قصـــة وجــــع .....!!!

قصـــة وجــــع .....!!!
















بالشام ....

بتبكي لمّا بتلائي مافي حدا من يلي مشيو معك بشوارعها بيوم من الايام ... جنبك ..!

بتبكي لمّا بتمرء بأماكن جمعتكن سوا بتلائيها عم تسألك ويينن ؟؟ ومابتئدر ترد عليها .. !!

بتبكي لانك صرت تستوحش فيها ..صارت قاسية ..غريبة ..بتخوف !!

بتبكي وقت بتلائي حالك فيها ومو قادر تحس بالفرحة الحقيقية يلي صرت تشتاقلها .. !!

بتبكي لمّا بتكون ماشي وبيوقفك رجال كبير بالعمر ...
بيسألك ازا بتعرف حدا يشغلو ناطور ببناية ليلائي غرفة تئويه هو وولادو غير الحديقة .. !!

بتبكي لمّا بتكون طالع بتكسي وبتتعربش عليه وحدة ...
وبتترجاك لتعطيها حق دوا كرمال ابنها المرضان !!!


بتبكي لمّآ بتسمع وبتشوف وجَع كتييييير وكبييير ....
وبتعجَز تمسَح هالوجع من كل هالقلوب !!

بتبكي لانك عايش ، عم تاكل ، عم تشرب ، عم تنام ،
عم تتداوى ، عم تضم ولادك و تبوسن كل ليلة ..
و في عالم متمنيه ربع الي إنت فيه !!



الشام وأهلها صارت قصة وَجَع عميـــــق ...
الله وحدو كفيل بمسَح هالوَجع ..

الله يحفظها من كل سوء ...
وان شاء الله ترجع متل أول وأحسن !!




منقـــــــــــول



https://fbcdn-sphotos-d-a.akamaihd.n...04779991_n.jpg

الله يفرجها ع شام

يا رب عجل فرجك

يعطيكي العافيه سوسو

آمين يااارب ...
الله يعجل بالفرج ....