حلو العيد من مطبخ شوالأخبار من تحت ديات خالتكم أم عزات . كل عام وأنتم بألف خير

**شوالأخبار** · 09-09-2010 02:31 AM

يا أمي أستوى كرمنا يا أمي و حليو عناقيدو يا أمي و أخضر الجنا الله بيصونو يزيدو

.................................................. ...................

يا ترى يا غاليين استوى الكرم ؟؟؟؟........... يا ترى يا أحباب كنا أهل لهالأيام الماضيين؟؟؟؟ على العموم يا أحباب قلبي ...

بما أنه سيدنا وقرة عيننا بيقول للصائم فرحتان فرحة عند فطره وغرحة عند لقاء ربه
فنحن كمان مترجى رب العزة نكون انقبلنا بهالشهر الفضيل
وكانت رقابنا من العتقاء ضمن الرحمة والكرم يلي ربنا بيخصنا فيها
يارب تقبلنا .....................
قولوا آمين
كل عام وانتوا سالمين .......... يا أغلى من ضي العين
شو رأيكم نبدا بحلو العيد ....... وان شاء الله يكون كل فرد منكم سعيد
منعرف انه نحن منعمل المعمول بعجوة وبفستق وبجوز وبجوز هند وبخشاف
وهلاء تقبروني دارج الشوكولا والكراميل وهالقصص
تعالوا اسمه الدنيا بعد السحور نبدا بالحلو وأول الحلويات طبعا المعمول

المقادير:

كل كيلو طحين يحتاج الى نصف كيلو سمنة نباتي او حيواني او ممكن نصف بنصف وكوب سكر وتقريبا كوب ماء او اقل شوي فقط ونصف كيلو فستق او كيلو عجوة كتير ضروري التقيد بالمقادير

طريقة التحضير

اول شي بتجيبي الطحين وبتخلطيه بالسمنة رح قول لكم على سر السمنة لما تخلطيها مع الطحين لا تسيخي السمنة على الغاز متل ما هيه حطيها فوق الطحين منشان يضل طعم السمنة في المعمول طبعا يفضل انو تكون سمنة حيواني انا بحط سمنة الحلوب او ممكن تحطي نصف حلوب ونصف سمن نباتي كمان بتظهر طعم السمنة فية وغالبا سبب نجاح المعمول هو طعم السمنة وكميتها
بعد ما بتخلطي السمنة مع الطحين بتكوني ذوبتي كوب السكر بالماء او ممكن سكر مطحون وبتعجنيهن مع بعض بس لاتحطي كوب الماء كلو مرة وحدة لانه ممكن ما يحتاج كل الكوب على حسب نوع الطحين بس حتى ولو كانت العجينة لينه شوي بس تتركيها حواي ساعة بتلاقيها تماسكت وهيك بتكون العجينة جاهزة بامكنك تحشيها عجوة او فستق حلبي

طريقة الفستق

انا بجيبو صحصح وبقطعو بسكين كل فستقة بنصف على شان يفضل طعموا اطيب يعني ما بجيبو مبروش وبحطلو قطر حلى حسب الطلب وبحط كمان ملعقة سمنة حلوب لكل نصف كيلو فستق وهو كيلو الطحين بيحتاج نصف كيلو فستق تقريبا او على حسب الرغبة

والعجوة ممكن تحطيلا قرفة مطحونه وشوية زيت مازولا بس انا عن نفسي هي المرة ما حطيت لان اذا حطيتي اي شي بعد فترة بتلاقيها اصبحت قاسية شوي

طبعا بتقطعي العجين قطع تناسب قالب المعمول وبتحشيها وبعدين بتحطيها بالقالب.

اصــــــــــــــــابع التمررر

3كوب دقيق

3/4 كأس زيت

2/1 كأس ماء (للعجن)

4/1 كأس ماء دافيء (لتذويب الخميره)

1 ملعقة ك بيكنج باودر

1 ملعقه ك خميرة

2/1 ملعقة ك سكر

ربع ملعقه ( ملح ص )

للحشووو تمر معبوط مضاف له شوي زبده وقرفه

الطريقه

ذوبي الخميره بالماء مع السكر والملح
نضيف الخميره المذوبه والزيت والماء الى باقي المقادير ونعجنها زين مازين ثم نتركها ترتاح لمدة نصف ساعه ..
بعدها نفرد العجين ونحشيه بالتمرر ثمن نسويه على شكل اصابع طويله
بعدها تحضري بيضه وتغمسي فيها الاصابع بهدوء ثم تضعيها اما:
بقرفه مطحونه.اوجوزهند.اوفستق او تتركيه ساااده ثم على الفرن من تحت ثم فووووق