يلا نفوت ونسترجع ايام تراثنا القديم بصورة جميله ( وقت الي كان جدك بيدق المهباج )
حتى التحيه هالمرة لازم تكون ممزوجه بلون التراث القديم
مساكم الله بالخير يا عرب
طال عمركم
شحوالكم عساكم دايمين الصحه والحال
موضوعنا اليوم راح نروح لبعيد شوي
نرجع شوي لإيام جدي وجدك
راح نتوج اليوم بهالصفحه صور تراثنا الشعبي القديم
واللذي طالما بقينا احياء نعتز به ونفخر به
فينا يللي شاف الهودج
وفينا يللي شاف المهباج
وفينا يللي شاف الثوب الفلاحي المطرز
يللي كانت تلبسو جدتي وجدتك
وفينا يللي شاف الساقيه زمان
وفينا يللي شاف فخارة المي
بدنا منكن كل عضو يفوت ويحمل معو صورة عن التراث
لا بد ما نحيي هالتراث والا راح ينمحي من زاكرتنا
وطبعا يللي مالو قديم مالو جديد
هيك كانت تقول جدتي وجدتك زمان
وراح ابدأ بنفسي وقدملكن بعض الصور
طبعا هيك كان زمان المقعد العربي تبع جدي وجدك
http://www.alfrasha.com/up/396204456718014843.jpg
وهيك كانت الاضاءه زمان .. ما في كهربه كان الفانوس وبيشتعل عالجاز
http://www.alfrasha.com/up/1058564453968030688.jpg
وهاي كمان بكرج الفهوة العربيه والمعروفه بالقهوه ( الساده )
http://www.uaeec.com/albumsm/54.jpg
وهاي كمان المحماصه القديمه ومعها ملعقة التحريك طبعا تستخدم لتحميص القهوة والهيل
http://www.jalili48.com/Data/PG/P-582-B.jpg
وكمان المهباج ويللي كانوا بيستخدمو لدق القهوة والهيل وبهارات القهوة
http://www.alfrasha.com/up/62462520855123391.jpg
وما ننسى كمان الزير يللي كانو بيستخدمو لشرب المي
http://www.alfrasha.com/up/8302577821685398988.jpg
بهيك الفكرة وصلتلكن أكيد
اي صورة تخطر عبالك بتتعلق بتراثنا القديم
بزمن جدي وجدك
ارفقها لالنا لحتى نشوف ونفيد ونستفيد
ويا ريت طبعا إزا أمكن الصورة تكون موضحه بشرح
بسيط متل ما شفتو
تحياتي لالكن
Aramees
