دعوة للنقاش هل تتزوج اكبر منك ؟؟؟ وهل تتزوجين اصغر منك ؟؟؟؟

[عمر]

فارق السن بين الزوجين


هل الفارق الشاسع في السن بين الزوجين يقف حائلاً دون سعادتهما , سواء أكان الرجل هو الأكبر أم المرأة ؟. وهل في ذلك ظلم للأصغر منهما ؟
أريد أن أطرح هذا الموضوع للنقاش بين الأعضاء الكرام من الجنسين في المنتدى .

وأود هنا أن أشير إلى أن الرسول صلى الله عليه وسلم قد تزوج السيدة خديجة بنت خويلد , وهي أكبر منه بخمس عشرة سنة , ثم تزوج السيدة عائشة بنت أبي بكر , وهي أصغر منه بأربعة وأربعين سنة .. وكان هو وهما – كما تحدثنا السيرة النبوية الشريفة – أسعد الأزواج على الإطلاق .

ولا ينبغي أن يُقال إنه عليه الصلاة والسلام نبي , ولا مُقارنة بينه وبين الناس العاديين .

نعم هو نبي , بل هو أفضل من سائر الأنبياء , ولا يجوز أن يُقارن بينه وبين غيره من الناس فيما يتعلق بأمور الدين , أما أمور الدنيا فهو فيما يتعلق بها بشر كما قال صلى الله عليه وسلم في هذا الحديث الشريف .. (( ... إِنَّمَا أَنَا بَشَرٌ , وَإِنَّهُ يَأْتِينِي الْخَصْمُ , فَلَعَلَّ بَعْضَكُمْ أَنْ يَكُونَ أَبْلَغَ مِنْ بَعْضٍ , فَأَحْسِبُ أَنَّهُ صَدَقَ , فَأَقْضِيَ لَهُ بِذَلِكَ , فَمَنْ قَضَيْتُ لَهُ بِحَقِّ مُسْلِمٍ فَإِنَّمَا هِيَ قِطْعَةٌ مِنَ النَّارِ , فَلْيَأْخُذْهَا أَوْ فَلْيَتْرُكْهَا )) رواه الشيخان , واللفظ للبخاري .

أرجو من الإخوة والأخوات أن يدلوا بآرائهم في هذا الموضوع .


منقــــــــــــــــــــــــول

[En.Khaled Alfaiomi]

مشكور أخي عمر على الموضع

الصراحة أذا كانت فتاة مناسبة وأريد أتزوجهابسبب رضى وحب وليس من أجل المال أو مصالح أخرى فلا حرج بالموضوع وعادي جدا

[سوسن]

موهيك القصة الشغلة موترضى او ماترضى الشغلة انومو بس انت اللي بتقرر هيك موضوع بس في اهل وفي مجتمع غالبا مابيرفض تزويج البنت للي اصغر منها
وخصوصا اذا جميلة ناهيك انو بتسمع كتير عبارة البنت بتكبر قبل الشب يعني الناس اجمالا بتفضل الزوج اكبر من الزوجة تقريبا ب 5 سنوات او اكثر

مشكور اخي عمر على هالموضوع

[En.Khaled Alfaiomi]

موهيك القصة الشغلة موترضى او ماترضى الشغلة انومو بس انت اللي بتقرر هيك موضوع بس في اهل وفي مجتمع غالبا مابيرفض تزويج البنت للي اصغر منها
وخصوصا اذا جميلة ناهيك انو بتسمع كتير عبارة البنت بتكبر قبل الشب يعني الناس اجمالا بتفضل الزوج اكبر من الزوجة تقريبا ب 5 سنوات او اكثر

مشكور اخي عمر على هالموضوع


كلامك صحيح بس هلق صار أنفتاح أكثر وكتير عم نسمع بنت أكبر من شب وتزوجوا وكل شي تمام
بس موضوع البنت بتكبر قبل الشب بتوقع هيدي صحيحة

لأنوا حسب مامنعرف الشب أحيانا بيصير عمروا 40 ومابيتزوج بس بيلاقي صبايا كتير وحتى أعمارهم ب 20

أم البنت أذا صار عمرها 40 ! خلص ماعاد حدا يدق باببهم للأسف!

بس بيظل مجتمعنا بيحب يحكي كتير للأسف

[MOSTAFA]

اكبر مني لا
لازم الشب يكون اكبر او الشب والبنت بنفس العمر

مشكورررررر

[Dr.Hasan]

والله انا ما عندي مشكلة الواحد بيحقلوا ياخد 4 :wavetowel2:اذا كانت وحدة اكبر منه ما في مشكلة
فيه عالم بيقولوا انه المرة بتكبر قبل الرجال وما بعرف شو صحيح بس هاد يعتبر حل لتقليل نسب العنوسة
مشكوووووووووووووورين

[SHARIEF FATTOUH]

اسمحولي أولاً أشكر الأخ يلي كتب هالموضوع القيم
و الاخواة يلي شاركوا بهالموضوع و ردودهم الجميلة يلي بتعبر عن أرائهم الشخصية
و رح احكي شوي بلكي بحسن عبر عن رأي أنا كمان
بصراحة رأي انا انو هاد اسمو تخلف أنو نحنا بس نفكر بعمر البنت او بجمالها هلئ أو بس تكبر شوي يعني لو انو الشب أخد بنت اصغر منو ومرض لا سمح الله شو الفايدة من أنو البنت أصغر منو ولا اكبر أو بيجوز يكون مخ هالبنت صعب ما يتوافق مع مخو هو يمكن يكون عندا سطحية او جهل أنا براي انو العمر او الجمال هو اخر شغلة لازم الرجل يفكر فيها و حتى المرأة نفس الموضوع يعني المهم التفكير والاخلاق يكونو تمام وكل شي بيهون بعد هالشي
و لنا برسول الله أسوة حسنة
اخواتي أخواني الحب و التفاهم هو أساس الزواج مو العمر أو الجمال يعني أنا ما بقارن جمالي بجمال الشباب يلي حولي أنا أحياناً بقول يمكن ولا بنت ترضى فيني طبعاً هاد لو كانت هي بتفكر بالجمال على طول في مين هن اجمل منا
و على طول في مين هن أفضل منا كمادة او كثقافة
بس برجع بقول أنو التفاهم هو الاساس و الأخلاق و الدين اهم من ألف جمال او عمر و لو كانت البنت أكبر بعشر سنين مو سنتين وتلاتة و أربعة
و موضوع أنو البنت بتكبر قبل الشب هاد انا ما كنت أفهمو يعني الشب بس تكبر البنت بيصير يفكر بغيرها ولا كيف طيب إذا بدو يفكر بغيرها معناها هاد ما حبها من الاصل او ما عرف يختار
موضوع قيم ويحتاج الكثير من النقاش مشكورين جميعاً

[روح الحلا]

بالنسبة لي انا اواقف ماعندي مشكلة..وخصوصا اذا كان الحب من الطرفين..
ولا يهمني كلام الناس..لي يهمني اني اكون سعيدة في حياتي واعمل لي يرضيني..مادام اني مابعمل شي حرام فلا يهمني كلام الناس..
بس انا اصلا مافكرت في شاب اصغر مني ولا راح افكر..يعني من الاحسن ان الفتاة تتجنب من انها توقع في حب شاب اصغر منها..
وانا بصراحة افضل بالزواج من من هو أكبر مني ومو اصغر مني..اذا تزوجت واحد اصغر مني راح احس بشي ناقصني..
انا بدي اتزوج واحد هو يعطف علي ويحن علي مو انا احن عليه يعني الشاب بيكون صغير وليساتو محتاج لحنان امه بدو يعوضو فيني انا ههههههههههههه..
بارك الله فيك اخي عمر على موضوعك الرائع..في انتظار جديدك على أحر من الجمر..
تحياتي واحترامي للجميع..

[عربي انا]

أكيد اذا وصل الطرفين للحب
والتفاهم مافي مشكله ويرمو بالمجتمع عرض الحائط
ويتمردو على الواقع لأنو مو بكل لحضه رح انلاقي الحب الصادق العذب
وبعدين دخلكم شو بيفيدني ارضي المجتمع وانا لا أشعر بالسعاده ولا بالحب شو بدو ايفيدني؟؟؟؟
وشو هالوسام الي بدو ايعلقو على صدري,,,, مهما علق من اوسمه انا الي رح اكون خسران ولازم أتمرد في قراراتي الي بشوفها صائبه والا اشلون بيكون التغيير
مشكور أخي الغالي عمر موضوع رائع

[M-AraBi]

ياشباب التفاهم والحب هو الأصل
بس أنتو اسئلو أهلكم ليش عم تزجوا الشب لبنت أصغر من بشي 5 سنين
يقولكم أنه كانوا يزجوا لأكبر منهم
بس صارت في مشاكل بين الازواج لأنه البنت بتتعب أكتر من الشب
فالإنجاب لحاله بكفة والباقي بكفة
وكمان البنت متى ما قطعت عمر الاربعين بصير ما بتلبي حاجات زوجها الجنسية مثل ما بدو
خاصة اذا كان الرجال نفسو خضرة

فالشغلة بالمنطق
لأنه أهلنا ما رفضوا شي الا بعد تجربة عاشوها وما بدهم ندوق يلي داقوه

ولكل أمرء قناعته الخاصة وشكراً

[ميادة كامل]

الزواج موضوع هام لحياتنا وعليه فله اسس ومقومات ...
واهم اساس به هو الانسجام والحب والتفاهم والقبول .....
لكي نكون صريحين فعلا يفضل ان تكون الفتاة اصغر من الرجل ولكن يجب الانبالغ بفارق العمر بينهما برايي اقصى حد 10 سنوات ..وذلك لطبيعة حياة المراة التي بتاثير الاولادة والانجاب والرضاعة واعباء الحياة الزوجية ستتعب وسيبدو الكبر عليها وهذا الفارق الزمني بينها وبين زوجهااا يعطيها الفرصة لتبقى يافعة وجميلة بنظره ...


ويمكن للمراة ان تتزوج من هو اصغر منها طبعا وذلك عندما يكون الرجل رجلا بكل معنى الكلمة باخلاقه ودينه وكلامه ومنطقه وحديثه...ووجود الحب سيجعلها دائما الاحلى بنظره ...حتى ولو فاقته عمراااا..
بالنسبة لي لايهمني جدا عمر الرجل ولكن ان كان اصغر مني فافضله بسنوات خمس لااكثر....
موضوع جدا مهم شكرا للجميع

[ريماس]

من رأيى ان السن المناسب من اهم شروط الزواج الناجح
فالفرق الكبير فى السن بين الزوجين يؤدى لكثير من المشاكل وذلك لأختلاف العقليه والتفكير
فلو الزوج أكبر سنا بكثير عن المرأه فستكون اهتمامتهم وطريقة تفكيرهم مختلفه وبالتالى ستصعب عليهم الحياه..
وذلك ايضا عندما تكون الزوجه أكبر من الزوج فعقليه المرأه فعلا تسبق سنها عن الرجل فبذلك ستكون المرأه هى العقل المدبر والمفكر وذلك شىء لا يحبه الرجل وايضا لاتحبه المرأه فهى تحب ان يكون زوجها هو الذى يحميها ويفكر معها ويرشدها..
وفى كلتا الحالتين السن المناسب هو الافضل للطرفين فسيؤدى الى الاتفاق والتفاهم المتبادل.
وعن نفسى مستحيل أتزوج شخص أصغر منى سنا..

[هشام نور]

السن المناسب افضل الشئ انت تكون المراه اضغر من الرجل 5 سنوات او اقل قليلا مافي مشكله ---بالنسبه لي انا لايمكن ان اتزوج امراه اكبر مني ولو بشهر ان تكون نفس عمري مافي مشكله صعب اتخيل نفسي مع امراه اكبر مني حتى لو احببتها ---ماخرج خيتوووووووووو-

[زهرة النرجس]

أذا في تفاهم كل شي ممكن

ميرسي

[عاشق الوطنية]

أختي الكريمة عن نفسي
اذا قررت أتزوج باخد وحدة أصغر مني3او 4 سنين
بس مشا أذا أمرتها أمر شرعي تتقبل فكرة أمر
وما باخد وحدة ربيها على أيدي
ممكن أني أتقبل وحدة أكبر مني بنفس العمر
اذاتأكدد أنها خلوقة وصاحبة دين
يعني ما تفرض رأيها علي
على أساس أكبر منك بيوم أعلم منك بسنة
شكرن للموضوع
الجميل
:z025: