مشاهدة النسخة كاملة : يلا بينا نتزكر أيام زمان ( وقت اللي كنا صغار )
aramees
10-23-2010, 05:02 AM
زمان وقت اللي كنا صغار
كنا منعيش أحلى أيام الطفوله
كانت احلامنا بريئه
كنا منحلم بس متى ييجي النهار لحتى بلعب بالحارة نحنا ورفقاتنا
كنا منحلم متى ييجي يوم العطله لحتى نروح مشوار مع بابا وماما
كانت احلامنا على قدنا
صغيرة متل حجمنا كنا صغار
كنا بس نروح المدرسه ونلعب بالحارة ونطلاع مشوار مع بابا وماما
ما كنا منفكر بأشيا تانيه
احلامنا صغيرة وطموحاتنا قليله على قد حجمنا
زمان وقت يللي كنا صغار
كنا نزعل من رفئاتنا من شغله صغيرة
ومنتصالح بنفس الوئت
ما كنا منام ونحنا زعلانين
كانت البساطه عنوانا والطيبه حياتنا
زمان وقت يللي كنا صغار
كنا لما نروح لتيتا نفرح كتير وقتا كانت تعطينا حاجه ناخدها ونطير من الفرحه
وجدي كمان كان بيفرحنا كتير بليرة ناخدها منو
كانت ماما لما تروح لعند جارتنا تزورا كنا منروح معها
كانو عندها صغار نلعب معهن وننبسط
كنا منستنى لما ماما تروح لعند جارتنا عشان نلعب وننبسط
زمان وقت يللي كنا صغار
كان ييجي العيد كنا نطير من الفرحه نلبوس جديد ومعانا العيديه
منروح منشتري هدايا العيد والعاب حلوي كتير كنا منعيش وقتا
أسعد ايام حياتنا
كان العيد لما بييجي ما كنا منتمنى شي تاني بس بدنا نضل نلعب العاب العيد
ونلعب بالعابنا يللي اشتراها النا بابا
وكمان خالي كان بيجبلنا هديه ولعبه حلوي
كانت ايامنا كلا سعاده ولعب ومرح
ما كنا نفكر لقدام
تفكيرنا كان محدود
كنا منفكر بشي واحد بس
انو اي شي بيبسطنا وبيفرحنا منفكر فيه
كنا دايما نستنى الصيف لحتى نطلوب من البابا نروح الملاهي والحدائق
لحتى نروح نتفسح مع بابا وماما
كنا منفكر متى ييجي الشتا لحتى بابا يولع كانون النار
ونتجمع كلنا مع بعض على براد الشاي
ونتلم كلنا باحضاب بعضنا ويشعرنا بابا بالدفا
زمان وقت يللي كنا صغار
كانت الماما لما تشوفني زعلان تقللي شوبك يا ماما
اقعود ابكي
احكيلا ليش ابن عمي جايب تياب جديده وانا لا
بابا بيشتغل وعمي بيشتغل ليش بابا ما بيجبلي تياب جديده متل ابن عمي
كانت بتقلي ماما حاضر حبيبي من عيوني
بكرة بقول للبابا يحبلك تياب جديده
وهلا ارضيت يا ماما
بروح ساعتها بضحك وبفرح وبنط بحضنا وببوسا من خدا وبقلا
شكرا يا احلى ام بالدنيا
أنا بحبك يا ماما
وتقلي وانا يا ماما بحبك وبخاف عليك
زمان وقت يللي كنا صغار
كنت لما بمرض كانو يسهرو جمبي الليل كلو
بابا وماما
ويعملولي كمادات الماي البارده
ويسئوني الدوا لحتى اشفى
ويضلن سهرانين طول الليل لحتى اتعافى
كنت بشعر بحنانهم
وكانو يحسو بتعبي وبالمي
كانو بيخافو علينا وكنا منخاف عليهن لحدى ياخدهم منا
وزمان وقت يللي كنا صغار
ساعة ما نروح ننام
تفوت الماما معنا وتحكيلنا حكايه لحد ما تسبل عيوننا
وتغطينا بالشرشف ونقلا تصبحي على خير يا احلى ام بالكون
زمان وقت يللي كنا صغار
احلام بريئه وصغيرة
على قد طفولتنا
وهلا صرنا كبار
وصرنا نقول
زمان وقت يللي كنا صغار
أتمنى انا تكون رجعتكم للماضي ولايام وقت يللي كنا فيها صغار
:z025: وتحياتي لاعضاء المنتدى الغالي :z025:
Aramees
أحمد فرحات
10-23-2010, 07:10 AM
رجعتني 17 سنة
مشكور Aramees
فعلاً أيام رائعة لاتنسى مهما طال الزمن بينا سوف نظلو نذكرو تلك الأيام الحلوة
وهي أحلى تقيم
ريماس
10-23-2010, 01:31 PM
يعطيك العافية وشكرا كتير على تذكيرنا ايام زمان زمان طفولتنا
اي أشو هاااد خيو فعلا كتير حلوة يسلمووو كتير
تحياتي لك
حسن حاضري
10-23-2010, 04:57 PM
اي والله ما في احلى من ايام زمان
AHLA-DANA
10-25-2010, 01:13 AM
شكرا كتير على موضوعك خيو اراميس
بجد رجعتنا كتير لورا
ibrahem706
10-25-2010, 09:56 AM
:z025::z025:
شكراااااااااااااااااااااااا
دمعة فرح
10-25-2010, 10:35 AM
اكتفي بالتقييم البسيط
:z09:
aramees
10-25-2010, 11:20 PM
شكرا كتير حبيبي أحمد نورت الموضوع
وشكرا لتقييم
تحياتي لإلك أحمد
Aramees
aramees
10-25-2010, 11:23 PM
نورتي الموضوع رورو
ما بعتئد فينا من يعيش أحلى من هيك إيام
سدئيني وأنا عم بكتبها حسيت وكأني رجعت طفل
فعلا أيام جميله وكلا سعاده وهنا
ربي يجعل كل أيامنا هنا
تحياتي مرة تانيه لمرورك ولالك رورو
Aramees
aramees
10-25-2010, 11:24 PM
يعطيك العافيه حسن
منور معنا
شكرا كتير لمرورك
تحياتي Aramees
aramees
10-25-2010, 11:26 PM
شكرا كتير دمعه
لتقييمك
ولمرورك
وللمختصر المفيد
وتحياتي لإلك
Aramees
عاشق الوطنية
10-27-2010, 09:06 AM
مشكور حبيب القلب
اخ على ما نرجع لورا شو كنت غيرت من حياتي
:z025:
aramees
10-27-2010, 02:04 PM
نورت عاشق
عاوزنا نرجع زي زمان قول للزمان ارجع يا زمان
يا لها من ايام جميله والا ما كنت تزكرتا
احكيلك شي عاشق
لما ةكتبت هالكلمات يللي قريتا كنت راجع بعداد عمري 25 سنه لبعيد
تحياتي الك ولمرورك
Aramees
aramees
11-01-2010, 11:36 PM
إنتظروني في الجزء (2) من ...
زمـــان وقـــت يللـــي كنـــا صغـــــــــار
تحياتي Aramees
ذذ
aramees
01-13-2011, 03:05 AM
أهلا بكم من جديد
نعود لنتزكر أيام وئت يللي كنا صغار
وتلك الأبيات تزكرنا بأيام الطفوله
برز الثعلب يوما. في شعار الواعظينا
فمشى في الارض يهذي ويسب الماكرينا
ويقول الحمد لله اله العالمينا
ياعباد الله توبوا . فهو كهف التائبينا
وازهدوا في الطير ان العيش عيش الزاهدينا
واطلبوا الديك يؤذن .لصلاة الصبح فينا
فاتى الديك رسول من امام الناسكينا
عرض الامر عليه وهو يرجو ان يلينا
فاجاب الديك عذرا .يااضل المهتدينا
بلغ الثعلب عني عن جدودي الصالحينا
عن ذوي التيجان ممن دخل البطن اللعينا
انهم قالوا وخير القول قول العارفينا
مخطىء من ظن يوما ان للثعلب دينا
تحياتي
Aramees
aramees
01-13-2011, 03:14 AM
ولا ننسى أيضا المسلسلات الكرتونيه التي ما زالت راسخه في أزهاننا وتزكرنا بأيام الطفوله
هذه المسلسلات لم أشاهدها منذ سنوات طويلة ، بعضها لم أشاهده سوى مرة واحدة في حياتي ،
ولكنه علق في ذهني من تلك المشاهدة :
ليدي ليدي ،
سنان ،
مغامرات عصام ،
طمطوم وأبطال الروضة الخضراء ،
رحلة عنابة ،
سنبل ،،
سبانك ،
جازورا ،
السنافر ،
السيدة ملعقة ،
شارلوك هولمز ،
الشجعان الثلاثة ،
الشناكل ،
فتاة المراعي ،
فرسان الفضاء ،
فريق الإطفاء ،
عبقرينو،
زينة ونحول ،
رعد العملاق ،
حماة الكواكب ،
كأس العالم ،
كاساي وليوك ،
كركور وحذاء السعادة ،
كريستوف كولمبس ،
كعبول ،
لولو الصغيرة ،
لوز وسكر ،
نوار ،
وادي الأمان ،
أبطال الليزر ،
بيل وسباستيان ،
إيكوسان ،
البؤساء ،
البابالوز ،
وداعا ماركو ،
حكايات عالمية ،
الراكون راسكال ،
شيربي ،
فولترون (النسخة القديمة) ،
جول وجولي ،
الضربة الصاعقة ،
قرية التوت ،
الشجعان الثلاثة ،
موليير ،
باسل الفتى الشجاع ،
مريانا ..
غراندايزر ،
الكابتن ماجد (الجزء الأول) ،
سالي ،
السباق الكبير مدينة النخيل ،
كان يا ما كان الحياة ،
ماروكو ،
شما في البراري الخضراء ،
صاحب الظل الطويل ،
صقور الأرض ،
عبقور ،
الصياد الصغير ،
لحن الحياة ،
الكابتن رابح ،
فريق العباقرة ،
زورو (النسخة القديمة) ،
حنين ،
روبن هود ،
سندباد .
ولا أنسى البرنامج التعليمي المناهل ، وافتح يا سمسم ، وسلسلة الحكايات (كان يا ما كان)
وأذكر أيضا أنني كنت أشاهد في صغري برنامجا جميلا في القناة التونسية اسمه (قنوشو)
تحياتي
Aramees
دمعة فرح
01-13-2011, 02:11 PM
هههههههه الله عليك يا اراميس ماخليت كرتون يعتب عليك
مشكور كتير والله ايام :z09:
aramees
01-13-2011, 10:44 PM
هههههههه الله عليك يا اراميس ماخليت كرتون يعتب عليك
مشكور كتير والله ايام :z09:
ههههههههههههههههه
قولتك
بس حبيت أكدلك إنو ما في انسان بينسى طفولتو
ويللي بيئول انو الشباب احلى من الطفوله
لا أتفق معه
تحياتي لمرورك
والله أيام
ريتا تعود
anaa
:z09:مشكور اخي اراميس ياريت ترجع بساطة ايام زمان معقول اديش كانت احلامناصغيرة وبسيطةو بتشبه بعض بس لأسف ايام صغارنا كتير مختلفة عن حياتنا نحن كانت ايامنا احلى بكتير ما بتوافقني لرأي اخي اراميس
عابرة سبيل
01-13-2011, 11:14 PM
ياااااااااااااااااااااريت يرجع الزمان ونرجع صغار ونلعب ونضحك متل زمان وقلوبنا بيضه ونضيفه مششششششششششششششششششششششششششششششششششكورين
aramees
01-13-2011, 11:17 PM
:z09:مشكور اخي اراميس ياريت ترجع بساطة ايام زمان معقول اديش كانت احلامناصغيرة وبسيطةو بتشبه بعض بس لأسف ايام صغارنا كتير مختلفة عن حياتنا نحن كانت ايامنا احلى بكتير ما بتوافقني لرأي اخي اراميس
لا أختلف معك بشيئ أختي نانو .. كلامك مزبوط
أكيد طفولة هالايام هي مو متل طفولتنا
على الاقل
وانتي بالصف الاول ما كنتي تفهمي أو تعرفي شي عن التكونولوجيا
هلا ابن الصف الاول صرلو موبايل وعم يشتغل على الويندوز
جيمس وشات وماسنجر
والله يستور من هالجيل
التطورات اختلف عن جيلنا .. الزمن تغير
الحياة تغيرت
تحياتي لمرورك العطر
شكرا لكي
Aramees
aramees
01-13-2011, 11:20 PM
صعب جدا عابرة سبيل
والله صعب ترجاع ايام طفولتنا
كل وئت وصرلو وئتو
ما هي اللا زكريات جميله تقرع أبواب النسيان
تحيتي
Aramees
aramees
11-28-2012, 11:11 PM
والله إيام ....
Sanaa
11-28-2012, 11:39 PM
يااااااه على هديك الايام ........ :(
رجعتنا لذكريات كتير حلوة ..... وسط زحمة المآسي يلي عايشينها هالأيام :(:(
كتير حلو الموضوع ..... شو رأيك تعمللنا جزء تالت .....!! :)
إذا في مجال لاجزاء جديدة ...... رح اعمل تثبيت للموضوع ....
بقا شو رأيك ؟؟؟؟؟ ^_^
aramees
11-29-2012, 04:22 PM
يااااااه على هديك الايام ........ :(
رجعتنا لذكريات كتير حلوة ..... وسط زحمة المآسي يلي عايشينها هالأيام :(:(
كتير حلو الموضوع ..... شو رأيك تعمللنا جزء تالت .....!! :)
إذا في مجال لاجزاء جديدة ...... رح اعمل تثبيت للموضوع ....
بقا شو رأيك ؟؟؟؟؟ ^_^
طالما هيك رأيك
راح اعمول عصف ذهني لقلمي وراح اكتوب جزء تالت
ازا كان راح يتسبت الموضوع وبصراحه بيستاهل
مو مشان موضوعي لا
كفكرة ..
راح اكتوب جزء تالت
قريبا جدا
************
انتظروني .... في هذه الصفحة المتواضعه ...
مع الجزء التالت من موضوع (( زمان وئت يللي كنا صغار ))
مع التحيه
Aramees
aramees
11-30-2012, 12:11 AM
نعود مجدداً أحبتي وتعود بنا الذاكرة ...
لنتذكر أيامٌ جميله عشناها بجميع ساعاتها ودقائقها وثوانيها ولحظاتها ...
أيامٌ ملئها السعاده والفرح والسرور و.... ( البساطة ) ...
وئت يللي كنا صغار ...
بهداك الوئت ونحنا أطفال كان الواحد فينا بيحكي لأبوه ...
أبي متى راح إكبر وصير متلك زلمة كبير ؟؟؟
انت انولدت كبير يا بابا وانا صغير ؟؟؟
شو بتاكول يا بابا لحتى صرت كبير ؟؟؟
كان أبي يئول يا إبني بكرة راح تكبر وتصير متلي وتصير تجيب ولاد حلوين متلك ...
وتصير تحمل مسؤوليه متلي وتربي ولادك ...
وئتا كنت بفكر وبؤول ابي عم يكزب علي انا ما راح اكبر متله
زمان وئت يللي كنا صغار ...
كنا منفرح بيوم الجمعة لأشيا كتيرة
كان أبي بيخرج معنا بالسيارة منتفسح ومنروح على دار تيتا
كنا منروح عالملاهي ...
كنا منصحى بوئت متاخر الصبحية ...
كانت ماما بتطبخ طبيخ كتيييير وززاكي يوم الجمعه ...
منضلنا فرحانين يوم الجمعه لانه اجازة وما في قراية ...
منئد على التي في لحتى نتابع مسلسل الكرتون يللي بيجي كل جمعه ...
كنا منروح مع ابي نصلي بالجامع ...
وكنا منئضي يومنا بالارض يللي النا كلا اشجار وفواكه وخضرة ...
وبعد هيك بيجي الاسبوع منروح المدرسه ومنخلص قرايه وبنرجع بلعب بالحارة لحتى ننام ونصحى للمدرسه
كنا الشغلة الوحيده يللي عم ننام ونحنا نفكر فيا ...
متى ييجي يوم الجمعه ...
من كتر الفرحه يللي بتعم على قلوبنا بهاد اليوم ...
ما كنا عم نفكر بشي بنوب ...
مدرسه ... العاب ... تي في ... فسحه ... ملاهي ... ناكول ونشراب
يتبـــــــــــــــــع ....
aramees
11-30-2012, 12:12 AM
زمان وئت يللي كنا صغار ...
كان لما ييجي العيد علينا نتسابئ مين يجيب ملابس
احلى ...
وأكتر ...
وأغلى ...
مين اخد عيديه أكتر ...
أنا ...
ولا أخي ...
ولا إختي ...
مين يروح على خالو ...
لحتى يتعيد منو ...
مين يسبئ التاني على بيت جدي ...
لحتى نشوف مين جدو بيعيدو أكتر ...
مين جدو بيحبو أكتر من التاني ...
كان لما ييجي العيد ...
نجيب مسدس دمدم ونلعب لعبة طاخ طاخ ...
أنا الجندي وانت العربي يلا طاخ موت ...
نلعب ألعاب زمان عريس وعروسه ...
فتحت الورده وغمضت الورده ...
يا بنت السطان ...
ام المستغماية ...
الجلاد ...
وإيييييييييييييييييييه شو بدي إحكيلكن لإحكيلكن ...
وزمان وئت يللي كنا صغار ...
شو كنا نفكر بغير هالحكي ...
لا نعرف هموم ولا مشاكل ولا حروب ولا همنا سياسة ولا همنا رعب ولا خوف
كنا بنزعل بس بشغلات صغيرة
رفيئي جاب أميص أحلى مني ...
رفيئي عم ياخد مصروف أكتر مني ...
إبن جارنا عندو ألعاب أكتر مني ...
وكمان وئت يللي كنا صغار ...
كانت فينا خصال ومزايا إنتزعت منا هالايام ...
طيبه ... تسامح ... كرم ... أدب ... خجل ... براءة ... روح مرحه ... إبتسامه دايمه ...
مين فينا بيتحلى فيون كلن هالايام ؟؟؟
وئت يللي كنا صغا ...
وهلأ صرنا كبار
أتمنى ما كون طولت عليكن ورجعتكن للزمن الجميل
زمن الطفولة والبراءه والمحبة .
مع خالص أمنياتي لكم بحياة سعيده وهنيئه
Aramees
Sanaa
12-01-2012, 11:09 PM
زمان وقت يلي كنا صغار ....
كان أكبر همنا .... نشتري لعبة ....
و كانت أكبر جرائمنا ... نقتل نملة .......!!
ما في حدا فينا ما بيحن لأيام البرءاة و الطفولة ...
هديك الايام يلي بوقتها ما كنا لسا دخلنا بـ معمعة الحياة ...
و بـ همومها ... و بـ زحمتها و تعقيداتها ...
بس هاد ما بيمنع انو كل مرحلة بـ حياتنا الها خصوصيتها و جمالها ....
و كل مرحلة بنشعر بـ الحنين للمرحلة يلي قبلها ....
و دايما بنحس انو الحياة كانت احلى و ابسط ... و نحنا كنا مرتاحين أكتر ...
و بكرا رح تدور الايام .... و رح نحس بالحنين .... للأيام الحالية :)
و لكن الشي الأكيد .... انو لـ مرحلة الطفولة تحديدا ... مكان مميز كتير بـ قلوبنا ...
مهما تقدم فينا العمر .... رح نبقى نتذكرها و نحكي عنها بـ حب و بـ شوق و بـ حنين ^_^
خلصوا الأجزاء و لا لسا ؟؟؟؟
ان شا الله ما يكونوا خلصوا ...
خلينا عايشين مع الطفولة .. و هربانين من الواقع ههههههههههه
تم التثبيـــــت .....
aramees
12-01-2012, 11:28 PM
زمان وقت يلي كنا صغار ....
كان أكبر همنا .... نشتري لعبة ....
و كانت أكبر جرائمنا ... نقتل نملة .......!!
ما في حدا فينا ما بيحن لأيام البرءاة و الطفولة ...
هديك الايام يلي بوقتها ما كنا لسا دخلنا بـ معمعة الحياة ...
و بـ همومها ... و بـ زحمتها و تعقيداتها ...
بس هاد ما بيمنع انو كل مرحلة بـ حياتنا الها خصوصيتها و جمالها ....
و كل مرحلة بنشعر بـ الحنين للمرحلة يلي قبلها ....
و دايما بنحس انو الحياة كانت احلى و ابسط ... و نحنا كنا مرتاحين أكتر ...
و بكرا رح تدور الايام .... و رح نحس بالحنين .... للأيام الحالية :)
و لكن الشي الأكيد .... انو لـ مرحلة الطفولة تحديدا ... مكان مميز كتير بـ قلوبنا ...
مهما تقدم فينا العمر .... رح نبقى نتذكرها و نحكي عنها بـ حب و بـ شوق و بـ حنين ^_^
خلصوا الأجزاء و لا لسا ؟؟؟؟
ان شا الله ما يكونوا خلصوا ...
خلينا عايشين مع الطفولة .. و هربانين من الواقع ههههههههههه
تم التثبيـــــت .....
هوي احلى شي انو نضل نتزكر بهديك الايام ونهروب من الواقع
وبنفس الوئت أصعب شي الهروب من الواقع ... فهذا يعني هدم الحاضر ودمار المستقبل ..
لكن ... ما فينا نهروب من زمان وما فينا نتخلى عن اليوم وما فينا نبطل نفكر ببكرة .
بكل الاحوال كل المراحل لازم نعيشا ونضل نراودها بتفكيرنا .
ما بظن إنن خلصوا الاجزاء ...
الطفوله اياما الحلوي كتيييرة ولا تحصى ..
لزلك راح يكون في كمان وكمان ...
وهاد ما بيمنع لو حدا حب يشاركنا ويئول زمان وئت يللي كنت صغير .
ولا شو رأيك أخت سناء ؟؟؟
مداخلتك جميلة ولطيفه وبمكانها ...
شكرا الك كتير
وشكري وتقديري مرة أخرى على التثبيت .
مع خالص احترامي لكِ
Aramees
Sanaa
12-01-2012, 11:38 PM
هلأ بالنسبة للهروب من الواقع ...
انا بقصد ... نهرب كام لحظة هيك ع السريع و بعدين نرجع طبعا ههههههههه
يعني مو هروب دائم ...
بس حلو الواحد يطلع شوي من الزحمة يلي عايشها ...
و يتذكر شغلات حلوة كتير سبق و عاشها ... مو ؟؟ :)
هيك نوع من الهروب انا بحسو مهم أحيانا ....
لانو بيساهم بـ توليد شحنة امل و طاقة ايجابية جواتنا :)
اكيد ناطرين أجزاء جديدة كمان و كمان :)
و بنتمنى تفاعل الكل معنا ...
أكيد الموضوع رح يصير احلى و احلى بـ مشاركة الجميع ....
الشكر إلك طبعا ...
لانو الموضوع بيستحق التثبيت ^_^
aramees
12-01-2012, 11:50 PM
هلأ بالنسبة للهروب من الواقع ...
انا بقصد ... نهرب كام لحظة هيك ع السريع و بعدين نرجع طبعا ههههههههه
يعني مو هروب دائم ...
بس حلو الواحد يطلع شوي من الزحمة يلي عايشها ...
و يتذكر شغلات حلوة كتير سبق و عاشها ... مو ؟؟ :)
هيك نوع من الهروب انا بحسو مهم أحيانا ....
لانو بيساهم بـ توليد شحنة امل و طاقة ايجابية جواتنا :)
اكيد ناطرين أجزاء جديدة كمان و كمان :)
و بنتمنى تفاعل الكل معنا ...
أكيد الموضوع رح يصير احلى و احلى بـ مشاركة الجميع ....
الشكر إلك طبعا ...
لانو الموضوع بيستحق التثبيت ^_^
و يتذكر شغلات حلوة كتير سبق و عاشها ... مو ؟؟ :)
اي مو ونص كمان
مو ؟؟؟ .. ههههههههههههههه
صحيح كلامك لازم كل يوم الا ما ييجي لحظات علينا نطلاع من الدنيا كلا ومنروح لعالم تاني ..
سواء كان الماضي ... الطفوله .... نتخيل .... نحلم ...
اساسا هالشي بداخلنا ومو بايدنا . مو ؟؟؟؟
ههههههههههه
عنجد يا ريت الاعضاء تشارك راح تصير فكرة حلوه كتير ونادرة جدا للعلم .
هلا صار لازم روح البيت بدي قفل المعرض وروح ارتاح مو ؟؟؟
بلكي بيجي عبالي نجهز للجزء الرابـــــع .
تحيتي
Aramees
Sanaa
12-01-2012, 11:56 PM
هههههه مو ....
ناطرين الجزء الرابع ... و من بعدو الخامس ووووووو .......
و شكرا سلفا ع الأجزاء يلي جاية ان شا الله :)
aramees
12-02-2012, 12:00 AM
وليييييييييي عطولي
بشوف فيا وووووووووو
شو يا ؟؟؟
فيها بعد الخامس كمان
هاد الحبر راح يخلوص من قلمي
بعد الزاكرة قربت تشطب
ههههههههههههههههه
أوك انشالله بكون خامس وسادس ووووو
ووووتصبحوا على الف خير
Aramees
Sanaa
12-02-2012, 09:13 PM
وليييييييييي عطولي
بشوف فيا وووووووووو
شو يا ؟؟؟
فيها بعد الخامس كمان
هاد الحبر راح يخلوص من قلمي
بعد الزاكرة قربت تشطب
ههههههههههههههههه
أوك انشالله بكون خامس وسادس ووووو
ووووتصبحوا على الف خير
Aramees
انت الكريم .....
و نحنا أكيد أكيد بنستاهل هههههههههه
Sanaa
12-02-2012, 09:17 PM
زمان وقت يلي كنا صغار ...
كنا نلعب ألعاب كتير حلوة على الرغم من بساطتها ( مالها علاقة بالتكنولوجيا :) )
بس هـ الألعاب حاليا انقرضت ... و ما عاد لعبوها الاولاد .... :(
بس نحنا ما بننساها طبعا .... متل هاللعبة :)
http://sphotos-d.ak.fbcdn.net/hphotos-ak-ash3/c38.0.403.403/p403x403/68249_191599037631391_276082621_n.jpg
مين بيتذكرها ؟؟؟؟ :)
لا تقولوا انو ما حدا بيتذكرها ....... لانو كانت كتير مشهورة و ممتعة :)
aramees
12-02-2012, 10:13 PM
زمان وقت يلي كنا صغار ...
كنا نلعب ألعاب كتير حلوة على الرغم من بساطتها ( مالها علاقة بالتكنولوجيا :) )
بس هـ الألعاب حاليا انقرضت ... و ما عاد لعبوها الاولاد .... :(
بس نحنا ما بننساها طبعا .... متل هاللعبة :)
http://sphotos-d.ak.fbcdn.net/hphotos-ak-ash3/c38.0.403.403/p403x403/68249_191599037631391_276082621_n.jpg
مين بيتذكرها ؟؟؟؟ :)
لا تقولوا انو ما حدا بيتذكرها ....... لانو كانت كتير مشهورة و ممتعة :)
يـــآآآآآآآآآآآآآآآآآآآآآآآآآآآآآآآآه ...
نرمي الحجر ونحجل حجله والدور على مين ..
يللي ما بيتزكرا معناتا ماكان طفل بيوم من الايام ...
وهالشي طبعا مو صحيح
أكيييييييييد الكل عم يتزكرا
اساسا هاللعبه اول لعبه كنا منلعبا بوئت ما بلنشنا نعرف المشي والنطه ..
مووووووووو ؟؟؟؟؟؟؟
إي اكيد موووو .
هههههههههههههه
شفتي سناء ... إجت فكرة جديده ... !!!!!
كتير حلو نرسخ هون زكرياتنا مصحوبة بصورة رمزية للشيئ الكائن
أو للشي يللي عم نتزكروا بوئتا ..
تحيات ... تقديرات ... تقييمات ... وتشكرات أفندم سناء
Aramees
Sanaa
12-02-2012, 10:28 PM
هههه التشكرات إلك كمان ^_^
طيب بما انو عم نحكي عن الألعاب ... رح ابقا بـ مجال الالعاب البسيطة ....
حدا بيتذكر اللوح السحري ؟؟؟!!!
بعتقد لهلأ موجود نوعا ما ...
بس بوقتنا كان لسا اختراع جديد .....
انا بتذكر انو كنت ليلي نهاري اكتب عليه ..... :)
http://sphotos-a.ak.fbcdn.net/hphotos-ak-ash3/c0.0.400.400/p403x403/533711_126527817501502_327758411_n.jpg
معقول في حدا فيكم ... ما سبق و جرب يكتب عليه .....! ^_^
aramees
12-02-2012, 10:29 PM
يلا يا اولاد .
خالد القط الحيران .. لا انا ما بدي الدور على محمود ...
لا انا لا ما بدي ... سحر يلا يا سحر ..
هربت سحر لا لا لا ..
البنات ما بيوئفوا بالنص ...
ابن عمي سمير بيوئف انا لا
سمير اناااااااااااااا انا بالنص يلا ابتدي ...
القط الحيران
وهاد وئت يللي كنا صغار ..
بتزكر ونحنا نلعب هاي اللعبة مين فينا كان بيوئف بالنص
(( القط الحيران ))
كان بيستنى النهار من النجمه لحتى يطلاع وياخد بتارو من يلي وئفو بالنص
ههههههههههههه
فعلا كنا صغار وهاد اكبر همنا
احلى شي إيامها كان يللي عم يوئف بالنص كانت ملابسو بتتوسخ من الطين والتراب
من كتر ما ينط وينطز مسكيييييييييين ..
يروح عالبيت يلف من الباب التاني لحتى الماما ما تشوفو وهوي موسخ ملابسه
بس كنا عم ناكل حتة دين علئه إنما إييييييييييييييه (( جامده أوي ))
أنا بعترف ....
مين فينا صارت معو ؟
لا تئولوا لاااااااااااااااا ...
كلكن مووووووووووووووووو ؟؟؟
أكيد موووووووووووو .
ولا شو رأيك سناء ؟؟؟؟؟؟؟؟؟؟؟؟
موووووووووووووو
والله إيـــــــــــــــــــــــــــاااااااااــــــــــــ ـــــــم
Aramees
Sanaa
12-02-2012, 10:37 PM
مووو ههههههههه
اي والله أيام .......... الله يرحم هديك الايام :(
بس الصورة ما طلعت عندي :(
aramees
12-02-2012, 10:39 PM
بليييييييييييييييز عندي مشكلة بتحميل الصور
وينو رابط رفع الصور هون
ما عم يظهر
aramees
12-02-2012, 10:41 PM
هههه التشكرات إلك كمان ^_^
طيب بما انو عم نحكي عن الألعاب ... رح ابقا بـ مجال الالعاب البسيطة ....
حدا بيتذكر اللوح السحري ؟؟؟!!!
بعتقد لهلأ موجود نوعا ما ...
بس بوقتنا كان لسا اختراع جديد .....
انا بتذكر انو كنت ليلي نهاري اكتب عليه ..... :)
http://sphotos-a.ak.fbcdn.net/hphotos-ak-ash3/c0.0.400.400/p403x403/533711_126527817501502_327758411_n.jpg
معقول في حدا فيكم ... ما سبق و جرب يكتب عليه .....! ^_^
هههههههههههه
ليل ونهار ها ... بس كملي معروفك وقليلنا ليل ونهار ولا مرة زبطت معك
ههههههههههههههه
معقده جدا كانت
انا عن نفسي ولا مرة زبطت معي
ولهلا موجوده فعلا
Sanaa
12-02-2012, 10:43 PM
فوق مربع الكتابة ( تبع الرد السريع ) .... في مجموعة ايقونات ....
تالت ايقونة من اليسار ..... شكلها هيك صورة مربعة ....
لما تضغط عليها ..... بيطلع مربع بتكتب فيه رابط الصورة يلي حابب تنزلها ...
و بتحط اوكي .... و بيمشي الحال ان شا الله ......
aramees
12-02-2012, 10:44 PM
ماهر كيفك يا زلمة وين غاطط
عم شوفك بتئرى الموضوع وما عم تبصوم بقلمك
لك مو كنا صحاب زمان
كيفك انت ... ووينا طفولتك حدسنا عنها
Sanaa
12-02-2012, 10:47 PM
هههههههههههه
ليل ونهار ها ... بس كملي معروفك وقليلنا ليل ونهار ولا مرة زبطت معك
ههههههههههههههه
معقده جدا كانت
انا عن نفسي ولا مرة زبطت معي
ولهلا موجوده فعلا
هههههههههههههه
غالبا انت مفكر غير لعبة ....
هاد مجرد لوح بتكتب فيه شو ما بدك ... و بعدين بتمسح ... و بترجع بتكتب ......... و هكذا :)
يعني و لا معقدة و لا شي .......
شخبط شخابيط يعني ... :)
بس بدل ما تشخبط ع الحيط .... شخبط ع اللوح هههههههههههه
aramees
12-02-2012, 10:52 PM
هههههههههههههه
غالبا انت مفكر غير لعبة ....
هاد مجرد لوح بتكتب فيه شو ما بدك ... و بعدين بتمسح ... و بترجع بتكتب ......... و هكذا :)
يعني و لا معقدة و لا شي .......
شخبط شخابيط يعني ... :)
بس بدل ما تشخبط ع الحيط .... شخبط ع اللوح هههههههههههه
ههههههههههههههههه
ولييييييييي علي ...
أنا فعلا اخدت غير لعبه
أخدت بالي من يسار الصورة الحلقات يلي موجوده
فكرتا بلوح المي بتضلك تضغطي لحتى تنزلي الحلقات كلا داخل الاعمده الاربعه
العتب عالنظر .. ههههههههههههههه
aramees
12-02-2012, 10:54 PM
وزمان وئت يلي كنا صغار ...
كنا لما ............. الشاطر بئى يعبي الفراغ
راح اتركن هلا وبرجاع .
Sanaa
12-02-2012, 10:58 PM
ههههههههههههههههه
ولييييييييي علي ...
أنا فعلا اخدت غير لعبه
أخدت بالي من يسار الصورة الحلقات يلي موجوده
فكرتا بلوح المي بتضلك تضغطي لحتى تنزلي الحلقات كلا داخل الاعمده الاربعه
العتب عالنظر .. ههههههههههههههه
اهااااا انت كان قصدك على هي اللعبة مو ؟؟
http://sphotos-c.ak.fbcdn.net/hphotos-ak-prn1/c0.0.403.403/p403x403/604033_426933447361897_1656310995_n.jpg
فعلا كانت صعبة .... بس الحمد لله زبطت معي كام مرة هههههههههههه
كانت ممتعة كتير ...
و الشي الحلو ... انو اذا حابب ترتاح من الولد الشقي شوي ....
سلمو ياها و انساه و ريح راسك كام ساعة هههههههههه
Sanaa
12-02-2012, 11:06 PM
وزمان وئت يلي كنا صغار ...
كنا لما نحط راسنا ع المخدة ... ننام بسرعة ... بدون ما نفكر بـ أي شي ...
بدون ما نسترجع مشاكلنا يلي صارت خلال النهار ... و بدون ما نفكر بـ الشي يلي راح يصير بكرا ...
و بدون ما نبقى عم نفكر و نفكر ... وكأنو راح نحل مشاكل الشرق الاوسط قبل النوم :)
اكتر شي كنا نفكر فيه .... كيف راح نصحا بكرا ع المدرسة ... و شو رح نلعب مع رفقاتنا ^_^
و بالنسبة للطالب يلي ما بيحب المدرسة ... كان يفكر بـ حجة يقولها لأهلو كرمال ما يروح ع المدرسة تاني يوم هههههههه
الشاطر بئى يعبي الفراغ
و هي عبيت الفراغ :)
aramees
12-03-2012, 03:41 PM
اهااااا انت كان قصدك على هي اللعبة مو ؟؟
http://sphotos-c.ak.fbcdn.net/hphotos-ak-prn1/c0.0.403.403/p403x403/604033_426933447361897_1656310995_n.jpg
فعلا كانت صعبة .... بس الحمد لله زبطت معي كام مرة هههههههههههه
كانت ممتعة كتير ...
و الشي الحلو ... انو اذا حابب ترتاح من الولد الشقي شوي ....
سلمو ياها و انساه و ريح راسك كام ساعة هههههههههه
ههههههههههههههههههههههههههه
موووو .
هاي هي اللعبه .
قلتيلي وزبطت معك كم مرة
انا اشطر منك
ولا مرة
هههههههههههههههههههه
Aramees
aramees
12-03-2012, 03:51 PM
وزمان وئت يلي كنا صغار ...
كنا لما نحط راسنا ع المخدة ... ننام بسرعة ... بدون ما نفكر بـ أي شي ...
بدون ما نسترجع مشاكلنا يلي صارت خلال النهار ... و بدون ما نفكر بـ الشي يلي راح يصير بكرا ...
و بدون ما نبقى عم نفكر و نفكر ... وكأنو راح نحل مشاكل الشرق الاوسط قبل النوم :)
اكتر شي كنا نفكر فيه .... كيف راح نصحا بكرا ع المدرسة ... و شو رح نلعب مع رفقاتنا ^_^
و بالنسبة للطالب يلي ما بيحب المدرسة ... كان يفكر بـ حجة يقولها لأهلو كرمال ما يروح ع المدرسة تاني يوم هههههههه
الشاطر بئى يعبي الفراغ
و هي عبيت الفراغ :)
فعلا عبيتي الفراغ وأصبتي كمان .
كنا نفكر بحجه نقولا لحتى ما نروح المدرسه ...
استاز العربي والحساب غايبين ... بكرا عندنا حصتين رياضة ... بكرا الصف كله طالع رحلة .
بعض الحجج .. هههههههههههههه
تحيات ... تقديرات ... تشكرات ... أفندم سناء
Aramees
aramees
01-02-2013, 11:42 PM
http://www.shobiklobik.com/forum/data/20071128151440_Welcome%20-%20ursos%20red.jpg
مين فيكن كان شاطر باللعبه هي
يللي بيرفع إيدو بدي جيبلو حبل وينط هون ونشوف شاطر أو شاطرة ولا مو
والله أيااااااااااااااااام
http://t3.gstatic.com/images?q=tbn:ANd9GcTOUEkJVU0RjOaEKvwgxmhvmgNufyJ12 YsZtF0jwe0diNLwvIDlHSVuYFTS4A
http://i32.servimg.com/u/f32/12/32/61/62/amiraa10.gif
Sanaa
01-03-2013, 12:49 AM
ييي ما أحلاها هاللعبة ... أكيد بنتذكرها ... انا كنت شاطرة فيها ^_^ ..... الله يرحم هديك الأيام :( ...... و أكيد ناطرين القااادم دايما :)
aramees
01-10-2013, 07:56 PM
إي سناء
طالما هيك فرجينا شطارتك
رح جبلك حبله وتنطي شي نطة اوك ؟؟؟
ههههههههههههههه
برضو والله إيااااااام
تحيتي
Aramees
Sanaa
01-13-2013, 05:29 AM
هههههههههه
هلأ أنا قلت ... " كنت " شاطرة فيها :)
" كنــــت " .....
و " كان " فعل ماض ناقص .... ( ما نسيبو بـ حالو بقا ) ههههههه
ماهرالفيزو
01-13-2013, 11:09 PM
:z033::z033: متابع عن بعد
aramees
01-13-2013, 11:13 PM
هههههههههه
هلأ أنا قلت ... " كنت " شاطرة فيها :)
" كنــــت " .....
و " كان " فعل ماض ناقص .... ( ما نسيبو بـ حالو بقا ) ههههههه
اي اي صح كلامك ... بس بوئت هديك النطة كان فعل مضارع مستمر مو ماضي ناسخ
ها موووووو ما ضي ناسخ مضارع مستمر مووو؟؟؟
ههههههههههههه
لبست راسك القضيه
بس المسامح كريم بلا هالنطه ... يعني التمس لاخير نطه ههههههههههه قصدي عذرا
نورتي
aramees
01-13-2013, 11:17 PM
:z033::z033: متابع عن بعد
يئبرلي كبدي يللي متابع عن بعد
عئبال منشوفو متابع عن قرب
اي لك دخيلو انا هداك البعيبد
لك قرب عمي قرب حاجيك بئى بعد
ههههههههههههه
نورت بمتابعتك البعيده
محبتي
Aramees
ماهرالفيزو
01-13-2013, 11:27 PM
حبيبي بدي اخدك معي لسوريا جهز حالك
aramees
01-13-2013, 11:49 PM
حبيبي بدي اخدك معي لسوريا جهز حالك
أنا جاهز وبإنتظارك
بس مو لحالي رح بجي معك ...
معي حدا ... بدي آخدو معي
معي شجرة بدي آخدا وإزرعا بالشام حتى تزرع بشعبا الأمل والروح من جديد
سوريا أرضي ووطني متلا متل فلسطين ... فكلاهما يعاني من ..... !!!!1
إتركا لربك يا مواطن
تحيتي
Aramees
Sanaa
01-17-2013, 03:36 AM
الله يرحم أيامها ...
شو لعبنا بهالطابة من زمان ...
بتتذكروها ؟؟!!
https://fbcdn-sphotos-c-a.akamaihd.net/hphotos-ak-snc6/c7.0.403.403/p403x403/226634_589723424376947_1872346401_n.jpg
aramees
01-20-2013, 10:44 PM
أكيييييييييد منتزكرها ..
وأطفالنا لهلا بيلعبوا بنفس الطابه
عم نتزكر إياما كل لما نشوفا مع طفل يلعب بيها
شكرا لمرورك وللطابه الجميله
تحيتي
Aramees
Sanaa
05-20-2013, 10:47 PM
لن ننسااااااك ...
فـ معك عرفنا أم عمار و عزة الشرع و عدنان بوظو ...
و غرندايزر و ساندي بل و غداً نلتقي ...
ما رح ننساك لا انت ولا هديك الشغلة الأورنج ...
يلي كنا نولّف فيها و إذا ضاعت نولف بـ عود الكبريت ^_^
https://fbcdn-sphotos-a-a.akamaihd.net/hphotos-ak-ash4/s480x480/376887_656774041005218_1889624488_n.jpg
ماهرالفيزو
06-11-2013, 11:30 AM
ابووووووووووووووووووووووووووووووووووووو:z09:
aramees
10-10-2013, 09:54 PM
هاي من الحاجات يللي كنا منشتريها دايما دايما ...
وئت الي كنا صغار
أكيد عم تتزكروها
http://up.arab-x.com/pic/cUE93911.jpg
http://forum.mn66.com/imgcache/2/111593alsh3er.gif
http://bnibkr.com/up//uploads/images/bnibkr-c209bc0d30.jpg
تحياتي
Aramees
Powered by vBulletin™ Version 4.2.2 Copyright © 2024 vBulletin Solutions,