قصــص حقيقيــة .. مـن الواقـع السـوري المؤلـم !!! ... متجـدد ...

قصــص حقيقيــة .. مـن الواقـع السـوري المؤلـم !!! ... متجـدد ...













يسعد أوقاتكم ... عرب عامة ... و سوريين خاصة ....

من خلال هالموضوع ... رح يتم نقل قصص من قلب الواقع السوري الحالي ...
القصص رح تكون حقيقية ... و واردة على لسان أشخاص عاشوها ..
او شهدوها ......

رح انقل قصة كل يوم .. او كل يومين .. او كل اسبوع ...
يعني حسب التيسير ان شاء الله ...

و اي حدا عندو اي قصة .. سمع عنها ...
او صارت معو ...
او قراها ....
ممكن يشاركنا فيها ...

مع التأكيد على انو القصص المفروض تتناول الوضع الاجتماعي الاقتصادي المعيشي للسوريين ..
" سواء داخل سوريا او خارجها " ...

*** مع عدم التطرق نهائيا للجوانب السياسية ***






دعاءنا الدائم من القلب ...
لـ سوريا و السوريين ...

المكان : أسواق الشام
الزمان : قبل رمضان بكم يوم
الراوي: شخص فضل عدم ذكر اسمه



رحت عل الدقاقين لأشتري زيت و رز وشوية غراض مشان رمضان و أول ما وصلت لهنيك تفاجئت أنو نص المحل مسكرة مع أنو الساعة 2 لك ليش نص العالم مسكرة ياترى ... ؟
مجية زلمة يا معلم يا معلم شوفي لحتى نص المحلات مسكرا .... !
الزلمة : مافي شي بس كلو سكر قال مشان مايبيع بالرخيص عم يستنوا تثبت الأسعار عل السعر الجديد مشان يفتحو تاني يوم و يربحولون كم ليرة زيادة ... ؟
طيب ععلمك ولو عذبناك أدي كيلو الرز ... ؟ الزلمة : 245 ..
أوووووف ليش كل هل الأد الأربعاء كان ب 190 شو صار يعني الدولار كل لي زادو 25 ليرة كيف ارتف الرز 55 ليرة ... ؟
الزلمة : لك عمو تجارك ما بتمشي لا عل الدولار و لا على عشي .. ؟
أنا : لكن عشو بيمشو تجارنا يا معلم ..؟
الزلمة : بيمشو عل الإستغلال و الإحتكار .... !
أنا : الله لا يسامحهون في الله ..

لي بدي أحكي أنو الله يلعن كل تاجر عم يتسغل الظروف و يتحكم بهل الناس ... يا تجار خافو الله ...

...ارحمو من في الأرض يرحمكون من في السماء ....

طبعا الحكي مو معمم في تجار بتنحط عل الراس ...

المكان : القنوات
الزمان : بأول شهر 7
الراوي: احد الأصدقاء

قال لي أحد الأصدقاء : تخيل أن ثلاث عائلات تسكن ضمن سقيفة تتبع لاحد المحلات ! فانصدمت وقلتُ له بلا مزاح .. فأقسم لي!

قد جعلت هذه العائلات البضاعة فراشاً لها!
مساحة السقيفة لا تتجاوز اربعة امتار و عرضها اربعة
اخبرني انهم لا يستطيعون الجلوس على طاولة واحدة فالسقيفة لا تتسع لهم ..
عيلة تخرج اربع ساعات خارج المحل و يتناوبون على هذه الحال و عند المساء بنام الرجال و الاطفال على ارضية المحل و النساء على السقيفة،، و إذا أرادوا الاستحمام او قضاء حاجة يذهبون لجامع القنوات!
فما حالهم في رمضان ؟!


نعم لا تستغربوا ثلاث عائلات تقطن في 4 امتار لكي لا تطلب مساعدة احد ....
ولأن تجار العقار لم يرحموا أحداً ولو كان ولدهم!...

و تجد عائلة تسكن في 270 متر و تشكو فقر الحال !..


و لكن شتان بين هذا و ذاك ..

المكان : سوق الخياطين
الزمان : 30/07/2013
الراوي: أبو سامر

بدي احكي عن تاجر عنا بالسوق بجوز كل مية سنة ليجي تاجر متلو،، بتفوت لعندو الزبونة و بتاخد بضاعة و بتعطيه نص حقها و بتقلو سامحني بالباقي!
و زبونة تانية بتفوت بتقلو ما معي مصاري معلش ديّني حق البضاعة وبدينها ياها مع انو ما بيعرفا!
اي حدا معتاز بيلجألو و بعمرو ماخيب حدا ،،
الصدقات يلي بيدفعا بجوز حتى أكتر من البيع يلي ببيعو ... !

كيف بتزبط معو ما بعرف ... !

بس يلي بعرفو أنو:
هيك تاجر الله بباركلو برزقو و بيرزقو بحسنة هل الدرويش و الفقرا ..
هيك تاجر نادراً لنشوف متلو بهالزمن،،
بس هو إمتداد لاصالة دمشقية قديمة مستحيل تنمحى،،
هو نموذج حيّ عن التاجر الشامي الحقيقي ..

هيك تاجر بيستاهل منا التحية و الإحترام ..

الله يكتر من أمثالو ..

المكان : اللاذقية
الزمان:2013-5-5
الراوي / أحمد فرحات
هاد يوم من الأيام انقطعنا من البينزين فا رحنا لنعبي بينزين من كازية الشيخ ضاهر طلعت مسكرة رحنا غير ها نفس القصة برمت اللاذقية كلها مافيها نقطة بينزين
ليش ماحدا بيعرف بلشت العالم تهستر بدا بينزين اجا خبر انو في بينزين بس الكازيات مع تبيع لانو رح يرتفع الدولار اذا باعو البينزين هلق ودولار منخفض بخسرو
والله وظل على هل الحالة لحتى ارتفع الدولار وفتحت الكازيات وبلش البيع والنهب من هل العالم فا بربكن ما بدون شنق هيك تجار ولا شو؟

ارحموا من في الارض يرحمكم من في السماء
للأسف ياسناء ماحدا عم يرحم حدا وكلو على نهب ومو رايحة الا على هالشعب المعتر
بكل مدينة قصص وقصص
وبكل حارة حكايات ولا الف ليلة وليلة
وبكل بيت في قهر وشوق لناس بعاد او استشهدو
قصصنا وحكايتنا بينعمل منها روايات ومسرحيات ومسلسلات وكلها قصص حقيقية ومن دون مبالغة بأي شي
اهم شي الله يفرجها علينا وعلى الكل ويرحمنا برحمتو
موضوع شيق ام السوس بتمنى التفاعل من الجميع
:z09:

اقتباس:

---

المشاركة الأصلية كتبت بواسطة أحمد فرحات

المكان : اللاذقية
الزمان:2013-5-5
الراوي / أحمد فرحات
هاد يوم من الأيام انقطعنا من البينزين فا رحنا لنعبي بينزين من كازية الشيخ ضاهر طلعت مسكرة رحنا غير ها نفس القصة برمت اللاذقية كلها مافيها نقطة بينزين
ليش ماحدا بيعرف بلشت العالم تهستر بدا بينزين اجا خبر انو في بينزين بس الكازيات مع تبيع لانو رح يرتفع الدولار اذا باعو البينزين هلق ودولار منخفض بخسرو
والله وظل على هل الحالة لحتى ارتفع الدولار وفتحت الكازيات وبلش البيع والنهب من هل العالم فا بربكن ما بدون شنق هيك تجار ولا شو؟

---

شنق وبس لازم يتعلقو بساحة الشيخ ضاهر هيك عالم فرصة لك اخي ليشفطو كام ليرة من هالعالم

رحت قبل رمضان عند خالو عالمحل كان لازمني اغراض شو ما أسألو يقلي التجار ماعم يردو علينا ماعندي
استغربت قلتلو شو السبب يعني الطرقات السبب حتى البضاعة ماعم توصل
قلي: وقت منحكي التاجر بقلنا انا حاطط بضاعتي وعم اتفرج عليها عم يغلى السعر ليش لبيعك اياها اليوم ببيعك بعد شهر لانو كل يوم عم يتضاعف السعر انا ماني مضطر بيع اليوم بخسارة
:ndm: لاء وهيدا بكون ربحان بتجارتو مافي تاجر بيخسر لو عالسعر القديم
بس هيك في ناس طماعين ومابخافو الله :z060:

اقتباس:

---

المشاركة الأصلية كتبت بواسطة أحمد فرحات

المكان : اللاذقية
الزمان:2013-5-5
الراوي / أحمد فرحات
هاد يوم من الأيام انقطعنا من البينزين فا رحنا لنعبي بينزين من كازية الشيخ ضاهر طلعت مسكرة رحنا غير ها نفس القصة برمت اللاذقية كلها مافيها نقطة بينزين
ليش ماحدا بيعرف بلشت العالم تهستر بدا بينزين اجا خبر انو في بينزين بس الكازيات مع تبيع لانو رح يرتفع الدولار اذا باعو البينزين هلق ودولار منخفض بخسرو
والله وظل على هل الحالة لحتى ارتفع الدولار وفتحت الكازيات وبلش البيع والنهب من هل العالم فا بربكن ما بدون شنق هيك تجار ولا شو؟

---

هاد الشي عم يصير بـ كل مكان بـ سوريا للأسف ...
و فعليا التجار عم يساهموا بزيادة الازمة بـ طريقة او بـ أخرى .....
و عم يكونوا سبب بـ زيادة الضغط ع المواطن ... الذي لا حول له و لا قوة ...!


الله يفرج ...
و شكرا لـ مشاركتك ..... :)

اقتباس:

---

المشاركة الأصلية كتبت بواسطة nano

ارحموا من في الارض يرحمكم من في السماء
للأسف ياسناء ماحدا عم يرحم حدا وكلو على نهب ومو رايحة الا على هالشعب المعتر
بكل مدينة قصص وقصص
وبكل حارة حكايات ولا الف ليلة وليلة
وبكل بيت في قهر وشوق لناس بعاد او استشهدو
قصصنا وحكايتنا بينعمل منها روايات ومسرحيات ومسلسلات وكلها قصص حقيقية ومن دون مبالغة بأي شي
اهم شي الله يفرجها علينا وعلى الكل ويرحمنا برحمتو
موضوع شيق ام السوس بتمنى التفاعل من الجميع
:z09:

---

هون المشكلة يا نانو ... اذا الناس ما عم تحس بـ بعضها ... و ما عم ترحم بعضها ...
كيف رب العالمين بدو ينزل رحمتو علينا ...!!

كتير شي بيقهر .. لما بتلاقي الشي يلي عم يصير بـ بلدنا ...
و القهر يلي عم يعيشو الشعب ...
تحول لـ مجرد قصص و مسلسلات شيّقة .....
عم تتاجر فيها بعض شركات الانتاج ... و عم تكون سبب لـ ربحها ....!!!
تماما متل متاجرة القنوات الاخبارية ....
يلي اتحولت فيها معاناة السوريين لـ مجرد احصاءات ... و سبق صحفي !!!!

على اساس السوريين ناقصهم ... متاجرة !!!!!!! *___*



نورتي نانوش ....
و انا متلك بتمنى ... التفاعل من الجميع :)

اقتباس:

---

المشاركة الأصلية كتبت بواسطة nano

رحت قبل رمضان عند خالو عالمحل كان لازمني اغراض شو ما أسألو يقلي التجار ماعم يردو علينا ماعندي
استغربت قلتلو شو السبب يعني الطرقات السبب حتى البضاعة ماعم توصل
قلي: وقت منحكي التاجر بقلنا انا حاطط بضاعتي وعم اتفرج عليها عم يغلى السعر ليش لبيعك اياها اليوم ببيعك بعد شهر لانو كل يوم عم يتضاعف السعر انا ماني مضطر بيع اليوم بخسارة
:ndm: لاء وهيدا بكون ربحان بتجارتو مافي تاجر بيخسر لو عالسعر القديم
بس هيك في ناس طماعين ومابخافو الله :z060:

---

هلأ شوفي هو فعليا ما فينا ننكر ... انو في مشاكل بـ نقل و شحن البضايع ...
و مشاكل بـ الاستيراد و التصدير .... و ارتفاع اسعار المواد الخام و الاولية ووووو ....

كل هاد الشي بيستلزم رفع الاسعار .... بس أكيييييد مو لهالدرجة .....
يلي عم يصير حاليا بـ النسبة للأسعار ... إجرام !!! >_<

نحنا ما عم نقول للتاجر اخسر .... بس ع الأقل لا تكون جشع و طماع ...
و لا تستغل الازمة .... و تصير بدك تنمي تجارتك على حساب الشعب المعتر !!
ارضى بـ هامش ربح بسيط ... كرمال الناس تعيش .....
اذا مو قدران تساهم بـ حل الازمة .... فـ ع الاقل لا تكون جزء منها !!!!


الله يرجع الرحمة لـ قلوبنا ....

المكان : شوارع دمشق
الزمان : كل يوم
الراوي: أبو علاء

كل يوم و انا ماشي بشوف عيلة مستورة بالطريق شي كاتب انا نازح من حلب .. شي من حمص .. شي إدلب .. شي حماة .. شي معضمية .. شي مليحة ..
تصوروا اديش في ناس بالطرئات محتاجة المساعدة ...!

طبعاً و رغم كل هل الشي بنط واحد مفزلك بئلي عم ياخدوها مهنة ...
و كذابين مشان ياخدولون كم ليرة لازم ماحدا يعطيهون شي ..

حبيبي المفزلك نزيل المسا و تفتل بشوراع الشام و شوف كيف عم ينامو بالطرقات ......
يعني الشحاد بينام ببيتو او بالفندق مو مضطر ينام بالطريق ..

بالمختصر : بدك تساعد ساعد ما بدك تساعد لا عاد تحكي و تحط حدا بزمتك الواسعة ..
ودعيلهم الله يفرجها عليهم ويعوضهم خير ويكونو العيد الجاية كل واحد ببيتو ومعمرو من جديد ..

المكان : الحميدية
الزمان : 15/07/2013
الراوي : ابو كمال

و أنا بالمحل أجى لعندي و لد صغير حامل كيس عرق سوس عرض علي أشتري ...
قلتلو شو بدي أعمل بكيس واحد هون الولد ترجاني اخدو و ئلي خدو بحسبلك يا ب25 و الله انا جايبو ب50 ...
طيب مدام جايبو ب50 ليش بدك تبيعو ..
كنت ماشي و اشتهيت جيب عرق سوس و بعد ماوصلت لهون اتذكرت انو معد معي أجار طريق ..

هون انا حسيت بالنعمة لي نحنا فيها و بأديش في ناس محتاجة ..
نحنا منشتري كيس و كيسين و منكب نصهون وولادنا بيئرفوا يشربو هيك شغلات ..
و ناس تانية محتاج و لو كيس واحد تشربو عل الفطور ..


الله يكون بعون كل محتاج،، ويارب علّمنا الرحمة

موضوع معبر عن الواقع ....



ولكن كيف بدون سياسة

ماهي السياسة سبب كل شيء

والبعض عرف السياسة

انها فن الممكن ...

وفي سورية كل شيء ممكن الا السياسة

خلص بلا سياسة متل مابدك

بس .... الله يلعن الظالم وينتقم منه كائنا من كان سواء من هنا او هناك

هذه ليست دعوة للسياسة هذه دعوة من قلب كل سوري

موضوع جميل كما انت ..... دائما

شكرا لك ...... يا ملكة....

اقتباس:

---

المشاركة الأصلية كتبت بواسطة انس.

موضوع معبر عن الواقع ....



ولكن كيف بدون سياسة

ماهي السياسة سبب كل شيء

والبعض عرف السياسة

انها فن الممكن ...

وفي سورية كل شيء ممكن الا السياسة

خلص بلا سياسة متل مابدك

بس .... الله يلعن الظالم وينتقم منه كائنا من كان سواء من هنا او هناك

هذه ليست دعوة للسياسة هذه دعوة من قلب كل سوري

موضوع جميل كما انت ..... دائما

شكرا لك ...... يا ملكة....

---

تسلم يا رب :)

طبعا معك حق ... ما فينا نفصل كل شي عم يصير عن السياسة ...
بس انا بقصد ... السياسة البحتة و الصريحة جدا ....
يلي ممكن تسبب مشاكل او نقاشات نحنا بغنى عنها حاليا :)


و انا من قلبي بقول آمين ... الله ينتقم من كل ظالم ما بيخاف الله ...


شكرا كتير الك ع المرور المميز ^_^

المكان : حديقة المجتهد
الزمان : 10 آب ... الساعة 3
الراوي: ابن الميدان

كنت مارء من هنيك و فتت من الحارة يلي بعد الكازية و تفاجئت أنو العيلة يلي شفتها من سنة لساتها عم تنام بالسوزوكي لساتها عم تنام بس مع تغير بسيط السوزكي صار إلها شادر و مدو طراحات بالسوزكي و بدال ما يبيع شاي عل التنكة صاروا يبيعو شاي عالغاز هي مو قصة من محض الخيال يلي مو مصدق ينزل بكرا يشوف بعينو ...

لا تستغربوا او بالأحرى استغربوا لك ايه سنة زمان مافكر حدا يساعدهون و بدكون رب العالمين يساعدنا ..
والمخفي أعظم !!

المكان : البزورية
الزمان : 28/08/2013
الراوي : ابنك يا شام

مرحبا معلم نص كيلو قهوة و علبة شاي بمعيتك ..
أهلين و سهلين بس نص كيلو القهوة صار ب 750 و علبة الشاي صارت ب 1000
و ليش هيك صارت مبارح كان نص كيلو القهوة ب 550 و الشاي ب 700
و الله هادا الحاضر حبك خود خود ما حبك الله معك
يسلمهون معلم خليهون عندك
صحي معلم بدي اسئلك انت مأمن عمحلك شي .. ؟
لا و الله ليش هل السؤال ..!
مو مشان شي بس عمفكر شو رح يصير ببضاعتك بعد ما يقصفونا الامريكان ..

لك بدال ما تنزلوا الأسعار بهيك ظروف و تساعدو العالم نازلين جرم بهل الأسعار و تخباية بهل البضايع ..

و بدكون أمريكا ما تضربنا اي بدنا ضرب ليوم الضرب لحتى تتحسن نفوسنا و نصير نحس ببعض ..!!

:z09:متابعين معك





لاحول ولاقوة الا با الله


قصصي كلها خرندعية وماتمشي هون بيجي يوم واحكيها


شكرا لك سناء

الله يكون بعون العباد

قصة قصيرة بس صارت معي وفينك تقولي طرفة


قبل رمضان بيومين..المكان ريف ادلب رحت اشتري بيض لان قتلنا الجوع


اشتريت البيض ... ومعي صديقي .. انا بحاسب لا انا لا والله انا لك يارجل خلص

سألت البياع كم حسابك معلم ..؟ قال البيضة ب75

اف ليش هيك شو وين نحن ..؟ قال صرلكم ساعتين عم تتقاتلوا مين يدفع وعم تتشرطوا على سعر البيضة

هاد الموجود عجبكم عجبكم ماعجبكم روحوا بيضوا

.,.. ,.,}.

اقتباس:

---

المشاركة الأصلية كتبت بواسطة ماهرالفيزو

:z09:متابعين معك





لاحول ولاقوة الا با الله


قصصي كلها خرندعية وماتمشي هون بيجي يوم واحكيها


شكرا لك سناء

الله يكون بعون العباد

---

أكيد حابين نسمع قصصك ... يلي من قلب الواقع !
حاول تختار كام قصة مناسبين ... و ع الخفيف الخفيف ..
و شاركنا فيهم هون .....

اما باقي القصص الخرندعية ....
بيجي يوم و بتعمل منها موضوع خاااص ان شاء الله ..... :)

اهلا فيك بعد غياب ...
و شكرا لمتابعتك

اقتباس:

---

المشاركة الأصلية كتبت بواسطة ماهرالفيزو

قصة قصيرة بس صارت معي وفينك تقولي طرفة


قبل رمضان بيومين..المكان ريف ادلب رحت اشتري بيض لان قتلنا الجوع


اشتريت البيض ... ومعي صديقي .. انا بحاسب لا انا لا والله انا لك يارجل خلص

سألت البياع كم حسابك معلم ..؟ قال البيضة ب75

اف ليش هيك شو وين نحن ..؟ قال صرلكم ساعتين عم تتقاتلوا مين يدفع وعم تتشرطوا على سعر البيضة

هاد الموجود عجبكم عجبكم ماعجبكم روحوا بيضوا

.,.. ,.,}.

---

هههههه شر البلية ما يضحك !
البيضة بـ 75 !!! يا حرام الشوم
شو بدها تاكل الناس ؟؟
بيقولولك .... اي بلاه البيض ...
طيب بلاه ... بس المشكلة انو كلو متل بعضو ....
ما عاد في شي رخيص ...
كلو عم يغلى ...
إلا البني آدم ... عم يرخص أكتر و أكتر !!!

الله يفرج عن عبادو ....




آه صح ما قلتلنا ....
شو صار بالآخر اشتريتوا ... و لا قضيتوها زيت و زعتر ؟؟ ههههه

اشترينااااااااااا