حـوار بيــن التاريــخ .... و الشــآآآم ....!!!

















التاريخ -- بعدك هون
الشام - انا موجوده واسأل حالك
التاريخ - وين ههههه
الشام -- بقلب ولادي بعطر الياسمين بالورد الجوري
التاريخ -- كلو احترق
الشام -- بيرجع بيزهر جذوري ما بتنقلع من الارض
التاريخ -- مغروره
الشام -- منصوره لاتبدل بالحروف
التاريخ -- كل شي تبدل ورح تنمحي
الشام - موجوده واسأل حالك
التاريخ -- ولك شو ناطره زورو التاريخ ونسيوكي
الشام -- انا مابنساهن ومين يلي يزور
التاريخ --
الشام -- مارح يحسنو شبدهن يزورو ليزورو زوايا العشاق ولا ذكريات الطفوله ولا قهوة الصباح وفيروز ولا سهرات القمر ولا نسمات الهوى مارح يحسنو
التاريخ -- هههههه بكرى العيد جايه
الشام -- ناطره وصابره بس وين العيد
التاريخ -- هلق عم تزوري انت
الشام -- هلق عم صححلك مش هاد العيد وانت شو ناطر
التاريخ -- ناطرك لتنتهي
الشام -- مارح انتهي وبعدني معرشه محبه وعندي ايمان
التاريخ -- بشو ماعاد في امل
الشام -- راجعه وحياة عينك راجعه انا الارض انا الام انا انت واسال السنين
التاريخ -- لوين رايحه
الشام -- ضم ولادي واحفادي مش هالعيد ولا بعدوعيد ولا بعدو عيد
رح ضمهن وخبيهن بالعيون انطرني جايه العيد انطرني جايه العيد
الشام -- وحكايا الناس والم الناس
التاريخ -- ماحدى سامع ولاحدى شايف
الشام -- وفرح الطفوله
التاريخ -- هههههه وين الطفوله
الشام -- قلبتو كابوس وقهر ودمع
التاريخ -- انا بسجل مالي شغل
الشام -- والحكايه
التاريخ -- خلصت الحكايه
الشام -- والنهايه
التاريخ -- رجعتي للبدايه
الشام -- بجهودكن بفلوسكن بناسكن بعقدتكن
التاريخ -- نحناا اشتريناو وولادك باعو
الشام -- انتو اشتريتو الدم وولادي جاعو
التاريخ --لك خلص ماعاد بدي اسمع
الشام -- رح تسمع بس يرجع الصدى
انا الصوت يلي بتخاف منو





منقــــول