بصراحة صقر انا بسأل نفس السؤال لكن بغير طريقة .. انو ليش هالحوادث عم تصير .. وعم تصير بأماكن ممكن نحن نكون قريبين عليها
سألت قبل هالسؤال وجاوبني شخص قريب عليي كتير .. بأنه هي حالات نادرة .. والدليل انه نحن عم نسمع عنا بس .. ماعم نشوفا بواقعنا

بالنسبة للسؤال ازا كانو ضحايا أو جناة .. فهنن اول شي ضحايا قبل مايكونو جناة .. ضحايا ظروف ومشاكل نفسية .. ووساوس .. وتهيؤات .. وقلة وعي
وبالتالي جناة .. لأنو عم ينهو حياة اشخاص بأشكال مختلفة .. شنق .. ودبح .. وتعذيب ... الخ

في نظري .. السبب هو بيبدا من العائلة نهاية بالمجتمع العربي المهمل.. الفرد منا ماعم يقدر يرتاح ولا عم يعرف يتصرف .. دايما بيحس حالو ضايع ومافي حدا يخفف عنو او يصالحو

يمكن التربية الاسرية والاهتمام .. والحنان والتفاهم مابين الوالدين والابناء ..تلعب دور كبير لنتخطى هيك مشاكل مستقبلاً .. لأنو الي عم يرتكب هي الجرائم يستحيل .. يكون طبيعي وماعندو مشاكل

لكن السؤال .. هل نحن في أمان!؟ كيف بدنا نحمي حالنا واولادنا وحبايبنا ؟ كيف ممكن نسيطر على هالحالة ؟؟

ياريت حدا يجاوبني

مني لك الاحترام والتقدير .. اخي العزيز صقر