اي مدينة تسكن والشيء اللي تحبه بمدينتك واللي تكره

السلام عليكم

كيفكم


محا لحا ومحا بحب حا.......


المهم الموضوع واضح من عنوانه


كل شخص يحكي في اي مدينة ساكن

شو بحب بمدينته وشو بيكره وشو حابب يغير




والمدينة الافضل اله


من سوريا وخارج سوريا ..... هلموا ايها المهتمين


والي حابب ينزل صورة بكون ممتاز



انا: الأن في مدينة الرياض ...الملقبة جوهرة الصحراء..... انا ملقبها عاصمة الملل والنسيان


حلوة من الساعة 2 بعد منتصف الليل حتى الساعه 5 صباحا

الي مو عاجبني فيها زحمتها القاتلة ...


اما في سورية ...اسكن قرية في ريف ادلب ...حلوة وكربوجة بس حياتها روتين يومي لاجديد فيها
مديني المفضلة... هي دمشق .. الله يحميها ..

انا من مدينة اللاذقية الملقبة عروس الساحل السوري
الأشياء السلبية باللاذقية كتيرة منا
البطالة
وتنبلة الشعب
بعيدة جداً عن التطور الحضاري
وفي اشياء سلبية كتييييييييييييييييييييييييييييييييييييييييييييير منا بتخص شعب اللاذقية نفسو
ومنا بتخص الحكومة وعدم الاهتمام بهالمدينة الرائعة
الأشياء الحلوة روح المدينة الرائع
الشعب الطيب والوفي
البحر والجبل والشجر والحجر


مدينتي المفضلة

برلين- ميونخ المانيا
فيينا - النمسا

بكل الود

انا من مدينة لاتاكيا احلى مدينة بالوجود لو حدا يهتم فيها شوي بس عنا طبيعة خلاب حاليا اغلبها احترق بس الزمن برجع كلشي باذن الله
سلبيات المدينة حاليا الزحمة والاهمام والناس هون بكبو اي شي بالارض يعني والله عيب

اما اجابياتها هون الشعب مبسوط دايما ومابخلي على قلبو هم يعني بالمشرمحي عايش يومو

بحب مدينة دمشق كتير مابمل منها ابدا ومدينة حمص مدينة رائعة مدينة السلام الي رجعة ياحومص انطريني

واحلى شي عنا باللاذقية ابو سويس :d
وقهوة الطابوشة
ونادي حطين الرياضي :d هيدول انسيت ما قولون بالتعليق الاول

ياعيني عليكم الموضوع مفتوح يعني بتضلوا تحكو عن مدينتكم لتهلكوا


انا زرت اللادقية مرتين او 3 مرات كانت رحلات لاتنسى ابدن

وخاصة ريف اللادقية فعلا مناطق لو اطلقنا عليها قطعة من الجنة بكون صحيح

شو مشتاق لف سوريا كلها :z09:

احلى مكان ممكن تتمشى فيه باللادئية كورنيش البطرني

http://mw2.google.com/mw-panoramio/p...m/56485280.jpg

وبس نتعب في كراسي أخر البطرني
http://www.alwaienews.com/ShowImage....17_h419466.jpg
هيدا مكاني المفضل

خيي ماهر ..... مية اهلا وسهلا بتشرفنا بكل وقت

طبعاً نحن عم نحكي باختصار شديد ما عم انفصل

ما حكينا عن البسيط وام الطيور وصلنفة وكسب ومياة القرى الرائعةةةةةة
ـــــــــــــــــــــــــــــــ

نانو بأخر الصورة التانية بالليل هون في بياع قهوة ((ابرص)) يا ويلييييييي قهوتو والتمشاية بالليل على منظر المرفأ شغلةةةةةةةةةةةةة

‫







حبيبتــي .. دمشق
و صديقتـي .. اللاذقية

ﻭﻣﻬﺠــﺘﻲ .. حمص
ﻭﺭﻭﺣﻲ .. حماة

ﻭﻗﻠﺒــﻲ .. حلب
ﻭﺃﺭﺿـﻲ .. ادلب

ﻭﺃﻫﻠــﻲ .. طرطوس
ﻭﻗﻮﺗـــﻲ .. الحسكة

ﻭشموخــي .. درعا
ﻭﻋﻴﻮﻧــﻲ .. دير الزور

ﻭﺟﻤﺎﻟﻲ .. بانياس
ﻭﻛﺮﺍﻣﺘـﻲ ..القنيطرة
وعزتّي .. السويدآء


أما انتمائــي .... فـ هــو :
سوريـــــــا



لـ سوريا .. الكثير من السلبيات طبعا ...
و لكن بـ إيجابياتها و سلبياتها ... أحبها كثيرا ..
و أخاف عليها جدا من الضياع :(


نسأل الله أن يحفظها و يحفظ أهلها و يتلطف بهم .....






الموضوع جميل ... شكرا جزيلا :)


تم التثبيــت

اهلين ماهر بيني وبينك الف كيلو متر حاليا انا بجدة يلي ماكتير حبيتا مايميزها انو مليانة هنود وبنغال وباكستانية بحيث تظن انك في الهند او احدى دول شرق اسيا
مايميزها ايضا وكل الخليج تقريبا هو الخنقة فلا تمشاية ولاخروج والمكيف سيد الموقف في البيت والسيارة والعمل لايوجد الا المولات وشاطئ البحر الاحمر الخانق
مازالت جدة دون تمديدات صرف صحي مايجعلها تغرق عند حدوث الامطار الغزيرة صراحة لم استطع التأقلم حتى الان في الحياة هنا
اما مدينتي دمشق مايميزها وجود الاهل والاحبة والصحبة الطيبة وما ينغصها الظلم والظلم والظلم لعنة الله على الظالمين

الله يكون بعونك انس

جدة وما ادراك ماجدة



يا الله ان شاء الله قريبا بشوفك

كتير حلوة فكرة هالموضوع ...


والبعض منا ممكن يكتوب مدينته او بلده يللي عايش فيها والقارئ يكون اول مرة بيسنع فيا .


لزلك فكرة حلوة ومفيده كمان ...


يعطيك العافيه أخي ماهر ... جهد رائع ومفيد .


*******************


انا بلدي فلسطين ومقيم فيها لهلا


واسم المدينه يللي عم اسكون فيها ( جبـــاليـــا )


طبعا هالبلد هاي بقطاع غزة مو بالضفه .


هالبلد حلوة كتير وسكانا كتير كتير طيبين وغلابين وبدون يعيشو وبس


عايشين عالبساطه .


اكتر شي بيعجبني بهالبلد انو عندهم نظام معيشي مختلف عن باقي المدن بفلسطين


الساعه 6 صباحا كل البلد بيكونوا صاحيين ورايحين لشغلن


محلاتهم اراضيهم الزراعيه ... الخ



والساعه الثامنه مسائا بتكون جميع المحلات التجاريه سكرت واجا وئت النوم .


ميزة حلوه كتير بيفيقوا بكير كتير وبيناموا بكير


في نظام عندهم بالمواعيد ونظام ناجح


بعكس باقي المدن يدوووب بعد الساعه 10 يبلشو يفتحوا والساعه 1 بالليل بيكونا بلشوا يروحوا لبيوتن .


وبالمناسبه كمان مدينة جباليا هي من أكبر المدن يللي بقطاع غزة تعتبر هي وأهلا


مناطق زراعيه ومعظم الناس هون فلاحين ومزارعين


يعني تئدروا تئولوا بلد خضرة


بغض النظر عن الاحتلال ما خلى فيها ولا شجرة ولا ارض عامرة كل الاراضي صارت خرابه .


بالنسبه لأسوأ شي بهالبلد هي


إنو لحتى الان هي مفشة الاحتلال متل ما بيئولوا


لانها منطقه قريبه من الحدود الاسرائيليه من الشرق يعني بيتنا بعيد بس 2 كم عن الحدود


لزلك كل التوغلات يللي عن تصير تجريف اراضي الناس سواء كانت معمورة بالمباني أو أبيار المياه أو الاشجار


وبالرغم من هيك الحياة مستمرة فيها والكل بيزرع من جديد وبيكدح من اجل انو يعيش


الحمد لله


ما بدي فوت كتير بتفاصيل بهالشأن هاد


بس زكرت اكتر شي فيها مزعج ومأساوي .


تحياتي الكن وبتمنى ما كون طولت عليكن


Aramees