شباب صبايا يلا الكل لعندي

[سارة]

صار الكل يعرف هلأ انو وقت عقد القران لازم واجباري (اجباري ها)

فحص طبي للعروسين للأمراض المعدية والخطيرة متل الايدز وفيروس الكبد المعدي




مبارح كنت بحديث مع بعض الصديقات بهالموضوع

واذ وحدة من بيناتهن بتقلي انو زوجها دبرها بواسطة... لأ ..مو واسطة فيكن تقولو بالمصاري يعني
مدري شو بيسموها
المهم... انا انصدمت فعلا
انو هالشي فرضوه حماية لأسرة بكاملها ومع هيك عم يصير تهاون فيه





انا بدي اسألكن شباب وصبايا




كل واحد منكن بدو يجي يوم يصير فيه عريس او تصير عروس

وبدكن تخضعو لهيك فحص اكيد





ياترى بتعملو الفحص ولا بتدبروها بأي طريقة وبتجيبو فحص طبي ايجابي




طيب اذا عملتو الفحص وطلع أي حدا من العروسين عندو مرض من الامراض لاسمح الله

شو بيكون موقفك ياعريس
شو بيكون موقفك ياعروس؟؟؟؟






تخيلو حالكم بهالموقف (بعيد الشر عن الجميع طبعا)



رأيكم بكل صراحة لأهمية الموضوع اخواتي

[sad4sad]

فعلا انو شيء ان يدل يدل على الجهل والتخلف
بس شو بدنا نعمل الكل بسوريا صار هيك
ارشي تمشي
واذا قلت لشي حدا لازم وضروي واحسن مشانك ومشان اللي بدك تتجوزها ومشان اولادكم بالمستقبل
رح يقول ابي لما تزوج امي ما عمل هيك شي وليكني انا ما بني شي
فلا حول ولا قوة الا بالله العلي العظيم

تقبلي مروري اخت رورو
ودمتم

[تينا]

حبيبتي سارة موضوعك مهم كتير وحلو

بصراحة انا لو فكرت اتزوج اكيد رح اعمل فحص مو مشاني كرمال لو ربنا بعتلي طفل اضمن انه رح يجي سليم ومعافى

وفي حال طلع معي انا او مع العريس اي شي لا سمح الله اكيد ما رح استمر
لان عذاب شهر ولا عذاب دهر ئضيه بالندم

شكرا الك
تقبلي مروري

[En.Khaled Alfaiomi]

الصراحة لا عملت فحص ولا أي شيء .

بس القانون الصراحة حلو بس لو بيطبق في أوروبا وأميركا كان افضل

بس طبعا لو ظهرت أحد الامراض طبعا رح أترك الطرف الثاني مثل ماقالت الأخت تينا

مشكورة أختي سارة

[الصقرالحنون]

سؤال حلو والجواب

اكيد واحد متل ماذكرو الاخوه

وشكرا الك اختي

[Don.Ayman]

أنا شخصيا بعمل فحص شامل كل سنة

تحليل دم و صور اشعة


الحمد لله ما طلع معي شي

الفحص مهم مو بس للي بدون يعقدو القران ( الزواج )

-- --

--يا جماعة التهاب الكبد الوبائي --

فايروس ما لقولو حل


الفحص الطبي ضروري

ما بيضر شكة ابرة بتعرف شو معك

و سدقوني دائما بيطلع في مشاكل بالجسم

بس بتكون صغيرة و بتنحل بالادوية - متل المايكروبات

و الالتهابات


مشكورين على النقاش البناء

[أحمد فرحات]

طبعا بعمل
بدون اي مناقشة انا عم ائرا النتيجةاذا طلع معا شي بقله انتي طلاق 3بخلعا كفاو كفيني

[عاشق الوطنية]

والله يا حجة سارة ماني مستعد
ضحي بحبي كرمال فحص لذالك لا رح أعملو
ولا شي رح اتكل على الله
وفوت فوتي
:z027:

[سارة]

حزين
تينا
احمد اخي خالد
وايمن بتشكر ابداء ارائكم الايجابية وتقبلكم لفكرة اجراء الفحوص الطبية بهيك موضوع مهم وخطير

مع انو الكل عم يمشي حبر على ورق بدون فحص ولاشي لازم نحنا نكون اوعى من هيك وما نظلم ولادنا الاطفال شو ذنبهم وعاشق اذا كنا منحب الطرف التاني مافي مانع نعمل فحوصات وبعدها بتكون الامور واضحة بين الطرفين وعلى اساسها يا بتكمل يا بتترك وخصوصا بقصة الانجاب لازم يصير فحص للطرفين لقابلية الانجاب ومرض الناعور كمان مرض خطير

وان شاء الله ماحدى مننا بينحط بهيك موقف وكلكم بتمنالكم صحة جيدة جدا ودوامها يارب على الكل

[السكون]

سارة


مشكورة اختي


موضوع جميل ونقاش رائع


بس ياريت بالمنتدى يكون

فيه مجال انو الاعضاء يحكوا


مع بعض


بيكون النقاش اجمل واروع


وفعلا كلامك صحيح


خصوصا هاد الزمن

ي اخيتو كترت الامراض


السارية والمعدية


اي والله شي بخوف



دمتي بحفظ الرحمن


انتي والاخوة


الله يجيرنا من الامراض


كان هنا


الســــــــــــــــــكونــــ

[كرامة]

معك حق إختي سارة
بس ياريت كل واحد عندو ضمير وكل تصرف يفكر قبل مايساويه ويشوف الله هيكون راضي عنه ولا لأ
لتصير الدنيا بألف ألف خير بس كلمة ياريت ما بتعمر بيت
:ndm: