الرجال مخلوقات غريبه الرجال : 1. إذا تجادلتي معه قال عنك : عنيدة 2. وإذا جلستي صامته قال انك : كئيبه 3. إذا لم تحبيه يحاول أن : يمتلكك 4. وإذا أحببتيه سوف : يتركك 5. إذا أخبرتيه عن مشاكلك قال عنك : مزعجه 6. وإذا لم تخبريه يقول : انك لا تثقين به 7. و إذا لم تفي بوعدك : مراوغة 8. أما إذا أخلف هو وعده فحجته : أنه كان مضطرا لذلك 9. إذا نجحتي في عملك يقول أنه : الحظ 10. وإذا نجح هو فيقول أن السبب : ذكاؤه 11. إذا جرحتيه فأنتي: : قاسية 12. وإذا جرحك فأنتي : حساسة جدا 13. بآختصار : 1.. الرجال دائماً مشغولون! 2. ورغم أنهم مشغولون، إلا أنهم يجدون وقتاً للنساء ! 3. ورغم تخصيصهم وقتاً للنساء، إلا أنهم يهتمون بهن كما يريدون! 4. ورغم عدم اهتمام الرجل بالمرأة، إلا أنه دائماً يريد واحدة إلى جانبه ! 5.. ورغم اختياره واحدة إلى جانبه، إلا أنه دائماً يفكر بأن يرتبط بامرأة أخرى! 6. ورغم ارتباطه بامرأة أخرى، إلا أنه يغضب إذا تركته الأولى ! .7 ورغم غضبه من إهمال الأولى، إلا أنه لا يتعظ ويرتكب نفس الخطأ ويفكر في أخرى، وهكذا!
Dr.Ibrahim
03-19-2010, 10:41 PM
لا انسة سوسن بدنا نزعل من بعض مو كل الرجال هيك
اكيد مو الكل دكتور بس الاغلبية
تحياتي الك
maher
03-20-2010, 12:21 AM
حلوة العيشة هيك
علوا لو نقدر ننفدها
مع احترامي لجنس حواء ...........
الرجال مخلوقات غريبة:drive1:
بس النساء مخلوقات اغرب بكتييييييييييييييييييييييييير :tfker:
M-AraBi
03-22-2010, 01:30 AM
ولو كان هادا الرد طويل والأولى أنو يكون موضوع لحالوا بس معلش تحمليني
:crazy:
مواصفات البنت السورية
أولاً: فيسبوكياً:
1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.
2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.
3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.
ثانياً- مسنجرياً:
1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو (مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.
2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..
3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.
4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.
ثالثا: في الشارع:
1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.
2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.
3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت
رابعا: في المحلات التجارية:
1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتاكور من كوالالامبور....
2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.
3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.
Dr.Anas
03-22-2010, 06:22 AM
الرجال مخلوقات غريبة انا اؤيد كلامك 100%
ولكن لايكمن للنساء الاستغناء عن الرجال
تخيلو هذا الكون بدون رجال
Dr.Hasan
03-22-2010, 07:28 AM
مشكوووووووووووووووووووووووووووووووووووورين