ساندريلا والفلاشة

[عامر أبوشنب]

كان ياما كان في حديث الزمان

فتاة اسمها سندريلا توفت والدتها عندما كانت صغيرة .

و تزوج أبوها (الرجال ما لون أمان ) من امرأة شريرة لديها فتاتان قبيحتان .

كبرت سندريلا وأصبحت جميلة و ذكية و طالبة هندسة معلوماتية ...

كانت تقوم بكل أعمال البيت تنظيف, غسيل, كوي

و في أحد الأيام وصل بريد الكتروني لسندريلا وشقيقتيها من أمير البلاد لدعوتهن إلى حفل اختيار زوجة المستقبل

و على الفتيات إحضار برامج قاموا ببرمجتها بأي لغة برمجة... عملت سندريلا ليل نهار لانجاز برنامج يعجب الأمير و لكن في يوم الحفلة لم تدعها
زوجة أبيها تذهب بل ذهبت هي و بناتها و أخذوا معهم البرنامج .

بكت سندريلا كثيرا وفجأة ظهر بيل غيتس و أعطاها برنامج متطور جدا جدا ..

فرحت سندريلا و شكرت بيل و وعدته بان تعود قبل الساعة الثانية عشرة .

وصلت سندريلا إلى الحفلة و انبهر الأمير بجمالها تقدمت سندريلا و أرت الأمير
برنامجها الذي حفظته على فلاشتها أعجب الأمير جدا بفلاشتها وبرنامجها و حسنها و دلالها .

لكن الساعة دقت الثانية عشرة فأسرعت سندريلا و ركضت و أوقعت فلاشتها على الأرض و عادت للمنزل

تضايق الأمير كثيرا و أعلن أنه سيتزوج الفتاة صاحبة الفلاشة .
فتقدمت الكثير من الفتيات لمحاولة إدخال كلمة السر تبع البرنامج و لكن المحاولات باءت بالفشل

و عندما حان دور سندريلا أدخلت كلمة السر بنجاح ففرح الأمير كثيرا

بس الامير كان بدو يتأكد من انو هاي هيي البنت اللي بدو ياه
قام قاللا بدي الكود تبع البرنامج
و رح اسألك عن الكلاسات و الخوارزميات و الواجهات

و لأنو الكود مو لألا قامت تلبكت و تبلكمت و ماعرفت شو تحكي
بس لانو كانت متل كل بنات المعلوماتية حلوة و بتاخد العقل قام عطاها فرصة لتبرز مواهبا التانية !!!!

بس يا حسرة مو هيي طالبة معلوماتية
مو فاضية تتمكيج و لا تتسرح !!
ولا تعلمت بحياتا الدلع و الهمز و الغمز!!

قامت ما عرفت شو تعمل و وقفت متل الويندوز لما يروكب
حتى انهاء المهمة ما نفع معا

قام قلب الأمير خلقتو بوشا
و راح لعند بنت مرت ابوا اللي كانت حربوئة و هاكر محترفة و عرفت تكسر باسوورد البرنامج

و سندريللا المسكينة حلفت يمين بقبر اما انو ما تاخد برامج من حدا حتى لو من بيل غيتس و............ تهتم شوي بحالها


توتة توتة خلصت الح***ة

وإنشاء الله
تكونو ستمتعتو معنا
ونتظرونا مع قصة جديدة
ويمكن تكون فلة والسيديات السبعة
هههههههه

[ريماس]

الحمد لله هالمرة القصة انتهت من أول حلقةمنيح مافي حلقااات ..
فعلا قصة متطورة تتماشى مع العصر قصدنا عصرنا
يعطيك العافية عامر عنجد قصة ظريفة وحلوة كتير يسلمووو كتير ..

وسوف يتم نقله للقسم المناسب ليأخذ حقه في الرد .

تحياتي

[عامر أبوشنب]

بشكرك على هل الرد
بس أنا بفكري أنو لازم تنحط بل الطرائف بعتزر منك عم نعذبك معنا
أنسة ريماس

[ريماس]

تكرم عامر رح انقلها للقسم الطرائف ..

وبعدين لاعذاب ولاشي .. عذابك راحة واهلا وسهلا فيك ..