ازا منرجع لايام المدرسة شوي..منتزكر انو كان في طلاب درجة ممتاز بالعلامات وبالامتحانات يكونو علامة كاملة وازا نئصتهن علامة يصيرو يبكو

والضعيفين بالدراسة يتفرجو عليهن باستغراب!! طيب كيف يدرسو كيف بيدرسو!!
كنت اسال حالي هدول ما بيلعبو؟؟
وبفترة الحصص الدراسية اكتر الوئت مركزين مع المدرس بكل حرف وبعضنا كان يشرد ويسرح او يحكي مع رفيئو بشي شغله برات الدرس
01.jpg
هون طبعا صنف المجتمع التصنيف التالي..صنف الناس حسب مستواهن العقلي والسلوكي اغبياء واذكياء يلي بجيب علامات عالية ومتفوق هادا ذكي ويلي بجيب علامات ضعيفة هادا غبي..حدا فكر يوم من الايام ليش الشقي الضعيف دراسيا كان يقدر يتلاعب على زميلو المتفوق بمجال غير مجال الدراسي ويتفوق عليه!!!
معناها الذكاء ما بينحصر للدراسة وبس..في متفوق دراسيا لكن فاشل اجتماعيا وما بيعرف يعيش ويجاري اصناف البشر..منشوف احيانا نموذج شباب بفوتو بين عالم وبيحكو بطلاقة وبصير يلي بدنياه مع انو كان فاشل دراسيا!!
على فكرة الذكاء الاجتماعي ئلو علاقة بذكاء العاطفة بتلائي المتفوق دراسيا فورا بعصب لو خسر او قلت علامتو وبعد ما يتخرج ويفشل بمجال من مجالات الحياة بصير يائس لانو هو تعود بنظرو انو يكون ناجح دائما وما بيفشل ومنشوف الذكي اجتماعيا ويلي كان فاشل دراسيا بكون قادر على كبت ردة فعلو وتاجيلها لانجاح موقف معين!!
هادا المتفوق اجتماعيا ما بقل اهمية عن المتفوق دراسيا بالعكس نحنا بحاجة لوجود هيك شخص بحياتنا..السؤال ويلي بدي اوصلو اما آن الاوان ان يؤخذ هذا الذكي بعين الاعتبار وتوكل اليه المهام والمناصب التي تحتاج لهيك نوع من الذكاء
1.jpg