المساعد الشخصي الرقمي

مشاهدة النسخة كاملة : حابب افش لكم قهري؟



روسي
11-17-2010, 10:16 PM
السلام عليكم:
والله يا جماعة انا حبيت افش قهري لكم.واشكي لكم همي.
انا عن جد كلي استغراب واستنكار لوضع العرب وخصوصا السوريين من الذين الله عطاهم بالغربة.
ولسا طمعانين بالمزيد وتضيق احيانا بعينهم الليرة بجيبتك وهم معهم الملايين.
اشتغلنا عند 2 سوريين عندهم محل بالة والله عاطيهم وكل واحد اكتر من التاني.
اقسم بالله ما يسترجوا يعيطوا بوجه الروسي الاصلي.وبيتفششوا فيني اذا صار اي خطأ ولو تافه بالعمل.
الله لا يجعلنا من الحاسدين والله عم يطالعوا من شغلة البالة ملايين ملايين الروبلات.يعني شو المشكلة اذا تركوني اعيش متل العالم والخلق
والله والحمدلله بالنسبة للأمانة وكل شي اموري تمام .بس هيك سبحان الله محظوظ بالسوريين.والمشكلة انه بمدينتي العمل قليل فانا اسكن بمدينة شيليابينك بالاورال والوضع بيهوي.
لاحول ولا قول الا بالله
وحسبي الله على كل ظالم ونصاب وابن حرام
وشكرا لكم

En.Khaled Alfaiomi
11-17-2010, 10:25 PM
هلا فيك ياغالي

كل عام وأنت بألف خير

بخصوص الشغل كلامك سليم 100% وهيدا اللي بيصير بالدول أوروبا ودول الأتحاد السوفيتي ( أوكرانيا - روسيا - أرمينيا ...)

يوجد بعض العرب الأغنياء ( طبعا ضربوا ضربتون أيام أنهيار أتحاد السوفيتي )

للأسف شاهدتها بعيني أستغلال غير طبييعي لأبناء بلدون ( والراتب أقل من الروسي ) للأسف لا أعلم السبب ؟

ومنها ( بيع الشاورما ) ( البالة ) ( الأحذية ) ( الفواكي )

وطبعاً العرب بس بيبدعوا بهيك أمور ( وخصوصا الأكل ) مثل الشاورما :ndm:

الله يعينك ويغنيك عن كل واحد نصاب أو بياكل حرام


والله يوفقك يارب

تحياتي لك

دمعة فرح
11-17-2010, 11:32 PM
وعليكم السلام

الله يكون بعونك وياخد بإيدك :z09: والظالم إلو يوم

وماتنسى دعوة المظلوم مابينا وبين الله حجاب إلك الله انت :z09:

والله تقطع قلبي :z09:

الله كريم

روسي
11-18-2010, 09:11 AM
السيد خالد فرح والانسة دمعة فرح انا اشكركم كم كل قلبي لمواساتكم لوضعي.وأسأل الله ان تكون في ميزان حسناتكم.
الحمدلله لسا في ناس فيها خير وفيها ضمير وبتعرف الصح من الغلط.
انا الشيء المستغرب له اكتر ان سبحان الله كل القوميات الاخرى كتير بيهتموا بعض وبيساعدوا بعض.بس نحن العريبة ..الله اكبر حدث ولا حرج.
لا والمشكلة بيفتخروا انهم صاحبين صلاة وقيام وما بيغضبوا رب العالمين.طيب لما تتم معاملة عامل بدوا يعيش بالحلال وياكل رزقتو بالحلال معاملة جدا سيئة.هذا شو مو اغضاب لرب العالمين.بل هو النفاق كله.
والاكثر من هذا انه كل شوي والتاني بيقول لك احدهم يا اخي انا كل مرة بقول ما بدي شغل عريبة معي و بنسى وبشغلهم للعريبة معي وما بيجيبوا الا وجع الراس لي وبيعملوا لحالهم مونة علينا.
يالله بسيطة الله كريم,
شكرا يا اخوان مرة تانية وكل عام وانتوا بمليون خير

ريماس
11-18-2010, 01:21 PM
وانت باالف خير اخي روسي
هي الدنيا رزق بتحكمنا وهي بتحدد مصيرنا وين الاغتراااب
وظلم منتشر بكل مكان حتى الاقرب الاقربين احيانااا
يعني مابعرف شو رح يستفدوو ومابيعرفو انو رب العالمين يحاسب كل ظلام
شلون قدرانين يعيشو وياكلو بالحرام معقولة لهالدرجة ضميرن مرتاح بفعلتن
لاتنسى اخي انو نحنا زمن يخوف ونطلب من رب العباد او يحفظنا وينصرنا على كل ظالم
وحق العباد مابيضيع ابدااا عند رب العالمين وهالشي لازم نحنا نؤمن فيه .. مشان نقدر نعيش ..
الله بيكون بعونك وعونا جميعااا ويفتحها عليك والشكوى لغير الله مذلة:z09:
ولاتنسى اخي الفاضل نحنا هون بالملتقى ئيد وحدة وكلنا رح نكون جنبك ونخفف عليك والاصدقاء مابيقصرو ..واعتبر هاد بيتك التاني .

تحياتي

اختك ريماس

روسي
11-18-2010, 04:45 PM
حياك الله انسة ريماس وتسلمي ع ذوقك الحلو
الله يخليكي بصحة وعافية

عاشق الوطنية
11-18-2010, 09:05 PM
الله يكون بيعونك اخي ويرزقك





ومشكور

ومية مرحبا فيك

روسي
11-19-2010, 07:36 AM
حياك الله عاشق الوطنية
ويعيننا اجمعين

صبرين
11-21-2010, 03:20 AM
الله اكون في عونك اخي وان شاء الله افرج عليك

AHLA-DANA
11-21-2010, 03:27 AM
الله يعينك خيوووووووو ويصبرك ويفتحا عليك ويرزئك رزء الحلال
http://forum.ozkorallah.com/up/8798/1226792776.gif

روسي
11-21-2010, 10:21 AM
اهلا دانا وصابرين
شكرا من كل اعماق قلبي
هي الدنيا هيك حلوة ومرة
بس الاحلى انني تعرفت على اروع اعضاء بكل المنتديان
شكرا لكم

صبرين
11-22-2010, 04:30 AM
اهلا دانا وصابرين
شكرا من كل اعماق قلبي
هي الدنيا هيك حلوة ومرة
بس الاحلى انني تعرفت على اروع اعضاء بكل المنتديان
شكرا لكم
لاداعي لي شكر اخي هدا من واجبنا

وردة شامية
11-22-2010, 07:19 AM
بسم الله الرحمن الرحيم

والله غريب امرك يا اخ روسي
عم تحكي عن الظلم و الحقوق و عن يلي مشغلينك عندهم
و انته اصلالا منتكر لاصلك و كاتب روسي.؟\
ما علينا......

و بعدين نحنا ما سمعنا راي شركائك فيك لحتى نحكم عليك ولا عليهم
كل واحد بيشوف من منظاره وحده و ما بيشوف الطرف الاخر
فلهيك مستحيل نعطي راينا او نحكم على حدا بدون ما نسمعوا هو كمان

بيقولوا ان الله يسلط عباده على عباده منشان يشوف صبرهم او يمحي من ذنوبهم
على الحالتين انته الكسبان لو صبرت.....

و ملاحظة للجميع..........
هدول التنين السوريين ما بيمثلوا الا انفسهم فقط
يعني بلدي الشام بيضربوا فيها الكرم و الاخلاق الحميدة
و طبعا لكل بلد شواذ للقاعدة

الله يصبرك و طول بالك

وعجبي

روسي
11-22-2010, 08:31 AM
اي انا روسي من اصل سوري وين المشكلة عندك؟؟؟
جربت مرة اشتغل عند ولاد بلدي وطلعوا وحرمت؟
انت اصلا ما تغربتي لتعرفي معادن الناس بالغربة؟
واسألي أهل الغربة بالمنتدى هون او اي منتدى؟
احسن ماتعطي مواعظ وحكم اتعلمتيهم بالمدرسة والجامعة

ريماس
11-22-2010, 09:12 PM
بتمنى من الاخوة عدم المشاحنة بين بعضكن .. نحنا اخوة هون

روسي
11-22-2010, 09:21 PM
لا والله ما في مشاحنة ولا شجار
كان عندي مسألة وكتبتها وأغلب الناس تعاطفت معي
مش مشان سواد عيوني
لانهم بيعرفوا حسب خبرتهم بالحياة
ان الغربة كربة.ويا ما في قصص اصعب من قصتي بمليون مرة.
بس يجيكي واحد بعد كل شي ويقول لك أصلك وفصلك؟ وناكر ولا لسا فاكر وشو بيعرفني؟؟؟؟
انا دائما بقول حرمت اسجل بمنتدى عربي لأني بعرف مهاتراتنا نحن العرب .بس برجع وبتغابى وبسجل؟

ريماس
11-22-2010, 10:09 PM
اخي الفاضل روسي بحب اقلك شغلي الاعضاء ماتعاطفو معك لاء ..

هنن كاتبو لانن حاسين فيك وبالغربة .. لانو كلنا عايشين بالغربة ومنعرف قسوتها ..

والاخت وردة شامية كتبت من غيرتها لبلدهااا ... شافتك كتبت الاسم روسي

وهي ماكنت تقصد ..

ومهاارات العرب غير مستهان بها .. في عندنا اشياء كتيرة تميزنا عن الغرب بكتير

بتمنى انك ماتزعل ونحنا كلنااا اخوة من اصل سوريين واحد ..

شكرا لك

designer
11-22-2010, 10:41 PM
والله يا أخي هاد وين ما كان عم يصير
بعطيك مثال انا بشتغل بشركة محترمة
راتبي متواضع
بتلاقي غيري لسبب من الاسباب راتبو اضعاف والسبب ؟؟؟ ورغم هاد الشي عينو رح تطلع من محلها
أنا ذكرت المثال لبين كمان عدم تقدير أصحاب الشركات للناس والخيار والفقوس:z029:

وردة شامية
11-23-2010, 08:55 AM
بسم الله الرحمن الرحيم

ال ما بتعرفي الغربة ال
لو قريت معلوماتي لعرفت لحالك اني بالغربة مو بوطني
بعدين لشو معصب والله ما بعرف
سالت منشان اعرف لشو عم تشتغل عند ولاد بلدك
مادام الشغل مو عاجبك خلص اتركهم
و اشتغل بمحل تاني مادام معك الجنسية الروسية
لشو محمل حالك فوق طاقتك و معصب حالك

و بعدين شو منشان اخدت نفس كلمتهم؟؟؟؟؟؟؟
هنن قالوا كل ما منقول ما بدنا نشغل عرب مننسى و منشغلهم
و هي انته عم تقول نفس الكلمة
كل ما بسجل بمنتدى عربي بندم........

لا تهز بدنك ولا تعصب بعدين طول بالك و روق

انا ما برضى حدا يحكي على ولاد بلدي بهمسة مو بس بكلمة
و يلي قلته انو مو كل اصابيعك متل بعضهم
وهنن ما بيمثلوا غير حالهم و بس

و ما دمت انته كمان سوري فاكيد ما بيهون عليك بولاد بلدك


روقنا و دائما خود الامور من واجهة الخير

و عجبي

روسي
11-23-2010, 09:14 AM
اخي ديزاينر
انا من زمان سافرت وعشت بدبي 6 سنوات
وبعرف كيف اسلوب المعيشة والعمل هناك
وصدقني خذ النصيحة بتواضع من اخوك واذكرني بخير
لاتعطي سرك لأحد من المتواجدين معك بالعمل وخصوصا اذا كان ابن بلدك.
خلي الامور جدا رسمية بينك وبين رب العمل لآن الكل عم يغير نفسيته .
من لحظة استقبالك رب العمل لك.أفرض شخصيتك فورا.لانه ان كنت ضعيف الشخصية قليلا .الكل بياكلك حتى الهندي الفراش.
لاتدخل صاحب العمل بمشاكلك الشخصية من بلدك او التي تحدث معك بالغربة مهما كان السبب.

بالنسبة لي أنا لست بحاجة لأحد هنا والحمدلله.تعرفت من فترة على ناس جدد قدموا الى المدينة التي اقيم فيها,وصارت بيننا خبز وملح وانا كنت كتير مبسوط ان الله بعتلي عرب مسلمين وخصوصا سوريين.
واشتغلت معاهم ليس من باب الفقر والعوز,بل من باب ولاد البلد ونكون مبسوطين.وهم ارادوني بشدة على اساس يريدون من يمسكوا حساباتهم وهم لا يؤمنون من طرف الروسي الاصلي لعدم امانته,وخوفا أيضا من عدم افتضاح امرهم عن الارباح الفاحشة من عملهم.
ثم تفاجأت بالوحشية والهمجية وعدم الاسلوبية ولا المنطق بالتعامل مع الناس من طرفهم.ولا الاحترام للبلد الذي قدم لهم كل الفرص لعمل مشروع وكسب تلك الاموال الطائلة.
فتركتهم معاهدا نفسي الا اعمل مع عربي ابدا ,انا اعرف اهم ليسوا مقياس لغيرهم,
بس يمكن هذا حظي كلما اعمل مع عرب بيطلعوا جرب.:z026:ولو اني واحد منهم:z028:

En.Khaled Alfaiomi
11-23-2010, 12:50 PM
صباح الخير جميعاً

أختي وردة شامية أخي روسي

الموضوع مامحتاج كل ها العصبية أو المشاحنات بإمكانكم نقاشة الموضوع وخصوصاً أنه الموضوع الأول الذي يحدث نقاش بينكم فأتمنى منكم مراعاة قوانين الملتقى
لو كان الشخص غلطان أو الأخت غلطانة علينا إيصال الفكرة بشكل جميل ليتقبلها الشخص المقابل

:z025:

روسي
11-23-2010, 02:03 PM
خلص استاذ خالد حصل خير

luai
12-25-2010, 01:43 AM
نشاء الله تكون بخير
تزرع بطريقك زهور
وترجع لوطنك بألف خير وسلامة

luai
12-25-2010, 02:09 AM
ســــــــــــــ االحبيبـــــــ:z025:ــــــــــة ــــــورية

ماهرالفيزو
12-25-2010, 12:49 PM
خي روسي مع ان حابب ناديك باسمك الحقيقي

مافيني قول لك غير بعينك الله الغربة كربة ونتعلم منها الحلو والمر وتمر علينا ايام بسوادها وبياضها ان كان متغربين ببلد عربي او ببلد اجنبي ...بلنهاية غربة والي تشوفه بغربتك ممكن ماتشوفه ببلدك

نحن السوريين بشكل عام وين ماكنا عنا كرامتنا فوق كل شي نخاف من ربنا وبس ..مابدي احكيلك عن مواقف حصلتلي مع ولاد بلدي او غيرهم وانا بلد عربي وليكا سوريا كم ساعة وبوصل هناك وحر بنفسي

الفكرة خي الغالي لاتتحسس من كل شي يصير معك وخود الامور بكل شفافية وروح رياضية متل مايقولو واحمد ربك دوم

والظلم الله الي يحاسب عليه ومنياله المظلوم

تقبل كل مودتي واحترامي والله يكون بعونك وبعون كل مغترب