صدقت اخي الكريم في جزء مما قلت لكن.....
الامان موجود بسوريا و موجود بأغلب دول العالم و لا مفكر انو كل دول العالم متل الصومال و ساحل العاج كل العالم عايشين بأمان
و بعدين انت اكيد تابعت الثورة المصرية و كل المراقبين و المحللين و المتابعين أكدوا على أنو حوادث السرقة و الاعتداءات و القتل و التحرش الجنسي تكاد تكون معدومة في فترة الثورة و فترة ما بعد مبارك حتى الان
و تالت شي ما حدى طرح فكرة رحيل النظام اذا في نية صادقة للإصلاح و بأكدلك على كلمة صادقة لاني من /11/ سنة ما تصلح شي و يا ريت يكون في اصلاح و متل ما قلت اهم شي اصلاح القضاء و محاكمة الفاسدين و الاهم من كل ما سبق تحقيق نزيه عن في احداث درعا و اللاذقية اكراما للشهداء الابرار و عزاء لأهاليهم الابطال و محاسبة المسؤولين كلهم بلا استثناء[/quote]
يا اخي الكريم شكرا على الرد
بس اي اغلب دول العالم ما عندها الامان الموجود بسوريا وانا بعرف كتير بلاد بحكم عملي
انا مسافر لمصر اكتر من 11 مرة
ولامريكا 3 مرات
وللجزائر ودول افريقية كتير ومنها جنوب افريقا
ولماليزيا وتايلند وفرنسا وبلجيكا
ماليزيا الوحيدة يلي فيها امان بشكل يقترب من الوضع بسوريا
ولا تنسى يا اخي الكريم دور المواطن باجراء الاصلاح وعدم السماح للفساد من هلأ ورايح مهما كانت الاسباب
وهي الامور بدأت تحدث فعلا شوف الناس كيف بدأت تحكي عن رؤساء البلديات والشرطة وووووو الخ
ومن جهة الامان لازم تشوف العراق وليبيا والصومال وساحل العاج قبل المشاكل وبعد المشاكل
انا كنت بابيدجان عاصمة ساحل العاج لمدة 45 يوم عام 2008 صدقني ما فيك تطلع لحالك بعد الساعة 7 مساء واسال مجرب
واسال اهل العراق حتى يلي كانو اشد الكارهين لصدام حسين ونظامو شو بيقولو هلأ
بقولو ياريت يرجع صدام ويبقى 100 سنة بس نحسن ننام ببيوتنا ليلة وحدة حاسين بالامان بدون خوف

اللهم عرفنا نعمك بدوامها ولا تعرفنا عليها بزوالها يا ارحم الراحمين
من شان هيك برجع بقول انو الصبر على الاصلاح ببطأ وبخطوات ثابتة افضل الف مرة من التسرع وعدم القبول والرفض المسبق يلي بودي على الخراب وتأخير الاصلاح اكيد
وعلى كلمة صادقة اكيد لح بكون في اصلاحات صادقة لعدة اعتبارات بتخص النظام بغض النظر عن المواطن سلام