الحياة في الكويت

السلام عليكم.
أنا خالد من سوريا..... حصلت على وظيفة بوزارة التربية في دولة الكويت... أريد أن أعرف فقط عن مصاريف الحياة هناك ... مثلا أجرة السكن و المواصلات... الخ.

أهلا وسهلا فيك معنا أخي خالد
الحياة بلكويت للعزابي أهون من المتزوج يعني فيك تسكن مع عزابية وتتقاسمو الأجرة بكرة لما تيجي إلا ما تتعرف على مدرسين متلك إن شاء الله
أما إزا كنت متزوج الشقق بيترواح أجارها من بين 120 دينار لل 250 وأكتر وفي بعض المناطق الأجار أرخص من مناطق تانية على حسب البعد
المواصلات إلا ما تحصلك سيارة نضيفة وأسعار السيارت بلنسبة لسوريا كتير معقول والبنزين كتير رخيص هون يعني لا تهكل هم المواصلات لأن متوفرة ورخيصة والشوارع نضيفة
أما المعيشة في شقق بتدفع كهربا وفي شقق على المالك .....الأكل والمصروف الشخصي عادي يعني الحمد لله كلو متوفر وبأسعار مناسبة
الموبايلات ....الدقيقة أغلى من سورية بكتير بس يعني مقبولة
أنا بنصحك توكل على الله وتيسر لأن ماشاء الله العمل بوزارة التربية كتير منيح وللمستقبل كمان
وفيك إزا الله راد تزيد مدخولك بلدروس الخصوصية متل ما بيعملو أغلب المدرسين
وإزا عندك أي إستفسار نحن بلخدمة وإن شاء الله كون أفدتك
والسلام عليكم

الله يعطيك ألف عافية ..... عن جد شكرا كتير كتير على هالمعلومات ... ان شالله خير... الله يجزيك الخير