إبليس حردان ليش يا ترى؟
كان إبليس في غرفته ، يلملم ملابسه في حقيبة إلى جانب باقي متعلّقاته ... على المنضدة القريبة كانت استقالته موقّعة ومختومة حسب الأصول ، وبجوارها تقبع تيكيت إلى جزر القمر
كانت ملامح وجهه في تلك اللحظات تنطق بالحزن، والكآبة ، والإحباط ، واليأس ، وقلّة الحيلة ....
مع دهشة مزمنة ارتسمت عليه منذ فترة ليست بالقريبة، واعترافٍ بالعجز والفشل إبليس راحلٌ عن بلادنا إلى غير رجعة...
فليفرح المؤمنون ....
وين يامسهّل؟ ليش عم بتضبّ غراضك!!.
يازلمة ماضلّلي قعدة عندكم، إلي سنين عاطل عن العمل وقرّبت موت من الجوع . ما بلاقي معك سيجارة يا أخي ؟
ما رح أترك فيكم لاوسواس ولا خنّاس! كنت زمان أوسوس للواحدة تترك ابنها يبكي وهي عم تحكي مع جاراتها، هلأ صاروا لحالهم..
يرموا اولادهم بالحاوية أوّل ما يجوا.
كنت أوسوس للواحد ينسى يسمّي الله قبل ما ياكل،
هلأ بطّل حدا يلاقي شي ياكلو! يا زلمة.. إذا أنا إبليس... تسمّمت بالشاورما
كنت كمان بوسوس للشب يرميلو كلمة عالبنت وهي ماشية بالشارع،
صاروا البنات يرمو عالشباب كلام أنا نفسي بستحي أحكيه.
واحد بيسرق 100 مليون عينك عينك بيحبسوه 3 سنين بفيلاّ عالشط ، وإثنين عم بينبشوا بمكبّ الزبالة بتقوصهن الشرطة ،
إنتو بدّكم إبليس إنتوا ؟؟؟؟
صار عندكم فائض بالفساد بكفّي 100 سنة لقدّام، صرت خاف على حالي منكم يا زلمة
صرت اتجبر مرّات وسوس بالمقلوب وقول للبنت انضبي..
وللحرامي بيكفّي.. خلّي شويّ للحراميّة اللي رح ييجوا بعدك..
يعني إذا إنتو لحالكن ما شاء الله بتعملوا كل هالبلاوي، أنا إبليس شو أعمل ؟
أشتغل شوفير تكسي يعني ولاّ أفتح صالون حلاقة ؟
ماضلّ غير قدّم للأوقاف يعيّنوني إمام جامع أو راعي كنيسة !!!
ان مرت الأيام ولم تروني فهذه مشاركاتي فتذكروني
***
وان غبت ولم تجدوني اكون في وقتها بحاجة الى للدعاء فادعوا لي
لاحول ولا قوة الا بالله
والله معك حق
بس بيبقى عنا امل تتصلح نفسياتنا شوي ونرجع للطريق المستقيم
مشكور اخي
ليست مشكلتي إن لم يفهم البعض مااعنيه؟! وليست مشكلتي .. إن لم تصل الفكرة لأصحابها ؟! فهذه قناعاتي .. وهذه افكاري .. وهذه كتاباتي بين يديكم .. أكتب مااشعر به .. وأقول ماأنا مؤمن به .. انقل هموم غيري بطرح مختلف .. وليس بالضرورة ماأكتبه يعكس حياتي ..الشخصية .. هي في النهاية .. مجرد رؤيه لإفكاري مع كامل ووافر الحب والتقدير لمن يمتلك وعياً كافياً يجبر قلمي على أن يحترمه ..
وبانتظار هالامل طول مانو ابليس مصسق وحردان
مشكورة على المرور
ان مرت الأيام ولم تروني فهذه مشاركاتي فتذكروني
***
وان غبت ولم تجدوني اكون في وقتها بحاجة الى للدعاء فادعوا لي
والله صح كلامك للأسف
بس اذا خليت خربت في الكويس وفي العن من ابليس بمليون مرة
صح ؟
وفقك الله وجزاك خيررر يا غالي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)