سألني احد الاشقاء العرب لماذا لم يظهر المندسين ويطلق القناصة النار على المظاهرات المؤيدة للنظام ؟
بماذا اجيبه رعاكم الله ساعدوني؟
عرض للطباعة
سألني احد الاشقاء العرب لماذا لم يظهر المندسين ويطلق القناصة النار على المظاهرات المؤيدة للنظام ؟
بماذا اجيبه رعاكم الله ساعدوني؟
:baaa2:
King of Nothing
اخي العزيز
هذا السؤال الطفل يجيب عليه ولا يحتاج اي عناء
هذه رسالة
واضحة من النظام
اننا سنسحق كل من يتفوه بكلمة
مطالبة حرية محاسبة مراقبة فساد.
حتى سكوتك ممنوع
كما حصل في مدينة السويداء
ناس صامته وشموع
اطفؤوا شموعهم بهراواتهم وطابورهم الخامس والمطافي و شتتوا شمل الجموع الغفيرة
كانوا مشغوليين بمناطق أخرى
صفنت كتيييييييييييير
ولم أجد جوابا
لا ينفع الآن إلا الدعاء
مشكور اخي عالطرح
اخ احمد
عندما تستهدف المظاهرات المنددة فبشكل اتوماتيكي سوف يقوم بعض الجهلة والقنوات المجيشة ضد سورية باتهام الامن السوري وهذه هي اللعبة التي يقومون بها (استهداف المظاهرات المطالبة بالحرية وقتل بعض المتظاهرين لتكون تهمة جاهزة لأجهزة الأمن السورية والنظام السوري)
كما كانت لعبتهم وتوقيتهم لاغتيال المرحوم رفيق الحريري واستغلوا فترة التوتر بينه وبين النظام السوري وقاموا باغتياله حتى تكون سورية هي المتهم الاول بهذه الجريمة ونعود إلى موضوع المظاهرات الحالية ....
و إليهم أقول كيف تريد القناصين أن يقنصو المؤيدين فمن سيتهم بقتلهم ؟؟؟؟؟؟؟(الأمن أو الشرطة)؟؟؟
والى من يشكك بقتلى رجال الأمن ماذا تقولون
لشخص رئى لجارته الذي قتل أبنها وهو من عناصر الأمن هل هو كذب وإفتراء؟؟
وايضا هذا الشخصرئى قريبه في المستشفى مصاب بطلق ناري وهو عنصر امن
رحمة الله عليهم وعلى كل من سقط شهيدا من درعا الى اللاذقية وحمص وغيرها
أما للأخوة الذين لا يقبلو من أحد أن يعلق غير الذي يرغبو بسماعه ويتهموه بأنه من المخابرات أو من أبواق السلطة وووووالخ
نحن هنا لا نتكلم من مع السلطة أو ضدها
نحن نريد فعلا تحديد موضوع مهم
هل أنتم مقتنعين أنه لم يكن هناك مندسين ولا تجييش غيرو المظاهرات ومسارها؟؟
هل انتم مقتنعين بفيديوهات الملعوب بها ووضوح أماكن اللعب بها
نتمنى ان نناقش ماهو لنا وماهو علينا ولا نتحجر ونتقوقع في دائرة معينة ولا نسمع وجهة النظر الأخرى لكي لا نضيع ونضيع بلدنا معنا
هناك مظاهرات وهناك مخربين ومندسين شوهو صورة هذه المظاهرات شئنا أم أبينا
بما أنو الدولة أعلنت القيام بإصلاحات ولايزال البعض يتظاهرون وخاصة بعض صلاة الجمعة فاللعبة أصبحت مكشوفة
فهناك بعض الأصوليين والتكفيريين المندسين من الخارج والداخل يستغلون صلاة الجمعة لإشعال نار الفتنة وهؤلاء الظلاميين لا يريدون إصلاحات بل يريدون تخريب البلد
نحنا شو طلبنا
طلبنا الاصلاح والتغيرات وليس تخريب البلد
أختي العزيزة ريماس
بعد التحية
لدي بعض الاستفسارات منك أو من أي عضو في المنتدى
بشأن الوضع في سوريا في الفترة الحالية
لماذا الحكومة السورية تمنع وسائل الاعلام من تغطية الأحداث في سوريا
لماذا يتم مصادرة الموبايلات من المتظاهرين
لماذا تقوم قوى الأمن باطلاق الرصاص الحي على المتظاهرين رغم وجود أمر من سيادة الرئيس بعدم اطلاق النار
لماذا يظهر المندسين فقط في المظاهرات المطالبة بالحرية
لماذا أجهزة الأمن تقوم بحماية القناصة ولا تتعرض لهم أبدا
لماذا منع أهالي اللاذقية في بداية المظاهرات من التبرع بالدم
لماذا رأينا جواب محافظ اللاذقية بعد أن التقى المتظاهرين في حي الصليبة بهذه السخرية و الكل يعلم أنهم كانو يريدون الحرية وليس اعطاء نادي حطين بطولة الدوري السوري
لماذا تأتي عناصر مدنية تحت حماية رجال الأمن و يعتلون الأسطح ومعهم أسلحة
لماذا
لماذا
لماذا
هل بامكان أحد ما أن يجيبني
تحياتي للجميع
كيف تريدني ان اجيب والا الان لم تجب على ردي ؟؟
الامن ايضا قتلو والكثير منهم قتلو !!!
مالذي يؤكد صحة كلامك ؟؟
الحقيقة ضايعة ومستحيل تظهر إلا باارداة الله
والاقوايل رح تكون بين ضد ومع
الشعب هل تريد الاصلاح ام تريد التخريب ؟؟
ماهو هدف الشعب
سؤال
هل تريدون اراقة الدماء اكثر من ذلك الشعب عم يقتل منظر محزن قلوبنا تتالم
لااستطيع ان اتحمل رؤية ضحايا عم يزيد ...
من الذي يستطيع اقافة اراقة الدماء
من ؟؟
اتوقع الشعب هي التي تستطيع ان توقف
العراق ماذا حل بها الان ؟؟؟ذهب صدام مالذي تغير بالعراق ؟؟
اخ احمد جميعنا لدينا اسئلة كثيرة ولن نجد الاجابة عليها
الله يرحمكم ياشهداء سوريا وياشهداء تونس وياشهداء مصر وياشهداء ليبيا
تحيتي
أخت ريماس جوابي لكي كان من خلال أسئلتي وبامكانك رؤيته في جميع الأسئلة ولكن هل تجدي جوابا لأسئلتي غير أن هؤلاء المندسين والمخربين هم من الأمن وأنصار النظام
نحن لانريد لبلدنا غير الأمن والاستقرار ولكن ليس على حساب حريتنا وكرامتنا
كل ما طالب به المتظاهرون هو الحرية
وهذا حقهم في الشرع والدستور والقوانين الدولية
أما بالنسبة للقتلى والمصابين من قوى الأمن فالسبب يعود الى أن قسما من رجال الأمن كان باللباس المدني فلم يستطع المندسون تمييزهم عن المتظاهرين
وقد رأينا في التلفزيون السوري لقاءات مع المصابين من الأمن في المستشفيات في نفس اليوم الذي أصيبو به وهم بلباس مدني
تحيتي لك
انا معاك ومع رايك اخ رامى
اقتباس:
المشاركة الأصلية كتبت بواسطة Ahmadgsr
.................................................. .....................................
من يسكن سوريا يعرف
هناك قوات خاصة تستهدف المدنيين هذه القوات موجهة من قبل قوات الامن لكي لا يقال ان الشرطة هي التي تقتل المدنيين واسالوا من كان على ارض الواقع يعرف تماما ما يحدث كان المسلحون يطلقون النار على المتظاهرين اما انظار الشرطة والجيش في منطقة حي القصور في اللاذقية ولم تطاردهم القوات الشرطة ولا الجيش اما الجهات المندسة فانكشف امرها والجميع الان يعرف انهم لم يكونوا الا قوات خاصة وان القناصون هم نفسهم المسلحين
فهم نفسهم انطلقوا من درعا الى اللاذقية __(مع الحصار الشديد لدرعا)
ثم انتقلوا من اللاذقية الى حمص ودوما (مع الحصار الشديد لللاذقية واغلاق المحافظة تماما .
يا ريماس كل من بسوريا يعرف الحقيقة وليست ضائعة ولكن على ما يبدو انك تتكلمين من الخارج ومن غير علم
تحياتي للجميع
ارجو ان اكون قد ساعدتك على الاجابة
ردخاص لريماس
اقتباس:
عندما تستهدف المظاهرات المنددة فبشكل اتوماتيكي سوف يقوم بعض الجهلة والقنوات المجيشة ضد سورية باتهام الامن السوري وهذه هي اللعبة التي يقومون بها (استهداف المظاهرات المطالبة بالحرية وقتل بعض المتظاهرين لتكون تهمة جاهزة لأجهزة الأمن السورية والنظام السوري)
كما كانت لعبتهم وتوقيتهم لاغتيال المرحوم رفيق الحريري واستغلوا فترة التوتر بينه وبين النظام السوري وقاموا باغتياله حتى تكون سورية هي المتهم الاول بهذه الجريمة ونعود إلى موضوع المظاهرات الحالية ....
و إليهم أقول كيف تريد القناصين أن يقنصو المؤيدين فمن سيتهم بقتلهم ؟؟؟؟؟؟؟(الأمن أو الشرطة
اليس الافضل للنظام ان لا يعرض مؤيديه للخطر من قبل المسلحين على حد زعمهم لان الحكومة بديهيا وبطبيعة الحال لا تدري ان كان انصارها سوف يستهدفون ام لا من قبل الارهابيين والجهات الاجنبية الا اذا كان هناك تعاون وتنسيق وضمانات
انت قلت كل سوريا تعرف الحقيقة اذا بتعرف ليش ماتحكي وتظهر
انا بحثت وسئلت اصدقاء واقارب كتيرين عايشين بسوريا
اكدولي انها فتنة وقالو عكس يلي قلتوه ليه
اغلب المنتديات والصفحات نت تقول فتنة مشان يخربو البلد
انا بتكلم بالخارج بس الي اقارب ومعارف وبقرا كتير عالنت وعم اشوف النسب واستنتج
ليش اكبر نسبة مؤيدة لبشار وراغبة الاصلاح ؟؟؟
حتى السوريين المغتربين نسبة كبيرة مؤيدة للبشار
الشعب عم بطالب اصلاح والتغير وليس تخريب البلد
وانتو شايفين بيحاولو شتى الطرق لتخريب البلد
انتو رايدين الاصلاح ولاتخريب :z026:
انت دكتور واحمد مغتربين ولا مقيمين بسوريا ؟؟
أول شي ريماس أنا مغترب
تاني شي أنا ما بريد ابدا تخريب البلد
تالت شي ما أتوقع ان أحد من المتظاهرين ذكر موضوع الفتنة
كلنا النا أهل وأصدقاء بسوريا وهم اللي بخبرونا
بالاضافة الى وكالات الاعلام ومقاطع الفيديو
اذا لاحظتي متل ما كل الناس لاحظو ان لا أحد من المتظاهرين رفع شعار الفتنة
أو أي شي له علاقة بالطوائف
لكن الذي حصل أن النظام هوة الذي يريد الفتنة
بداية من بثينا شعبان وحتى سيادة الرئيس
لم يخلو خطابهم من الكلام عن الفتنة
وكأنهم يريدون أن يشعلوها
أو أنها هي التي ستساعد وتبرر بقاء النظام على ما هو
للأسف ريماس
الحكومة وأتباعها هية التي تريد اشعال الفتنة في سوريا
في بداية المظاهرات في اللاذقية
كانت هناك سيارات تسير في الشوارع وتطلق النار على المتظاهرين
ثم تذهب الى أحياء أخرى وتطلق النار في الهواء
طبعا كلنا نعرف من هم
ولمن يتبعون
والمنطقتين اللتين يتم اطلاق النار فيهما هم لطائفتين مختلفتين
الغاية من ذلك ان كنتي لم تفهمي كلامي جيدا هي أن يظن سكان كل حارة أن الطائفة الأخرى هي التي تطلق النار
والحمد لله شعبنا طلع أوعى منهم وكشف المؤامرة الدنيئة وتم التعميم بين أهالي اللاذقية عن أنواع السيارات وأرقام لوحاتها
أتمنى منك أو أي شخص آخر أن يذكر لي شعارا واحدا في المظاهرات يدعو الى الفتنة
ولو كانت كما قلتي أنها مؤامرة خارجية تدعو الى الفتنة لكان أسهل لهذه الأطراف استخدام وسيلة أخرى لاشعالها
ولكن يؤسفني أن أقول لكي ان من مصلحة الحكومة اشعال الفتنة وهي التي تحاول اشعالها
والحمد لله الشعب السوري بجميع طوائفه واعٍ ويقظ لمثل هكذا أمور
ولن ينخدع بهذه السهولة
تحيتي لكِ
صحيح اني لست سورية لكنني كعربية اتابع كل ما يحدث على الساحة ...سوربة كما هي بلدكم فهي بلدي ايضا
اقول لاحمد انه الجواب موجود ضمنيا في سؤالك ولا يستدعي كل هذه الجلبة هذه هي طبيعة الانظمة الانظمة العربية كل حاكم عربي شعاره انا وبعدي الطوفان وفي سبيل ذلك سيعتمد كل الاساليب المشروعة والغير مشروعة والامثلة هنا كثيرة قد لا تتسع الصفحة لذكرها لكن الكل يعلمها
واقول لريماس اني اتوافق معاها في بعض النقاط.... لماذا سكتنا؟ سكتنا دهرا واتمنى ان لا نكون قد نطقنا كفرا...هل تغيير الرئيس سياتي بالجديد؟لا اعتقد ذلك..الظلم والتسلط والفساد استاصل في انظمتنا بل وحتى في شعوبنا.....
حرام يلي عم يصير بليبيا حرام يلي عم يصير بعالمنا العربي فتحنا الباب لاعدائنا طول عمرهم بيحلموا بها اللحظة خليهم يسرحوا ويمرحوا ويتفرجوا علينا ونحنا بنقتل فبعض ....اليس رجال الامن اخواننا اليس المعارضين اخواننا البس المؤيديم اخواننا؟؟؟؟؟؟
انا عن نفسي لو خيرت بين الفقر والامن لاخترت الامن...
شكلك يا نور ما متابعة الأخبار أبدا
من الذي يطالب بالمال
من الذين يطالب بالطعام
الشعب في سوريا يطالب بالحرية ليس أكثر
لو أن المتظاهرين كانو يطالبون بتحسين الأوضاع المعيشية لسكتو بعد صدور المرسوم الخاص بزيادة رواتب العاملين والمتقاعدين بالدولة
ولكن مطلبهم الحرية فقط
من منا يرضى أن يعيش ذليلا
من منا يرضى أن يعيش تحت وطأة الظلم والاستعباد
نصيحتي نور قبل ما تردي اعرفي الوضع منيح
تحيتي لكِ
..................................................اقتباس:
المشاركة الأصلية كتبت بواسطة Ahmadgsr
ليش عيب الانسان يطالب بالمال والطعام؟؟؟اذا انت وانا شبعانين في الالاف بوطنا العربي مو لاقيين ياكلوا ولا تنسى انه اخر مظاهرات في الجزائر كان سببها السكر والزيت
بس انا وقت قلت فقر عنيت اشيا كتيرة ومنها الحرية اللي بتحكي انت عنها.
وانا اتحدى اي شخص يقول انه الحياة رح تصير احسن بعد زوال الانظمة الحالية واتمنى ان تثبت لنا الايام القادمة العكس.
شكرا لك نور
لكن هل سألتي نفسك لماذا الحكام العرب لا يعطون حرية لشعبهم
ما المانع من الحرية مع استمرار النظام
من الذي طالب بازالة النظام في بداية الثورات
ان الذي يحصل انه عندما يطالب الشعب بالحرية ويجابه بالعنف والقتل والاعتقال
يفهم الناس أن الحرية لن تُنال مع هكذا أنظمة
وأن حريته لن ينالها الا بعد زوال الحاكم وأعوانه
في سوريا متى طالبو باسقاط النظام؟
كانت مطالبهم الحرية فقط
ولكن النظام هو الذي دفعم الى تغيير مطالبهم
احمد هل تعتقد اننا ضد الثورة؟هل تعتقد اننا نرفض الحرية؟
السلام عليكم
من متابعتي للتعليقات وجدت انها واعية من الطرفين
رغم وجود نقاط متفق عليها
اسمحوا لي من تجربتي بعثي سابق وسجين يحمل عاهة في اذنه من اقبية الامن السياسي مجرد الاشتباه
وبعد
لماذا سكتنا دهرا
ياستي لما استلم الاسد السلطة بطريق الانقلاب حاول الاحرار اعادة الامور الى الطريق الصحيح لكن جوبهوا بعنف شديد وللهروب الى الامام وجد بحرب تشرين محصن للكرسي ومشغل الشعب بالزود عن الوطن بالغالي والرخيص
والجميع وقف معه
رغم معرفة الوضع المزري على صعيد الحرية والديمقراطية
والاعتقالات التعسفية
لتاتي حركة الاخوان
في الثمانينات رغم انني ضدها الا ان الاسد لم يوفر قذيفة ولا صاروخ ولا طلقة بحق حماه تدمير شامل من خلال خلق جهاز امني صارم مهمته تغييب كل من يفكر تفكير بالحرية
وكذلك وقف اغلب الشعب مع الرئاسة ليس لانه ديمقراطي ولكن حرصا على سلامة البلد خاصة بعد معرفة ممول الاخوان
صدام حسين
وبريطانيا
طبعا عن طريق الملك حسين
بين التمسك في الوحدة والخوف من بطش النظام ليس على الرجال وانما العائلة باكملها تدفع الضريبة
فذاد الصمت والخوف
وبنفس الوقت يقوم النظام بخلق انظمة جديدة حتى بتنى لا نحصي لها عددا
هدفها تركيع الشعب الى الابد
ولكي تبقى خاضعة وساكنة
لا بد من شعارات قومية و وطنية
افلح النظام بترويجها على مدار 40 سنة
ومن غير الانصاف
ان تقولوا لم يوجد من يقول كفى
كثيرين
ولكن خيروا بين السجن او المنفى
ولا اخفيك ان الثورات العربية بعثت الروح في الشعب السوري الخائف
فوقف الشعب بين خائف من مصير ليبيا
وبين من حمل روحه على كفه ولاتهمه نيران النظام لانه وضع الحرية بين عينيه ولا سبيل الى التراجع
الشق الثاني
القتلى حتى من العناصر الامنية
اقول اول شهيد من القوى الامنية قتله قائده لانه رفض اقتحام المسجد
وكونك اخت ريماس لم تتابعي الاخبار جيدا
لانه في البداية
الاسبوعين الاولين
لم تشهد الساحة اطلاق نار على قوى الامن فراح النقاد و المعلقين و المتابعين
يتكلموا عن السر
( الشبيحة او المندثين )
لاتقتل الا الشعب المنتفض ويوم المسيرات المؤيدة لا احد يتعرض لضربة كف
وكتبت انا شخصيا
في عدة مواقع ،
انه من الاجدى و الاولى ان ترافق المسيرات اعمال التخريب وخلق بلبلة بين المؤيدين للنظام لا العكس
فهذا دليل راسخ على ان الشبيحة هم نفسهم من اجهزة الامن المختلفة
و من العائلة المالكة خصيصا
مثل
نمير الاسد و اتباعه
و شاليش ابن عمة الرئيس ،
واعتقد انهم انتبهوا لما كتبت وكتبه النقاد فراحوا شبيحة النظام المندثة
يقتلوا من الشعب و من العناصر الامنية على السواء
لكن بعد فوات الاوان وبعد ان عرفهم الشعب
ونقول
لابد من ثمن للحرية
لم يزكر التاريخ ان قوم اخذوا حريتهم بالمراسلة و الترجي و خير دليل الثورات العربية على مدى التاريخ
ففي الجزائر لوحدها مليون شهيد
الا تستحق الحرية والكرامة بزل الغالي و الثمين
و للحرية الحمراء باب بكل يد مضرجة يدق
ياعزيزي الكريم
الهدف من المندسين والمخربين هو تشويه قوات الامن واظهار النظام بصورة دموية واشعال المحتجين عن طريق اراقة الدماء ولهذا لم يظهر المندسين بمسيرات التأييد لانهم لو ظهروا كانو أكدو وجهة نظر الدولة بوجودهم
ومن ناحية ثانية المسيرات المؤيدة معروفة التوقيت والاهداف ومعروفة الجهات يلي دعت لها ومعروفة الاماكن وبيقع على الامن مسؤلية حمايتها
وانا بعتقد انو لو يعلن على المظاهرات المعارضة جهات معلومة واماكن معلومة واهداف معلومة متل مظاهرات ساحة التحرير بمصر او مظاهرات لندن بالاسبوع الماضي كان من واجب الامن حماية المظاهرات والتفريق بين المتظاهرين من جهة والمخربين من جهة اخرى وهي النقاط المجهولة يلي عم تمنعني من الخروج مع المظاهرات المطالبة بالاصلاح مع اني من المطالبين بالاصلاح والحرية فلو علمت الجهات الداعية للمظاهرات واماكنها ومعنى الحرية المطلوبة لكان الوضع مختلف .
يا عزيزي الكريم ارجو الاجابة عن سؤال صديقك بكل وطنية وبعقلانية وتعريف صديقك بوضع سوريا واختلافها عن باقي الدول العربية ببعض الخصوصية من ناحية اللحمة الوطنية والوعي السياسي لشعبها وبعد نظرهم بعيد عن الاحقاد
وتغليب مصلحة البلد على كل شي تاني
واكيد انو اراقة الدم مو لمصلحة النظام ابدا لان كل ما نزلت نقطة دم عم تزيد المظاهرات وهاد يلي المندسين عم تسعى له
والاصلاح قادم لامحالة وبسرعة وليس باختيار النظام حتى ابطاءه وما علينا سوى قليل من الصبر
ياجماعة انا اسف لاني كتبت رأي بالموضوع قبل قراءة التعليقات
وانا هلأ بعد ما قرأت التعليقات صار عندي قناعة انو في اكتر من تعريف للاصلاح والحرية
ففي رأي مع الاصلاح بمعناه الحقيقي وهو يعني تغير عدة امور لتلبية مطالب الناس يعني تطوير الوضع القائم للاحسن
وفي رأي بفسر الاصلاح انو هدم كل شيء والتعمير من جديد
وفي رأي انو الاصلاح هو الانتقام من الذين أخطأوا بالماضي بغض النظر عن شو ممكن يحصل بالبلد المهم الانتقام
وفي رأي انو الاصلاح يعني الرأي يلي مقتنع فيه وبس وغيري هو مومع الاصلاح
وفي وفي وفي......الخ
وانا بتمنى من كل صاحب رأي ان يسمي رأيه بصراحة فلا يكون مطلبه بالاصلاح مدخلا للانتقام ولا يكون مطلبه بالاصلاح مدخلا لتغير النظام ولا يكون مطلبه بالاصلاح مدخلا لتخريب البلد
وانا مطلبي للاصلاح هو مدخل لتغيير سلوك النظام بما يتناسب ويتماشى مع مصلحة البلد والشعب ككل وليس كمصالح افراد مما يشمله هذا التغيير من تعديل قوانين وتحديث اجراءات
وانفتاح على الجميع ومحاربة للفساد الذي لايمكن ان يتم الا بمساعدة الشعب واهم شيء هو نزاهة القضاء ليضمن كل حقه وليقدم كل مظلمته وهو مطمأن على حقه واقتناعه بعدالة الحكم الذي سيصدرمن القضاء العادل النزيه
ولتوضيح الفكرة ارجو من الجميع التخيل ولو لدقيقة ماذا بعد لو ذهب النظام ماذا بعد هل ستحل جميع المشاكل لكل الناس وكم من الوقت نحتاج لاعادة الامور للوضع الحالي للبدء بالاصلاح
والله الافكار كتيرة وما بحسن عبر عنها الله يهدي الجميع لما فيه خير البلد
مني أنا شخصياً رئيس عصابة المندسين ... أنا بأول أسبوع من المظاهرات كنت بدرعا ( شاهد عيان لا يقبله النظام السوري ) فلا حدا يحكي ويقص عكيفو وبيتي بدرعا جنب التجمعات الأمنية اللي بتنطلق للضرب عالمواطنيين العزل بمنطقة السحاري وكانوا يتجمعوا بالحزب وجنب بيت عاطف نجيب و مرات بالنقابات ... انا شفت عاطف نجيب رئيس فرع الأمن السياسي يوم راحو 8 من كبار درعا وتقدموا بخمس طلبات لعاطف نجيب و أهمها إنو يطلعوا الأطفال بعمر 14 سنة وجاوب بالحرف الواحد : ( الأطفال ما رح ترجع قولوا لزلم درعا يجيبوا غيرهم وإذا ما بيقدروا خليهم يبعثولي نسوانهم ) وعاطف نجيب هو ابن خال أو خالة الرئيس فلا حدا يتفلسف رجاءً انقتلوا 4 من أصدقائي أمام عيوني واللي كان يقتلون بعد كل واحد يسقط ينادوا كلون ( بالروح بالدم نفديك يا بشار )
والمظاهرات اللي بلشت بدرعا أقسم بالله ما زادت عن 200 شخص وكلون من منطقة درعا البلد وبيوتهم حوالي الجامع العمري وبالفيديو لافي مندس ومافي حدا بيمولهم وماااااافي كل هالقصص كلهم ناس من أهل درعا ومنعرفهم ولا استجابوا لدعوات عالفيس بوك وأساساً الفيس بوك من شهرين انفتح بسوريا يعني لسا ما لحقوا يعملوا حسابات ... واللي بيقول مندسين ومدري شو يعني فعلاً والله حلنا فهم ونستوعب لا تحجموا عقولكون مشان الله
يا جماعة ابن عمتي ممرض بالمشفى فات واحد من الأمن ولقاه عم يسعف المرضى قتلو وطلع وعمتي لحد الآن ما بتعرف وقالولها إنو سافر عالسعودية يعني واحد منكم راحلو حدا لحتى يحس ؟؟ رفيقي لاذقاتي تخانقنا انا وياه
أنا قلو ورب العزة شفت بعيوني وهو يقلي هي مؤامرة لحتى شاف الشبيحة بعينو اتصل وقلي أقسم بالله اللي بسمعو عم يقول مندس لأضربو ... بعدين مشان ما نبعد يعني نحنا مانا بالمريخ بتونس قالوا مندسين وشفنا كيف سقط بن علي و بالتحقيقات طلع مافي شي ... وبمصر قالوا أجانب لأ وسويسريين وبعدين بالتحقيقات طلعوا بلطجية وباليمن نفس الشي وبليبيا القذافي بيقول امريكان ؟؟؟؟؟ والمهندس المليونير المصري حبسوه وغصبوه وبعد يومين طلع وعمل مقابلة عقناة أمريكية وحكا كلشي وموجودة عاليوتيوب وقال إنو النظام أجبرني إحكي هيك ... مبارح تهربت أوراق من المخابرات و عليها ختم وتوقيع يعني مو مزورة وعقنوات الأخبار ماحدا من أبواق النظام قدر يقول هي كزب
واليوم طلع مرسوم إنو الجمعة والسبت دوام بشكل متناوب يعني 24 ساعة ... وآخر شي بيطلع مدير عام من هالمنتدى الكريم وبيقلك هي مؤامرة ؟؟؟؟ بس تغير النظام بمصر وصار في ناس بالإدارات فهمانة صارت مصر تطور .. ومنتدياتنا العربية بهيك مدراء مع إحترامي إلهون بس صعب تطور ... تقبلوا مروري وشكراً
أخي الكريم ملامح جرح
أنا من جهتي عارف الحقيقة منيح وطبعا صار بسوريا أفظع من هيك
الله يتقبل شهداءكم ويرحمهم يارب
والنصر ان شاء الله للشعب السوري البطل
تحياتي لك ولك أهالي درعا وبانياس و اللاذقية وجميع الأحرار في سوريا
الله يرحم كل شهداء درعا
وانا متأكد انك اذا كنت شاهد عيان فأكيد انت مو متل شهود عيان الفضائيات لانك شاهد عيان حقيقي عزاءنا لك ولاهلنا بدرعا
وعاطف نجيب بالسجن وفيصل كلتوم بالسجن وان شاء الله بكون نتائج حسابهم ترضيكم وترضي الشعب السوري كله
بس في سؤال توضيحي لو سمحت (ومو قصدي كذبك بس لتوضيح الصورة ) كيف شفت عاطف نجيب ؟؟ هل انت من 8 الكبار بدرعا
وكيف سمعتوا بالحرف الواحد هيك عم يقول ؟؟؟ والله مو قصدي كذبك لاسمح الله بس لنعرف شو صار وانا متأكد ان عاطف نجيب السبب مع المحافظ بكل شي صار بدرعا
ومن ناحية ثانية انا متأكد انو اهل درعا بما نعرف عنهم من حمية وشهامة وإباء بس يشوفوا اصدقائهم عم ينقتلو بدم بارد وبطريقة استفزازية
كل واحد منهم عنده سلاح او مسدس او بارودة صيد اكيد لح يجيبها ويحاول الدفاع عن نفسه وعن اصدقائه واهله وهاد طبيعي كرد فعل
وهاد رد الفعل من قبل يلي عنده سلاح هاد يلي خلق مسلحين ويلي الدولة سمتهم مخربين ومع انهم عم يدافعوا عن نفسهم
وبس يصير هاد الوضع بكون الفرصة الذهبية للمخربين عن جد ليكبروا القصة بين الشعب المظلوم وقوات الامن
وبيحاولوا قدر المستطاع انهم يقتلوا من الطرفين وما يخلوا مجال للصلحة وهاد بصير وين ماكان وهاد يلي بخلي الفتنة تكبر .
بس لو فكرنا بعقل لمصلحة مين عم تكبر . فأكيد انه لا لمصلحة الناس يلي وقع عليهم الظلم ولا لمصلحة الدولة فمن المستفيد ؟؟؟
والله قلوبنا مع اهلنا بدرعا وعم ندعيلهم الله يرفع عنهم البلاء ويلهمهم الصبر
وكمان قلوبنا على بلدنا على سوريا كلها يلي بدنا ياها تكون احسن بلد واحلى بلد
ومرة ثانية الله يرحم كل شهداء البلد ويحقن دماء كل سوري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــاقتباس:
المشاركة الأصلية كتبت بواسطة saherrr
أخي أشكرك عالرد الرائع ... واللي فعلاً بيستاهل الواحد يناقش فيه ... بالنسبة لعاطف نجيب فهالقصة من قبل أول مظاهرة بشي أسبوع راحوا لعندو 8 وبس طلعوا انتشرت إشاعات إنو قال هيك وما صدقنا إلا بخطبة الجمعة
الشيخ اللي راح قال يا جماعة نحنا ما بدنا مظاهرات وما بدنا تخريب و ما بدنا قتل وفتنة بس عاطف لازم نصر عالحكومة لتشيلو لأنو قال هيك هيك هيك ... وأخي لعلمك .. في بدرعا مخزن أسلحة أقسم بالله بيسلح جيش
بس كبارية درعا المسؤولين عنو لحد الآن مو رضيانيين تطلع قطعة سلاح وحدة ... أخي أنا إذا بفرجيك تصميماتي للرئيس بشار والله ما بتصدق إني عم قول هالحكي .. لأني كنت أكبر مؤيد .. فلا تسمع كلامي كمعارض ولا كدرعاوي .. سمعني كشاهد بدي إتحاسب عاللي شفتو .. في كتيبة جيش عطت الأمان لشباب درعا وبس قربوا رشتهم رش وماتوا بشر خيرات الله خلال دقيقتين ... وفي 12 واحد من شباب درعا انحبسوا من أهل درعا
لأنو شافوا معهم سلاح ... وواحد منهم أخوه انقتل قدام عينو وما خلوه يسعفو ... شال السلاح بالسر بس يوم شافوه أهل درعا حبسوه بغرفة ومو مخلينو يتحرك .. عم يحاولوا يفرجوا النظام إنو نحنا سلميين وما معنا شي
بس النظام مستغل هالشي .. وصدقني أقسم برب العزة إنو إذا شباب درعا بيتسلحوا وبيهجموا والله خلال يوم لتطلع درعا من سيطرة الحكومة السورية ... وأول مسيرة طلعت تأييد للرئيس بدرعا أنا كنت شايفها وكان
رئيسها شب طلعوه من السجن ونحنا منعرفوا إنو عليه قضية مخدرات والباقيين كانوا من حلب وناس مو من درعا .. الدرعاوية مابيطلعوا يحتفلوا وعنا ناس ميتيين أخي ... وعفكرة المقطع اللي تصور هادا أنا ما كنت عليه بسوريا بس قلي رفيقي والله هنن عم يصوروا ونحنا واقفين عالبرندات عم نتفرج عفريق التلفزيون السوري والملثمين اللي صورهم يعني عينك عينك عم يصوروا قدام البشر ... وعفكرة الشيخ من بيت الخليلي و الخطبة الثانية في الجمعة اللي بعدها مصورة وعاليوتيوب و كمان بيرد بيقول عن عاطف نجيب شو عمل معو ... ونقطة أخيرة .. عناصر الأمن اللي انقتلوا .. انقتلوا بحارتنا ومنون وفيون ... فاتوا عالمقر تبعون وبعدين شباب الحارة سمعوا رش رصاص جوا المقر وبعد شوي فاتوا الضباط وردوا كمان سمعوا إطلاق رصاص وصراخ ... وانعرف من بعض الضباط إنو واحد من الأمن خلا الشباب صحابوا يحطوا الأسلحة ليغيروا ملابسون وشال سلاحو وغدر فيهون . بس قتل 15 وليس 19 لأنو اللي ماتوا بدرعا 19 واحد من الأمن . أخي الحجرة ما بتقتل عسكري معو واقية ضد الرصاص ولابس خوذة ... وتقبل مروري
وانا بدوري بشكرك على طول بالك عليي
وانا واحد من الناس كتير انزعجت من الالعاب النارية يلي طلعت بدرعا والشهداء ما نشف ترابها
وعن حبس الاهالي للشاب هاد مو غريب عن حكماء اهل درعا
وبالنسبة للفيلم تبع الملثمين انا صرت اضحك متلك بس هاد ما بيمنع انو في مين عم يستغل الناس والامن للفتنة
ولاحظ انو انا ما عم قول انو الامن ملائكة.....
وبغض النظر انو في ناس عم تستغل للفتنة او مافي .بدي اسألك سؤال لو سمحت
وبعدين ؟؟ يعني شو الحل برأيك ؟
وعلى فكرة هلأ سمعت على العربية انو الرئيس اجتمع مع وجهاء درعا لمدة 3 ساعات ونصف
وقال المراسل انه تكلم مع احمد علي المحاميد احد الوجهاء
واخبره انه تكلم مع الرئيس بكل صراحة وقال للرئيس انه يظن ان بعض الناس من الامن لا يريدون الاستقرار بأفعال بعضهم الاستفزازية
وتكلم مع الرئيس عن الذين حطموا تمثال الرئيس حافظ ومزقوا الصور فقال له الرئيس هؤلاء ابنائي واخواني وانا مسامحهم وما عندي مشكلة عنهم
قصدي انه منشوف قرارات الرئيس منحس انو الدولة بدها التهدئة وبدها حلول ترضي الناس
وانا برجع بسألك شو الحل برأيك ؟ مع شكري الجزيل الك
ملاحظة : انا عندي اكتر من 30 صديق بدرعا وريفها وعشت معهم احلى ايامي بخدمة العلم وبعرف طيبة قلبهم وهاد مو مجاملة
والله العظيم حضرت اخر يوم عرس لصديقي بقرية علما بدرعا قام حلف يمين انو نام عنده مع انه ليلة عرسه واصر ابوه واخوته عليي اكتر من صديقي نفسه
الله يحمي البلد واهلها
شكرا أخي ساهر
بالنسبة لسؤالك الطفل الصغير ممكن يجاوب عليه
اتمنى انك ما تكون اقتنعت بالكلام اللي صار
كلنا نعرف الحقيقة
موقف الرئيس السوري ضعيف جدا الآن شعبياً
خاصة بعد أن خرجت المحافظات السورية كلها في مظاهرات منادية باسقاط النظام
وأيضا الضغط الذي يتعرض له من فضائحه المنتشرة على الانترنت ووسائل الاعلام
برأيك انت لماذا لم يعترف بشهداء درعا أثناء القائه كلمة في مجلس الشعب
لماذا لم يقل هؤلاء أبنائي وأنا أسامحهم
لماذا ضحك أثناء الخطاب أكثر من عشر مرات ودماء أبنائه تسفك في درعا واللاذقية وبانياس
لماذا لم يقف دقيقة صمت على أرواح أبنائه
هل من الممكن أن يقوم الأمن بقتل أكثر من 200 شخص من تلقاء نفسه
خاصة في هذه الأوضاع التي تهدد الدولة والحكم في سوريا
هناك تساؤلات أخرى كثيرة ليس هناك متسع لذكرها
الآن وقد وجد نفسه محاصرا من الشعب الذي ازداد صمودا واصرارا
وبدأ ينادي باسقاط الحكم من جهة
و وسائل الاعلام التي تفضح ممارسات أمنه وجيشه من جهة ثانية
والتنديد الدولي بالمجازر الوحشية من جهة ثالثة
أدرك أن القوة لا تنفع مع هذا الشعب الأبي
فانه بدأ يحاول اصلاح الأمور والسيطرة عليها
يوم الثلاثاء ألقي القبض على أكثر من 200 شخص من مدينة بانياس
وقالو انهم مسلحين وارهابيين
واليوم اطلق سراح معظمهم
وأيضا لا ننسى المهندس المصري الذي اعترف امام كميرات التلفزيون السوري بالتجسس وبعد عدة أيام يطلق سراحه ويعترف بأن الأمن ضغط عليه حتى يقول هذا الكلام
أخي الكريم الأمور واضحة ولا داعي لشرحها ابدا
أتمنى الأمن والاستقرار لسوريا ولكن أتمنى أيضا أن ننعم بالحرية
وأن يحاسب من ارتكب هذه الجرائم والمجازر مهما كانت مناصبهم
شكرا أخي على ردك الكريم
عاش شعب سوريا حرا أبياً
أخي ساهر بشكر تفهمك للموقف .... يا أخي من يوم يومنا مو مشكلتنا بشار الأسد ... ولحد الآن بدرعا يعني مو 100% عم يقولوا العلة من الرئيس لأنون بيعرفوا الرئيس . .. بس مع إنو منيح معد بدون ياه لأنو مو قدران يحميهون من أخوه . أخي خلينا بعيدين عن كيفية وصول الرئيس للسلطة ...
بس خود لمحة عن حياة بشار الأسد .. عاش إبن رئيس ودرس بأحسن المدارس و بعدين طب يعني أرقى فرع بسوريا وبعدين عبريطانيا .. يعني عاش الحرية من يوم يومو بكل أشكالها بعدين رجع وانكتب بالإسم إنو هو بالجيش
بس هو مو متل ماهر ... يعني بشار الأسد بغض النظر عن أفعاله بس كشخص هو إنسان راقي يعني عاش الحضارة .. ودهائو السياسي ما حدا بيختلف عليه بس كللللللنا منعرف إنو هو جوا سوريا مو رئيس .. وصدقني
قراراتو لا رح تزيد ولا تنقص .. وقانون بالعالم كلو بس يطلع عدد القتلى عن 20 واحد من نفس الفئة رح يقوم الشعب كلو .. وجيفارا بيقلك إذا توقفت الثورة فإنها فشلت .. حكيك صح إنو لازم تهدا الأوضاع بس بدي إسألك . بتسلم رقبتك لعدوك ؟ يعني بعد ما شفنا كل هالقمع نقعد ونخليهون بعدين يلقطونا واحد واحد ؟ عندك خبر إنو تلت طلاب نزلوا من موسكو وهنن درعاويين الآن معتقلين بدوووووون أي سبب بس لأنون من درعا ؟؟؟
معناتا الحل إنو نفقد 100 ألف سوري ونوفر لأجيالنا الجاية عيشة كريمة بدل ما نوقف القتل ونعيش الذل والإعتقال ليجي حافظ بشار حافظ بشار الأسد .. فهمت كيف ... ويا أخي تأكد مية بالمية إنو بالعالم كلو دائماً الشعب أقوى من الدولة ومن الجيش .. يعني الليبيين 4 مليون راح منون 10 آلاف .. نحنا 30 مليون وبتوقع الأوضاع إزا هديت فعلاً رح نعيش الذل عأصولو .. وبرجع بقلك الناس مو معترضا عبشار .. بس في أخوه وصهرو و العائلة الحاكمة كلها
يعني شوف اول إصلاح .. الشعار من مدير سجن تدمر لوزير الداخلية ؟؟ ( مدير سجن سوريا ) ... اعذرني عالإطالة وتقبل مروري . بس أخي الحياة موقف و صدقني بس توقف مع إخوانك اللي عم يموتوا بكل سوريا رح تحس حالك مرتاااح كتير من جواتك لأنك مابتخاف وعرفان إنو بالأخير متلو متل غيرو لو بعد ألف مجزرة رح يتنحى
اقتباس:
المشاركة الأصلية كتبت بواسطة نور الايمان
هل حضرتك وحضرة الآنسة ريماس شفتوا شي من اللي صار بسوريا ؟؟ بتتوافقوا وبتنفوا وبتقرروا وأنتوا قاعدين ببيوتكون ورا شاشات الكومبيوتر ... وصلك خبر إنو من أسبوع مدينة درعا بلا خبز وعم يقطعوا المياه عن درعا البد ؟
وفي مرضعات مو ملاقيين ياكلوا شي ؟؟؟ عندك خبر إنو شارون كان تارك الكهربا والخبز لغزة ؟
حضرتك من بلد عربي شقيق ..إجا واحد من قرايب الرئيس واغتصبك شي ؟ اعذريين بهالسؤال : شي مرة شفتي واحد من الأمن ما معو صف تاسع داعس عراس حدا من عيلتك قدامك ؟؟ بحياتك شفتي بلطجي ما بيعرف يقرأ اللافتة اللي بالشارع
عم يضرب دكتور جامعة وبينزل منو الدم وبيدعس عراسو قدام الطلاب ؟؟ مشااااااااااااان الله شفتوا منظر واحد بس من اللي أنا شفتو ؟؟ شفتو شيخ الجامع وهو لابس العباية وجارينوا تنين كلاب عمرون 20 سنة وهو أعمى وعمرو 75 سنة ؟؟؟ والسوريين كانوا رضيانيين بالذل يعني مكيفيين إنو نحنا كنا مذلولين ملاقينها حل يعني ؟؟؟ مشكورة كتير كتير عالرد إنتي وحضرة المدير العام اللي بشك إنو تكون سورية وتقبلوا مروري وياريت لا تحذفوا تعليقي
بصراحة يا حبيب اذا كان ردك هيك على المدير العام وتشكك بأنو من سوريا او لاء فسمحلي قلك انو مابدي الحرية تبعك .اقتباس:
المشاركة الأصلية كتبت بواسطة mlam7 jr7
قصدي قلك انو عم تنادي بالحرية وبنفس الوقت عم تمنع غيرك من ادلاء رأيه .شو بتكون اختلفت عن النظام يلي عم تنقده وتتهمه بقمع الحريات
ويا اخي من اول يوم قال الرئيس ان الذين سقطوا بدرعا هم شهداء . وبالنسبة للضرب والتعذيب وشحط الشيخ وهاد كله على حكيك يا اخي اعترفوا انه في اخطاء
وعم يحاسبوا يلي اخطأوا
وبعدين بحكيك هاد عم تبشر الناس انه لو سقط النظام لح يكون هناك مجازر انتقام وهاد كمان خطأ
وانا برجع بقلك ان الامن ليس بملائكة والناس ايضا ليست بملائكة
يعني مافيك تقنعني ان كل الامن اشرار ولا ان كل المتظاهرين شرفاء ومسالمين
وهي شغلة الخبز والمرضعات والاغتصاب...... يعني بقدر انو انت ليش مبالغ فيها
وكيف انت سوري وبتقارن بين واحد سوري وشارون ؟ ومع هيك لح جاوبك شارون كان قاطع كل شي عن غزة هو وحسني مبارك والعرب وما وقف مع غزة بالعالم كله غير النظام يلي ببلدك وشعب بلدك
وهاد يلي عم يدفع النظام والشعب ثمنه هلأ . وكلنا منعرف كم من المحاولات من عام 2003 للأن لتركيع سوريا قيادة وشعبا وسوريا صمدت وتحملت قيادتها وشعبها كل الضغوط .
فهل من المعقول انو هلأ نساعد العالم على تحطيم سوريا مو بس تركيعها . صدقني ان الان اعداء سوريا يحاولون تحطيم سوريا من الداخل باستغلال مظالم الناس .
يا اخي الكريم الموضوع مو بس النظام . الموضوع موضوع وحدة سوريا وشعبها .
النظام كان ياخذ المواقف المشرفة بالعالم العربي مستند على اللحمة الوطنية وعلى شعبية الرئيس وهاد كان قوة سوريا ونحن واجبنا نحافظ على قوتنا
وانا اخي لو ظلمني بيبقى اخي ومستحيل فضل عدوي على اخي وقول ان عدوي ارحم من اخي
وفي شيخ من درعا قال كلام كتير منطقي . قال لو مافي فائدة من التصالح مع الدولة ووأد الفتنة غير إغاظة العدو لوجب لملمة الجراح وكبت المشاعر والتصالح مع الدولة
وهي فكرة انه اذا سكتنا بكرة لح يصطادونا واحد واحد بدك تنساها لان الوضع تغير لانهم صاروا يعرفوا انه اذا اعتقلوا واحد الناس مالح تخاف وتسكت
وبالنسبة ل 100 الف يموتوا . مين عطاك الحق بحياة شخص واحد لتحكي انو لو راح 100 الف معلش؟؟ وانا برجع بقلك المشكلة مو مشكلة اشخاص المشكلة مشكلة تفتيت بلد بكامله .
الله يهديني ويهديك ويهدي كل السوريين للخير ويرحم كل امواتنا يارب العالمين.
أخ ساهر مشكور عالرد أخي .. لكن يا ريت ترجع تقرأ الردود .. قال السوريين صرلون 40 سنة عايشين الذل مين قلون يسكتوا من الأول وليش ليقوموا هلأ ؟ لك باللي خلقك هاد رد ؟ يعني منعترف إنو كنا عايشين الذل وعم نلوم حالنا ليش عم نطالب بالحرية ؟؟ لك أنا سوري والله العظيم بستحي قول إنو كنا عايشين الذل .؟ بعدين اللي كاتب التعليق كاتب إنو هنن عاشوا الذل من أربعين سنة .. هنن مين يعني ؟؟ السوريين طيب وحضرتك يا كاتب التعليق ما بتضم حالك إلهون ؟؟؟ وبالنسبة لقصة بوجه إسرائيل فهي معد تمرق عراس حدا يا صديقي .. صرلنا 40 سنة عم نعيط عالأعداء وما رمينا حجرة وحدة .. الجولان من 40 سنة وهيه مترين بمتري ومو قدرانيين نرجعها ومن شهرين قررت إسرائيل تبني مباني سكنية وتستوطن بالجولان و الحكومة والله ما حكت شي .. لواء اسكندرون .. أحلى منطقة بسوريا كيف راح ما بعرف ؟؟؟؟؟؟؟ بس حاولنا نتطور وعملنا منشأة نووية وصغيرة يعني ما بينحكا فيها ..بس كانت أمل للتطور .. فاتت أمريكا ضربتها وقتلت كم مواطن وطلعت ؟؟؟ شو حكينا ؟؟ ولاااااااااااااشي ... إسرائيل فاتت بطيارتين وحلقت فوق القصر الجمهوري وكللللل سوريا بتعرف هالقصة لمدة ساعة كاملة وكأنو بلد بدون حماية . وطلعت شو عملنا ؟؟ لا تقلي واقفين ضد إسرائيل ومدري شو ونحنا منخوف أمريكا .. أمريكا عندا 30 ألف صاروخ عابر قارات يعني بواحد بس بتمحي شي إسمو سوريا فلا تقلي بتخاف منا مشاااان الله . و يوم بقول 100 ألف أنا ما عم قرر وهاد رأي فقط وما حدا دريان فيني ... بس اللي قتل 30 ألف بحماه بيوم واحد مانو عجزان إنو يقتل 100 صح ؟؟؟؟ ويوم قالوا الدرعاوية إنو في جنود إيرانيين و مسكوا تنين منون وما عرفوا يحكوا عربي كللللللل البشر وقفوا ضدنا .. مبارح الولايات المتحدة الأمريكية قالت عنا أدلة عمساعدة إيران لقمع المظاهرات في سوريا صارت الحكومة بس بدا ترقع ... أخي النظام عم يهر شوي شوي .. والله يستر .. أما بالنسبة للمدير العام فهو وظيفتو مدير عام يعني لخدمة الأعضاء ويا ريت نفهما لأنو عقولنا لساتا مبرمجة عالنظام السوري إنو مدير يعني سيدك ... لا أخي أنا محترم وما غلطت ... وأساساً كلنا منعرف كيف صار مدير وفهمك كفاية ... وأنا ما بالغت بشي و أهلي دفعوا 20 ألف لكم واحد من الضباط ليطلعوا من الحارة وراحوا عالضيعة لأنو هنيك هنيك أأمن بكتير وحارتنا كتير خطرة و هنيك الناس عندا طحين وبتخبز عإيديها ... والشيخ الأعمى إسمو أحمد صياصنة ومبارح هو واحد من اللي قابلوا الرئيس و الشبيحة جروه عالأرض بعد ما اتصاوب وهو بيمشي عالعكازة وأعمى وهنن عم يضربوا برجليهون وجارينوا عالأرض والناس ملائكة صديقي و الدليل إنو اللي بيشوفوا معو سلاح عم يحبسوا أهل درعا ورجاءً برجع بكرر لا تكزبني وأنت ما شفت شي ...
كل شي بكفة وانو في ايرانيين بكفة ....... وانا ماكذبتك لسا وماعم ناقشك لكذبك وتكذبني وخونك وتخوني
المهم الله يحمي درعا واهلها وسوريا كلها..... سلام
ناقشتو الموضوع بشكل مطول والله يعطيكون العافيه . ويوجد شكل من اشكال الحوار المنفتح الي نتمناه في سوريا المستقبل , بس في كم نقطة بدي علق عليها بعد اذنكم :
متل ما الاخ ساهر استنكر وجود ايرانيين في سوريا , وانا اوافقه الرأي , لكن ايضا يجب ان يستنكر وجود افغانستانيين واردنيين ولبنانيين وضباط اتراك وقاعدة وسلاحف نينجا ............ ( كما يدعي النظام )
العصابات المسلحة لم تظهر في حماه طوال تجمعهم في ساحة العاصي , حوالي نصف مليون ولم يقتل شخص , وعندما دخل الجيش ظهر تفجأة وقتل المئات !!! , وهنا اريد ان اطرح سؤالا لكل عاقل :
اظهار المظاهرات للرأي العام العربي والعالمي بانها مسلحة ومتمردة واسلامية اصولية متشددة , في مصلحة من تصب ؟؟؟
فهي لاتخدم المتظاهرين , ولو كانت نظرية النظلم صحيحة بان هناك مؤامرة وراء المظاهرات , لكن هؤلاء المتآمرون ادركوا ان من مصلحتهم اظهار هذه المظاهرات بالشكل السلمي الذي كان في تونس ومصر , حتى تنتصر على النظام .
لا انسى ان اذكر بان هناك بعض الحالات الفردية المسلحة , فمن يقتل ابنه او ابوه او اخوه او زوجته او او او .... فانا لا الومه مهما فعل , فهذا انسان يتصرف من عاطفته وليس من عقله .
النقطة الاخيرة للاخت ريماس , التي قرأت اكثر من تعليق لها بان الشعب السوري رضي بالذل والهوان وسكت منذ زمن واين كان من قبل ؟ ولماذا كان ساكتا ؟ ولم هذا التقليد الاعمى للدول العربية ؟؟
ان مشكلتها هي مشكلة التوقيت فقط ولماذا الان وليس البارحة , فهذا بسيط اخطأت الشعوب منذ حوالي نصف قرن , والان تدفع ثمن اخطائها , فقد رضوا بالذل والهوان , فذلوا وهانوا في ارضهم , واليوم قرروا انه طفح كيلهم , فبذلوا الغالي
والرخيص لتحقبق كرامتهم
السلام عليكم ورحمة الله وبركاتة
الموضوع قديم شوي ولكن يستحق النقاش
يا أخي عند طلوع مسيراة مؤيدة للنظام بيكون نسبة 90% هم من الأمن والحزبية والموظفين المجبورين ......الخ
يعني قبل المسيرة يجهز المكان بشكل دقيق من جميع الجهات وما حد يفكر في مسيرة عفوية
أما بالنسبة للمظاهرة تقمع بأبشع الأشكال من ضرب والشتم والكفر وأحياناً بالضرب المباشر بالنار طبعاً على حسب المكان
والله ينتقم من كل ظالم
أجبه بأنه( لكل أجل كتاب) وسيظهرون في الوقت المناسب ليقوموا بالمناسب.ربي يكون في عونكم يا اخواننا في سوريا عشنا اللي من قبلكم اللي تعيشوه، حسبنا الله ونعم الوكيل في حكامنا.