بازلاء طبخة جديدة من ابتكاري

المعروف ان العرب بيحبوا ابتكار وتجريب مختلف انواع الاطعمة والاكلات

والمعروف ايضا انهم بيحبوا يحشوا اي شيئ بالرز يعني المهم يحشوا.... كوسا بيتنجان قرع ملفوف

اوزي بسمشكات (لحمة محشية لحمة) كبب بانواعها بطاطا جزر فليفلة يبرق.........


المهم اليوم ابتكرتلكم اكلة جديدة مشان تجربوها وتتبع لاكلات المحاشي ...

بازلاء محشية :

طريقة الحشي (الصنع) http://syria-stocks.com/forum/images...es/biggrin.gif

نصف كيلو بازلا ..كاسة رز مطحون

تقوم بسلق البازلاء نصف سلقة

تقوم باحضار سرنغ ابرة معقم ونمسك حبة البازلا ونفرغ داخلها تماما ............بعد الانتهاء

نقوم بتعبئة السرنغ بالرز المطحون ...........وحقن حبات البازلا به ..ايضا بعد الانتهاء

نعيد البازلا المحشية الى الوعاء ووضع ثلاث ملاعق من السمن وعلى نار هادئة لمدة 20 دقيقة

وصحتين وعافية

اذا جربتوها لازم تعزموني ....انس

ياااه ... بازلاء محشية !!


فعلا مبتكرة ... و ما بتخطر ببال حدا !!

بس بعتقد كتير بدها و قت و جهد خاصة إذا الكمية كانت كبيرة ...


بس بكل الأحوال أكلة غريبة .. بتستحق التجربة فعلا

بنجربها على شي 20 حبة بازلاء مبدئيا ههه

يعطيك العااافية

تحيتي و تقييمي

هههههههههههه
والله ضحكتني
عنجد بتحكي ولا بتمزح ؟؟؟؟
بازلا محشية ؟؟؟؟!!!!!!!!! وسرنغة ؟
هي بدها نهار بحالو ما بتخلص
على كلن مشكور وياريت تخترعلنا طبخة سهلة المرة الجاي ^_^

اقتباس:

---

المشاركة الأصلية كتبت بواسطة ms.lonley

هههههههههههه
والله ضحكتني
عنجد بتحكي ولا بتمزح ؟؟؟؟
بازلا محشية ؟؟؟؟!!!!!!!!! وسرنغة ؟
هي بدها نهار بحالو ما بتخلص
على كلن مشكور وياريت تخترعلنا طبخة سهلة المرة الجاي ^_^

---

هههه ولله بعتقد يا ميس لونلي .. أنو هي فكرة طريفة خطرت بباله

بس ما بعتقد مجربها أبداااا ... لأنو تطبيقها شبه مستحيل ههه

اتخيلي عم نحشي كل حبة بازلاء بالسيرنغ !!! هههه

بعتقد ... لذلك قال جربوها و عزموني ههههه

:z033:الي بيجرب لازم يعزمنا هي اذا حاول يجرب هههههه


شكرررا اخي انس

شكرا لكما هي مزحة وخطرت لي كما قلت عندما اشاهد كم نحن مغرومين بحشي الرز بكل شيء كما كتبت
فلماذا لانحشي البازلاء ايضا ؟؟ طبعا يلي بدو يجربها ....يجربها بس لازم يكون صبور كتير اصبر من الصبر لما صبر وصار صبار

بالمناسبة عنا بالشام عندما نبدأ بامر لاينتهي عند حد معين .. سابقا كان المشمش هو سيد المربى الان الصبار صار من المربيات المجففة الجوز

الجوزة كما هي بخشبتها يصنعونها لتصبح من المربيات المجففة ( طيبة كتير عن جد) الدراق الاجاص التفاح ......والتفاح يتم استيراده من الجولان

والجولان جزء من سورية وشوبدي احكي لاحكي وشوبدي احشي لاحشي ...

:z027::z027:انت تحفه بالفعل اختراع شورأيك تجربهاانت وتعزمنا
انت لازم تكون بموسوعة غنيس:z027:

ههههههههههه
لا تحكي شي
ولا تحشي شي
ونصيحة مني إلك لا تدخل المطبخ مرة تانية هههههههه
مشان ما تقللنا المرة الجاية إنك إخترعت طبخة جديدة يلي هي حشي السمسم بلميكروسكوب خخخخخخخخخخ
بس عنجد إنت نهفة اخي انس الله يخليك لاهلك ^_^

اقتباس:

---

المشاركة الأصلية كتبت بواسطة Sanaa

هههه ولله بعتقد يا ميس لونلي .. أنو هي فكرة طريفة خطرت بباله

بس ما بعتقد مجربها أبداااا ... لأنو تطبيقها شبه مستحيل ههه

اتخيلي عم نحشي كل حبة بازلاء بالسيرنغ !!! هههه

بعتقد ... لذلك قال جربوها و عزموني ههههه

---

اي اي
خيتو سانا طلعت مزحة بلآخر ههههههههه
قلت لحالي مستحيل يكون مجربا :)
شو رأيك إنتي تجربيها وتعزمينا عليها ؟

اقتباس:

---

المشاركة الأصلية كتبت بواسطة ms.lonley

اي اي
خيتو سانا طلعت مزحة بلآخر ههههههههه
قلت لحالي مستحيل يكون مجربا :)
شو رأيك إنتي تجربيها وتعزمينا عليها ؟

---

هههههه أي مو تكرم عينك

و أحلى عزيمة على بازلاء محشية لعيونك ...

بس هي العزيمة بالأحلام طبعا ... مستحيل تتطبق على أرض الواقع هههه


الله يسامحك ...ما لقيتي غيري !!!! ههههه

اختيار غير موفق إطلااااقا هههه

شو مشان صرلي سنة ونصف عم استنى

حدا يعزمني على بزاليا

بزاليا. بزاليا ياعالم ياناس

مو خاروف مكتف ولا جدكم بالزيت

لك شو صايرلا العالم مابعرف

حلو الواحد كل فترة ينكش موضوع قديم للذكرى

بس ماياخدها عادة

على كل تذكرنا اسماء بعض الاعضاء يلي ماعاد شاركوا

وهي فائدة

انو ندعي لهم

ان شاء الله يكونوا بخير جميعا

والله يحمي ويفرج عن سورية واهلها

آمين يا رب ....

كتير اشتقنا لـ المس لونلي ... و لكل الأعضاااء ...
ان شا الله يكونوا بـ خير ... و نرجع نشوفهم من جديد معنا ....

و بالنسبة للبازاليا ... لما تلاقي حدا يتبرع و يعملها .... خبرني ..
مشان اعزم حالي هههه

ههههههههههههههه اي انا رح اسرق منك الفكرة واحشي فووووووول

خلص سناء فرجت هي لقينا مين يعزمنا سوا على هالاكلة الشهية

نانو خانم اذا ممكن وانت عم تحشي الفول حشيلك كمشة بزاليا بينوبك ثواب فينا

واعتبري حالك عم تعملي فول مدمس بس بدال ماترشي حمص رشي بزاليا

يسلموا ايديكي سلفا بعرفك مابتقصري 8_8

لو كانت صورة موجودة لطبختك كان احسن لكي اخد فكرة عنها

شكرا لك

هههههههه

على البك
يسلمو للابتكار الجديد

محشي بازيلا !!!!!!!!!!!!!
هو فيني اكل الطبخه هي اكيد من تحت ديات رهومتي لانو عندا صبر لتحشي سمسم ما بس بازيلا :z032:

معاكي حق يا مريومتي لدرجه عندي صبر امسك راسك واجيب شعرك واطلعو شعره شعره

وصحه وهنا عئلوبنا


طبخه طيبه


شكرا عالطبخه