بلغني أيها العضو السعيد

ذو الرأي الرشيد

إنو كان الفطور بهديك الزمنات لا البد ولا الغنى عنو

شنو رجال البيت لازم يسند بطنو ويفطر

ئبل ما يتيسر على شغلو



وكانت ست هالبيت بعد ما تصلي فرضها تنتتر ع بيت المونة

توئد بيت النار وتبلش تساوي الفطور

وتطالع من بيت هالمونة أشكال ألوان

من المكدوس للزيتون للبنة المدعبلة

والجبنة المغلية والمعئود

syriaroses-8f6aac969f.jpg

ولبين ما تحضر السفرة بيكون ابن

عمها يئبر ئلبها راح وسناول هالخبزات من عند الفران

syriaroses-c0c2ee1466.jpg

بيجي وبيرئع هداك الصوت يااا الله ياااا الله شو وينك يامرة



بترد عليه بدلال ونغاشة شحني إبن عمي إجيت

وبتستناول منو هالخبزات وبتناغشو وبتئول

ريتو ربي ما يحرمني منك

ويبعد كل أذى ومكروه عنك

ويفكح كل مين بيتفشور وبيئول كني كنك


المهم وبلا طول سيرة

بيجي يئبر ئلبها بيتئزع ع هالكرسي الئش

وبيطبس بالصحون المرصوصين ع

الطبلية وبيزل بهالمكدوسات ياشهدا يا سعدا



وهية آعدة عم تصبلو بهالشاي من ابريق النحاس

syriaroses-43a70a9219.jpg

بهالكاسة إم إدن مدهبة وبس يخلص أكل

syriaroses-feb994e684.jpg

بتفز المسكينة وبتركد وراه ع البحرة مشان

تكتلو مي من إبريق الفضة ليغسل إيديه

ويمسح شواربو ويشئل شروالو ويعدل إنبازو



ويئلها بدك شي عاوزة شي اذا بدك غراض للطبخ ئوليلي

مشان ابعتلك ****ن مع الولد

بتئولو ما بدي غير سلامتك تئبرني بس يعني

اذا ما فيها سئلة جاية ع بالي الئطايف العصافيري

syriaroses-069cb84e9f.jpg

لنتنئرش فيون ع السهرة



يه صحيح ابن عمي اليوم صبحية النسوان عندي

مشان يكون عندك علم تاج راسي

بيئلها ماشي بس لا تتأخري بتحضير الغدا

وبيفتل شواربو وبيئلها خلص علم غيرو بدك شي

بتئلو سلامتك تشكل آسي



بيئلها يااا الله بخاطرك

وبيتيسر على شغلو

أما ست البيت بئ بتروح ل ...............

وطلع الصباح فسكتت رشوشة عن الكلام المباح



يــتــبــع .......