يخاطبني السفيه بكل قبح .. فأكره أن أكون له مجيباً

كثيرة هي المواقف التي نمر بها

سواء كانت في عالم الانترنت والمنتديات خصوصاً

او في الواقع الذي نعيشــــــه ,,

وكثيرة هي الردود الجارحة او المسيئة لنا

والتي قد تضعنا في موقف رد الاهانة بالاهانة

او ربما التجاهل والترفّع عن التعليق

.
.

.

.
.
.

.




يقول الشافعي رحمه الله :

يخاطبني السفيه بكل قبح .. فأكره أن أكون له مجيباً

يزيد سفاهة فأزيد حلماً .. كعود زاده الاحراق طيباً

ويقول شاعر آخر

ولقد أمر علي اللئيم يسبني .. فمضيت ثمت قلت لا يعنيني

ويقول آخر

سكت عن السفيه فظن أني .. عييت عن الكلام وما عييت

ولكني اكتسيت بثوب حلم .. وجنبت السفاهة ما حييت


.
.
.
.
.
.


اتمنى نناقش في الموضوع بجديه...!!

وكل شخص يقول الاسلوب الذي يستخدمه
لو واجه مثل هالنوعية من الناس في ردهم أو اسلوب كلامهم....!!!!؟؟
حروف اعجبتي وحدتني عليها الظروف حين نجد بعض الجهله هداهم الله يتشدقون
ولا نستطيع الرد عليهم ترفعا واحتراما لمكانتان

مشكورة اختي الكريمة على هاالموضوع
لاني كتير بتمنى اني رد على الكاتب او المتكلم بالمثل
بس بيردعني قوله تعالى ( اعوذ بالله من الشيطان الرجيم)
ادفع بالتي هي احسن فاذا الذي بينك وبينه عداوة كأنه ولي حميم
وقوله تعالى ( والكاظمين الغيظ والعافين عن الناس والله يحب المحسنين )
وقوله (واذا خاطبهم الجاهلون قالوا سلاما)صدق الله العظيم
وبيني وبينك احيانا برد الاساءة بإساءة اكبر كمان ....... الله يعفو عنا

شكرا ريماس..

الناس غير منطقيين و لا تهمهم إلا مصلحتهم ، أحِبهم على أية حال

إذا فعلت الخير سيتهمك الناس بأن لك دوافع أنانية خفية ، افعل الخير على أية حال

إذا حققت النجاح سوف تكسب أصدقاء مزيفين و أعداء حقيقين ، انجح على أية حال

الخير الذي تفعله اليوم سوف ينسى غداً ، افعل الخير على أية حال

إن الصدق و الصراحة يجعلانك عرضة للانتقاد ، كن صادقاً وصريحاً على أية حال

ما تنفق سنوات في بنائه قد ينهار بين عشية و ضحاها ، ابن على أية حال

الناس في أمس الحاجة الى المساعدة لكنهم قد يهاجمونك إذا ساعدتهم ،ساعدهم على أية حال

إذا أعطيت العالم أفضل ما لديك سيرد عليك البعض بالإساءة ، أعط العالم أفضل ما لديك على أية حال

السلام عليكم ....... نحن أناس مغتربون ...نعيش في بلاد تختلف عاداتها عن عاداتنا ....وكثيرا ما نتعرض لمواقف يلومنا البعض فيها .... ويجب ان نتحلى بالصبر والأناة .....وخير ما يعبر عن مثل هذه المواقف ..قول الشاعر ...:
إذا كنت في قومٍ غريباً فعاملهم بفعلٍ يستطابُ
وإذا ما فاهوا بفحشٍ فغريب الدار تنبحه الكلابُ:z060:
.................................................. ............................. دمتم بخير

غريب أمر العرب ... غرييييييييييب كتير ... نحنا بدنا نسد الفراغات الموجودة بعالمنا العربي بس ما منعرف إنو عالمنا العربي نفسو هو بحد ذاتو فارغ وما فيو أسس ما فيو باطن لحتى يكون فيه فراغات لحتى نملأ الفراغات ..؟؟؟
يا ريت نحكي شوي بشكل علمي .... نحكي عن التطور .. نحكي عن اللي وصلولوا البشر .. نحكي عن إنو البشر بكل العالم وصلوا لمستوى ( وطن يأكل مما يزرع ويركب مما يصنع ) اللي لحد الآن ولا دولة عربية صنعت شي لحالها ومشان ما يصير في كزب .. نحنا منصنع أراكيل والأفضل بالعالم هادا اللي قدمناه للعالم.... و لساتنا عم نتناقش كيف بدنا نرد عالتافه .... طيب إزا هو تافه ليش نرد عليه أساساً ؟؟؟ وليش نعملوا موضوع طويل عريض مشان الأستاز تافه نعرف كيف نتعامل معو ؟؟؟ يا أختي التافه دواه إنو تسفيه وبيعرف حالو تافه ....
أنا مشترك بأكتر من 200 منتدى عربي ولاااااااااااا حدا منهون متزكر شي إسمو علم .... فينا نقول ( عجائب ... تحشيش ... خواطر ... صورة وتعليق ... أخبار ... وما إلى ذلك ) بس لسا ما وصلنا لمرحلة الشرح اللي نحنا بحاجتو
أعذريني عالمشاركة اللي يمكن تزعجك أو تزعج أحد القراء .... ويمكن تضميني لفئة الناس اللي موضوعك عنهون .. بس نحنا بهالوقت بالعالم العربي عم نموت بالرصاص و من ولاد بلدنا و عم ننهان ونعتقل و عم يندعس عشرف المواطن العربي من حكومتو لأنو طلب حقو ... و عم نتناقش كيف بدنا نرد عالتافه ؟؟؟؟؟

شكرا يابلدية اللاذقية . لانك هدمت دكان يعود ليتيمين . وتركت مئات الدكاكين . فالى متى الخيار والفقوس يابلدية اللاذقية . ولماذا لاتتعامل الناس سواسية . وهل من الاخلاق والشهامة والعروبة هدم طوبة يريد ان يعتاش منها يتيمين . اوجه استغاثة الى محافظ اللاذقية الشهم ان يحاسب هؤلاء الناس الذين اذا دفعت لهم سمحوا لك بالاعمار واذا لم تدفع يكون مصيرك الهدم !!!!! انشد السلطات الامنية محاسبة هؤلاء الناس وارجو ان لايتاخر الحساب . فثقتنا كبيرة بالمحافظ حماه الله واخذ بيده

أخوتي يرجى عدم الخروج عن الموضوع

شكرا ريماس على هيك موضوع
تمنيت لو كان في نقاش جاد موبس حكي
الاكيد كل انسان بيعبر عن شخصيته من طريقة رده
كما قال احد الحكماء
ادا اتتني مذمة من ناقص فهذي شهادة باني كامل

فشرررررررررررررررررررررررررررررررررررررررررررووووو ووووووووووو

كل أناء ينضح بما فية :ndm:لك كل تحية وتقدير رغم اننى لااعرف اية الموضوغ

للاسف مخاطبة السفيه بها الايام وها الظروف الصعبه الي عم نعيشها هي اهانه لشخصنا الافضل براي نصمت فللصمت احيانا ضجيج يطحن عظام الصمت ....فاصمت

لا تزعلي ريماس
هي حال بعض الناس
ما عندهم إحساس
والسفه بحياتهم أساس

( داروا سفهائكم )
لأن السفيه ما في حل معه غير
التجاهل أو النزول لمستوى أقل من مستواه
فقط بهالحالتين بيسكت
شكرا ريماس

موضوع بيستاهل النقاش بعكس ماقاله الاخ mlam7 jr7

لانو موضوع يلامس واقع مجتمعنا والحالة الي بتتكلم عنها سببها هو الموضوع بحد ذاتو
وبالعكس اخي انت مو من هالفئة الي عم نحكي عنها لانو انت عم تحكي الشي الصحيح وماطلعت عن حدود الادب في الكلام
بس من ناحية المواضيع يلي عم ناقشها هي واقع من تجارب الحياة يلي عم نعيشها
مابختلف معك في انو لازم نحكي عن العلم والتطور بس هالشي مابيمنع كمان انو نتطرق للمواضيع الي بتعتبرا انت مالا اهمية
واكيد بيمر علينا هيك ناس سفهاء وبالنسبة لشبابنا ؟؟؟ مابيمر عليك بالعمل هيك ناس
مابيمر عليك فئة من الناس وين مارحت تقريبا
والتصرف يلي بيتصرفوه شبابنا للاسف انو بيردو الصاع صاعين وبيرشو بالحكي رش
وبتسمع ابشع انواع الكلمات البذيئة الي الواحد بيخجل يحكيها
برئيك هالموضوع مارح يكون توعية لهيك نوعيه من الشباب
لانو بيختلف التعامل مع الناس باختلاف طبقاتهم او بالاحرى على حسب قيمتن في هالمجتمع
وافضل حل هو عدم مخاطبة السفيه وتجاهلو لانو بمجرد ماأخد وعطى معو رح يشابهو بهالصفة

وقال الامام الشافعي

قَالُوا سَكَتَّ وَقَدْ خُوصِمْتَ قُلْتُ لَهُمْ === إِنَّ الْجَوَابَ لِبَابِ الشَّرِّ مِفْتَاحُ
فَالصَّمْتُ عَنْ جَاهِلٍ أَوْ أَحْمَقٍ شَرَفٌ === أَيْضًا وَفِيهِ لِصَوْنِ الْعِرْضِ إِصْلاحُ
أَمَا تَرَى الأُسْدَ تُخْشَى وَهِيَ صَامِتَةٌ === وَالْكَلْبُ يَخْسَى لَعَمْرِي وَهُوَ نَبَّاحُ

بشكرك كتير اختي ريماس على اختياراتك الهادفة والهامة
بانتظار جديدك

مشكورة ريماس على مواضيعك الي ديما بتصحينا على اشياء كنا غافلين عنها بالنسبة الي بأيد الاخت حسناء بكل كلمة
والبنسبة للاخ mlam7 jr7 كلامك صحيح لازم نناقش المواضيع العلمية وكمان لازم نناقش المواضيع الاجتماعية والحياتيه الي كلنا اكيد منمر فيها
لانه نحن بشي اسمه منتدى وتعريف المنتدى هومكان يجتمع فيه الاعضاء لتبادل الخبرات والمعلومات بغض النظر ان كانت معلومات علمية او اجتماعية والبنسبة لكلامك انه نحن العرب مامناقش الاشياء المهمه وانك مشترك باكثر من
200منتدى فهاد ضعف اختيارك للمنتديات الي انت مشترك فيها يعني انا من سنة ال2004مشترك باكثر من 15منتدى وكلهم منتديات علمية وهندسية حتى بتخدم اختصاصي ومع ذلك بتم فيها مناقشة كل المواضيع سوائا علمية او غيرها ونحن هون ان شاء الله اخوة ولو حبيت تزويدك ببعض المنتديات العلمية بشكل مطلق ياريت تقلي او تراسلني وانا بالخدمة
اما بالنسبة للست ريماس فبحب اقلك انك انسانة ذكية كتير لاختيارك للمواضيع يعني هاد الموضوع بيخلي الناس تشارك فيه متلي يعني غصب عني
وبتستاهلي تكوني مديرة بجدارة طبعا مو واسطة يعني وبهني المنتدى فيكي وهلأ اقبلي مناقشتي بالموضوع
لْحَمدُ للهِ رَبِّ الْعَالَمِيْنَ والصَّلاةُ والسَّلامُ عَلَى أَشْرَفِ الأَنْبِيَاءِ وَالْمُرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ ، أَمَّا بَعْدُ :
فإن التَّعامل مع النَّاس على مختلف طبقاتهم أمر لا مفرَّ منه لأي إنسان يعيش على هذه البسيطة ، فالإنسان لا بد أن يعيش في مجتمع فيه العاقل والجاهل ، والرشيد والسفيه ، والذكي والبليد ، والشريف والدني ، ولو عامل الإنسان كل صنف منهم باخلاقهم فلن يذوق طعم الراحة ، لأنه سيكون متقلِّب الأطوار ، مرَّة عاقلا ومرَّة جاهلا ، ومرَّة رشيدا ومرَّة سفيها ، ومرة شريفا ومرة دنيّاً ، ولن يستطيع التلبس بكل هذه المتناقضات في كل أوقاته ، خاصة إذا كان الإنسان لا يجيد التمثيل والتلبيس على غيره ، واستخدام أكثر من وجه مع النَّاس ، فلذلك جاء الإسلام بتهذيب الأخلاق ، وترتيب التَّعاملات بين الأفراد ، ولا خير فيمن يترك تعاليم ربِّه ، والاقتداء بأخلاق نبيِّه صَلَّى اللهُ عَلَيْهِ وَآلِهِ وَسَلَّمَ ، ثم يذهب يحاكي الأسافل في أخلاقهم والسفهاء في سفاهاتهم
وعلى المسلم الذي عرف دين ربِّه ، وعقل سُنَّة نبيه صَلَّى اللهُ عَلَيْهِ وَآلِهِ وَسَلَّمَ أن يظهر للناس من الأخلاق والتصرفات ما يمليه عليه دينه ، لا ما يكون فيه الانتصار لنفسه أو المجاراة لمن أساء إليه في إساءته ، ولن يسلم الإنسان من أذيَّة غيره له ، سواء كانت أذيَّة حسيَّة أو معنويَّة ، لكن الموفَّق من سدَّده ربه ، وهداه إلى كظم غيظه ، والإعراض عن مجاراة من جهل عليه وظلمه فقد قال الله تعالى { خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ (199) وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ (200) إِنَّ الَّذِينَ اتَّقَوْا إِذَا مَسَّهُمْ طَائِفٌ مِنَ الشَّيْطَانِ تَذَكَّرُوا فَإِذَا هُمْ مُبْصِرُونَ (201) } ، وقد قال النبي صَلَّى اللهُ عَلَيْهِ وَآلِهِ وَسَلَّمَ فيما رواه الإمام أحمد وغيره عن ابن عمر رضي الله عنهما أن النبي صَلَّى اللهُ عَلَيْهِ وَآلِهِ وَسَلَّمَ قال : (( الْمُؤْمِنُ الَّذِي يُخَالِطُ النَّاسَ وَيَصْبِرُ عَلَى أَذَاهُمْ أَعْظَمُ أَجْرًا مِنْ الَّذِي لَا يُخَالِطُهُمْ وَلَا يَصْبِرُ عَلَى أَذَاهُمْ ))
واسف على الاطاله ومرة تانية بحب اشكر مديرتنا ريماس والاخت حسناء على التوضيح للكل على اهمية مناقشة هاد الموضوع بشكل جاد وعملي وعدم التهاون به ابدا.

فقط للإيضاح ... أنا سوري وبفتخر بهالشي وهادا المنتدى للسوريين المغتربين ... يعني بتوقع إنو هالمنتدى لازم يكون أفضل منتدى سوري لأنه بيعبر عن شريحة مثقفة و متعلمة تقريباً من أكثر شرائح المجتمع السوري ثقافة وعلم ( المغتربين ) ...
بس فهموني مشان الله ... هالقصة مشهورة بكل العالم .. إزا معنا وعاء لازم نعبيه حجار أول شي وبعدين بين الحجار بيكون في فراغ منعبيه رمل ناعم مشان يسد الفراغات و آخر شي مشان نقتل الفراغ منسكب الماء ليتغلغل بالفراغات ومنكون حصلنا على وعاء مليان ..... بس نحنا هيك عم نسكب مياه بوعاء فاضي .... يا جماعة هالمنتدى سوري مزبوط ؟؟؟ طيب سوريا حالياً عم تمر بأخطر مرحلة مرت فيها من 50 سنة ... ليش لنكون متل الإعلام العربي اللي بين فشلو ؟؟؟ الناس عم تنقتل بالشوارع وقناة سوريا جايبة برنامج عن الإسهال عند الأطفال ؟؟؟؟ نفس الحالة بالزبط .... طيب الأطفال اللي خايف الإعلام على صحتهون عم يموتوا ؟؟؟؟ بهالمرحلة بالزات لازم يكون هالمنتدى هاد بالزات تطلع أخباره عالمحطات الفضائية لأنو منتدى السوريين المغتربين اللي فقط هنن بهالوقت بيقدروا يحكوا ويعبروا عن رأيون ويسمعنا العالم كلو إنو مغتربي سوريا بالمنتدى الخاص بالمغتربين قالوا كزا ... لأنو اللي جوا البلد نحنا منعرف شو صاير فيهون .... ونحنا عم نتناقش كيف نرد عالقبيح ؟؟ طيب الموضوع من إسمو مبين إنو اللي عم يناقشك يا أخت ريماس هو واحد قبيح .... وأنتي طرحتي الموضوع والإجابة بأبيات الشعر الي كتبتيها ...
وأنا مبسوط كتير إنو بهالمنتدى في أقسام لطلاب الطب وأقسام لطلاب الهندسة ومواضيع روعة .... وأقسم بالله بقرأ بكل المنتديات كتير مواضيع ما بعلق ولاااااااااا عواحد منها ... و أول مرة بضيف رد هو بهالمنتدى ... ما بدي حدا يتدايق مني و بتوقع الأخت ريماس من الشعر اللي كاتبتو ومن الموضوع نفسه مانا الشخص اللي بتزعل من هيك رد لأنو مبين عليها إنو واعية .. و بعتزر إنو طولت .... آخر شي بطلبو منكون تتصفحوا منتدى الهندسة ( هندسة الطيران ) لأنو هاد إختصاصي .. في صديق إلنا هون ( عاشق الوطنية ) حاطط مواضيع فعلاً متميزة ... بس للأسف عدد القراءات قليل جداً ومافي ردود إلا بالغالب .... وشكراً ^^

ههههههههههههه
يسلم تمك خيووو على كلامك
وهاد هو الشعب العربي مارح اعلق اكتر من هيك

اولا بحب اشكر الجميع على مشاركاتكن وابداء ارآئكن
وبحترم رئي الجميع والكل عالعين والراس

بالنسبة الك اخي الفاضل mlam7 jr7
ياعيني عليك كلامك منطقي وصحيح وانا معك بهالشي يلي حكيتو وكلامك مابيختلفو عليه تنين

بس للتوضيح انا لمن طرحت الموضوع وذكرت بنفس الوقت الحل صح مزبوط
بس ماكان الهدف انو انا او غيري مثلا مابيعرف الحل لهالفئة من الناس اكيد الكل بيعرف شو الحل
المقصد والهدف الحقيقي هو التوعيه والتذكير خصوصا انو صرنا نتعرض لهالفئة من الناس كتيرر بشكل مو معقول

وصارو الاطفال يعتبروهم قدوة الهن ولو تسمع الحكي يلي بيطلع من هالاطفال والردود بيناتهم

والي خلاني احط هالموضوع بس ماهو السبب الرئيسي هو تسجيل شخص من كم يوم ووضع رد جدا بذيئ في موضوع من المواضيع
طيب هلاء انا ماردت عليه وتجاهلتو وبعرف هاد هو الصح وغيري بيعرف اكيد انو الصح تجاهلو

بس هالشخص لو قرا هالموضوع مثلا مابيغير فيو شي ؟؟؟
مابتعرف ممكن يكون هالموضوع بداية طريق هداية الو

اخي الفاضل المنتدى منوع لجميع المجالات وجميع الثقافات لجميع الناس بمختلف الاديان والاجناس
وكل موضوع بيطرح بوقت معين لسبب ما

وفي كتير مواضيع عنا بتتطرق عن اوضاع سوريا وكل واحد عم يحط رئيو وبيحكو يلي بقلبن
ومافي حدا مانعن ولهم مطلق الحرية في الرئي والتعبير
ونحنا لازم مانحدد كلها تكون مواضيع للنقاش تخص في موضوع معين
لازم يكون في اختلاف وتنويع في المواضيع مشان مايصير ملل
وشكرا لكم وللجميع في ابداء الاراء واتمنى يكون نقاش جاد وواسع لانو مهم النا جميعا ونمر به بشكل كبير
وبما انك مختص في قسم الهندسة والطيران بتمنى منك اتشاركنا وتفيد الكل من خبراتك الواسعة
تحيتي لكم

على الأغلب بتجاهل هيك شخص

:z025::z025::z025:

شكرا على الموضوع لانه مهم جدا واجا بوقته انا بصراحة كتتييييير تعرضت لمواقف صعبة لاني دائما بحب الخير للناس وبحب ساعدهن بس للأسف ما بشوف منهم غير كل شي قبيح واخر موقف حصل معي من صديق مقرب جداجداجدا وللأسف انخدعت فيه كتير بعد ما ترجاني اني ساعده وحسن مستوى عمله ساعدته وماقصرت وبعد ما مشي الحال ونجح في مجال عمله صرت اتصل فيه مابيرد علي وصار يسبني ويحكي كلام ابن شوارع استغل هالظروف اللي بتمر فيها سوريا وصار يغلط علي مارديت عليه وقلت الله يصطفل فيه مع اني بحسن اخرب بيته واهينه او اشتكي عليه بس ؟؟؟؟؟ياخسارة دائما هيك بشوف من الناس حرمت اعمل خير بحياتي تو ساعد حدا لا ن الكل اللهم اسألك نفسي وبس لما بدي مساعدة حدا مابشوف حدا منهم.....بتمنى اسمع الاراء حول هذا الموضوع وكيف لازم نتصرف مع حثالة المجتمع الي عم يخربو فيها والله لوفي رقابة عالموبايل لكان الامن شحطو من بيته لانه غلط كتييييييير ويعطيكن العافية على طرح الموضوع

يا عزيزتي واختي الغالية ريماس
يعطيكي الف عافية علحوار الرائع
موضوع يستحق التقييم _فعلا_
أنا برأيي وهو يلي لازم يصير مع اي سفيه بيحكي كلام بليق فيه هو السكووووووووووت والهدوء التااااااااام مع إبتسامة رضى خفيفة وثقة بلنفس وهادا الشي اسمو (الترفع)
وياما لقيت نصائح من المحبين والمقربين عن عندم إستخدام هلطريقة بس بلعكس هي الطريقة هي الأنجح والأنجع مع اي سفيه لو مين ما نكان _لأن أحيانا أقرب المقربين للأسف بطب عليهم بعض حالات تسلط اللسان وبيتحولو لناس غرباء عننا وإزا استخدمنا معهم سياسة الترفع لما يرجعو لرشدهم رح يقدرولنا هلموقف ويحترمونا أكتر وما رح ينسو إنو ما قابلناهم بلمثل ^_^
مع تحياتي وإحترامي لآراء الجميع

تحياتي وسلامي واحترامي لاهل هذا المنتدى الجميل وهذا الموضوع رائع ويستاهل مناقشته اولا لذا خاطبك السفيه بكلام غير لائق وتجاهلت هذا السفيه ممكن يتعود على هذا ويوجه كلامه المسموم الى اشخاص اخرون واذا رددت عليه تحس وكأنك مثلك والله شيء صعب ولكن الاحسن ان لا نرد عليه ممكن يستسغر نفسه ويتوب وخير الكلام وجدت سكوتي متجـراً فلزمتـه إذا لم أجد ربحاً فلست بخاسـر

ما الصمت إلا في الرجال متاجروتاجره يعلو علـى كـل تاجـر

وهذه هي وجهة نظري وتحياتي الى كل انسان خلوق

فقد قال الأمام علي بن أبي طالب (رضي الله عنه)
خاطبت عالماً فغلبته بعلمي وخاطبت جاهلاً فغلبني بجهله

شكرا جميعا على ارائكم وشكرا لك اختي لونلي على تقيمك
واهلا فيك استاذ قاديروا وشكرا على ابداء رئيك تحيتي لكم جميعا

بصراحه الموضوع مهم
هاد الكلام كتير بصير برايي الشخصي انو تجاهل هيك اشخاص بكون احسن و اقل خسائر لانو مجرد ما تعطيهم قيمه بيطلع صوتهم اكثر
و لكم جزيل الشكر
و السلام ليس اخر الكلام

يعطيكون العافية شباب .. صراحة يوم بقرأ الردود بتزكر الوضع بالبلد وكيف كل مسؤول بالبلد بيسخر كل صداقاتو للترقيع عالمشاكل والفساد وما إلى ذلك
ردود حلوة ومنطقية وقصص واقعية جداً .. شكراً لمروركون وتقبلوا مروري

من كان يؤمن بالله واليوم الاخر فليقل خيرا او ليصمت

السلام عليكم ورحمة الله وبركاتة
اللهم صلى على سيدنا محمد
استغفروا الله انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا
والسلام عليكم ورحمة اله وبركاتة