اقتباس المشاركة الأصلية كتبت بواسطة مريام مشاهدة المشاركة
هالشي تشجيع للهكر








صح ... ممكن يكون تشجيع للهاكرز ... بس أنا بتوقع كمان انو هي تعتبر حركة مدروسة كتير ... سألتيني ليش مو ؟؟!!

أكيد مو ... رح جاوبك ( من وجهة نظري الخاصة طبعا ) :


هلأ الهاكرز ... موجودين موجودين ... و ما حدا بيقدر ينكر وجودهم .. و مو بس هيك ... صعب حدا يوقفهم ...

بس هدول الناس عندهم قدرات و امكانيات معينة لا يستهان بها ... ممكن جدا الاستفادة منها ... و هاد يلي عملتو الفيس بوك من خلال عرضها ...

هي عرضت عليهم صفقة ... المال مقابل اكتشافهم للثغرات الأمنية الموجودة بالفيس بوك .... كرمال يتم معالجتها و تفاديها ....

يعني هي عم تحاول تستفيد من امكانياتهم بالشكل يلي بيخدم مصالحها و بيساعد على تطوير الفيس بوك ...

بمعنى تاني ( بما انو هدول الناس موجودين فعلا ) ... بدل ما يسببو أي أذى للفيس بوك من خلال استغلالهم لأحد الثغرات ...

بيتفقوا معهم ... أنو يخبروهم بهالثغرات لياخدوا حذرهم .... و هالشي مقابل مبالغ معينة ( أكيد أقل من الخسارة يلي ممكن تصير بحال بقيت هالثغرات و تم استغلالها ) ...

يعني الموضوع .. بيزنس ... الهدف منو توظيف قدرات الهاكرز ( الموجودة أصلا ) لتحقيق المنفعة ... بدل من تسبيبها الأذى ...

و طبعا كمان ما بنستبعد انو موقع الفيس بوك .... مع الأيام .... يشغل هالناس لحسابو !!



لذلك ... طبعا هالعرض ممكن يشجع الهاكرز ... بس كمان هنن بهالطريقة عم ياخدوهم لصفهم ... على مبدأ :

" بتغدى فيهم ... قبل ما يتعشوا فيني "