المسألة مو مسألة زواج من عربية أو اجنبية المسألة مسألة راحة واستقرار
متل ماقال الأخ خالد ...
يعني ازا الواحد طالع مشان يكمل دراستو أو بدو ياخد الجنسية
لحتى تنفتح كل الابواب قدامو وتزوج اجنبية لهالغرض هاد
مابظن الله رح يوفقو .. نحن كعرب بنقول دائما بنات الناس مو لعبة
والمقصود بالناس مو بس بنات العرب لأ كل البنات
بغض النظر عن الدين والعادات والتقاليد ..
وكل واحد الله بيعطيه على قد نيته ..
فإزا كانت نيته الزواج من اجنبية وبعدين بس يخلص ينفصل عنها
حالها حال الكماليات متل السيارة والموبايل .. هاد اكيد مرح يتوفق
لأنو كلنا بشر وكلنا إلنا مشاعر وإلنا حقوق وواجبات
اما اللي عجبته بنت اجنبية ولقى فيها المواصفات المطلوبة
واندمج معها وتفاهمو وكان تفكيرن واحد فليش لأ!! الله يتمم على خير
وبالنسبة لنسبة العنوسة .. كل واحد إلو نصيبه
بشبه هي الحالة بحالة شب بقول لأبو بدي اخطب فلانة
بيقلو ابوه لأ بنت عمك اولى فيك .. بس قلبو وتفكيرو مابيميلو لبنت عمو
بيميلو للبنت اللي هو اختارها وبدو يعيش معا ورح يتحمل مسؤولية اختياره
وماحدا رح يعيش بدالو هي حياتو وهو حر فيها ومسؤول عنها
العنوسة كمان هيك يعني ازا الواحد مال قلبو لأجنبية ومقتنع فيها تماما
شو ماكان تفكيرو هو حر وماحدا بيغصبو على بنت بلدو ..
لأنو مابدنا نعيش حياة تعيسة على مبدأ بنت بلدك أولى فيك
وكل واحد فينا الله كاتبلو نصيبو .. مافي داعي للتفكير يعني

ده اقتراحي في القضية بصراحة هههههههه

موضوعك جدا مميز ريماس كالعادة طبعا
كل التقدير والاحترام لروحك