ان كنت تحب وطنك فقل رأيك بكل صراحة

[عادل حسين علي]

يا جماعة الخير كلنا نحب أوطاننا ونحب الخير لها


ولكن السؤال الذي يطرح نفسه ما هو سبب تخلفنا عن ركب الحضارة حيث أن الأمم


تتقدم الى الأمام ونحن للأسف نتراجع الى الخلف


فارجو منكم ان تبدو رايكم بكل صراحة عن السبب ومن ثم من وجهة نظرك ماذا علينا ان نفعل


للحاق بركب الحضارة


أخيرا للتزكير فقط اعود وانوه باننا نحب وطننا بحسناته وسلبياته ونحن مستعدين للتضحية


بارواحنا في سبيله

يقول الشاعر : بلادي وان جارت علي عزيزة


واهلي وان ضنو علي كرام


ولأننا نحب الوطن يجب علينا ان نبين المعوقات التي تحول دون تطوره لا ان نضع رؤسنا في الرمل


مثل النعامة وشكرا لكم جميعا

[SH.A.M.Y]

بدك الصراحة أخي عادل؟
السبب في إنو البشر عم يمشوا لإدام ونحنا العرب عم نرجع لورا
هوي الفساد المستشري على جميع المستويات, يعني من تحت لفوء!
ولولا خوفي عالمنتدى لكنت بصارحك أكتر من هيك!
والشغلة واضحة وما بدها تستفسر عنها!

[نانو]

انا بالنسبة اللي بعد اللي شفتو برات سوريا صرت عم احسد كل شي بسوريا لانو ع القليلة عايشين ببلد فيه اخلاق فيه نخوه فيه صداقة فيه اهل فيه كرامة .............. بس انا بدي احكي رأيي وانت حر من حيث التفكير به يا أخي ليش انتو عم تقنعو حالكون انو نحنا عم نرجع لورا والله والله والله انا بنظري انو انو نحنا متحضرين اكتر منون كلون لك هدول بشو متحضرين بالحروب ؟؟؟ ولا بالمايوهات ؟؟؟؟ ولا بالنسوان ؟؟؟؟ولا ولا ولا .....يا شباب البساطة اللي في بلدنا هي حضارة.. لما بتوقع بالشارع والعالم بتركد لتساعدك مع انو ما بيعرفوك هي حضارة لما بتطلع من بيتك الصبح وبتقول لجارك صباح الخير وبيرد عليك بابتسامة هي حضارة .........الخ بس الناس اللي عم تحكي عنون هدول صايرين متل الروبوت لا احساس ولا مشاعر انسانية ولا جار ولا اخ ولا صديق ولا ولا ولا ولا ....بدي اسألك سؤال ؟؟ هلا انت وين ما كنت تكون بأي بلد اوروبي ولا سمح الله تمووووووووووت بالشارع ...شو رح يصير؟؟؟؟؟؟؟ انا بقلد رح يمرقو الناس من جنبك ويعملو حالون مو شايفينك ...او ان كتريت يخبرو الشرطة بس بلا ما يقربو عليك .....اي يا أخي ليش ليبتلو فيك ؟؟؟ هي حضارتون ؟؟؟ طيب اللي عاجبتو هالحضارة الله يباركلو ..والله انا بنظري الحضارة هي في بلادنا ...انا معك في اخظاء بس كمان هادا بلد ومو معقول ما يكون فيه اخطاء ... يعني امريكة او المانيا او استراليا ....ما فيهون اخطاء.....؟ هادا الوهم اللي عم يجيب الناس على اوروبة وبالاخر لما بدون يموتو بيندمو ع العمر اللي ضاع .......هذا رأيي وانتم احرار

[SH.A.M.Y]

الحضارة أخي نانو ما هيي بالآثار يللي مو نحنا بنيناها, ولا بإنو جارك يصبح عليك, ولا ولا ولا!
الحضارة هيي حرية الر أي!
الحضارة هيي إنو تنتهي معاملتك بنفس اليوم مو تعال بعد عشر تيام أو شهر!
الحضارة هيي إنو تكون الحكومة بخدمة الشعب مو الشعب بخدمة الحكومة!
الحضارة هيي إنو ما يكون في خيار وفؤوس!
الحضارة هيي إنو ما يؤول المواطن متل ما آل دريد لحام: أنا مواطن, أنا ولا شي!
الحضارة هيي إنك إنت والمسؤول تشعلوا الشمع لما بتنئطع الكهرباء,
ما تكون فيتلو هوي مولعة عشر تالاف واط, وإنت وعيلتك سهرانين عالشمعة!
الحضارة هيي لما بتنئطع المي ما تشوف سيارات أحد المسؤولين عم يغسلوها خدامو بكراج فيلتو,
ولا تشوف خدام مسؤول تاني عم يرووا جنينتو بألوف الليرات من مية الشرب!
فأرجوك ما تزايد عليي بالوطنية.
أنا ورب الكعبة مستعد إفدي زور تراب من سوريا بروحي.
وأديت عسكريتي وما تركت أهلي وبلدي خمس سنين ودفعت البدل لحتى إخلص من خدمة العلم!
ومالي متغرب هلأ إلا غصبن عني.
ودخيلك ما تزعل من صراحتي.

[En.Khaled Alfaiomi]

الصراحة لايوجد مايضاهي هواء سوريا خبز سوريا حنان سوريا

[SH.A.M.Y]

بس هوا وخبز سوريا أخي خالد؟!
وحياة الله طين الشتي بحارتنا ألز عندي من رمل أحلى شاطيء بالعالم!
الله يحميلنا جميع محافظات سوريا, ويرجعلنا محافظة القنيطرة عن أريب,
آمين يا رب العالمين.

[عادل حسين علي]

يا جماعة الخير اشكركم كثيرا على مروركم الكريم واشكركم على حثكم الوطني العالي لك مين منا ما بيحب وطنو

والله يا شباب سورية احلى بلد في العالم فيها الامان والامن وشعبها من اعرق الشعوب بالرغم من بعض

السلبيات والروتين الاداري

[SH.A.M.Y]

أخي عادل بصراحة السلبيات مو أليلة, بس بتلائي أكتر منها بالعديد من الدول.
ومشكور على هالموضوع.

[عادل حسين علي]

انا لما قلت نحن متاخرين قصدي بالتاخر التكنولوجي والعلمي عن الغرب ولم اقصد غير ذلك لاننا بالنسبة الى الاخلاق والحمد لله لسى الامور بخير بل نحن نعتبر بلد متحضر جدا بالنسبة الى هذه المسالة

[Don.Ayman]

الله محي سوريا


و شباب سوريا


و تراب سوريا

عندي احسن من كل الدوا اللي زرتها


:z025:

[عادل حسين علي]

مشكور اخ ايمن اكيد سورية اجمل واروع واحسن بلد بالعالم وكلنا نحب وطننا ومستعدين ان نفديها بارواحنا ولكن

اقصد هنا التراجع العلمي والتكنولوجي ليس فقط في سورية بل في كل الدول العربية والاسلامية تقريبا فما هي الاسباب وما هو الحل باللحاق بالدول المتقدمة تكنولوجيا وعلميا

[الصقرالحنون]

ياشباب والله كلامكم على راسي

بس المشكلة بلي بيستلم منصب مابيشوف غير حالو


وهذه هي المشكلة وغير هيك سورية مافي منها

لك اخ قلبتولي المواجع

مشكور اخي يعطيك الف عافية