" انتهازيون " يستغلون مقطع فيديو نشره عكس السير لشاب يتعرض للتعذيب على يد " زعران "

" انتهازيون " يستغلون مقطع فيديو نشره عكس السير لشاب يتعرض للتعذيب على يد " زعران "





فوجئ عكس السير بوجود مقطع فيديو تم نشره قبل فترة , لمجموعة من الزعران يقومون بتعذيب مراهق , على أحد فيديو تعذيب داخل فرع أمني , وكتب فوقه ( شاب يتعرض للتعذيب في فرع الأمن السياسي في درعا ) .
وكان نشر عكس السير تحقيقاً بعنوان "


شبّان يحتجزون مراهقاً ويعذبونه عارياً لعدة ساعات يمارسون خلالها معه أفعالاً مخلّة بالآداب ثم ينشرون " ملف فيديو " للعملية .


ويظهر الفيديو الشاب المدعو ( تركي . ح ) من منطقة " دير حافر" في حلب , الذي قال لـ عكس السير إن مجموعة من الأشخاص قاموا بالتعرض له عندما كان ذاهباً إلى منزل فتاة يحبها ليتعرف على عائلتها .
وقام عكس السير بحذف مقطع الفيديو استجابة لمئات التعليقات من زوار الموقع تطالب بحذف المقطع بسبب تخلله مقاطع مؤذية .
والغريب أن الفيديو انتشر مؤخرا بسرعة هائلة على مواقع يوتيوب والفيس بوك وتم تداوله على أنه في الأمن السياسي في درعا .
يذكر أن العديد من مقاطع الفيديو والصور و التي تم نشرها في وقت سبق في العديد من المواقع الالكترونية تم ترويجها على أنها لـ " متظاهرين " يتعرضون للتعذيب وكان آخرها صورة الطفل الذي تعرض لعضة كلب ونشرت صورته أحد المواقع الالكترونية وفعلا تم استغلال الصورة لترويجها على أنها لطفل تعرض للتعذيب على يد قوات الأمن .

عكس السير

http://i.aksalser.com/u110412/853168916.jpg

طيب فهموني هون هالخبر هاد

انا هالخبر بعرفو وقريتو وبتعرفوه انتو كمان من فترة طويلة وحتى قبل المظاهرات ماتبلش بسوريا

ومنعرف انو ذوي النفوس الدنيئة هنن ورا تعذيب هالشب

بدي اعرف هلاء شلون صار الامن السوري الو علاقة بالموضوع !!!

وهالخبر بالذات ذاعوه بالجزيرة بدي اعرف وين مصداقية الجزيرة وليش مانفو هالحكي هاد ؟؟؟؟

طيب شلون بدنا نسدئ هالاخبار بعد هالموضوع.. صار اي فيديو واي صورة يتم تلفيقها ضد الامن السوري

ليش هالاستخفاف بعقولنا .. ليش نترك مجال للثغرات

ليش الخبر الي بيعجبنا منسدئو
والي مابيعجبنا منكزبو

حدا يرد على تساؤلاتي وبكون ممنونة

تحيتي واحترامي للجميع

وانا بضم صوتي لصوتك
ولاتنسي كمان صورة الولد يلي هاجمته كلاب مسعورة من حوالي خمسة اشهر في احدى القرى السورية
وضعوه بالجزيرة والانترنت انه تعرض للضرب من الامن
وصورة الطفل واطفال اخرين موجودة على موقع عكس السير
ومظاهرات المغرب يتم تحويلها لمظاهرات بسوريا بمدينة حمص
ومظاهرات موالية بتم تحويلها لمعارضة وووووو الخ
هاد كله يدل على حجم الهجمة الاعلامية التي تتعرض لها سوريا
والله يستر مشكورة على الخبر

صح هيدا الفيديوا أنتشر ولكن للأسف بعض الناس ماعندهم وعي وضعوا في بعض الصفحات كردود فقط

علماً أنوا الوضع مبين وخصوصاً أنوا موقع عكس السير مؤيد للحكومة 100% فمن المستحيل ينشر فيديوا تعذيب في اي سجون سورية

يعني الموضوع واضح بصراحة

الصراحه الاعلام كللللو سواء كان السوري او الخارجي
مافيه مصداقيه واحد عم يبالغ والتاني عم يكزب واسفه عالكلمه
الاعلام الخارجي المفروض مايعتمد على النت
بس احيانا ما بلومو انو ينشر من النت
لان مو مسموح يغطي الحدث بسوريا
وشو الصح الله اعلم

السلام عليكم
كل شي ممكن لكن هل ينكر أحد أن فروع المخابرات في جميع البلاد من يدخلها فانه سوف يتم تعذيبه لحد ما يستجر للاعتراف بشيء ربما هم يريدونه وقد يكون المسجون بريء
وعندنا في سوريا الضرب والتعذيب من كثر ما عاد اي مكان في زنازين السجون صار في الشوارع
ان الشعب السوري يذل ويهان على يد افراد الامن .... عفوا الارهاب المنظم من قبل النظام السوري بدون استثناء وهناك ادلة
لذا علينا ان ننقل الحقيقة حتى لو كنا موالين لان المولاة العمياء تجعلكم شركاء بالجريمة.

بلادنا وشعبها وقادتها بيد رب العالمين



اللي الله كاتبو رح يصير ..... والله ما بينسى حدا بالنسبة لموضوع الفتن .. وبرجع بقول بلاد الشام محفوظة ومذكور عليها انها من البلاد المحفوظة ... من عهد الرسول .. لعهد الخلافة ... لنهاية الزمان

بالنسبة للشب ... كمان أنا قريت عنو قبل هيك .... وقبل البلبلة اللي بتصير بالبلد


أما للجزيييرة وما أدراك ما الجزيرة مع باقي قنوات الفتنة يا شاطرين شوفولي هالكليب الحلو هاد ..

ضيف القناة الدكتور عزمي بشارة يعاتب المقدم لتخصيص وقت كبير لتغطية الاوضاع في البحرين ويبدو انه غير راضي عن ذلك والمذيع يقول معليش فقط من اجل تبييض وجه المؤسسة ويعني بذلك قناة الجزيرة

http://www.youtube.com/watch?v=q31Hc...layer_embedded


قنوات فتنة وكل واحد بيطنبر وبيغني على ليلو ....


بس كمان مو معناتو الي عمبيصير عنا .... شغل بلطجية ومليشيات متفرقة ....


الله كريم


King of Nothing