موضوع هام: حول بعض الفضائيات الساخنة الفاضحة [الأرشيف] - ملتقى المغتربين السوريين

Dr.Hasan

11-22-2010, 03:11 AM

السلام عليكم ورحمة الله وبركاته:z028:
حابب اخد رايكم بهالموضوع وهو:
اليوم كنت عم قلب بالتلفزيون بهالمحطات فلفتت انتباهي برنامج بقناة اسمها mtv اللبنانية انا فكرت بالاول انه عم يحكوا بموضوع اجتماعي متل العادة يعني عن الايدز والوقاية منه او عن الجمال والصحة والرشاقة فتاريه برنامج كله نكت من ارذل ما تكون والله نكت يعني انا ما بعرف كيف هالعالم قاعدة وطالعة عالتلفزيون ولا فيه بنات متحجبين كمان يلي شاف هالقناة حابب اخد رايه فيها وعن الهدف منها
شغلة تاني البرنامج والله انا ما عرفت شو اسمه بس فيه برنامج تاني بيطلع عالO tv اسمه لول كمان طلع بنفس الوقت ونكت يعني كانه فيه سباق بين البرنامجين عليه وكمان حسب ما بعرف فيه برنامج اسمه حزورة مع الشطورة او هيك شي
بتصدقوا انه النكت الي فيه نكت جنسية وكمان بيذكروا فيها الاعضاء الجسية باسمائها السوقيةو العامية بحتة
والله انا لهق متفاجا جد ا جدا بلي شفته والله ما عم بالغ ابدا
انا هلق خطر على بالي شوف رايي الناس بالنت انا شفت تعليق لفت انتباهي
انه بالتوقيت يلي اغلقت فيه قنوات اسلامية كالرحمة والناس .......نزلت مكانها هي القنوات
فشوا راييكم بهالموضوع
لا تواخذوني الموضوع هاد كتبته بسرعة وهيك سبحان الله قبل ما اقفل النت خطر على بالي اخد رايكم فيه
تحياتي

ابو عمر

11-22-2010, 04:52 AM

أنا برأيي الموضوع هاد ...

ممكن يكون دعوة ( ولو بغير قصد ) .. لمتابعة مثل تلك القنوات الهابطة
ولو بدافع الفضول ..

فتبوء بإثم كل من شاهد وسمع ..

Dr.Berooo

11-22-2010, 05:14 AM

أخوي د.حسن الحلال بين والحرام بين ..
وظهور هيك برامج ماهو الا لطمس الهوية الاسلامية او خلينا نحكي بكلام تاني تقليد اعمى للغرب يلي معتبرين هيك برامج من الامور العادية ومتل ما اتفضلت شوي شوي عم تصير هيك برامج عادية عنا .. وبالنسبة لتسكير المحطات الاسلامية فاللعبة واضحة >> أحتلال ثقافي لعقول المسلمين وهيـــــــــــــــــــــــــــــــــــــــــــــــ ـــك لحتى انفيق من هالغيبوبة ونعمل ثورة على انفسنا ... بس بعد شو بعد ما أخدو كل شي من عنا ....
والكل بيعرف مين عم يتحكم بالاعلام العالمي ...
وشكرا كتير على غيرتك وموضوعك ...

king-of-nothing

11-22-2010, 11:41 AM

شو يا جماعة

O تيفي MTV ... عون تيفي ... ميشيل عون .. مافي اسلام بالموضوع .... للأسف اللي اختشو ماتو

يسلمو دكتور

King of Nothing

دمعة فرح

11-22-2010, 12:00 PM

وعليكم السلام والاكرام ...

طبعا ومن دون شك هالبرنامجين دعاية وترويج
وحتى الناس تفكر انو هالشي عاااااااادي مافيو شي لأنو عم يطلع عالتلفزيون العربي .. طبعا برامج هابطة لابعد الحدود وعنجد بتشوف بنات محجبات بيشجعو النكت
ومبسوطين عالآخر .. مابدي ادخل بديانات وطوائف بس هالشي مرفووووض جدا من كل الديانات السماوية

يمكن هنن معتبريها مسألة free مو اكتر

عنجد بنفسي اسأل مقدمين هالبرامج سؤال واحد .. انو شو غرضكن من هالبرنامج ولية النكت الجنسية بالتحديد ؟؟

وللأسف هالبرنامج وصل حتى للأطفال

ضعنا والله ضعنا الا من رحم ربي

شكرا الك دكتور حسن كنت عم فكر بطرح هالموضوع ... جزاك الله خير اخي

وتحياتي لك

Dr.Hasan

11-23-2010, 01:26 AM

أنا برأيي الموضوع هاد ...

ممكن يكون دعوة ( ولو بغير قصد ) .. لمتابعة مثل تلك القنوات الهابطة
ولو بدافع الفضول ..

فتبوء بإثم كل من شاهد وسمع

مشكور ابو عمر الغالي على الملاحظة
جزاك الله خيرا

Dr.Hasan

11-23-2010, 01:27 AM

مشكورين على المرورر
وبتمنى نشوف المزيد من التعليقات والاراء

طبيب جراح

11-23-2010, 02:07 PM

السلام عليكم

أنا أعتقد أن هذه الأمة في مرحلة اعادة تشكل
وكل شخص يحاول أن يفرض نهجه وفكره وربما خرابيطه وتفاهاته

هي مرحلة وتمر ولا يصح الا الصحيح في النهاية... ولن يبقى الا ما يتناسب مع فكر وأخلاقيات هذه المة
وانا لا أعتقد أن طرح هذه المواضيع هو دعاية لمتابعتها
بل نوع من تسليط الضوء على برامج تدخل كل بيت وعلينا التنبيه لها ومناقشتها بشكل جماعي
كي لا يظن أحدنا اذا رفضها أو استغربها أنه غريب أو رجعي
هنا نعرف أن لنا شركاء في التفكير يشبهوننا ويشاركونا الرأي والنظرة ... طبعا لا مانع اذا كان العكس

ريماس

11-23-2010, 02:19 PM

والله بصراحة مابقدر اناقش معكن لانو مابعرف القنوات يلي بتحكو عنن

وانا ماكتير بتفرج عالتلفزيون .. مابحبو ..

شكرا دكتور على طرحك ..

تحياتي

روسي

11-23-2010, 03:20 PM

قناة الام تي في كانت محظورة ومن فترة قريبة اعادت البث
وطبعا هي من القنوات الرائدة بالتحريض ضد النظام السوري
وبث الاكاذيب والفنتازيا السياسية

mmm1954

11-23-2010, 03:25 PM

سوسو740

11-23-2010, 04:42 PM

فعلا انا تابعت البرنامج خجلت كمل لنهايته من سوء الكلام الي عم ينحكى يعني معقول يكون في اطفال عم يشوفو البرنامج اكيد رح يتعلمو هالالفاظ البذيئة ورح يصيرو يكرروها بالايام انا ضد هيك برامج مخزية وعيب بدل مايحكو نكت ويضحكو على شي تافه يروحو يحكو عن احوال فلسطين وغزة والعراق وعن الناس يلي عم تموت كل يوم حلو الواحد يضحك وينسى همه بس في آداب عالتلفزيون يجب مراعاتها مو اي شي بينحكى علنا وكانه مافي رقابة ولااخلاق فعلا هيك برنامج مسخرة بكل معنى الكلمة الله يستر اخرتنا احسن شي وشكرا على طرح الموضوع

م جمال كمال

11-23-2010, 07:03 PM

السلام عليكم جميعاً
بدايةً ... أعجبني ردُّ [ ريماس ] فهي لا تتابع التلفاز .. والله ياريماس لم تخسري شيئاً ...
الأمر في غاية الخطورة ... هو نمط موجّه من الإعلام يستند تارةً على جشع التجار ، وتارةً أخرى على فساد المعنيين في المحطات .. وأحياناً على خطة مدروسة بمنهجية تجعلنا نقلق على أبناءنا وبناتنا الذين هم الآن ، أطفال .. وغداً هم حملة الهوية العربية ..... والإسلامية .. وا أسفاه
قناة فضائية تدعى ناشونال جيوغرافيك أبو ظبي ، بدأت [ ببراءة الأطفال ] تبث منذ أكثر من سنة برامج مدروسة
تجعل المتابع يهتم بالقناة ثم يضمُّها لقائمة القنوات المفضلة ... يوم قبل أمس بثَّت المحطة هذه برنامجاً [ تعودنا أن نترك أطفالنا ليتابعوه وحدهم لظننا أن القناة متحفّظة ولا تعرض ما يشيع الفاحشة أو يُدَرِّس العملية الجنسية حرفياً
أو يُلَمِّح لها ... ] ولكنني انتبهت للبرنامج وكانت المفاجأة ... عرضٌ واضح جداً لسوءات حيوانات الريم أو نوع آخر من الغزلان مع شرح لكيفية ممارسة طقوس تنافس الذكور وانتصار القوي الذي نشاهد سوءته في وضع ....
آسف .. سامحوني .. وهو يسعى خلف الأنثى ليتزاوجا ... والصورة مثبَّتة على سوءته [ انتبهوا ] بل إننا نرى مايرافق سوءته من أحوال وهو يسعى خلف الأنثى والتصوير الدقيق يرينا دفق سوائل غير ماء الذكر إلى آخر الصورة التي والله أستحي من نقلها لكم .... والحلقة كلها تدور حول هذه النقطة بل عندها .... والسؤال ... لم هذا
الفحش ؟ ... ليس ضرورياً أن يطّلع أحد على سوءة الحيوانات أثناء التزاوج وهذا ليس بعلم ولا تعليم ... ولا فائدة ترجى منه .. بل هو إشاعة للفاحشة وتشجيعٌ وتعليم [ يسمونه تثقيف ] حرفي ومُوَسَّع للفت أنظار الأطفال لأمر يجب أن يجهلوه لأنهم إن عرفوه عملوا به وصارت الرذيلة كشرب [ السيجارة ] والنرجيلة
بقي أن أشير إلى أن قناة ناشونال جيوغرافيك الأصلية التي تبث مع باقات قنوات شوتايم برامج [ يدَّعون أنها وثائقية ] .. بثّت برنامجا تقول فيه إن الإسلام هو الإرهاب و11 أيلول عملية إسلامية و.. و.. ولكن الحقيقة أن أمريكان نشروا على النتّ برامج وثائقية تؤكّد أن 11 أيلول عملية داخلية مرتبطة بممارسة ذات حجم عملاق
لطقوس عبادة الشيطان يُشرف عليها المعنيون بهذه العبادة وهي تحديداً في 9 11 لأن 9 11 تعني تخطّي الله إلى ما وراءه حسب مفاهيم مشروحة في البرنامج الوثائقي المذكور ..
الخلاصة ... الخطر هو في هذه العلبة المستطيلة التي تُدعى تلفاز ... لن يكون فيها مايفيد بل إن المستقبل الذي أراه أن مدرستنا ومعلمنا وموجّهنا لفعل كل فاحشة هو التلفاز .. أدعو كل واحد منا لمراقبة أبناءه حين يشاهدون التلفاز خوفاً على جيلنا التالي وليس على جيلٍ بعيد .. أيها الاباء والأمهات ... علّموا أبناءكم فحوى اللُّحمة الاجتماعية ومدى قوتها من خلال اجتماعٍ اُسَريٍّ يومي .. تتبادلون فيه الأحاديث والآراء ولا تستهينوا بعقل الطفل
فهو ذو رأي .. وإن سنوات تعليم الطفل التأسيسية .. هي فقط .. فقط أول خمس سنوات من عمره
جمال

ms.lonley

11-23-2010, 08:31 PM

للأسف الشديد لما سافرت بشهر خمسة على سوريا لقيت اغلب البيوت هنيك بتاعبو هلبرامج وأنا ما كنت إعرفو وإستغربت كتير كتير كتير لما حكولي عنو
وأنا مرة حضرت نص حلقة وكانت سخيفة ومتل ما تفضلت بتحوي الفاظ تخدش الحياء
الله يهديهم
والطامة الكبرى إنو مو بس كلن لبنانيين احيانا بيستضيفو ممثلين سوريين معروفين ومشهورين والأحلى بشاركوهم النكت والضحك والمياعة
المشكلة إنو كل البرامج أو المواضيع أو الأخبار يلي بتحوي جنس وفحش بتنتشر بسرعة كهشيم النار
وياريت لو ينشهر برنامج ديني أو دعوي أو اي شيء هادف
زكرتني بدعاية هلحكي من زمان كتير يعني من شي 8 سنين طلعت لأجنبيات بيعملو عرض لبعض أجهزة الحفر والنجارة والبناء وكان لبسن كتير فاضح ومشين وحركاتن كلها اغراء
وإنتشرت هي الدعاية يلي بتشبه الغنية القصيرة وصارو كل الرجال يستنوها بللحظة والثانية حتى إنن صارو يحطو على قنوات الأغاني ليحضروها خخخخخخ
الله يعافينا ويستر علينا
زمن بخوف والعالم منجرفة مع هلتيار ومو حاسة على حالا

جمال الروح

11-23-2010, 08:53 PM

السلآآآآم عليـــكم ورحمــة الله وبـــركــاته

يــا إخـــوان أنــا أعتــقد انـــو التلفاز ليس أقـــل خـــطر مـــن الانتــرنــت
بـــل هـــو أشد مـــنه وأفتــكـ لأنــه فـــي متنـــاول الجميـــع الصغيـــر قبــل الكبيـــر
والعجــايــز قبــل الشبــاب

لا نستــطيــع أن نصـــلح هــؤلاء النـــاس الذيــن هـــدفــهم مـــادي بالدرجـــة الأولـــى

وكمـــا أن النــت فيــه الضـــار وفيــه أيضــا المفيــد
كـــذلــك أيـــضــاً التلفـــاز فيــه البــرامــج النــافعه وفيــه البـــرامـــج الضـــارة

بإختــصار لســت مجبــراً أن أضــع تــلكـ القنـــوات فـــي جــهاز الإستقبـــال
يعنــي مـــن الســـهل جــداً أن أختــار القنـــوات المفيــدة وأثبتــهـــا عـــلى جـــهازي
وأحــذف باقـــي القنـــوات التـــي أراهـــا غيـــر منـــاسبة
مثلمـــا أستطيع أن أتصــفح النــت وأخــتـــار المـــواقــع التثقيفــيــة والتعـــليمـــة والمفيـــدة منـــها,,
فالــحـــلال بـيـــن والحـــرام بيـــن
تحـيـــاتــي لـــكــم

Dr.Ganem

11-23-2010, 11:21 PM

بصراحه موضوعك كتير حلو وشكرا إلك على الملاحظه
هذه قنوات منحله أخلاقيا وتريد أيضا أن تعرض مقاطع (playboy) ويقولون للأسف الحكومه معارضه حتى الأن فبدأو بعرض هذه البرامج تمهيد لما يريدون وتقبل الشعب
والله المستعان

Abu anas

11-24-2010, 12:30 AM

التفلت لا ديانة له
و من السهل على الإنسان البعيد عن الله أن ينساق وراء الأهواء و الشهوات و ما يزين له الشيطان من ملذات محرمة
و لأننا اعتدنا أن نتساهل في الصغائر فكانت النتيجة أن وصلنا للكبائر , و لم نكتف بالكبائر فقط بل جاهرنا بها و تجاوزناها إلى الشذوذ و العياذ بالله
فكانت أن حقت علينا نبوءة رسول الله محمد صلى الله عليه و سلم بفشاء الأمراض و نزع الحياء بين الناس.

تفضلوا بقبول مداخلتي المتواضعة
و لكم جزيل الشكر

En.Khaled Alfaiomi

11-24-2010, 01:55 AM

مشكور أخي على طرح الموضوع

للأسف شعوبنا بس بتنقد الغرب للأسف .. وفينا الوباء منتشر أكثر منهم ( المخفي ) بلش ينكشف !!

يعني مثل هيدي القنوات جداً عادية صارت عنا ( وللأسف الناس بتضحك !! ) وإذا بيسمع الشخص النكت !! معظمها على الخيانة الزوجية !! والتفاهات وقلة الحياة

أنا لم أتفرج عليه على الكمبيوتر تفرجت على أحد الحلقات على اليوتيوب !! بصراحة أنصدمت !!

الغريب الأهل والأصدقاء تتفرج وتضحك !! تخيل تضحك !!

بيطلع شخص تافه ومعوا كم شخص أتفه منوا على التلفزيون وسكران وبدوا يضحك الناس !! وعلى شو ؟

ياعمي بصراحة اللي عم يشوفوا البرنامج الملتزمين أكثر ماملتزمين !!

بدون زعل ياشباب وماحابب طول عليكم ...

بنزلتي الأخيرة على سوريا حست النفاق منتشر بالناس .. بس همهم المظاهر .. ومعظمهم الكذب بدمهم !!

بصراحة لما شفت أحد المسلسلات السورية اللي نقدوه الناس كتير بدون ذكر أسامي .. بس بصراحة القصص بتصير بتجمعاتنا بشكل رهيب ..

بإختصار صار بمجتمعنا .. مايلي ..

اللي بيحكي الحق .. كذاب

المنافق .. فلهوي بيعرف لعبتوا ..

النصاب والحرامي .. شاطر..

شو بدي أحكي لأحكي ...

أنا بتابع قنوات أجنبية كتير .. ولاشفت برنامج قذر مثل هيدا البرنامج ؟؟ فما السبب ؟؟ ولم أسمع عليه ؟؟

هل الكبت الغريب في بلدانا أدى الى هذه الأمور ؟؟

بتمنى من الجميع يستفاد من وقتنا .. ومانتابع هيك برامج لأنها جداً منحرفة وقذرة ...

ورسالة الى الأصدقاء والأهل اللي بيقولوا عادي وبيضحكوا ( بدي قلكم عم تضحكوا على حالكم )

يمكن تضحك اليوم كتير ... بس يمكن يجي يوم تبكي كتير ..

تمنيت وجود برامج مفيدة في مجال التكنلوجيا مثلا ؟ أو قناة مختصة في هذ المجال ؟

الحمد لله العرب بيتميزوا بما يلي !!

القنوات الدينية( بعدد شعر راسنا صارت ) والفائدة منها شو؟؟ !! حسيت أنوا 50% منها لتحريض على الفتنه والكره
القنوات النصب والأحتيال ( سحر ومابعرف شووو ) بالعشرات .. وشعبنا عم يصدق ..
قنوات الاغاني والرقص والدبك ... مستحيل حدا يغلبنا بهيك شي ! صرنا أبطال الإغراء ؟!!
قنوات الأخبار 80% بإختصار وباللهجة السورية بيقولوا خرطي ... يعني في قناة الجزيرة فقط أنا متابع لها بشكل يومي .. والباقي خرطي

أسف على الإطالة بس جد مضايق من الجو اللي نحنة فيه !!

جورية الشهباء

11-24-2010, 02:04 AM

شكرا لطرحك الموضوع
الموضوع مناقشته مهمة جدا
وبالعكس مو دعوة للمشاهدة بقدر ماهوة تحذير فالقران الكريم تحدث كثيرا عما كان يحدث عند اعداء الاسلام بصراحة

ولا بدكن نغمض عيوننا وماكانو منعرف شي وهالناس عبتشوف اشكال والوان ونحنا ساكتين (((بهي الطريقة غزانا الغرب غزوهم الفكري والثقافي والديني))))
على الاقل منكون ساهمنا بانو انكرنا وحتى لو عملنا ضجة واش معنى تصير ضجة كبيرة وكل الناس بتقوم لما تكون قناة اسلامية ومتشددة شوي او شيخ موعاجبنا وبتنقفل القنوات !!!
طبعا تاثير الاعلام السيء كبير بتمثيلياتو واغانيه وبرامجو والمشكلة انو كل الناس بتتفرج عالتمثيليات وبقولو هادفة ومافيها شي ونحن منختار الكويس انا نفسي ماكنت اتابع ابدا المسلسلات بعدين شفت كم مسلسل على اساس قالولي حلوين ومافيهن شي وكل الدينين بشوفوهن وشفت فيهن العجب ا((باب الحارة وبيت جدي واشواك ناعمة))) عاساس قال شفتن مشان اعرف سوريا شو كانت من زمان وشلون بنات المدارس بسورية !
باب الحارة فيو كثير من الالغام القاتلة ****المتخبية*****والاكاذيب
واشواك ناعمة بتخلي البنات يحسبو انو كل اهل بلدن متل الي بالمسلسل ولما الوحدة ماتحب رجال بالشارع او تطلع بدون غطا او يلفها ابن عمها ببرائة وتشوف بالمسلسل انو المربايين الكويسين المثقفين هيك بيعملو شو برايكن راح يصير تفكير المراهقة وتصرفاتا؟؟(راح تفكر تفكير مرح اللي بالمسلسل))
وغيرو كتييييير وشوفو البنات شوصار فيهن هالايام
((الحمد لله عنا البرامج الدينية والهادفة والترفيهية المضحكة بقنواتنا الحبيبة المثقفة وبلا من كل القنوات الفاسدة)))

Dr.Hasan

11-24-2010, 02:52 AM

مشكورين كتير عالمرور والله ما كنت متوقع انه رح يجي هالردود والمشاركات بكثرة ولذلك رح علق على كل مشاركة لوحدها ........وذلك نظرا لاهمية الموضوع والي اغلبكن وافقني على هلشي

Dr.Hasan

11-24-2010, 02:58 AM

mmm1954 (http://www.mgtrben.com/portal/member.php?u=2065)
مشكور اخي على الملاحظة ولكن الموضوع هام لا اعتقد انه رح تكون دعاية لانه هالقنوات فعلا هابطة وما اظن انه حدا رح يشوفها وانا ما ذكرت اليوم والساعة الي بينعرض فيها البرنامج
تحياتي

Dr.Hasan

11-24-2010, 03:01 AM

Dr.Hasan

11-24-2010, 03:02 AM

ريماس
مشكورة عالمرور والله ما بتقصري وفي عالم على فكرة بتسمي التلفزيون مفسديون على كتر الفساد الي فيه
تحياتي

Dr.Hasan

11-24-2010, 03:10 AM

[/URL][URL="http://www.mgtrben.com/portal/member.php?u=2379"]ms.lonley (http://www.mgtrben.com/portal/member.php?u=2379)
كلامك صحيح اختي (http://www.mgtrben.com/portal/member.php?u=2379)
انا بعتقد انه متابعة هالقنوات هو رد فعل طبيعي على حالة الكبت الموجودة للفئة المستهدفة والي هي فئة الشباب

وبهالبرامج كان الي عم يحوا النكت اغلبهم متزوجين وعندهم احفاد
اما الشباب والصبايا الي قاعدين فكانوا عذابين كلهم او الاغلبية الساحقة وهي اكيد بيدعي الشباب والصبايا لممارسة وتجرية متل هي الامور
وكمان ملاحظة كتير مهمة يغل عنها الكثيرون وهي نكت الخيانة الزوجية الي عم تنقال هيدا شي بيدفع المتزوجين حتى تكون موضوع الخيانة موضوع بسيط وتكون ردة فعله عادية
متل المسلسلات الاجنبية لما زوجة احد ما بتخونه بيروح بيزعل وبيترك البيت كم يوم بعدين بيرجعوا بيتصالحوا اما هون بالشرق او العادات والتقاليد العربية والاسلامية الامر مختلف تماما وعالبرامج عم تحقن العادت والافكار الغربية الغريبة بعقل وفكر الشباب وبكن من باب الضحك والترفيه
حتى هي الاغنية الي حكيتي عنها كانت تنعرض كتير وبسدة على القنوات مع انها بايخة كتير والي بده يتابعها اكيد لتمتيع عيناه فقط وليس اذناه
طولت عليكم ويمكن خرجت على الموضوع
مشكورة على مشاركتك المهمة

Dr.Hasan

11-24-2010, 03:11 AM

سوسو740 (http://www.mgtrben.com/portal/member.php?u=1342)
مشكورة على المرور ولا تعليق على مشاركتك
تحياتي

Dr.Hasan

11-24-2010, 03:14 AM

جمال الروح &دكتور غانم........صدقتم رح قول انه اذا ما كان فيه رد فعل قوي تجاه هالقنوات رح تشوفوا شي ما كنتوا بتتوقعوه بحياتكم انكم تشوفوه عالنايل سات
مشكورين على المرور

:z025:

Dr.Hasan

11-24-2010, 03:16 AM

Dr.Hasan

11-24-2010, 03:37 AM

مشكور خالد على المرور وانا اوافقك بكل ما قلته
ولكن حول القنوات الدينية فهي قليلة رغم كثرتها اذاما قورنت بقنوات الغناء وانا قلت بالموضوع انه اغلقت قنوات كتير الشهر الماضي وقناة الجزيرة تابعت هالموضوع بشكل كبير وعلى مدار اسبوع كامل وباغلب برامجها والله يا خالد هو الي صار انه فيه قنوات بتثير الفتن صح ولكن خلينا نقسم الفتن الى قسمين 1- فتن وكره متل ما قلت سحر... 2- الفتن الي عم تبثه قنوات الاغراء متل هي القنوات وقنوات غيرها حتى
تم اغلاق القنوات الي عم تبث الفتن ومشي الحال ولكن في نفس الوقت اخذت القنوات الدينية الي عم تكون شوكة في حلق قنوات نشر الرذيلة بوزر القنوات الي عم تنشر الكره وهاد الي صار
واذا بتابع القنوات الي اغلقت رح تشوف انه اصحابها اغلبهم تخرجوا من الازهر الشريف
مثلا محمد حسان فتح قناة الرحمة اغلقت ففتح قناة نسائم الرحمة اغلقت وهلق شفنا قناة الروضة ونفس الشكل (هاد استنتاجي وممكن يكون غلط فقط للانتباه)
وانا ما اقول ما قلته حبا بقناة او باخرى ولكن صايرة القصة خيار وفقوس وانا ما شايف حرية بهالموضوع يعني يلي بشوف قناة ميلودي شفته دعايات فيلم بون سوارييه ومسلسل محترم الا ربع يلي بينام مع بنتين بنفس الوقت (لكن يا عمي هاد البطل بنتين بوقت واحد")
ولا فيلم بلبل حيران الي فيه من الالفاظ الموحية باشياء......خاصة لما بيقول لوحدة بتاكلي درا ......بتقلوا ما بحبوش....بيقلها ليش ما بحبوش :.......بيقول بيجي شيخ بيضربه او هيك شي........فعلا هزلت
وانا ما بتابع تلفزيون كتير ابدا ووقتي ما بيسمحلي وانا ما بتابع القنوات الا بعد ما يصير حولهم ضجة او يتم اغلاقهم متل م ا صار المرة الماضية حول قناة سكووب والمشاكل الي صارت اذا سمعتوا فيها
طيب قنوات بتبث الكره اغلقت وليش قناة الحياة ع قمر الهوت بيرد لسا عم تبث سمومها ؟؟؟؟؟
سؤال يحتاج الي اجابة
تحياتي

لولو الصغيرة

11-24-2010, 03:49 AM

مشكور دكتور حسن على الموضوع المهم والرائع ولي عودة انشاء الله لشارك بالموضوع
بتركيز وتمعن

تحيااااااااااااااااااااااتي
:z025:

Dr.Hasan

11-24-2010, 04:13 AM

بانتظارك يا غالية

فاتن

11-24-2010, 08:38 AM

الاخ الدكتور الموضوع جيد وباختصار اقول ان اخطر وزارة في الوقت الراهن في العالم اجمع هي وزارة الاعلام والاعلام العربي بشكل عام هو اعلام عولمة . وغالبها عولمة فاسدة . وكل اناء بما فيه ينضح . ام عبد

دمعة فرح

11-24-2010, 12:08 PM

مناقشتنا لمثل هذه الامور لاتقدم ولاتأخر وسوف تعود بالضرر اكثر من النفع - لان الحلال بين والحرام بين - ولذلك كما تفضل الاخ مناقشة هذا الامر قد تكون دعاية لهذه المحطات الهابطة فانا من الناس الذي لم يسمعوا بهذها الفضائيات وصار عندي شئ من الفضول لكي استمع او اشاهد ماذكرته عن هذه القنوات وسوف يسجل في صفحتك تطفلي هذا
قال صلى الله عليه وسلم من سن سنة حسنة فله اجرها واجر من عمل بها الى يوم القيامة ومن سن سنة سيئة فعليه وزرها ووزر من عمل بها الى يوم القيامة واتمنى
على ادارة هذا المنتدى حذف مثل المواضيع لكي لايأثم صاحبها سواءا قاصدا ام جاهلا والسلام عليكم ورحمة الله وبركاته

كيف مابتقدم ولا بتأخر .. على الاقل نعرف اراء المجتمع بهيك برامج
والدكتور حسن ما كانت نيتو انو غيرو يتابع البرامج .. بس عنا بقسم الحوار نطرح مشكلة من مشاكل المجتمع ونتناقش فيها .. وهاد اللي عملو الدكتور حسن وكانت نيتو صافية
بالعكس نحن بدنا اكبر عدد من الردود والمشاركات لحتى نشوف ردود افعال مجتمعنا على هيك برامج هابطة

وانما الاعمال بالنيات .. اما اللي صار عندو نوع من الفضول فذنبو على جنبو مع احترامي الشديد اخي الكريم

تحياتي

nabil-tinawi

11-24-2010, 01:01 PM

Dr.Hasan

11-24-2010, 05:08 PM

مشكورة اخت فاتن كلامك صحيح
اهلا وسهلا فيكي اخت عزيزة في منتداكي

Dr.Hasan

11-24-2010, 05:09 PM

دمعة فرح
حياك الله على التوضيح
تحياتي

Dr.Hasan

11-24-2010, 05:11 PM

nabil-tinawi (http://www.mgtrben.com/portal/member.php?u=2912)
طبعا من ناحية قلة التربية وناحية تانية الجهل وقلة الوعي والتقليد الاعمى للفضائيات والي عم يعمل انجبر انه يلبس حجاب او تماشيا مع المجتمع والموضة
مشكور على المروورررررررررر
[/URL]
[URL="http://www.mgtrben.com/portal/member.php?u=2912"] (http://www.mgtrben.com/portal/member.php?u=2912)

م جمال كمال

11-24-2010, 08:21 PM

م جمال كمال (http://www.mgtrben.com/portal/member.php?u=3737)
مشكور اخي على ملاحظتك بالنسبة للقناة ناشيونال وانا هالقناة بتابعها على فكرة بس ما شفت هيك وانا بقول انه الجزيرة الوثائقية افضل منها ومعك حق بخصوص البرامج والمسلسلات والله هي تخريبية ومانها من ارض الواقع طبعا مو الكل وهي بتعلم البنات على كتير اشياء غلط
وبالمناسبة هي موجهة اكتر للبنات من الشباب لانه اغلب الشباب مشغول بالشغل وهيك شي والبنات هنا الي بيعقدوا بالبيت وعالتلفزيون اكتر
مشكور يا غالي
أخي الدكتور
صدقني رأيت البرنامج على الصورة التي قلتها لكم ... وإن هذه البرامج تُعاد في عدة أوقات فلذلك قد يراها أحد الأعضاء ويؤكد لك كلامي ... وإذا رددت على كلامي هذا فعندئذٍ سأضيف معلومة جديدة لك وللأعضاء وهاك اليوم هذا المثال .. لقد طُلِب من مترجمي الأفلام الأمريكية أن يترجموا بعض الكلمات من الإنكليزية للعربية على نحوٍ لا يُقصد منه الخير بل محاربة جميع الأديان فمثلاً [ ياإلهي ] أوه ماي غاد .. تُتَرجم : ياللهول ، [ يايسوع ] دجيسيس .. تُتَرجم : ياإلهي ، [ ماذا بحق الجحيم ] وات ذا هيل .. تُتَرجم : بحقّ السماء .. وكثير
شكراً دكتور
جمال

غروري ضروري

11-24-2010, 08:27 PM

والله يا اخ \Dr.Hasan لا تصدم ولا شي هدا وقعنا وهي الحقيقة بس سوال وين وين ....... ؟ ما حدا بغضر يوقف هالقناة اما قناة الرحمة و الناس مثلا بتسكر ليش لانوا صح وهالعالم ما د حدا عجبوا صح كلون بدون غلط انا طبعن ما عم اجمع الكل

م جمال كمال

11-24-2010, 08:38 PM

لائيلي تفسير لل البنات المسلمات
هلي بيلبسو بنطال جينز ضيق جداً
مع كنزات ضيقة و يفسر أجسامهم
بتفصيل و يصبح شكلهم مغري جداً
مع لبس حجاب

تخيل المنظر

و بعدها بجاوبك على موضوع
الفضائيات
الفاضحة

لا تقول شو علاقة هذا بهذا

في كل العلاقة

السيد نبيل
أجبني عن هذا السؤال : من الذي صنع تصميم الأزياء ومن أشرف عليها إلى يومنا هذا ومن الذي يدعمها ويُعمّم الموضة السيئة في بلادنا ويحرص على تغييب الموضة الحسنة في نفس الوقت ؟
هل تظن أن هذه المظاهر هي ليست وليدة الإعلام المُوجّه عبر التلفاز مع ماتتفتّق عنه عقول مصممي الفحش والتعري ؟ .. ما يحزنني أن ورشات تصنيع الألبسة في سورية يقلدون هذه الموضات بحجة أنها هي المرغوبة ، رغم أن الشروال هو الموضة التي غزت أسواق العالم بدءاً من كندا وارتدته كل فتيات العالم ... إلا في بلادنا العربية .. لا ترتديه إلا النساء الأجنبيات .. شكراً
جمال

فؤاد

11-24-2010, 10:12 PM

السلام عليكم
اخي العزيز ليس فقط القنوات اللبنانية التي تنشر مثل هذه المواضيع الساقطة الم تلاحظ ان بعض الافلام الامريكانية او الاجنبية (تلاحظ ان المعروض علي الشاشة شيء عادي جدا لكن لو تابعت الترجمة تجدها في غاية القذارة لنها ترجمة حرفية او انهم يقصدوا عمل هذه الترجمة وكلها وصف دقيق لعملية جنسية والالفاظ لا يقبلها اي انسان في داخله قطرة دم )
ولكن ما باليد حيلة الله المستعان
لكم تحياتي واحترامي لجميع القراء والمتصفحين لهذا المنتدي العظيم
اخوكم ابو عبد الرحمن

عمر شاهين

11-25-2010, 12:11 AM

دمعة فرح

11-25-2010, 12:56 AM

دكتو ر سامحك الله تطرح موضوع قناة ال ام تي في او قناة او تي
انت يا دكتور تدعو المجتمع لمتابعة القنوات الهابطة ليش؟
نحن الان في القرن الحادي والعشرون ولا اعتقد في احد بهي الدنيا مو عارف كل شيء عن عمو التلفزيون وعدد قنواته والستالايت وعن الاقمار الصناعية
اترك الناس او ادعيهم لمناقشة ما هو اهم من ما طرحته ؟
انت بالوقت التي كنت تشاهد قناة اللبنانية لمادا لم تكن تشاهد قنوات الجزيرة الرياضية او لما كنت تشاهد قناة فتافيت او قنوات التعليمية؟ يا دكتور دع الناس تشاهد ما تشاهد الحمد الله الاسلام موجود وكل واحد يعرف طريقه والله هو المحاسب صراحة يا دكتور انا ضد كل من يهدي الناس بنفس اسلوبك

اعتقد الاخ عمر فهم غلط .. الدكتور حسن طرح مشكلة وقبل مايكتب الموضوع قرأ قوله تعالى ( مايلفظ من قول الا لديه رقيب عتيد ) وان لكل امرئ ما نوى
اخي الكريم الدكتور حسن عم يناقش مشكلة من مشاكل المجتمع فقط .. ومو من حقنا نحاسبو على شو يتفرج وشو مايتفرج .. ممكن هو شاف هالبرامج صدفة متل ماشافها غيرو صدفة
الانسان المو منيح مو محتاج هداية بأي اسلوب كان لأنو بيعرف شو طريقو ووين طلباتو .. لهيك بتمنى التمعن اكتر بالموضوع والتفكير قبل المعارضة

نهاية .. الاختلاف في الرأي ****سد للود قضية

وشكرا لمشاركتك ورأيك

مشرفة القسم

Dr.Hasan

11-25-2010, 02:26 AM

اولا اهلا وسهلا فيك سيد عمر شاهين
تانيا لما اي دكتور بيحذر من مرض الايدز وبيحكي عن طرق انتقاله بيكون عم يشجع العالم للفواحش
هو الموضوع انه ذكرت اسم القنوات هي المشكلة انا بعتقد ومتل ما نبه بعض الاخوة وممكن يكون معهن حق فيها
بس انا ما ذكرت اي يوم والاوقات الي بتطلع فيه هي البرامج
اخي انت بطريقة كلامك عم تتهمني اتهام مباشر وانا لو بدي اذكر اوقاتهم او الايام الي بتطلع فيه هي البرامج كنت ذكرت هالشي وبطريقة بقدر فيها كمان دافع عن نفسي ورح قلك كيف
هالقنوات عم تحط هالبرنامجين المتنافسين بيوم واحد وبنفس الوقت وفيني دافع عن هالشي اني حول الموضوع حول التنافس بين القناتين على نشر الرذيلة(لاتخاف علي)
نحن الان في القرن الحادي والعشرون ولا اعتقد في احد بهي الدنيا مو عارف كل شيء عن عمو التلفزيون وعدد قنواته والستالايت وعن الاقمار الصناعية طيب ما انه بحسب كلامك انه الناس بتعرف كل شي انت عم دافع عني (الف شكر)
ا
ترك الناس او ادعيهم لمناقشة ما هو اهم من ما طرحته ؟ حبذا لو ذكرت مثال واحد فقط حتى نباشر فيه

[انت بالوقت التي كنت تشاهد قناة اللبنانية لمادا لم تكن تشاهد قنوات الجزيرة الرياضية او لما كنت تشاهد قناة فتافيت او قنوات التعليمية؟]
اقرأ المشاركات والموضوع بتعرف

يا دكتور دع الناس تشاهد ما تشاهد الحمد الله الاسلام موجود وكل واحد يعرف طريقه والله هو المحاسب صراحة يا دكتور انا ضد كل من يهدي الناس بنفس اسلوبكاخي عمر: الاسلام الم ينهانا عن االامر بالمعروف وعن النهي عن المنكر(وانا ما هاد هدفي من الموضوع -هدفي حواري بحت)
وانا ما عم اهدي حدا ولست قادر على ذلك و انا بدي مين يهديني
لاتواخذني على ردي يمكن يصعب عليك بس طريقة كلامك متناقضة عدا اتهامي_هل شققت عن صدري.
تحياتي لك وعسى ان نرى مواضيعك المفيدة يا غالي
تقبل تحياتي

Dr.Hasan

11-25-2010, 02:27 AM

:z023:تقبلي تحياتي اختي الغالي:z023:
:z025:دمعة فرح:z025:

تالا

11-25-2010, 08:56 PM

شكرا كتير علا طرح هاد الموضوع انا بصراحة سمعت كتير من الصبايا بالمدرسة عم يحكوا علي وهوي كتير ماثر وبشكل كبير عالطلاب بس متل هيك قناة هدفها كتير واضح انوا تخلي متل هيك موضيع عادية وتعلب بعقل الطلاب لتحارب جيل بحالوا بس بظن انوا كل واحد لازم يراقب حالوا والاهل يشفروا هيك قناة بس يلي ستحوا ماتوا ومابظن يلي بيطلعوا علي بشر او عندن مبادئ واخلاق

Dr.Hasan

11-26-2010, 01:38 AM

كلامك صحيح اختي تالا
كفيتي ووفيتي
اجمل تحية

owner

11-26-2010, 02:05 AM

الحمد لله رب العالمين انه لا زال يوجد هناكمن يرفض هذا الكم الهائل والسيل الجارف من التفاهات والقنوات الساقطة التي تبث سمومها وعلى مدار الساعة دون أي رادع
وحينما تخرج قناة دينية اسلامية معتدلة لتوجه وترفع المشاهدين عن هذه التفاهات يتم اغلاقها ومهاجمتها
فطوبا للغرباء

Dr.Hasan

11-26-2010, 02:29 AM

تحياتي يا غالي على مشاركتك الرائعة
الف شكر عالمرور والمتابعة

سحر

11-27-2010, 12:08 AM

مؤسف ما قرأته ومؤلم ....
لايسعني الا ان اقول لا حول ولا قوة الا بالله العلي العظيم وقلبي يحترق ...
انا نفسي اعمل منظمة عالمية الغي واتحكم بها القنوات السيئة ...
وجميل ان نشعر بهذا الصحو الديني والغيرة على الدين والاخلاق واشكركم جميعا اخواني واخواتي على ذلك واولنا الدكتور طارح الموضوع ..
من رايي ان ندعو للامة ونهتم بأمرها دائما ونغار دائما ولا نيأس مهما حصل ونبقى للابد ندعوا للاخلاق ومحاربة من يدنسها ...
تقبلوا مروري ...:z023:
اختكم سحر ..

Dr.Hasan

11-27-2010, 01:52 AM

اهلا وسهلا فيكي في المنتدى
ونشكرك على مشاركتك الرائعة التي نعتز بها
دمتي بخير

امورتنا

11-27-2010, 03:23 PM

السلام عليكم ورحمة الله وبركاته اخواني الاعزاء الموضوع اهون من هيك بكتير الي مش عاجبه البرامج المزكورة لا يشوفها وكف المؤمنين شر القتال وسلام تقبلوا مروري ودمتم

Dr.Hasan

11-28-2010, 01:38 AM

والله يمكن لانك متزوجة بتشوفيه هيك وهيك المتزوجين على ما اعتقد والبرنامج افسادي وشفتي المشاركات ما في داعي ضيف شي
مشكورة امورتنا عالمروررررر

كرامة

11-28-2010, 03:14 PM

السلام عليكم
معك حق دكتور حسن وموضوعك كتير مهم
هيك برامج سببها العقول الفاضية إللي كل همها السعادة الدنياوية مع إنو ممكن الواحد يسعد نفسو في حدود الإحترام بس شو بدنا نقول الفاضي بيعمل قاضي
وبحب هنيك على غيرتك على إخوانك العرب وعلى دينك الإسلامي
وياريت فينا نعمل شي غير الحكي ونحارب كل عوامل الفساد لأن الساكت عن الحق شيطان أخرس

Dr.Hasan

11-29-2010, 02:03 AM

الف شكر اختي الغالية على مرورك الررائع
فعلا كلامك صحيح فيه برامج ترفيهية كتير وغير مخلة بالاداب
تحياتي على مرورك القيم

awameh

11-29-2010, 03:06 AM

السلام عليكم
شكرا على الموضوع المهم واللي صراحة انحكى فيه كتير, صاير فينا انو عم يجرونا هالفضائيات للرذائل بشتى الطرق ما عم يعرفو كيف يعني انا احيانا وحتى غالبا بحس انو الأمر كتير مدروس منشان الشي المهم ما نلتفتلو ولا حتى نفكر فيه, وننجر ورا هالسخافات, كمان في نظرة بعض الفضائيات بنشر هيك برامج هو دعوة الانفتاح وعدم تقييد الإعلام بغض النظر عن الموضوع المطروح وبغض النظر عم بيئتنا العربية يعني كنوع من كسر العادات والتقاليد متل ما بيحبو يسموها هنه, انا برأيي يا الواحد يشوف شي مفيد او بلا التلفزيون بالمرة :)

Dr.Hasan

11-29-2010, 04:23 PM

رأي سليم ولفتة هامة هالشي فعلا بيدفع العالم ليحكوا هيك نكت بمجالسهم بدون خجل بما انه صار هالشي عم يطلع عالتلفزيون
مشكور عالمرورررر

ابجر

12-03-2010, 01:02 AM

الحل انك تحذف القناة من التلفزيون وهيك بكون عملت يلي عليك وتروك الباقي لله
ومافي داعي تهدر وقت بهيك محطات هابطة

Dr.Hasan

12-04-2010, 02:01 AM

أفضل نصيحة
جزاك الله خيرا

ناسبولية

12-04-2010, 03:31 AM

وعليكم السلام و رحمة الله وبركاته : فعلاً يا أخي انا شاهدت هالبرنامج بالصدفة و تفاجأت مثل حضرتك وظليت اشوف آخرته و حاولت افهم الهدف منه لعله ورائه هدف ايجابي و انا ما فهمته ، بس لقيته برنامج تافه و سخيف و اللي موجودين فيه اسخف منه مع احترامي إلكم،برغم سنهم الكبير ،ييارتهم شباب كلنا بررنا وقلنا طايشين بس الاعضاء الاساسيين فيه في عمر يفترض انهم يحترموا سنهم .وبالنهاية ندعو ربنا لهم بالهديا و نقول اللهم عافينا ولا تبتلينا ،
قولوا آمين.

Dr.Hasan

12-05-2010, 02:06 AM

أمين
مشكورة عالتعليق والمرور والمشاركة وكلامك ضحيح فعلا معظم الاعضاء الرئيسيين والمحركين للجو كبار بالعمر وبنص سن اليائس كمان
انا سمعت انه بعض الاعضاء اعتذروا وما عاد يحكوا هيك كلام
وانو البرنامج تحول لنكت عادية فقط
يسرني مرورك
احر التحيات

باسم المصري

12-23-2010, 03:37 AM

ادا لم تستحي فاصنع ما شئت

Dr.Hasan

12-23-2010, 04:29 AM

صدقت
مشكور عالمرور

الهكر

12-24-2010, 02:37 PM

هاد يلي طلع معنا من مبدا التحرر دكتور شي ببكي مشكور

Dr.Hasan

12-25-2010, 03:22 AM

يسرني مرورك اخي الكريم
والف شكر عالمررور

عاشق الوطنية

12-26-2010, 12:58 PM

دكتور انا برأيي الموضوع عبارة عن غزو فكري للشباب العربي

بأحدث سلاح وهو سلاح الأعلان

مشكور يا غالي

hussam-86

12-26-2010, 02:14 PM

مشكور دكتور حسن على طرح هذه المسالة المهمة جدا لانها في تفشي واسع في المجتمع والناس الي عم يتابعوا هذي المحطات في تزايد مستمر يجب الانتباه والحزر من هؤلاء لان الامر اكبر من ما نتصوره فهم يريدون اشاعة الرذيلة في كل بيت من بيوت المسلمين سلامتكم :z025:

Dr.Hasan

12-27-2010, 04:06 AM

مشكورين على مروركم القيم اخواني الغوالي

imrfree

01-08-2011, 06:11 PM

عندما تناقشهم يقولون لك لا يوجد مواضيعو القنوان تبث اربعة و عشرين ساعة
لدينا كثير من المشاكل و المسائل التي تحتاج الى نقاش جدي و ليس حديث لا يرقى الى حديث (نساء الفرن ) ...
لان النساء و الرجال يخجلون من هكذا برامج .. لكنها ياسادة الاستيراد ..استيراد البرامج من الدول الاجنبية ..
ترفيه أم ابتذال ؟؟؟؟!!!!!

Dr.Hasan

01-08-2011, 10:51 PM

صحيح اخي الكريم صدقت فتاثير البرامج المستوردة خطر جدا ولكن الناس في العالم العربي اصبحوا يعرفون خطورتها فامتنعوا عنها فكان الاستيراد بشكل اخر وماسك عربي بروح اجنبية حتى يقبل الناس عليها وهذا ما اشارت اليه تسريبات ويكيلكس اخيرا بان البرامج الي تبث على القنوات العربية ساهمت بشكل اكبر على التاثير على مجتمعنا من القنوات الاجنبية بهويتها كقناة الحرة الاميركية
مشكورين جميعا

أحمد فرحات

01-09-2011, 07:55 AM

لاتعليق:z025:

ابو سامر

01-11-2011, 04:00 AM

شكرا لطرحك موضوع مهم اخي حسن ...

وبرايي أن الاسباب كثيرة

1 . الامر لا يخص قناة واحدة بعينها , فهناك الكثير من الاقنية العربية " او المستعربة

بالاصح , ومنها قنوات غنائية وترفيهية وباقات بكاملها تبث اغان فيها مشاهد

تخدش الحياء في وضح النهار ناهيك عن الليل ..

2 . لا توجد سياسة اعلامية عربية موحدة تجاه هذه الاقنية .. واغلبها يروج للتفاهات

الامريكية وتمجيد الامريكي افلاما ,,, وغيرها .

3 . الامر لا يعني دينا بعينه فالاخلاق واحدة في جميع الاديان ...

4 . الهدف من هذه الاقنية تجاري لاصحابها المعروفين , وسياسي ايضا , والتاجر لا

تهمه المبادئ , فقط يهمه الربح .
5 . النكات البذيئة اصبحت مظهرا للتحرر للأسف عند بعض من يدعيه , والمفروض وجود

مراقبة اعلامية حقيقية على وسائل الاعلام

واخيرا فقد اصبحت الاغاني العربية والمشاهد المرافقة السيئة لها , تفوق الاغاني

الغربية من حيث سوئها , وحتى في الدول الغربية لا تبث المشاهد الفاضحة المرافقة للاغاني

الا في ساعات الليل حيث يكون الاطفال نائمون ... وهذا احد مظاهر الانحطاط الاعلامي

العربي ...

لك تحيتي اخي حسن