المشاركة الأصلية كتبت بواسطة saherrr


السلام عليكم جميعا
انا بدي اسأل سؤال افتراضي وبعدين ؟ يعني خليني اعتبر انو تغير النظام وبعدين ؟ شو لح يصير؟بغض النظر عن الاحداث يلي بدا تصير اثناء تغيرو خليني اتجاوز كل هي الاحداث واسال وبعدين شو لح يصير؟
انا اكيدانو الكرامة والحرية الناقصة يلي عايشنها هلأ لح تكون معدومة بعدين حالة الامن والاستقرار الموجودة هلأ وانتم كلكم مغتربين وبتعرفو شو معنى الامان بسوريا لح تكون معدومة بعدين لسنتين لخمس سنين عشرة اله اعلم
ليش ما نحاول نغير سلوك النظام نرفع شعار لا للفساد لا للرشوة لا للواسطة ونغير ولو ببطأ بس بخطوات ثابتة ومعروفة ومعروف نتائجها ومو تغير مجهول النتائج مع عدم استقرار وخراب ودمار وهاد سؤال متروك الكم الاجابة عنو ؟
ومن جهة ثانية اهم شي بالنسبة للاصلاح هو مطالبة اصلاح القضاء لان القضاء والعدل هو اساس الملك واذا تم اصلاح القضاء بسوريا فبكون في امل بالاصلاح لان المواطن اذا شعر بالثقة بالقضاء ماعاد يخاف من شي والفاسد اذا عرف انو في قضاء نزيه لح يخاف ويلجم فساده وسامحوني على الخلط بس في افكار كتير بتكون عم تراود الواحد منا وهو عم يكتب وشكرا



ماليزيا الوحيدة يلي فيها امان بشكل يقترب من الوضع بسوريا
ولا تنسى يا اخي الكريم دور المواطن باجراء الاصلاح وعدم السماح للفساد من هلأ ورايح مهما كانت الاسباب
وهي الامور بدأت تحدث فعلا شوف الناس كيف بدأت تحكي عن رؤساء البلديات والشرطة وووووو الخ
ومن جهة الامان لازم تشوف العراق وليبيا والصومال وساحل العاج قبل المشاكل وبعد المشاكل
انا كنت بابيدجان عاصمة ساحل العاج لمدة 45 يوم عام 2008 صدقني ما فيك تطلع لحالك بعد الساعة 7 مساء واسال مجرب
واسال اهل العراق حتى يلي كانو اشد الكارهين لصدام حسين ونظامو شو بيقولو هلأ
بقولو ياريت يرجع صدام ويبقى 100 سنة بس نحسن ننام ببيوتنا ليلة وحدة حاسين بالامان بدون خوف

اللهم عرفنا نعمك بدوامها ولا تعرفنا عليها بزوالها يا ارحم الراحمين
من شان هيك برجع بقول انو الصبر على الاصلاح ببطأ وبخطوات ثابتة افضل الف مرة من التسرع وعدم القبول والرفض المسبق يلي بودي على الخراب وتأخير الاصلاح اكيد
وعلى كلمة صادقة اكيد لح بكون في اصلاحات صادقة لعدة اعتبارات بتخص النظام بغض النظر عن المواطن سلام




كلام سليم ... و أنا اتفق مع حضرتك في كل ما ذكرت

بالنسبة للأمان ... فعلا - و لله الحمد - سوريا تتمتع بمستوى عالٍ من الأمان

و من ناحية أخرى أنا مؤمنة بأن الوضع الحالي يتطلب الكثير من الحكمة و التعقل ...

أحوال كتلك ... لا اعتقد أنه من الممكن أن يفيد معها الانفعال الشديد و التسرع ...

كلنا نريد الإصلاح ... و محاربة كافة أنواع الفساد ...

لا أحد منا يريد أو يرضى بالخراب !

كلنا نتمنى لبلدنا الأفضل دوماً ....

وطبعا الإصلاحات لا يمكن أن تتم ما بين ليلة و ضحاها ...

الإصلاحات حتماً تحتاج لبعض الوقت ...

أهم ما في الموضوع .. أن يكون هناك نيّة صادقة و حقيقية للإصلاح ..

يتم ترجمتها إلى اجراءات و خطوات مبدئية عمليّة واضحة ...

و أنا اتفق معك .. فأنا اعتقد أيضاً أن هذه النيّة موجودة ... و فعلا قد تم اتخاذ بعض الاجراءات البسيطة المبدئية حالياً

و لا اعتقد أن يتم التأخر بمتابعة الإصلاحات بكافة المجالات بإذن الله ...

هذا ما اعتقده و أتمناه ... و هذا ما يتمناه الجميع ...


نسأل الله أن يُحقّ الحق دوماً ... و أن يلهمنا رُشدنا ..

و أن يرحم شهداءنا .. و يلهم أهلهم الصبر ...

و أن يحمي بلادنا و يحفظها من كل سوء ....

و أن يصلح أحوالنا و أمورنا كلها ...


تحيتي و احترامي