استفسار عاجل - تقديم طلب الفيزا إلى بريطانيا

السلام عليكم ...
أعضاء المنتدى الأعزاء .. لدي استفسار .. انا طالب و تخرجت حديثا من قسم الأدب الانكليزي .. و حصلت على عرض من جامعة بريطانية لدراسة الماجستير هناك ..
بسبب الظروف الحالية .. السفارة البريطانية مغلقة في سوريا .. و كما تعلمون حتى استطيع الذهاب و استكمال دراستي .. احتاج للتقديم على فيزا طالب ..
سؤالي الآن .. بما انه لا استطيع التقديم على فيزا من سوريا .. فمن أين استطيع التقديم عليها؟؟ هل استطيع التقديم عليها من اي دولة في العالم؟؟ ام فقط من لبنان او الأردن حسب ما فهمت؟؟
سمعت انه يمكن التقديم على طلب الفيزا اون لاين .. هل هذا كاف؟؟ ام علي الذهاب لإحدى السفارات البريطانية ؟؟
اتمنى ان يستطيع احد ما ان يساعدني ..
شكرا جزيلا

أهلا و سهلا فيك ...

هلأ بالنسبة للفيزا .. بعتقد ممكن تقدم عليها من اي دولة ..
و لكن المشكلة مو بالتقديم ... المشكلة بمدى إمكانية الموافقة على منح الفيزا ..!

الشي التاني ... بما انو حضرتك عم تقول انك حاصل على عرض من إحدى الجامعات البريطانية ...
فـ أنا بنصحك و بشدة .. إنك تتواصل مع هالجامعة و تشرحلهم وضعك ...
و هنن حتما رح يخبروك بالخيارت المتاحة بالنسبة للفيزا ....... و رح يكون كلامهم هو الأضمن ..
لأنو طبيعي رح يكون عندهم خبرة بهالخصوص .. و حتما عندهم تجارب مع طلاب سوريين تانيين ...

كمان ممكن تتواصل مع السفارة يلي بالشام " او يلي كانت موجودة " عن طريف الويب السايت ..
هلأ هنن حاطين رقم تلفون " بس للطوارئ " ... و حاطين ايميل .... بعتقد بس لرعاياهم ...
بس ممكن مثلا تتواصل معهم عن طريق الايميل و تستفسر عن وضعك ... و ان شا الله بيردوا عليك و بيفيدوك


هاد لينك الويب سايت إذا حابب :
http://ukinsyria.fco.gov.uk/ar/about-us/contact




بصراحة انا هاد يلي بعرفو ... و هي المعلومات يلي عندي :)
و ان شا الله أي حدا عندو معلومات اكتر بهالخصوص .. بيتواصل معك قريبا ...
بالتوفيق

صديقي العزيزوين انت متواجد حاليا .. يعني بسوريا ولا خارجها ؟
استتطيع ان افيدك بشيء من اجل السفر الى بريطانيا...

تحياتي

مشكورة Sanaa على المعلومات القيمة و سوف اتواصل مع الجامعة و السفارة البريطانية بدمشق لأتأكد .. شكرا جزيلا :)

أخ xkaliber84 .. انا حاليا موجود في سوريا .. و لكن المشكلة اني بحاجة إلى الحصول على فحص التوفل .. الفحص غير متوفر بسوريا .. لذلك أريد مغادرة سوريا إلى بلد آخر من أجل تقديم فحص التوفل ..
أغلب الظن أني سوف أذهب إلى ماليزيا و الحصول على عمل مبدأيا .. و من ثم سوف أقدم امتحان التوفل .. و بعد ذلك سوف أقدم طلب الفيزا في ماليزيا .. سؤالي .. هل من الممكن التقديم على فيزة طالب إلى بريطانيا في ماليزيا علما بأني سوري؟؟
أرجو ان تستطيع مساعدتي .. و شكرا لك

اخي الكريم :
انا أعمل في شركة خدمات طلابية global educational center كمدير اقليمي للشرق الاوسط
استطيع ان افيدك ونحن نؤمن بدورنا الفيزا المضمونة الى بريطانيا واستراليا وكندا وسويسرا .. مع القبول الجامعي في جامعات حكومية .
لا اعرف كيف يمكن ان تتوصل معي ..
هل مسوح ان اضع عنوان اتصال بي هان ام غير مسموح الاخوة في الادارة ؟

عليك أن تكون مقيم في البلد الذي تقدم منه للفيزا ولست زائراً.. ماعدا لبنان والأردن التي تسهل للسورين التقديم نظراً للظروف الحالية!
ؤنصيحة من مجرب! يبدو أن القبول الذي حصلت عليه من الجامعة هو قبول مشروط أو شرطي! أي أن احتمال رفضه حتمي من القنصلية لعدم تقديم إثبات للإنكليزية كال IELTS و TOEFL
اذا كان هذا حالك، حاول ان تحصل على قبول غير شرطي Unconditional Offer حتى يتنسنى للجامعة مساعدتك حال أرادت!
وضع الطلاب السوريين في بريطانيا غير محمود حاليا لأن معظم الطلاب يواجهون مشاكل في تسديد القسوط الجامعية
إبحث في البي بي سي عن Syrians Student لتعلم المزيد.

بالتوفيق

الاوراق المطلوبة لعمل الفيزا البريطانية للطلاب:
· ملئ فورم فيزا طالب للمملكة المتحدة صادر عن الموفوضية العليا لوزارة الخارجية البريطانية
· صور لكل صفحات جواز السفر الحالي
· = = = = == = = القديمة(في حال هناك جوازات قديمة)
· كتاب قبول وموافقة على دخول الحدود البريطانية بكفالة من الجامعة التي سجل بها الطالب.
· وثيقة ( غير محكوم) اوخلاصة السجل العدلي والجنائي
· كشف حساب مصرفي لاخر ستة اشهر
· وثيقة تثبت دفع رسوم الدراسة للسنة الاولى كحد ادنى.
· ثمانية صور شخصية (خلفية بيضاء)
· (ميديكال شيك) عند اطباء معتمدين من الحكومة البريطانية فقط ولاتسلم للطالب باليد وانما ترسل من الطبيب اول المركز المختص الى قسم الهجرة مباشرة.

تحياتي

اقتباس:

---

المشاركة الأصلية كتبت بواسطة xkaliber84

اخي الكريم :
انا أعمل في شركة خدمات طلابية global educational center كمدير اقليمي للشرق الاوسط
استطيع ان افيدك ونحن نؤمن بدورنا الفيزا المضمونة الى بريطانيا واستراليا وكندا وسويسرا .. مع القبول الجامعي في جامعات حكومية .
لا اعرف كيف يمكن ان تتوصل معي ..
هل مسوح ان اضع عنوان اتصال بي هان ام غير مسموح الاخوة في الادارة ؟

---

مافي مشكلة تحط عنوان اتصال ..
يقدر من خلالو الاستاذ " صاحب السؤال " يتواصل معك ...
كرمال يحصل ع المساعدة ....

و طبعا شكرا لـ حضرتك ع الاهتمام

اتقدم بكامل الشكر والتقدير لادارة المنتدى
للتواصل/ bashar.hamidi عالفيس بوك
xkaliber08 عالسكايب
ااو bms84 عالهوتميل


يمكن التواصل معي لاي استفسار و انا جاهز لاي خدمة
تحياتي

مشكورين جميعا على تعوانكم أصدقائي ..

أخ xkaliber08 ... انا شاكر الك على المعلومات القيمة .. و هلأ ضفتك على سكايب (اسم حسابي captain.america08 ) و رح ضيفك على الفيس بوك من بعدك اذنك (اسم حسابي obada.zaidany ) مشان أقدر أفهم منك كل التفاصيل و اشرحلك وضعي .. و شكرا جزيلا لك ..