنه موجود باسم عضــو آخر..!

مابتذكر بس مو كتار




8 / ما هو الشئ الذي يقلق في الملتقى وتتمنى اصلاحـه..!
المشاركات يلي بلا طعمة





9 / اصعب موقف مرة عليك في الملتقى ولا تقدر ان تنساه..؟

ما في





10 / لحظه مرت عليك في الملتقى ولم تنساها ألى اليوم من شدة الفرح بهـ..!

عندما استلمت الإشراف بكامل الأدوات والمميز هنا أني يمكن الوحيد الذي لم يكتب أسمي باللون الزهري لأنه مباشرة تغير من الأسود الى الأزرق




11 / اي قسم الي ترتاح فيه وتحب ان تكون فيه واي قسم الذي تبدع فيه..؟

الأستراحة



12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!

هذه كلمة لكل عضو : أن المواضيع لم توضع فقط للنقل بل وضعت للفائدة وقد لاحظت أن الكثير يكتبون مواضيع بدون أن يقرؤها وأيضاً يشاركون على مواضيع لم يقرأ الا أول سطر منها وكل هذا من أجل زيادةالمشاركات
ولو كنت بفكر هيك لكانت مشاركات أضعاف الحالية




13/هل تريد ان تقول شئ قبل ان تغادر..؟


أن الملتقى هو للجميع ومن أجل الوطن وكم أتضايق عندما يغادرنا عضو كان له وجود مميز
فعلينا أن نكون أخوة بلا مشاحنات ولا عتاب ونعمل يداً بيد من أجل سوريا الغد


14 / ثلاث أعضــاء لن تنساهم حتى بعد مغادرتك الملتقى..!

خالد - أبو عمر- الصقر الحنون



15 / من خلال معاملتك مع المراقبين والمشرفين ..أكثر شخص قريب منك منهم من..!
عاشق الوطنية ورامون






16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!

الصراحةالكل خير وبركة وكلهم مميزين بس أكثر واحد عجبني أسلوبه هو السكون



17 / أقتراح تقدمه للملتقى..؟
أرجو أن نراجع الأعضاء والمشرفين الذين دخلو الملتقى وتركوه وأن نراسلهم من أجل العودة الينا وأن تكون الرسالة خاصة لهذا الشخص (وهم كتار واذا بدكم بعطيكم شوية أسماء منهم)
لأنو أنا( كتير أنبسطط ) لما أنقطعت عن الموقع برمضان وولقيت رسالة بالايميل من الموقع يرديودن بها الطمئنان علي وأن أعود للموقع (يعين جبر خاطر)
الصقرالحنون
10-17-2010, 12:31 AM
شكرا للاخ محمد العربي لقبول الدعوة

ونستضيف اليوم الاخت دمعة فرح
دمعة فرح
10-17-2010, 09:35 AM
/ كيف بدات رحلتك (حكايتك) مع الملتقى وكيف وصلت لهـ..!

عن طريق دعوة من إيهاب كان بدو ياني اقرا قصة وقلي مافيكي تقريها الا تسجلي .. وسجلي لأنو المنتدى حلو
ومن وقتا دبقت فيكن هي الدبقة ( احلى دبقة هههههه )


2/ ملتقى (المغتربين السورين) ماذا يمثل لك..!

عائلتي الثانية واخوتي يلي بفتقدهم دائما .. وبصراحة اكثر مالي غنى عنكمـ


3/ هل تفكر في الملتقى وانت خارجه والي اي درجه..؟..( .وبما تفــكر. )..!

لدرجة اني احيانا بحلم بمواضيع ومشاركات !! اي والله صدقو قد مو متعلقة .. بفكر بطرح فكرة او موضوع


3/ ما أول شئ تفعله عند دخولك الملتقى..؟ >>> (بشرح لو سمحت)..

اي تكرم .. اول شي بسجل حضوري بالصلاة عالنبي بعدين شوف اخر المشاركات وبشارك الاعضاء مواضيعن .. وبعدين بلش شغل بقسم الحوار


4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!

يعني الكل بيخطر على بالي .. مافي حدا معين


5 / من الثلاثه الذي تبحث عنهم وانت في الملتقى..

وتتمنى وجودهم..!..


والله الكل بحب شاركن وبحب يكونو بالملتقى .. اكتر شي لولو ورور لما ندردش بالمضافة


6 / من العضو الذي يسعدك مرورة في موضوع لك ويشارك فيهـ..!

الكل بيعجبوني ( انت ليه ناوي تفرق آآآه ؟؟ ) اكتر شي السكـــون


7 / موضوع تمنيت ان تكتبه لكنه موجود باسم عضــو آخر..!


اوووووووووو كتير مواضيع بأسماء كتير اعضاء .. بس عادي هالشغلة بتصير كتير


8 / ما هو الشئ الذي يقلق في الملتقى وتتمنى اصلاحـه..!

الخروج عن المواضيع وعدم الالتزام في القوانين



9 / اصعب موقف مرة عليك في الملتقى ولا تقدر ان تنساه..؟


مشكلة kofy مابتنتسى والله وكانت صدمة كبيرة من قبل هيك شخص تجاه الملتقى .. اثبت فيها شخصيتو (مع احترامي )



10 / لحظه مرت عليك في الملتقى ولم تنساها ألى اليوم من شدة الفرح بهـ..!


ا ممممممممم لسى ماصار هيك شي .. بس فرحت كتير وقت الادارة عطتني الوسام ..


11 / اي قسم الي ترتاح فيه وتحب ان تكون فيه واي قسم الذي تبدع فيه..؟

كل الاقسام بحبن بس بحب قسم الحوار اكتر شي وبظن اني مبدعة فيه !! ...


12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!

نصيحة للسكون : عيش يومك

عتب : للاعضاء اللي بيطلو كل شهر مرة( تعالو شاركونا) .. عمر .. مصطفى .. وردة شامية .. شامي اللي اختفى .. إيهاب

شكر : شكرا والله يبارك بجهودكمـ لكل العاملين بالموقع
ملاحظة : للاعضاء الجدد .. طولو بالكن بالمواضيع مشان نلحق نقراها ونستفاد منها



13/هل تريد ان تقول شئ قبل ان تغادر..؟

بحبكن كتير


14 / ثلاث أعضــاء لن تنساهم حتى بعد مغادرتك الملتقى..!

مرح انسى الكل .. كل واحد فيكن إلو مكان بقلبي ومحبة ومودة ( رح ابكي والله العظيم ) .. وان شاءالله بظل معكن


15 / من خلال معاملتك مع المراقبين والمشرفين ..أكثر شخص قريب منك منهم من..!

عاشق .. والحنون .. والسكون .. لولو .. سناء .. ميمي .. رامون


16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!

الكل اكيد .. لكن عندي سناء كتير معجبة بأسلوبها وبحس آرائها قريبة جدا من آرائي


17 / أقتراح تقدمه للملتقى..؟

حطولنا شات .. لأنو كتير من المواضيع عم تقلب لدردشة

شكرا كتير إلك صقر على الاستضافة وعلى الطرح الجميل

تحياتي لروحك ..
الصقرالحنون
10-17-2010, 08:51 PM
شكرا لقبول الدعوة

وضيفنا الاخ عاشق الوطنية

بصراحة هو الي اخر دعوته
عاشق الوطنية
10-18-2010, 04:05 AM
بسم الله الرحمن الرحيم

بدايتاًشكراً لجميع الأخوى الذين ذكروني في مشاركتهم

ومنورين الموضوع
وخلوني بلش
1

/ كيف بدات رحلتك (حكايتك) مع الملتقى وكيف وصلت لهـ..!
بدئت حكايتي في ملتقى المغتربيين عن طريق الأخ سيف الحبيب
وسجلي عضوية بلمنتدى
ولما شتغلت بلمقهى نفسو معى سيف صار يقول دخول على المنتدى والمنتدى حلو
وفي ناس محترمين ويحكلي عن مغامراتو معى الأعضاء
بس انا ما كنت رد عليه لأني ما كنت حبي المنتديات
لحتى اجا مرة سيف وقلي رح نزل موضوع بأسمك
وانا قلتلو نزل ما عندي مشكلة بس ما رح ادخل
انا على المنتدى حتى لو نزلت
وفي اليوم التاني فتح المنتدى بأسمي وقرئلي الردود على موضوعي
وعجبوني كتير وشفت الأحترام الموجود بين العضاء
فصرت نزل كل فترة موضوع
وصار المنتدى مثل السيكارة بلشت بسحبة وصرت دخن باكيت بليوم
ههههههههههههههههه



2/ ملتقى (المغتربين السورين) ماذا يمثل لك..!
والله يمثل لي الكثير يعني هو ركن اسسي في حياتي
ومجرد وجودي على النت لازم كون فاتح صفحة المنتدى حتى لو ما شاركت



3/ هل تفكر في الملتقى وانت خارجه والي اي درجه..؟..( .وبما تفــكر. )..!
حدث ولا حرج اكيد عم فكر احياناً الشباب بيتصلو فيني تلفون مشان يخبروني عن شي موضوع مثير بلمنتدى او
اذا صاير شغلة جديدة
فأكيد بفكر فيه وبفكر منيح



3/ ما أول شئ تفعله عند دخولك الملتقى..؟ >>> (بشرح لو سمحت).؟
اغلب الأحيان بروح على المضافة بشوف شو في شي جديد على الأعضاء
وبشوف مواضيع الترحيب بلأعضاء الجدد
وبرحب فيهون



4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!
الصراحة عنجد انتا يا صديقي بدك تعلقنا ببعض بهي الأسئلة تبع الأعضاء ومين
طيب لولو وسيف الحبيب وحسين يعني انتا سيد صقر



5 / من الثلاثه الذي تبحث عنهم وانت في الملتقى..

وتتمنى وجودهم..!..

والله هاد السؤال كبير شوي
وهنن اكثر من 3لولو دموعة رورو السكون الغالي خالد احمد فرحات الحبيب
سناء حسين وكلكون حبايبي وحبايب قلبي



6 / من العضو الذي يسعدك مرورة في موضوع لك ويشارك فيهـ..!
بصراحة فيني غير صيغة السؤال وتقول مين العضو يلي بتعجبك ردوده
وهيك فيني قلك لولو ورورو اما انتا فلاهههههههههههه ما بعجبني مرورك
بصراحة بيسعدني مرور اي شخص على مواضيعي
اكيد مجرد كلمة شكر تكفي من اي عضو كان
وكلكن اخواتي وحبايبي



7 / موضوع تمنيت ان تكتبه لكنه موجود باسم عضــو آخر..!
ما في شي محدد بصراحة




8 / ما هو الشئ الذي يقلق في الملتقى وتتمنى اصلاحـه..!
كمان حالياً منتدانا إن شاء الله مرفوع وعلمو عالي
وما في شي بيخوف
والحمد لله




9 / اصعب موقف مرة عليك في الملتقى ولا تقدر ان تنساه..؟

الصراحة اول ما شاركت بلمنتدى

نزلت موضوع عن الغزو الفكري للشباب العربي
ودخل عضو تفلسف علي وقلي انو انتا بصراحة بشك بأنو تكون انتا كاتب هالموضوع
وبلش يطرح عليي اسئلة وفكرني غبي وما بعرف رد
المهم بلا طول سيرة كرهت المنتدى بسببو ولا لا سيف ما شفتوني بيناتكون اليوم بعد هديك المشاركة





10 / لحظه مرت عليك في الملتقى ولم تنساها ألى اليوم من شدة الفرح بهـ..!
الصراحة انا بفرح لأي تقدم بلمنتدى فمثلاً لم زودنا خالد بمركز تحميل جديد فرحت ولما عملو قسم مشرفيين كمان فرحت
ولما برد علي شي عضو رد حلو بفرح
ولما بشوف واحد غايب من زمان ورجع بقوى كمان بفرح
اي اي تزكرت
اول ما سجلت اجاني طلب صداقة من خالد
فرحت قلت انو مؤسس الموقع طالب صداقتي
بس بعد دقيقتين حسبتها
طلع انولازم يطلب صداقتي
:z09:
قمت زعلت
:z027:




11 / اي قسم الي ترتاح فيه وتحب ان تكون فيه واي قسم الذي تبدع فيه..؟
والله برتاح كتير بقسم الحوار لأني بلشت منو وضليت شي شهر قبل ما فكر ادخل على قسم تاني
وبصراحة دخلت على قسم الشعر بعدين
والسبب كان الصقر ورورو قرأت موضوع كان فيه ردود كتير حلوى
ايه الله يرحم هديك الأيام
قسم الأبداع بحب موضيعو كتير
لأنو القسم الوحيد يلي بيكون العضو تعبان بموضوعو لحتى يطرحو علينا
وهون بحب قول لجميع الأعضاء الي بيدخلو على قسم الأبداع يا ريت انكون تخلو ردكون على حجم المجهود يلي عم يقوم فيه صاحب الموضوع



12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!
نصيحة لكل العضاء الجدد نزلو شريط اليكسا
:z027:
عفون اجاني حسي الأشرافي فجئة

المهم بحب انصح كل عضو يا جماعة احلى منتدا بلعالم منتدانا او بيتنا التاني اذا تركتوه رح تندمو





13/هل تريد ان تقول شئ قبل ان تغادر..؟

اريد ان اقول شكراً لأدارة الموقع وشكراً لجهود الجندي المجهول عبد الله ياسين
وشكراً خالد على مجهودكم الرائع
والشكر الك اخي حسين لأستقبالي بموضوعك

14 / ثلاث أعضــاء لن تنساهم حتى بعد مغادرتك الملتقى..!
الصراحة ناهيك عن الأعضاء يلي بعرفهم بشكل شخصي وهنن بيعرفو مزتهون بقلبي
ما رح انسا اي عضو رد عليي بكلمة حلوى
منهم غياث الغالي رورو حسين يلي عن قريب رح شوفو ابو عمر حبيب القلب الأستاذ ماهر جداً محترم وحباب
السكون انس ابو جعفر حبيب القلب خالد اكيد ما رح انساه دمعة المورة اختي الصغيرة اكيد ما رح انساها
وبتمنا ما كون نسيت حدا يا جماعة الأسئلة كتيرة ومشان هيك اكيد رح كون نسيان حدا فسامحوني ومحبتكون بلقلب

15 / من خلال معاملتك مع المراقبين والمشرفين ..أكثر شخص قريب منك منهم من..!
لولو الحبابة حسين رورو مان فورايفر



16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!
سناء مشرفة الأخبار وابو عمر



17 / أقتراح تقدمه للملتقى..؟
ما في شي محدد




بلنهاية لا تواخذوني طولت بلرد

وكمان كل شخص نسيت اذكره بعتذر منه
لأنه جل الذي لا ينسى

ومشكور حسين على الطرح
الصقرالحنون
10-18-2010, 03:28 PM
شكرا لمرورك محمد

الدعوة للاخ ابو عمر اتمنى قبول الدعوة
ابو عمر
10-19-2010, 12:46 AM
السلام عليكم ورحمـة الله..4

وعليكم السلام ورحمة الله وبركاته




للكل منا في هذا الملتقى الغالي (حكايه)



آفرحنا .. وآحزآنا .. همومنآ .. ومشآكلنا .. وتهآنينا .. وآوجعآنا


آحبآبنا .. وآصحآبنا .. وآخوآنا ... وآصدقآنا ..
::





::



لذلك أطرح عليكم مجموعه من الأسئـله..


ويجب عليكم الألتزام والأجابه على جميـع الأسئله والاجابه بشكل محدد..

هات لنشوف .. سيد حسين



بسم الله
نبدء
بسم الله

::
::


1


/ كيف بدات رحلتك (حكايتك) مع الملتقى وكيف وصلت لهـ..!
كنت رايح عالسفارة السورية .. وضيعت العنوان
فتحت هالموبايل على غوغل
وازا طلعلي الملتقى.. بس للأسف ما طلع العنوان
لانو لازم الواحد يكون مسجل
وكنت مستعجل فما سجلت
بس خليتو ببالي ..
وبعد شي أربع شهور سجلت .. وعلقت




2/ ملتقى (المغتربين السورين) ماذا يمثل لك..!
مجتمعي




3/ هل تفكر في الملتقى وانت خارجه والي اي درجه..؟..( .وبما تفــكر. )..!
تقريبا .. أفكر بمواضيع الحوار




3/ ما أول شئ تفعله عند دخولك الملتقى..؟ >>> (بشرح لو سمحت)..
آخر المشاركات .. المضافة




4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!
سؤال محرج.. أفكر في الجميع
إسأل قلبك .. هل أنت ؟
ستجد الجواب




5 / من الثلاثه الذين تبحث عنهم وانت في الملتقى..

وتتمنى وجودهم..!..
كل واحد بيعرف حالو





6 / من العضو الذي يسعدك مروره في موضوع لك ويشارك فيهـ..!
بصراحة تامة .. الكل




7 / موضوع تمنيت ان تكتبه لكنه موجود باسم عضــو آخر..!
ما عم لحق عليكم قراءة
حتى نزل مواضيع





8 / ما هو الشئ الذي يقلق في الملتقى وتتمنى اصلاحـه..!
ما شاء الله الكل مو مقصر
اجتهاد .. عطاء دائم





9 / اصعب موقف مر عليك في الملتقى ولا تقدر ان تنساه..؟
لقد مر بسلام ..






10 / لحظه مرت عليك في الملتقى ولم تنساها ألى اليوم من شدة الفرح بهـ..!
وجودك اليوم بالمضافة يا حنون
:z032:





11 / اي قسم الي ترتاح فيه وتحب ان تكون فيه واي قسم الذي تبدع فيه..؟
الحوار الصريح والاستراحة




12 / عضو معك في الملتقى تريد ان تقول له شئ..(نصيحه _ عتب _ شكر _ ملاحظه)..!
بس أشوفو رح أقلو






13/هل تريد ان تقول شئ قبل ان تغادر..؟
مزيد من التقدم




14 / ثلاث أعضــاء لن تنساهم حتى بعد مغادرتك الملتقى..!
كل يوم بيزيدو واحد خخخخ



15 / من خلال معاملتك مع المراقبين والمشرفين ..أكثر شخص قريب منك منهم من..!
والله بحس الكل قراب مني




16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!
الكل عالعين والراس




17 / أقتراح تقدمه للملتقى..؟
مو مقصرين




وشكرا

في انتضار ردودكم

مع تمنيتي لكل عضو يدخل على الموضوع يجاوب على كافه الأسئلة

بصراحة أسئلة محرجة ..
المحبة من الله ..
:z023:
الصقرالحنون
10-19-2010, 10:52 AM
شكرا اخي ابو عمر لقول الدعوة

نستضيف الاخ عمر
عمر
10-19-2010, 10:19 PM
1

/ كيف بدات رحلتك (حكايتك) مع الملتقى وكيف وصلت لهـ..!

عن طريق اخي خالد




2/ ملتقى (المغتربين السورين) ماذا يمثل لك..!


هو شي اساسي بحياتي اليومية



3/ هل تفكر في الملتقى وانت خارجه والي اي درجه..؟..( .وبما تفــكر. )..!

بفكر بالملتقى دايما و بتمنالو التقدم الدائم



3/ ما أول شئ تفعله عند دخولك الملتقى..؟ >>> (بشرح لو سمحت)..


بشوف ملتقى الترحيب اذا عنا اعضاء جديدة نقوم معهم بالواجب
بعدين بشوف المواضيع الجديدة



4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!


و الله الكل دايما بالبال ما في حدا محدد



5 / من الثلاثه الذي تبحث عنهم وانت في الملتقى..

وتتمنى وجودهم..!..

و الله بتمنى تواجد الكل وخاصة ( رورو - صقر- دمعة - احمد فرحات - خالد - سناء - عاشق - رامون - لولو - مان - كينغ - ابو عمر - السكون - و ... )




6 / من العضو الذي يسعدك مرورة في موضوع لك ويشارك فيهـ..!

الكل بنوروا وين ما تواجدوا



7 / موضوع تمنيت ان تكتبه لكنه موجود باسم عضــو آخر..!


ما في شي محدد




8 / ما هو الشئ الذي يقلق في الملتقى وتتمنى اصلاحـه..!


كل شي تمامو




9 / اصعب موقف مرة عليك في الملتقى ولا تقدر ان تنساه..؟



ما في مواقف صعبة كل شي تمام لهلق




10 / لحظه مرت عليك في الملتقى ولم تنساها ألى اليوم من شدة الفرح بهـ..!
كل اللحظات فرح بفرح :z019:





11 / اي قسم الي ترتاح فيه وتحب ان تكون فيه واي قسم الذي تبدع فيه..؟
كل الاقسام ظريفة
بس بحب الاستراحة و الصور




12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!

بشكر كل المشرفين على جهودهم


13/هل تريد ان تقول شئ قبل ان تغادر..؟

الحمد لله رب العالمين



14 / ثلاث أعضــاء لن تنساهم حتى بعد مغادرتك الملتقى..!

رورو - عاشق - صقر



15 / من خلال معاملتك مع المراقبين والمشرفين ..أكثر شخص قريب منك منهم من..!
اكيد خالد




16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!
كل شخص عندو اسلوبو الخاص و الكل يهمني وجودهم




17 / أقتراح تقدمه للملتقى..؟
الله يعطيكم العافية على جهودكم
:z023:
الصقرالحنون
10-20-2010, 12:51 AM
مشكور اخي عمر على قبول الدعوة

نستضيف الاخ كنغ
king-of-nothing
10-21-2010, 10:44 PM
1

/ كيف بدات رحلتك (حكايتك) مع الملتقى وكيف وصلت لهـ..!

جووجل




2/ ملتقى (المغتربين السورين) ماذا يمثل لك..!


وظيفة من وظائفي اليومية



3/ هل تفكر في الملتقى وانت خارجه والي اي درجه..؟..( .وبما تفــكر. )..!

حسب المود



3/ ما أول شئ تفعله عند دخولك الملتقى..؟ >>> (بشرح لو سمحت)..


أي موضوع ما عليه تعليق لازم علق عليه



4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!


بتمنى تعفوني من الجواب هاد



5 / من الثلاثه الذي تبحث عنهم وانت في الملتقى..
وتتمنى وجودهم..!..
الكل والله مابحب حدد مشان ما انسى حدى



6 / من العضو الذي يسعدك مرورة في موضوع لك ويشارك فيهـ..!

والله الكل



7 / موضوع تمنيت ان تكتبه لكنه موجود باسم عضــو آخر..!


أي موضوع بيكون حدا سابقني فيه بحب كمل فيه بلمسة خاصة فيني بموضوعو ... معلومة جديدة مو مذكورة ... بجيب تفاصيل أكتر فبحب حط شغلات بموضوعو علشان يصير مميز أكتر وبهيك بكون عملت اللي تمنيتو




8 / ما هو الشئ الذي يقلق في الملتقى وتتمنى اصلاحـه..!


هااااااااااااااااااااااااااااا :z019: ............... أنا حكيت للإدارة بالموضوع هاد ... ما رح افتحو مرة تانية :z025: بعتذر بس أنا لإنو مبدإي انو ما بحب ضلني احكي بشغلة وما لاقي اللي بدي ياه فيها




9 / اصعب موقف مرة عليك في الملتقى ولا تقدر ان تنساه..؟



كوفي بيك




10 / لحظه مرت عليك في الملتقى ولم تنساها ألى اليوم من شدة الفرح بهـ..!

لما اقرا شغلة بتضحكني





11 / اي قسم الي ترتاح فيه وتحب ان تكون فيه واي قسم الذي تبدع فيه..؟
الانجليزي



12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!

انسان بالمنتدى ....لما قول هالجملة رح يعرف حالو ويعرف أنا شو بقصد .... (شكر إلك كتير)


13/هل تريد ان تقول شئ قبل ان تغادر..؟

لاء



14 / ثلاث أعضــاء لن تنساهم حتى بعد مغادرتك الملتقى..!

عدوي اللدود .... العضو اللي آخد مني موقف وما صارحني ومستنيه يقرا الموضوع هون ويصارحني .... والشخص اللي حكيت انو (شكر إلك كتير)


15 / من خلال معاملتك مع المراقبين والمشرفين ..أكثر شخص قريب منك منهم من..!
الجنرال




16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!
King of Nothing




17 / أقتراح تقدمه للملتقى..؟


يعطيكوم العافي



King of Nothing
الصقرالحنون
10-21-2010, 11:18 PM
مشكور كنغ

نستضيف الاخت
ms.lonley
ms.lonley
10-22-2010, 12:09 AM
مشكور كنغ

نستضيف الاخت
ms.lonley


مشكور أخي صقر علإستضافة
مع إني ما بحب كتير اللقائات الصحفية :z019:



1

/ كيف بدات رحلتك (حكايتك) مع الملتقى وكيف وصلت لهـ..!


من زمان يعني من فترة كنت عم بحبش كعادتي بجوجل ولقيت موقعكم الكريم وحفظتو عندي وإشتركت بس ما شاركت بسبب شوية ظروف ومرت فترة ونسيت المعرف وإشتركت مرة تانية وهيني معكم من كم شهر

2/ ملتقى (المغتربين السورين) ماذا يمثل لك..!


بجتمع فيه مع ابناء وبنات بلدي ......يعني بحب إزا مو كل يوم بين كل فترة وتانية إدخل وإتطمن علكل وشوف المواضيع الشيقة



3/ هل تفكر في الملتقى وانت خارجه والي اي درجه..؟..( .وبما تفــكر. )..!
على حسب فضاوتي



3/ ما أول شئ تفعله عند دخولك الملتقى..؟ >>> (بشرح لو سمحت)..


أبشوف مواضيعي في حالة لو إلي مواضيع جديدة مشان إزا حدى رد عليي إشكرو ...............وكمان بحب تابع الشريط يلي فوق وإزا عجبني شي موضوع وحبيت شارك فيه بختار من الشريط هي أول شغلتين بعملهم



4 / من هم الاعضـاء الثلاثه الذي يشغلون تفكـــــيرك وانت خارج الملتقى..؟ >> بكل صراحه..!
كل عضو مميز بحب يفيد الأعضاء من كل قلبو فلما إقرى أي موضوع يعجبني عنجد بقعد بفكر فيه وبصاحبو



5 / من الثلاثه الذي تبحث عنهم وانت في الملتقى..
وتتمنى وجودهم..!..
كل يلي بيستلطفوني وبيحترموني بدور عليهم مشان بادلهم الإحترام



6 / من العضو الذي يسعدك مرورة في موضوع لك ويشارك فيهـ..!

كل عضو محترم صادق بردودو .........



7 / موضوع تمنيت ان تكتبه لكنه موجود باسم عضــو آخر..!
صراحة حصلت معي كتير.....بس ما بتزكر شو كانو المواضيع




8 / ما هو الشئ الذي يقلق في الملتقى وتتمنى اصلاحـه..!


مشكلة خطأ بلإتصال + البطئ الذي أواجهه أحيانا بلتصفح + يجب عليك الإنتظار 30 ثانية بين مشاركة وأخرى بصادف هي المشكلة أكتر شي لما إستعرض المشاركات



9 / اصعب موقف مرة عليك في الملتقى ولا تقدر ان تنساه..؟



لما حدى يفهمني غلط ...



10 / لحظه مرت عليك في الملتقى ولم تنساها ألى اليوم من شدة الفرح بهـ..!

لما إقرى موضوع نادر و مميز جدا جدا





11 / اي قسم الي ترتاح فيه وتحب ان تكون فيه واي قسم الذي تبدع فيه..؟
قسم الصور برتاح فيه وبحب كون فيه خاصة النادرة ...........أما القسم الذي أبدع فيه لا على التعيين :)



12 / عضو معاك في الملتقى تريد ان تقول له شئ..(نصيحه _ عتب _ شكر _ ملاحظه)..!
أنا أكتر من مرة كنت بدي حط موضوع إشكر المنتدى على الأوقات الحلوة يلي بقضيها فيه
فهي أحلى فرصة لعبر عن حبي وإعجابي بمنتداي الغالي ^_^


13/هل تريد ان تقول شئ قبل ان تغادر..؟

بحترم الكل وبقدر مجهود كل شخص بيساعد التاني ...........



14 / ثلاث أعضــاء لن تنساهم حتى بعد مغادرتك الملتقى..!

كل الأعضاء الكلاس والمحترمين ذكراهم رح تبقى على الراس



15 / من خلال معاملتك مع المراقبين والمشرفين ..أكثر شخص قريب منك منهم من..!
الجميع محترمين وحبوبين وطيوبين وما بقصرو مع حدى الله يجزيهم الخير ويعطيهم الف عافية
16 / ومن خلال تواجدك مع اعضـاء الملتقى..أكثر عضو يعجبك أسلوبه و يهمك وجوده..!
لا على التعيين
كل الأعضاء يلي بيستحقو الإعجاب والإهتمام



17 / أقتراح تقدمه للملتقى..؟

أتمنى لكم النجاح والتوفيق الدائم