لماذا اكرهك ايها الرجل؟؟؟؟

[سارة]

يمكن عنواني يستفز الشباب بالمنتدى بس معلش تحملو شوي ....لان موضوعي رح يستفزكم اكتر................

لطالما كرهت الرجل وهي تاني شغلة بيعرفوها الناس عني مباشرة بعد اسمي ....

طبعا الكل بفكروا انو هالشي بدون سبب او يعني مثلا خالف تعرف او هيك شي يعني

بس اكيد في اسباب رح قولها تباعا وبمواضيع قادمة انشاء الله

اما عن اول الاسباب فهو.."نظرة المجتمع للبنت وللشاب
"..
اول شي من وقت اللي بنولدو بتبدا المشاكل لان اكتر من 90بالمية من شعبنا المثقف(هنن

هيك بقولو) بحب الصبي اكتر من البنت و بتمنى يكون المولود صبي اما اذا الله بلاه

(حسب قوله طبعا) ببنت فبضل مكتئب شي شهرين بالقليلة.........

اما وقت هالولاد بكبروا بتكبر المشاكل والتفرقة العنصرية بيناتهم فمجتمعنا الحكيم بحرم

البنات من شغلات و بيعطيها للشب يعني اذا كانت عيب فحرمو التنين منها ليش بتحرمو

البنت بس يعني مثلا وابسط مثال بحصل كل يوم معنا مقاهي الانترنيت ...........

حتى المسا قدام التلفزيون شوفو شو بصير ...

بتطلع وحدة حلوة وبصيح الشب ولييييييي مأحلاها امي خطبيلي وحدة متلها وهون بتطير

الام من الفرحة لانو ال يعني بدا تفرح بابنها ..

بس تخيلو (رح اترك الامر لمخيلتكم ) شو رح يصير اذا طلع واحد حلو والبنت قالت انو
حلو...

بعدين وبعد هاد كلو الرجل لا سمع ولا رح يسمع بشي اسمو اخلاص يعني شوفو

هالمقارنة والمفارقة....

الوحدة بتتزوج واحد فقير وبتضل تكافح معو وبس صار هالزلمة شي شغلة و صار

بجيبو فرنكين بروح و بتجوز عليها .....؟؟

اما لو كان العكس كان غني وخسر كل شي فجاة رح تتركو مرتو اكيد لا (طبعا نحنا عم

نحكي عن القاعدة ما عن الاستثناء)

واخيرا هي شغلة ما بحب احكي فيها بس لازم اثبت وجهة نظري............

شو بصير وقت اللي واحد بحب وحدة؟؟؟ بضل يركد وراها وما بترك حدا ما بحكي معو

ليحكي معا و بروح لعند اهلوطبعا هاد بعد ما يحكيلون لاهلو عن حبه الها وبالاخيربحصل اللي بدو ياه و بصير النصيب......

بس تخيلو انو بنت تحب واحد......... اولا ما رح تسترجي تفكر فيه مجرد تفكير

خوفا من مجتمعها اللي ما برحم ..ولانو الرجل مخلوق عبقري (الله يحميه ) اكيد ما رح

يفهم نظرة عيونها واذا صار و فهمها (لا سمح الله) رح يتجاهلا يعني مالو علاقة هي اللي

بتحبو هو شو دخلو ..ورح يروح لعند رفقاتوطبعا عم يفتخر بحالو وبجمالو الساحر....يعني بطلعلو مو هو سلطان زمانو و قيصر عصرو.......


وهلق معي حق ولا لأ ؟؟؟عم انتظر مشاركاتكن شباب وبنات

[سوسن]

انا مو معك ابدا ابدا
يمكن هالشي يصير بمجتمعاتنا بنسب قليلة بس مو معناها ناخد موقف سلبي من الشباب
متل ما في هيك ناس كمان في شباب مثقف بينزل البنت منزلتها الصح
ممكن انا ساندك ضد الشباب بشغلة انا باخدها عليهم مأخذ
انو اول لقاء بين الشب والبنت بيلفت انتباه الشب جمال البنت وليس عقلها ودرجة ثقافتها
اكتبيلك شي موضوع حيادي وانا بساندك فيه اوك
تحياتي الك

[سارة]

بس والله مجتمعاتنا العربية هيك

وهادا التخلف للا سف موروث

مشكورة اختي سوسن اذا بتحبي حطي الفكرة ومنشتغل عليها سوى

منورة حبيبتي