-
فيك تنزل بحالة وحدة يكون معك ورقة من شعبة التجنيد ... وهاي بتاخدها من السفارة ويفضل معاملاتك تخلصها من سفارة البلد اللي انت فيها ..
ويفضل ازا ما معك شي بيثبت انك انت نظامي لا تنزل على كلام بس ....
أنا لا راجعت شعبة التجنيد ولا بطيخ ... دفعت البدل وانختم على جوازي دافع البدل النقدي بدون ما يكون عندي دفتر عسكرية ولا هوية سورية ...
فبرأيي يا أخي ادفع البدل بأقرب وقت واشتري راحتك
King of Nothing
-
-
اخي الكريم هي بحالة وحدة لو متغرب انت بمصر او ليبيا او تونس او البحرين والقرار طلع قبل ماتبدأ الاحداث بسوريا
والقصد بهيك قرار انو بسبب المشاكل بهي البلدان في بعض ناس سوريين ماقدرو يوصلو للسفارة السورية عشان يطالعو السندات
وانت صرلك ست سنين مخلص برأي تدفع وترتاح لان بهيك حالة لو نزلت من الحدود رح تروح للخدمة انا بعرف اخر سند اقامة مكتوب فيه قابل لدفع البدل والمفروض خلال شهر يندفع
-
صحيح أنا اتصلت بشعبة التجنيد بسوريا وخبروني انه هالقرارات فقط لمصر وليبيا واليمن وتونس .... بس كان لازم القرار يكون واضح أكتر من هيك ... شكرا لكم