المساعد الشخصي الرقمي

مشاهدة النسخة كاملة : هل يحق للأخ التدخل في حياة أخته ؟؟


دمعة فرح
10-10-2010, 04:53 AM
بسم الله الرحمن الرحيم

السلام عليكم ورحمة الله وبركاته ..

إخوتي في الله في ملتقى المغتربيين السوريين

اليوم طرحي هنا عن تدخل الأخ في حياة إخته .. هل له الحق التدخل في شؤونها بوجود الأب ؟؟
وإلى أي حد يمكنه التدخل ؟؟ وهل يحق له فرض قوانين عليها ؟؟

الموضوع بين ايديكم ..

تحيـــاتي

15050
عاشق الوطنية
10-10-2010, 05:16 AM
. هل له الحق التدخل في شؤونها بوجود الأب ؟؟
أكيد لاء بس ممكن يقول للأب عن شي زاعجو بتصرفات اختو وهيك بيكون وصلو حقو
وإلى أي حد يمكنه التدخل ؟؟ وهل يحق له فرض قوانين عليها ؟؟
إلى الحد الذي يظن فيه بأنه يتكلم من اجل مصلحتها ولاكن بسياسة تامة وليش بلاً جبرا او الأكراه
ولا يحق له فرض قوانين عليها طالما هية لم تخطاً
يعني يفرض شي لحب السيطرة فقط هاد بيكون مريض نفسياً
أما في حال تجاوزت البنت العادات والتقاليد او الشرع
فأكيد يحق له ان يوقفها عند حدها
ولاطن التعامل معى الأخت يجب ان يكون سياسياً
أكثر من ان يكون اجبارياً
عاشق الوطنية
10-10-2010, 05:17 AM
ومشكورة دمعة لطرحك الرائع موضوع يستحق النقاش
:z025:
king-of-nothing
10-10-2010, 09:24 AM
لازم الأخ يستوعب اختو ... كصداقة ومايكون في فوقية عليها ويكون منطقي ... لإنو هيك شغلات فيها حزازية كتير لما يكون في فوقية من طرف الشب ... وهيك بيقدر يكون جبنها ويححلها أخطائها ويفهمها الغلط عن الصح ... ومايكون مخو قفل


King of Nothing
ابو عمر
10-10-2010, 12:03 PM
السلام عليكم
والله بصراحة موضوع ضخم وجوهري
والكلام طويل بهالموضوع ...ومتعدد الآراء

يعني هاي من المشاكل الاجتماعية الواقعية
وما ممكن نحكم انو بيصير يدخل ولا لأ ..
حتى نفهم الحالة منيح ونشوف الوضع الاسري كيف عايشين ...
ساعتها ممكن نعطي رأينا ... لازم يتدخل ولا لا ..!! وشلون ...!؟ وبانو طريقه ..!!

اما الحكي على الاطلاق فهو اجحاف بحق هيك موضوع ...

لي عودة ...
ولكن بدايه .. نعم للأخ حق كبير في التدخل بشؤون أخته ..
بوجود الأب او عدم وجودو
ريماس
10-10-2010, 12:38 PM
الاب هو رب المنزل وبوجوده هو الامر الناهي بالبيت
اذاكان الاب والام مو متواجدين بالبيت اي بحق بالتدخل
وكاحترام للاب الابن لازم ما يحكي بوجود ابوه
و انا عن نفسي اذا وجدت اخي صديق لي ويشعرني بأنه كاتم اسراري ويحسسني بقربه لي سوف اسمح له يتدخل بكل حياتي الشخصية ..
اذا كان غير ماذكرت فلا يحق له التدخل ...
شكرا اختي دمعة فرح عالموضوع الرائع
تحياتي
ابو عمر
10-10-2010, 03:24 PM
الاب هو رب المنزل وبوجوده هو الامر الناهي بالبيت


طيب ازا الاب بايعها وماشي ....!!؟
ازا كان ظالم لنفسو قبل بنتو ....!!؟

كمان الأخ يطنش ويتركها عالله ....!
دمعة فرح
10-10-2010, 03:28 PM
. هل له الحق التدخل في شؤونها بوجود الأب ؟؟
أكيد لاء بس ممكن يقول للأب عن شي زاعجو بتصرفات اختو وهيك بيكون وصلو حقو
وإلى أي حد يمكنه التدخل ؟؟ وهل يحق له فرض قوانين عليها ؟؟
إلى الحد الذي يظن فيه بأنه يتكلم من اجل مصلحتها ولاكن بسياسة تامة وليش بلاً جبرا او الأكراه
ولا يحق له فرض قوانين عليها طالما هية لم تخطاً
يعني يفرض شي لحب السيطرة فقط هاد بيكون مريض نفسياً
أما في حال تجاوزت البنت العادات والتقاليد او الشرع
فأكيد يحق له ان يوقفها عند حدها
ولاطن التعامل معى الأخت يجب ان يكون سياسياً
أكثر من ان يكون اجبارياً


كلام منطقي وجميل أخي عاشق .. شكرا لمرورك وطرح رأيك ... مني لك اطيب تحية
دمعة فرح
10-10-2010, 03:30 PM
لازم الأخ يستوعب اختو ... كصداقة ومايكون في فوقية عليها ويكون منطقي ... لإنو هيك شغلات فيها حزازية كتير لما يكون في فوقية من طرف الشب ... وهيك بيقدر يكون جبنها ويححلها أخطائها ويفهمها الغلط عن الصح ... ومايكون مخو قفل


King of Nothing

حلو كتير اخي king هاد هو التصرف السليم مابين الأخوة .. مو مجرد حب تسلط
شكرا لمرورك صديقي
دمعة فرح
10-10-2010, 03:33 PM
السلام عليكم
والله بصراحة موضوع ضخم وجوهري
والكلام طويل بهالموضوع ...ومتعدد الآراء

يعني هاي من المشاكل الاجتماعية الواقعية
وما ممكن نحكم انو بيصير يدخل ولا لأ ..
حتى نفهم الحالة منيح ونشوف الوضع الاسري كيف عايشين ...
ساعتها ممكن نعطي رأينا ... لازم يتدخل ولا لا ..!! وشلون ...!؟ وبانو طريقه ..!!

اما الحكي على الاطلاق فهو اجحاف بحق هيك موضوع ...

لي عودة ...
ولكن بدايه .. نعم للأخ حق كبير في التدخل بشؤون أخته ..
بوجود الأب او عدم وجودو

وعليكم السلام
تماما ابو عمر حسب الحالة وتصرف البنت .. يتدخل الأخ .. بالنهاية هنن اخوات من لحم ودم بعض فلازم كل واحد يكون متعاون مع اختو
بغض النظر عن الخلافات اللي ما إلها اي داعي .. لكن كأسرة واحدة .. فكل واحد مسؤول من التاني .. تحية طيبة الك اخي .. وشكرا جزيلا لرأيك
دمعة فرح
10-10-2010, 03:37 PM
الاب هو رب المنزل وبوجوده هو الامر الناهي بالبيت
اذاكان الاب والام مو متواجدين بالبيت اي بحق بالتدخل
وكاحترام للاب الابن لازم ما يحكي بوجود ابوه
و انا عن نفسي اذا وجدت اخي صديق لي ويشعرني بأنه كاتم اسراري ويحسسني بقربه لي سوف اسمح له يتدخل بكل حياتي الشخصية ..
اذا كان غير ماذكرت فلا يحق له التدخل ...
شكرا اختي دمعة فرح عالموضوع الرائع
تحياتي



كلامك مزبوط اختي رورو .. بس اذا كان الامر متعلق بالخوف على الاخت .. فحتى بوجود الام والاب يحق له التدخل .. او على الاقل أبداء رأيه
مشكورة عزيزتي لمرورك الحلو
دمعة فرح
10-10-2010, 03:39 PM
طيب ازا الاب بايعها وماشي ....!!؟
ازا كان ظالم لنفسو قبل بنتو ....!!؟

كمان الأخ يطنش ويتركها عالله ....!

بهالحالة الاخ لازم ياخد مكان الاب .. مشكور ابو عمر على متابعتك
Sanaa
10-10-2010, 04:26 PM
أكيد الأخ من حقه يتدخل بحياة أخته ( إذا الأب و الأخ ما اتدخلوا .. مين بدو يتدخل !!! )


و سواء بوجود الأب أو عدم وجوده ... للأخ الحق بالتدخل ( طبعا الكلمة الأولى للأب )


بس طبعا أنا عم احكي عن تدخل إيجابي من خلال طرق و أساليب راقية و محترمة


أكيد ما عم احكي عن التسلط و التحكم و الفوقية ... و أنا هون بدي قول شغلة


طريقة تنشئة الأب و الأم لأولادهم الاولاد و البنات ... هي يلي بتحدد طريقة معاملة الأخ لأخته


المفروض أنه الأخ يتدخل بأخته ... لأنه أكتر حدا بالدنيا بيحبها و بيخاف على مصلحتها


و بالتالي بيتعامل معها بحب و باستيعاب ( الغرض مصلحة أخته ... مو السيطرة )


بشكل عام طبعا بيحق للأخ التدخل بطريقة معينة بحياة أخته


بس متل ما قال الأستاذ " أبو عمر " ... هاد الموضوع بيتضمن حالات كتير


و كل حالة لها خصوصيتها ... ما فينا نحكي بالمطلق


موضوع كتير مهم ... و النقاش فيه طوييييييل و لازم يتناول عدة محاور


بشكرك كتيييير دمعة ع الطرح المهم و المميز جدااااا
king-of-nothing
10-10-2010, 04:34 PM
طيب ازا الاب بايعها وماشي ....!!؟
ازا كان ظالم لنفسو قبل بنتو ....!!؟

كمان الأخ يطنش ويتركها عالله ....!

والله يا أبو عمر أنا بلعتها وسكتت .... لإنو الأب مشكلة ازا كان بايعها ...


ومشان ازا حكيت ما رح اسكوت .... الحمد لله على كل حال والله يهدي الجميع


King of Nothing
لولو الصغيرة
10-10-2010, 05:07 PM
يسلمو رورو .. ولي عودة بإذن الله
السكون
10-10-2010, 05:40 PM
والله يا خالو

نحن العرب عايشين عيشة مفشكلة لا قوانين ولا بطيخ

تعرفي

مرات بتلاقي الاخ عامل السبعة وذمتها

وبيجي لعند اختو يعمل عليها وصي وولي


او بتلاقي الاخ برا البيت ضعيف شخصية


ما بيلاقي غير اختو يتقاوى عليها


بعدين تعالي لهون خال


ليش الاخ بيحقلو يعشق ويحب ويسهر ويطلع ويفوت

ويعمل شو ما بدو شو لانو شب ورجال

ولا لانو مرفوع عنو التكليف يا ما شباب طلعت من بيتها وما رجعت

وياما شباب مشيت بطريق الحرام وخلافو

وياما وياما وياما


واذا دري انو اختو عشقانة ولا حتى لو بدون ما يكون متأكد

بيقيم الدنيا على راسها


ليش هو بيحقلو يعشق

واختو محرم عليها هالامر


لا حول ولا قوة الا بالله


ولا هو بشر وحساس وعندو مشاعر

وهي من حجر صوان والله ما بعرف


بعدين

الي بيكون عامل العمايل اكيد رح يخاف من انو تعمل اختو شي\

وهذا معروف

كما تدين تدان


ودمتم بحفظ الرحمن
دمعة فرح
10-10-2010, 11:34 PM
أكيد الأخ من حقه يتدخل بحياة أخته ( إذا الأب و الأخ ما اتدخلوا .. مين بدو يتدخل !!! )


و سواء بوجود الأب أو عدم وجوده ... للأخ الحق بالتدخل ( طبعا الكلمة الأولى للأب )


بس طبعا أنا عم احكي عن تدخل إيجابي من خلال طرق و أساليب راقية و محترمة


أكيد ما عم احكي عن التسلط و التحكم و الفوقية ... و أنا هون بدي قول شغلة


طريقة تنشئة الأب و الأم لأولادهم الاولاد و البنات ... هي يلي بتحدد طريقة معاملة الأخ لأخته


المفروض أنه الأخ يتدخل بأخته ... لأنه أكتر حدا بالدنيا بيحبها و بيخاف على مصلحتها


و بالتالي بيتعامل معها بحب و باستيعاب ( الغرض مصلحة أخته ... مو السيطرة )


بشكل عام طبعا بيحق للأخ التدخل بطريقة معينة بحياة أخته


بس متل ما قال الأستاذ " أبو عمر " ... هاد الموضوع بيتضمن حالات كتير


و كل حالة لها خصوصيتها ... ما فينا نحكي بالمطلق


موضوع كتير مهم ... و النقاش فيه طوييييييل و لازم يتناول عدة محاور


بشكرك كتيييير دمعة ع الطرح المهم و المميز جدااااا



يعطيكي العافية سناء .. كفيتي ووفيتي مافيني زيد على كلامك حرف
رأي صائب .. مشكورة ياغالية على مرورك
دمعة فرح
10-10-2010, 11:35 PM
يسلمو رورو .. ولي عودة بإذن الله


الله يسلمك لولو ... بانظارك حبيبتي

بس انا دموعة مو رورو لك نيالوووو
دمعة فرح
10-10-2010, 11:42 PM
والله يا خالو

نحن العرب عايشين عيشة مفشكلة لا قوانين ولا بطيخ

تعرفي

مرات بتلاقي الاخ عامل السبعة وذمتها

وبيجي لعند اختو يعمل عليها وصي وولي


او بتلاقي الاخ برا البيت ضعيف شخصية


ما بيلاقي غير اختو يتقاوى عليها


بعدين تعالي لهون خال


ليش الاخ بيحقلو يعشق ويحب ويسهر ويطلع ويفوت

ويعمل شو ما بدو شو لانو شب ورجال

ولا لانو مرفوع عنو التكليف يا ما شباب طلعت من بيتها وما رجعت

وياما شباب مشيت بطريق الحرام وخلافو

وياما وياما وياما


واذا دري انو اختو عشقانة ولا حتى لو بدون ما يكون متأكد

بيقيم الدنيا على راسها


ليش هو بيحقلو يعشق

واختو محرم عليها هالامر


لا حول ولا قوة الا بالله


ولا هو بشر وحساس وعندو مشاعر

وهي من حجر صوان والله ما بعرف


بعدين

الي بيكون عامل العمايل اكيد رح يخاف من انو تعمل اختو شي\

وهذا معروف

كما تدين تدان


ودمتم بحفظ الرحمن



ياخالي هيك شخصيات .. بتكون متسلطة وعدوانية وغير مثقفة
الاخ العاقل لما بيعرف باختو عشقانة بيسألها ويفهم منها .. ويتعرف كمان على عشيقها ويعرف شو مطلبو من اختو .. هاد بيكون خوف وبيكون اخ بمعنى الكلمة
مو الاخ لما بيعرف بأختو عشقانة قلب الدنيا فوق راسها هي ازا ما ضربها ومنعها من كتير شغلات .. هاد تحول لظلم
وهيك اخوات مابيحقلن التدخل بأي شكل من الاشكال .. لأنو النية مو صافية وهو مخبرها اصلا برا البيت
ومتل ماقلت كما تدين تدان .. الف شكر للمرور وابداء رأيك .. لا حرمت وجودك المتألق