الام حست حالا تعبانة شوي .........
فجمعت ولادا حواليا وصارت تقولون : يا ولادي حبو بعضكم وكونوا ايد وحدة دائما ....
كل واحد يآثر اخو عن نفسو .. حبوا الخير لبعض وكل واحد يبدي اخو عن حالو .... خليكم حبايب وسامحوا بعض.......
و الله بتصيروا من احسن الناس وبرفع راسي فيكم ........
بعد فترة شعرت الام انو كانت مخربطة بالوصية ...
.....
. بس هية سكتت وماعاد رضيت تحكي شي.....
وولادا يقولو لها : شبك ماما ليش ساكتة ؟؟ نحنا زعلناك شي ؟؟
كانت الام تبكي وماتحكي شي ....
وتعبت اكتر من اول ...انحنى ضهرا وصاروا ايديها يرجفوا .....
ختيرت كتير كتير ..... وولادا زعلوا كتير ....
بركت الام......... وابيضوا عيونا من البكا....
وكل ما يفوت لعندا ولد من ولادا .... بيشفق عليها وبيصير يبكوا هنة تنين سوا .....
وبس يطلع ..... بيطلع صوت العياط والخناق والضرب لعند الام ..... يلي ندمت كتير
ندمت لانو بالمحبة وصتون ..
. وماوصتون :
انوا ما حدا يعيط على حدا...... وما يتخانقوا ..... وما يتضاربوا
وما حدا يقتل اخو.......وماحدا يخطف حدا ... وماحدا يجوع حدا .... وماحدا يقنص حدا ....
ندمت كتير ... كتير ....
