... كبة صاجية ...
::
::
::: السلام عليكم ورحمة الله وبركاته :::
عملتلكن كبة صاجية
وهي اكلة حلبية مابعرف اذا بتعرفوها
جربوها واكيد رح تحبوها
المقادير:
كغ برغل ناعم
نصف كغ لحمة هبرة (بدون دهنة او عروق)
مطحونة ناعمة مثل المرهم.
بصلة ملعقتين ملح ماء بارد
الطريقة:
ننقع البرغل بالماء لمدة ربع ساعة
ثم نضيف الملح والبصلة و نطحنها على ماكينة الكبة مرتين
ثم نضيف الهبرة ونمعكها جيدا مع بل اليدين بالماء
ثم نشكلها حسب نوع الكبة
ملاحظة (عجينة الكبة هذه تستخدم لجميع انواع الكبب)
الحشوة:
100غ من الصنوبر
100 غ من الجوز
كغ من اللحمة المفرومة ناعما
ملعقة ملح و ملعقة كبيرة سبع بهارات (سبعة بواحد)
ملعقة من الفليفلة الحدة
ملعقة من النعناع اليابس
ملعقة سمنة كبار
الطريقة
اولا نجهز الحشوة نحمص الصنوبر و الجوز بالسمن
ثم نضيف اللحمة وتقلب على نار عالية
... ثم نضيف الملح والبهارات ونقلب جيدا حتى تستوي اللحمة ...
... ثم نضيف الفليفلة و النعناع ونقلب ثم تبرد ...
الطريقة:
... منقلب صحن صغير و منغلفه بالبلاستك ...
... منفرد طابة من عجينة الكبة على الصحن مع بل اليدين بالماء ...
... منحط عليها الحشوة ...
... منرفع القطعة التانية من البلاستيك ...
... ومنحطلها الحشوة مع بل الايدين بالماء ومنقفلها جيدا ...
... نصفها بالصينية ...
... ومنقليها في زيت حار وعميق ...
... وهي صورتها ...
... وصحتين وهنا ...
__________________
