يلا نفوت ونسترجع ايام تراثنا القديم بصورة جميله ( وقت الي كان جدك بيدق المهباج )

**aramees** · 12-23-2010 07:20 AM

حتى التحيه هالمرة لازم تكون ممزوجه بلون التراث القديم

مساكم الله بالخير يا عرب

طال عمركم

شحوالكم عساكم دايمين الصحه والحال

موضوعنا اليوم راح نروح لبعيد شوي

نرجع شوي لإيام جدي وجدك

راح نتوج اليوم بهالصفحه صور تراثنا الشعبي القديم

واللذي طالما بقينا احياء نعتز به ونفخر به

فينا يللي شاف الهودج

وفينا يللي شاف المهباج

وفينا يللي شاف الثوب الفلاحي المطرز

يللي كانت تلبسو جدتي وجدتك

وفينا يللي شاف الساقيه زمان

وفينا يللي شاف فخارة المي

بدنا منكن كل عضو يفوت ويحمل معو صورة عن التراث

لا بد ما نحيي هالتراث والا راح ينمحي من زاكرتنا

وطبعا يللي مالو قديم مالو جديد

هيك كانت تقول جدتي وجدتك زمان

وراح ابدأ بنفسي وقدملكن بعض الصور

طبعا هيك كان زمان المقعد العربي تبع جدي وجدك

وهيك كانت الاضاءه زمان .. ما في كهربه كان الفانوس وبيشتعل عالجاز

وهاي كمان بكرج الفهوة العربيه والمعروفه بالقهوه ( الساده )

وهاي كمان المحماصه القديمه ومعها ملعقة التحريك طبعا تستخدم لتحميص القهوة والهيل

وكمان المهباج ويللي كانوا بيستخدمو لدق القهوة والهيل وبهارات القهوة

وما ننسى كمان الزير يللي كانو بيستخدمو لشرب المي

بهيك الفكرة وصلتلكن أكيد

اي صورة تخطر عبالك بتتعلق بتراثنا القديم

بزمن جدي وجدك

ارفقها لالنا لحتى نشوف ونفيد ونستفيد

ويا ريت طبعا إزا أمكن الصورة تكون موضحه بشرح

بسيط متل ما شفتو

تحياتي لالكن

Aramees

**دمعة فرح** · 12-23-2010 07:31 AM

فكرة حلوة وجديدة اراميس .. حلو الواحد يسترجع ايام زمــان ايام العز والراحـة .. ويشعر بالسعـادة وهدواة البـال

موضوع حلو كتير كتير .. وطبعا الفكرة وصلت ووضحت اكتر بالصور .. يلا شباب شوفونـا الهمـة

ولي عودة للمشـاركة

ودي ووردي

**ماهرالفيزو** · 12-23-2010 07:44 AM

موضوع بقمة الروعة خي اراميس وفعلا يذكرنا بلماضي الجميل

انا من ناحيتي بذكر كتير اشيا ورح حاول جيب كم صورة بس بلوقت هاد الصور مو موجودات وحبيت اشكرك على موضوعك الرهيب والرائع

شكرا خي اراميس ودمت بخير

**دمعة فرح** · 12-23-2010 07:50 AM

دلة القهوة العربية على الفحم .. تستخدم بالديوان ولا زالت تعتبر تراث وديكور خلاب

والصناعات اليدوية المتعددة من سعف النخيل

هاد اللبس القديم للنسوان والبنات .. كانو محتشمات وياويلها اللي بتلبس غير هيك .. اصلا ماكان غير هيك

نحن هلأ ازا مو بجامة تعطي الحرية لضرب شلوط ... وقطن 100% مابنلبس

لي عودة