الأخ (محمد عربي) ضيف ... افتح قلبك مع ( دمعة فرح )لهذا الإسبوع

[M-AraBi]

خيو بتحب سيارة bmw ولا مارسيدس ولا بورش

طبعاً حبيب المرسيدس!!!!

تشرفنا أخي أحمد عيدها

[M-AraBi]

نستضيفه هنآ ونحن نتوق للمعرفه عن حيآته

بداية تفضل بالجلوس على الكرسي ...

شكراً لك دمعة على الاستضافة، وعلى عالكرسي
والله للتسطيح وحدة بوحدة

اسئلتــي

البيت ..

- كم رقم ترتيبك في الأسرة ؟

الثاني

- من هو الأقرب لك من افراد اسرتك ؟

كلهم نفس الشي ، ولكن أخي الصغير أسامة (عابر البحار) فكره أقرب لفكري بكتير الا الرياضة

- حدد أهم الأمور التي تقوم فيها وأنت في البيت ؟

لما كنت بالكويت كنت ساعد أمي كتير بالبيت، أما هلأ بسبب دلال بيت جدي الي فمقلل مروة كتير.....
ومع ذلك فأنا أعيش لوحدي وأقوم بكل متطلبات المنزل إلا الطبخ والغسيل والكوي

- اكلة تحبها كثيراً ؟

لا تعد ولا تحصى ههههه
بس أكثر شي الملوخية ، رز وبارزلياء أو أوزي ، وأكلة فلسطينية أسمها مسخن.......
واذا أنوجدو على السفرة مع بعض ،وليييييييييي شو بصير

- مشروب يستهويك دائماً ؟

المشربات الساخنة: الشاي والكابتشينو ، المشربات الباردة : عصير الليمون والتفاح

- ماهو الطلب الملح الذي تطمح به من أسرتك ولم يتحقق حتى الآن ؟

إلى اليوم كل شي تمام والله يخليلي ياهم ، عم يعطوني أكثر من ما بستحق

- عندما تشاهد التلفاز : ماهو ابرز مايستدعي انتباهك وتحرص على متابعته ؟

أنا أكثر شي بتابع قناتي الصوفية والعفاسي ، لكن دروس الدكتور طارق السويدان كتير بحبها وبتابعها أول ما شوفها، بس سبيس تون الها تأثير اضافي

- ماهي أوقات النوم المفضلة لك ؟

من الساعة 11 بالليل إلى صلاة الفجر

الحيــاة ..

- حكمة تؤمن بها كثيراً ؟

حكمة من عندي طبعاً بس كتير بحب أمشي عليها وكل ما أنسئل هيك سؤال بقولها وهي:
خلي كل شي نظامي وقانوني وأمشي عليه.....
لكن أستمتع عندما أسمع هاتين الحكمتين:
-كن مع الله ترى الله معك
-من أعتمد على الله عُز

- احب الالوان الى نفسك ؟

الكتابة: الأسود - الأزرق - الأحمر، على الترتيب للأفضلية
أما اللباس: الأسود - البيج - الأزرق، على الترتيب للأفضلية

- دولة تتمنى أن تسافر اليها ؟

الله كريم بس لكون مستقر وما عندي التزامات رح أعمل سياحة لكل العالم
لكن أفضل إيطاليا وأسبانيا

- ماهي الوظيفة التي تتمناها لنفسك ؟

داعية الى الله بأختصاصي (ولكن بعد الأستقرار المادي والمعنوي)

- حدد اسم اليوم الذي تحبه واذكر السبب ؟

الأربعاء: بسبب درس الفجر لسماحة الشيخ رجب ديب، ودرس العشاء لشيخي اللذان أنتظرهما كل يوم....

- حدد اسم اليوم الذي تكره واذكر السبب ؟

اليوم الذي لا أستيقظ فيه على صلاة الفجر لأصليها جماعة في المسجد أتضايق منه، ولكن لا أكرهه فكل الأيام خير وبركة

- حدد نوع سيارتك المفضلة ؟

في سوريا : مازدا زووم 3
أما بالكويت: المرسيدس

- مكان يعجبك كثيراً وتترد عليه دائماً ؟

ما في مكان محدد

- اقرب الاصدقاء الى قلبك ؟

لكل مكان ووقت صديق له معزة في قلبي وأحسه أقرب الي من أخي

فاصل قصير ومن ثم نواصل ...

أي منيح داق نفسي ونشف ريقي من الحكي



وليييي شو هاد:
عصير فربز ياسلام ممممممممممم

[ريماس]

اهلين ابو العربي
شلونك بالكرسي مريح ولا ماهو مريح اذا ماهو مريح بجبلك كرسي من عندي رح ترتاح فيا اكتر ها
كيفك شو اخبارك باين عليك اليوم مشاء الله مبسوط ان شاء الله هيك ديما ضل على طول مبسوط

اي لنشوف شو نسئلك
س1 :شو اسمك واديش عمرك ؟؟

س2:شو هوياتك المفضلة والمحببة إلك ؟؟

س3:شو نوع الرياضة بتحبا ؟؟

س4:انت نوعك عصبي كتير ولاعصبي ولا اقل من العصبية بشوي ولا مابتعصب ؟؟ مابتعصب بعتقد لازم استبعدا هالكلمة

س5 :انا حسيت انت من نوع سريع الغضب شو رئيك ؟؟

س6:حابة اعرف شو اجابياتك وسلبياتك ؟؟

س7:مستواك التعليمي ؟؟

س8 :اذا شعرت بالحزن والغضب بتحكي مع صديقك وتفضفضلو ؟؟ولا بتفضل الجلوس لحالك ؟؟

س9:تحب الانطوائية ؟؟ولاتحب جمعة الاصدقاء والشلة ؟؟

بقي سؤال لازم اكملن للعشرة !!

رح اعمل بريك مشان اضيفك شي شغلة
جاي على بالي اضيفك فطوري المفضل

هي كعك سوري مع مشلشل جبنة مع حتت كاسة شاي انما ايه توحفا


وهي جبنة

شو رئيك لاتقلي ماعجبك الفطور ترى بعسب ها

نرجع لسؤالنا الاخير

س10:شو هدفك بالحياة وشو نوع تفكيرك ؟؟


خلاص حاج اسئلة خطي مابدي اتئل اسئلة

فاصل وبعدها نواصل

[M-AraBi]

اهلين ابو العربي

يا هلا ريماس خانم

شلونك بالكرسي مريح ولا ماهو مريح اذا ماهو مريح بجبلك كرسي من عندي رح ترتاح فيا اكتر ها

والله أحسن من هيك مافي ، أنا بحب التسطيح وهذا اجا بوقتو،،،

يعني ما بدنا منيتك(هههههه)

كيفك شو اخبارك باين عليك اليوم مشاء الله مبسوط ان شاء الله هيك ديما ضل على طول مبسوط

الحمد لله لحد الأن مبسوط، بس والله هالبال مشغول لأنو الأمتحانات على الباب والبال مو فاضي بالمرة
.....أدعيلي......

اي لنشوف شو نسئلك
س1 :شو اسمك واديش عمرك ؟؟

الاسم : محمد عربي نبيل فتوح
(عربي مو العربي)ههههه
العمر:بكرة بفوت بعمر ال21

س2:شو هوياتك المفضلة والمحببة إلك ؟؟

القراءة والأنترنت وطبعاً التصميم (كهوابة فقط) والأستماع الى الأناشيد

س3:شو نوع الرياضة بتحبا ؟؟

انا الصراحة قليل مروة يعني مو كتير رياضي، بس بحب كرة القدم شوي
وشكلت مع رفقاتي بالحارة (يلي متلي قلال مروة) فريق وكل جمعة بنلعب مع بعض من باب التسلية فقط

س4:انت نوعك عصبي كتير ولاعصبي ولا اقل من العصبية بشوي ولا مابتعصب ؟؟ مابتعصب بعتقد لازم استبعدا هالكلمة

مافي واحد ما بيعصب، بس أنا ردود فعلي سريعة شوي ،ومابحب الغلط بالمرة،
واذا واحد ساوى شي غلط وشفتيني ساكت بيكون الدخان طلع من أذنيي من كثر الغيظ (مثل توم وجيري)
بالنهاية : ما بعصب على شي فاضي
بس على الأخظاء والمخالفات العقلية والشرعية وعلى الانتقاد الذي لا تؤدي الى نتيجة

س5 :انا حسيت انت من نوع سريع الغضب شو رئيك ؟؟

هذا رأيك وأنت حرة فيو
وسبق وقلتلك عن وجهة نظرك فيي ، وأنو رح يجي اليوم يلي رح تتغير

س6:حابة اعرف شو اجابياتك وسلبياتك ؟؟

الصراحة ما حدا بيعرف حالو اذا ما شاف نظرات الأخرين الو... بس رح قول حسب ما بلاقي بحالي من سلبيات وما تركته فهو ايجابي،
السلبيات: -اتكالي شوي
- بحب القعدة كتير وخاصة التسطيح وما بعرف ليش يمكن حكم دراستي أنو على طول على الكمبيوتر وخاصة اللاب توب وين ما كنت بيكون معي
- بحب كرشي كتير وخاصة الحلويات
- لساني زفر شوي مو كتير
- صعب الاندماج بالأخرين من اول نظرة وكلمة، وأنخدع بالمظاهر مو كتير،
بس بعد التواصل معهم ومهما كان وضعهم اكون معهم كالأخ وهذه شهاداتهم

س7:مستواك التعليمي ؟؟

أخر هي السنة الدراسية بتصير بأيدي : شهادة هندسة الحاسوب والمعلوماتية

س8 :اذا شعرت بالحزن والغضب بتحكي مع صديقك وتفضفضلو ؟؟ولا بتفضل الجلوس لحالك ؟؟

حسب الموقف ، يعني كل مكان الو صديق والو موقف وبفضفض لهم شوي،
بس أنا كتومي شوي على يلي بصير معي....

وامبارح صار معي موقف من رفيقي بالجامعة ضل راسي يعجني منو طول اليوم وما ارتحت لحكيت لأصدقائي بالحارة وما فضي بالي لحتى نمت....

س9:تحب الانطوائية ؟؟ولاتحب جمعة الاصدقاء والشلة ؟؟

بجب جمعة الأصدقاء اذا ما كانو كتار يعني كحد أقصى 5
وهذا بس لكون فاضي أو معطل اما اذا كان عندي دراسة أو شغل فبحب ضل طول الوقت لحالي وهذا من شان يصفى ذهني أكثر وأكثر

بقي سؤال لازم اكملن للعشرة !!

رح اعمل بريك مشان اضيفك شي شغلة
جاي على بالي اضيفك فطوري المفضل

هي كعك سوري مع مشلشل جبنة مع حتت كاسة شاي انما ايه توحفا

ايه شو هاد

تسلم ايدك

فعلاً تووووحفا

شو رئيك لاتقلي ماعجبك الفطور ترى بعسب ها

له له ما عاد أسترجي

نرجع لسؤالنا الاخير

س10:شو هدفك بالحياة وشو نوع تفكيرك ؟؟

طبعاً هدفي بالنهاية -مثل ماقلت لدمعة:- أني صير داعية إلى الله والإسلام باختصاصي
ولكن الأن أهدف الى تكوين نفسي مادياً -يعني اتخرج واشتغل وادفع البدل للجيش واتزوج وأمن البيت والشغل بسوريا ويكون عندي مورد كافي لحتى لا أحاج الأخرين-
ومن ثم أتفرغ للدراسة العلوم الدينية و الدعوة الى الله

أما التفكير فهذا السؤال الو أبعاد كثيرة، يعني كل شغلة والها نظرة بالنسبة الي
فاذا بدك حددي وانا ان شاء الله بجاوب

خلاص حاج اسئلة خطي مابدي اتئل اسئلة

فاصل وبعدها نواصل

تاريها العقدة على الكرسي مو هينة وبدها تركيز وصفنة وبتضييق النفس



!!!!!!!!!!!!!!بس الصراحة يا ريماس عرفتي تسألي