بالنسبة للاسم اكيد ما هوي شرط لكن حبذا لو بكون اسمها من اسم شي زهرة او وردة

العمر تكون بعمري او اصغر ب 3 او اربع سنين مو اكتر

لو ظروفي المادية بعرف انها رح تسمح اكيد رح فضلها متعلمة لكن مو موظفة

بالنسبة للطول اكيد بدي ياها اقصر مني بشوي وحتى اذا قصيرة ما عندي مشكلة ابدا

بفضلها شقراء الشعر/ما مشكلة اذا الشقار ما كان طبيعي/ بيضا وعيونها سود

اكيد بفضلها مليانة وحتى اذا سمينة شوي ما عندي مشكلة

تكون جدية مع شيء لا بأس به من الرومنسية/متلي يعني/

المنطقة تكون من القامشلي او من اللادقية ولو من ضيعتنا تكون لسا بيكون احسن

طبعا اذا تكون من قرايبيني وفيها هالصفات بتكون احسن من الغريبة

بفترة الخطوبة ولسا قبل الخطوبة اكيد بدي اقعد معها وبدي نحكي عالتلفون كمان واذا اكتشفت انها مانها منيحة بعد مااخطبها وحتى بعد ما اتزوجها ويصير عنا اولاد اذا اكتشفت انها مانها منيحة اكيد بدي اتركها بس اختلافنا هون انا وانتي/اذا بدنا نتناقش/ رح يكون بمعيار الاخلاق يعني قصدي كيف كل واحد مننا بيقول عن بنت انها مانها منيحة واكيد انا لما بعرف حالي اني ماني مخبص بعلاقاتي مارح ارضى اخد وحدة تكون هيك

بالنسبة لموضوع الزواج التقليدي او الحب انا بآمن بالاستلطاف ما قبل الزواج والاحترام والتفاهم لانو هالتلت شغلات اذا توفرت قبل الزواج وبقيت لبعد الزواج اكيد رح يكون في حب عظيم بعد الزواج وبنفس الوقت اذا وقعت بحب رح اتزوج يلي بحبها