الفقر في الوطن غربه والغنى في الغربه وطن

موضوع نقلتو من صاحبها الأخ قيصر اعجبني وحبيت نناقش فيه واعرف رئيكم

بســم الله الـرحمــن الرحيــم


السلام عليكــم ورحمـة الله وبركاتــة ،،


ماحدا فينا بيكره البلد الي عاش فيه


ولا حدا فينا ممكن ينسى ايام طفولته


وذكرياتها.

الوطن غالي وغالي كتير


كنا بنعرف هالشي بس خلونا نترك المشاعر على جنب


ونحكي بواقع ونحكي بجديه


انا رح احكي عن نفسي وعن كتير من شباب بلدي


الي عايشين بالغربه وين ماكانو وباي ارض


بصراحه الي شفناه بالغربه والي تعلمناه بحياتنا مارح نشوفه ببلدنا


من كل النواحي هلا لحدا يجي يتفلسف ويئول مافي احلى من تراب بلدي


ومافي احلى من هوايات بلدي


لك خاااي اكلنا تراب وهوا لحتى شبعنا



يعني مو حرام كيلو اللحمه هلآ بسوريا وصل للــ 800 ليرة


وكيلو الفروج للــ 120


لك وين عايشين احنا على هيك اصغر عيله بسوريا بدى مصروف يومي بشكل وسطي شي 500 ليرة


هلا انا شفت تقرير بجريدة الوطن السوريه بتئول انه متوسط انفاق العائله السوريه يومياً حوالي 200 ليرة


لا سيدي هالحكي كزب ومافيه جنس الطعمه


لك ازا كل عيله في شخصين عندن موبايلات رح يكون مصروف الشهري من شحن اكتر من 200 ليرة يومياً


طبعاً رح نرجع ونحكي عن الرفاهيه ازا كانت عنجد هي هيه الرفاهيه


لك وين طاحش هالشعب مابعرف



انا بنزلتي الاخيرة ع سوريا عنجد شفت العجب العجاب


لك معئول شب يأخد من اهلو مصروف على اساس بدو يشتري ملخصات ومابعرف شو


يروح يشحن فيهن وحدات ويئلك نشالله عمرو لحدا بيرث .


لك معئول البنات صار اكبر همن الفخفخه والعلاك واخر الصرعات واليوم بدنا نروح الكفي الفلاني وبدنا نشرب كابتشينو


وموكا وشاي لاتيه


اووووف اووووف والله على زمنا ماكان هيك ولا حدا يئلي الزمن تغير مافي شي تغير


النفوس المريضه هي الي تغيرت


احنا شعب لسى مو جاهز لهي الرفاهيه احنا شعب لسى يادوب عم يلحئ مصروفه نص الشهر


نجي هلآ على الشباب هون بالغربه اول شي سدئوني المغترب الي بينزل ع سوريا وبيعمل حالو الخديوي اسماعيل



ويا ارض شتدتي ماحدا ئدي هاد بيكون ملتعن سلسفيلو هووون بيكون دوامه شي 12 ساعه يومياً


ومن السنه للسنه ليزور محل الالبسه وأكلو كلو جاهز او من شي مطعم هندي او افغاني


صحيح هون في رفاهيه اكتر من بلدنا بس كلا رفاهيه خداعا لانه هون مهما ساويت رح تلائي ناس اكبر منك وبتساوي اكتر منك بالفين مرة


بعرف اني حكيت كتير وضيعتكن بالموضوع لانه عنجد انا ضعت


لانه كنت بدي اكتب عن شي وهلا وصلت لشي تاني


عنوان الموضوع الفقر بالوطن غربه والغنى في الغربه وطن


وهي هيه زبدة الموضوع

بقى شو رئيكم ؟؟؟

هالحكي اساسي و عليه علامات

اضم صوتي الى صوتك

هلين فيك ايمن وشكرا على مرورك تحيتي لك

الفقر ليس ما يصنع الغربة بالوطن من وجهة نظري . وانما الظلم والقهر وعدم تكافئ الفرص . ازلال الناس الذين لا يملكون المال الكافي هو ما يصنع غربة الفقير في الوطن . بحيث يصبح السائح او الزائر للوطن ممن يملك المال مقدم على ابن الوطن الفقير هون يشعر الفقير بالغربة في وطنه .
سنة الله في الارض ان يكون هناك اغنياء وفقراء يا ترى هل الفقراء او من هم محدودي الدخل في اليابان او امريكا يشعرون انهم غرباء في وطنهم ؟؟؟؟؟؟!!!!!!!!!

والله كلام صحيح حال الشباب هالايام اصعب من الصعب
لذلك عم يضطر يتغرب ويستحمل
لك صارو يروحو على بلادن مشان السياحة او مشان يشوفو أهلن
يعني يظلو لفترة مؤقتة وبعدين بيرجعو ''
كتير حكينا بهالموضوع وعرفنا الأسباب والمسبب ... بس الحكي شو الحل ولأيمتى ؟؟
الجواب بدو يكون من الدولة وكبار الاعمال والمستثمرين و .... الخ
بس ماحدا عم يفكر بالتااني .. يعني اللي عايش متهني ليش ليفكر بغيرو ويوجع راسو!!؟
الله المستعان والله مشكلة بتقرف!!*

تسلم الايادى على المجهوووووووووووووووووووووووووود الرائع
بوركت جهووووووووووووووووووووووووووووودك