هل تقبل النصيحه ؟؟


فكـر بعقــلك لاتغمض جـفونــك

خـــــذ النصيحه جعل ربي يخليك

لاشـفــت ناسٍ باللقا يـمدحـونـك

أعــرف تـرا هـرج القفا مايسليك

مـن يمدحــك قـدام عيـنك يخونـك

ومن يمدحك بقفاك بالقلب شاريك

أحرص على اللي ضاق صدره بدونك

وأترك صديـقٍ بالسعه دوم باغيـك

بـعض الصـداقه للمصـالـح يبونــك

وإذا خذا المطلوب قال وش يبا فيك

عليــك فـي ربـع الـسعــد ينفعونــك

لــو واحـدٍ منهم عن النـاس يغنيـك

لاصحت ضايق ! كل ابوهم ياعونك

ولاغبــت عنهم أرسلــوا من يناديـك

يـرتــاح لاشــاف الفــرح فـي عيونك

ويضيق لاشــاف الحـزن في حكاويك

وأحــد على ســر الصـداقــه يصونـك

وأحــد على سر الصـداقـــه حكى فيك

ربـــع الرخــا لاضقت صعبه يجونـك

وربــع الشـدايــد واحــدٍِ بس يكفيــك