يوميات مواطن صالح
وصل المواطن الى منطقة البحصة ودخل المبنى الحكومي لانجاز معاملة :
المواطن : شفلي هي المعاملة عندك اذا بتريد ؟؟
الموظف: شو هي ؟؟؟
المواطن : هدول غرامات ......الدولة عم تطالبنا بها ولكن الغرامات لاتخصني وقد حصل تشابه اسماء ؟؟
الموظف : بعد صفنة طوووويلة .... ايوا ...!!!! لاء موعندي ......بدك تروح على مديرية المحاسبة بالميسات ...
المواطن :لاحول ولاقوة الا بالله ..دلونا لعندك ؟؟؟
الموظف : يلي بعدو ...!!!!
يتوجه المواطن الى الميسات ويدخل المبنى ويسأل عن الموظفة المختصة :
يدخل الغرفة فيجد خمسة موظفات يضحكون ويشربون القهوة فيما انزوت واحدة تتحدث عالهاتف
المواطن : هي المعاملة عندك اذا بتريدي ؟؟؟
الموظفة : بعد صفنة طوووووووويلة .........
.........انو حمار بعتك لعندي ؟؟؟؟؟؟
لاء يااستاذذذذذ هي عالشؤون القانونية ببرزة ....
المواطن : طيب ليش دلوني لعندك ؟؟؟؟؟
الموظفة : نظرت اليه بنصف زورة ونصف استخفاف واكملت حديثها السخيف بضحكات مجلجلة
المواطن : حسبي الله ونعم الوكيل
توجه المواطن ..الى برزة قسم الشؤون القانونية ليأخذ الفتوى القانونية بعدم دفع غرامة لاتخصه واكمال طلبه ...
يدخل المواطن الى المدير مباشرة الذي كان مشغولا بفتح لعبة السوليتر عالكومبيوتر بعد ان حل الكلمات المتقاطعة في الجرائد الحكومية الثلاث المتشابهة الثورة والبعث وتشرين
المواطن:استاذ دخيل عرضك حللي مشكلتي صرلي ست ساعات عم افتل متل مكوك الحايك
المدير : بعد صفنة طويلة على المعاملة ....
وببرود قاتل :: ليش هيك صاير معك ؟؟؟
واضحة انت مالك علاقة بالغرامة
المواطن : يرحم بيك ......
اول مرة اليوم بشوف حدا عم يفهم عليي
المدير : بسيطة بسيطة نحنا هون بخدمتك ...نزيل حبيبي حط المعاملة بالديوان مشان تاخد رقم وتمر عالموظفين المختصين ....!!!؟
المواطن :ليش مابيمشي الحال بحاشية من عندك استاذ ؟؟؟
المدير : يضحك ضحكة خفيفة .....
لاءءءءءءءءءءءءءءء؟؟؟ شو عم تحكي انت ؟؟؟
( وكأن المواطن كفر ؟؟؟؟)
شو حاشية ماحاشية ؟؟
شو شوربة الشغلة ؟؟..
انت حطها وماعليك ..امورك ميسرة
كف مغيب اسبوع زمان بتلاقيها جاهزة
المواطن : اسبوع ..؟؟؟
دبرها اليوم ....دخيل عرضك ؟؟؟
عندي المعاملة واقفة كلها على هالورقة
المدير : خلص لاتضيعلي وقتي الله يرضى عليك ...ورانا شغل ...؟؟؟
المواطن : أمري لله
يتوجه للديوان ويسجل الورقة وينتظر اسبوعا
..
...
.....
بعد اسبوع .... يراجع المواطن الصالح ديوان المديرية
وبعد البحث يتبين له؟؟؟؟؟ ان الطلب ضاااااااااااااااااااع
ليبدأ من جديد .....
(كتبتها بناء على قصص واقعية واكيد صارت مع اغلبكم )
ههههههههههه .... شر البلية ما يضحك !!
" للأسف " طرح واقعي جدا جدا .... هالمواقف صارت مع الكل أكيييييييد ..... :)
ما اكتر الطلبات الضاااايعة .... بعد انتظار و طول عذااب :(:(
و طبعا الموظفين لحالهم .... نهــــــفة من نهفـــات الزمــن !! ههههه
لا حول و لا قوة إلا بالله ...
شكرا إلك على هالموضوع " المضحك المبكي " .....
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)