سارة
11-25-2010, 12:42 AM
السلام عليكم
الخطبة الحلبية
الأم : من بيت شئاع لبيت رئاع .. ولا بيعجبها العجب ولا الصيام برجب !!!
الشب والبنت : بين مطرقة " العادات " وسندان " الانتظار"
لكل بلد أو منطقة أو مدينة عادات وتقاليد تميزه عن غيره، وهذا هو الحال في عادات " الخطبة والجازة " ، لكن حلب تتميز خصوصاًُ بعادات وتقاليد للخطبة ليس لها مثيل في باقي المحافظات السورية، وهذه العادات أوجدها التطورالمتسارع وخصوصية حلب كمدينة تعج بالتجار ورؤوس الأموال ، مما جعل الحصول على فتاة في حلب للخطبة ومن أعقد الأمور، وهذا التعقيد يزداد يوماً بعد يوم ، والمتضرر الوحيد هم الشباب والفتيات، و في السطور الآتية سنسرد لكم غيض من فيض مما يحدث في واقع المجتمع الحلبي .
المرحلة الأولى : موافقة الشب على فكرة الخطبة
تبدأ عادة حكايا الخطبة في حلب من حديث بين الشاب وأمه كالآتي :
الأم : لك ابني حاجة بقى فهمنا ، بيكفي بقى نطوطة من بنت لبنت، اركز بقى وخليني اخطبلك .
الأبن ( بعد سنوات قضاها يطبق هالبنت ويترك التانية ويروح للتالتة ) : هيك بدك يعني يوم ، خلص توكلي على الله وخطبيلنا ، بس ما برضى غير ببنت شقرة عيون خضر (زرق معلش ) طويلة رفيعة ، متل القمر ( طلبات تعجيزية غير الله بس بيلائيهم هدول) .
الأم : ايها هلق فرحتني ، ولك والله والله لأدرلك حلب يمين وشمال وشرق وغرب واخدلك اكوس وحدة، خلص لا تاكل هم .
المرحلة الثانية : إخبارالعائلة وكل ما يلوذ بالأم بموضوع الخطبة لبدأ عملية البحث..!!
وهنا تبدأ همة الأم وتتصل ببناتها المجوزات : لك بنتي دي قوام هيئوا حالكم بدنا نخطبلوا لأخوكم .
البنات: لك يوم ما بكير عليه لسا عمروا 25 سنة .
الأم : لك بنتي لبين ما نلاقيلو بنت الحلال والله يوفقنا ما بنعرف شقد بيصير عمروا.
وهيك القصة تبدأ بنسج خطوطها في رحلة البحث عن تلك الأميرة شريكة المستقبل للابن الملك، وهنا طبعاً الأم لا ترضى بأن تكون العروس إلا أحلى وأجمل من كل (عواريس الحارة وخاصة كنة سلفتها )، وتبدأ الأم بمسيرة البحث وصولاتها وجولاتها في رحلة قد لا تنتهي لسنوات، ومن بيت لبيت ، ومن سوق لسوق ، ومن تلفون لموبايل ومن......إلى .......
المرحلة الثالثة : اتصال هاتفي بين أم العريس والأم يلي عندها بنات للخطبة
طبعاً وقبل ما تروح لبيت العروس ( الهدف ) لازم تخبر بالهاتف من الرقم يلي جابتوه من بنت احمى أخوها ، أو من جارتها يلي شافتلها عروس لقطة وهي بالسوق وأخدت رقم بيتهم، أو من بنتها يلي شافت رفيقة رفيقتها وقت كانوا بالجامعة عبيتمشوا، ويدور حديث كالآتي :
الأم : مرحبا أم محمد ، دلونا عليكم قال عندكم بنات للخطبة .
أم محمد : أهلين لك خيتو ، ميت السلامة.
الأم : لك خيتو أم محمد والله تعبنا ، قلت ميشان هيك قبل ما نجي قليلي اش اوصافها بنتكم ، يعني والله نحنا فتلنا كتير وما عجبنا حدا ، لك تقول الكويسات نفقوا بهالأيام .
أم محمد : انتو تفضولوا وانشالله بتلاقو طلبكم، بس انتو من بيت مين ، واش بيشتغل ابنكم ؟
الأم : نحنا من بيت ( فلان ) ، وابنا اسمالله بيديرفلان شركة تبعيت أبوه وعندو بيت وسيارة يعني ما ناقصوا شي غير بنت حلال كويسة شقرة بيضا عيون خضر او زرق عطلبوا.
أم محمد : وصلتو انشالله بتلائو طلبكم عنا، اتفضلوا يوم الخميس الي جي ، لانو بكرى وبعد بكرى ، في جماعة قبلكم جيين يشوفوا البنت ( مع أنو ما بيكون لا حدا جي ولا شي بس ميشان تفرجيهم انو بنتها كويسة وهيك هيك الخطابين عليها ).
الأم : ايه اكيد الله ما بيكتب غيرالنصيب ، بس ما بيصحلكم متل ابنا ها.
أم محمد : ايه اهلا وسهلا فيكن .
مو رايحة غير عالبنت .. "حديث خاص " بين الأم وابنتها
هون بقى أم العروس بتبلش بتشد على بنتها منشان تحضرها ليشوفوها الخطابين
أم العروس : لك بنتي قومي ، صارت الساعة وحدة الظهر ولسا ما فقتي ، قومي جهزيلي حالك ، وحاج كسل، اش بدك الخلق يقولوا علينا يجوا يشوفو عيونك منفخة، قريضة بنات ، قومي هلق اتصلوا جماعة بدهن يجوا يشوفوكي يوم الخميس الجي.
البنت : لك يوم ما خلصنا من الخطابين ، لسا جماعة ريحين وجماعة ريجعيين ، والله تعبت ارحموني ، يعني كل يوم بدي اقوم حضر حالي واتمكيج ولف شعري و...و... ،
الأم ( مقاطعة ) : ايه اش لكان بدي اكبسك جنبي مخلل .
البنت ( تكمل ) : والله مليت ، طيب ماما على الأقل خليني خلص هالجامعة وبعدها استقبلي خطابين قد ما بدك.
الأم : لك لحقانة بنتي ، تخلصي الجامعة ولبين ما تخلصي منجوزك ، اش ما في عندي غيرك بنات !!! خليني دبرلك ابن الحلال يلي بدو يستتك ، ويعيشك عيشة حلوة ، وانا ما برضالك غير احلى من عيشتي ، لا تخافي لك بنتي انا ما بعطيكي لمين ما كان إلا يكون ابن عيلة وابن نعمة ، وديرس ومتعلم وأحوالوا منيحة ويكون ... ويكون ...
البنت ( بينها وبين نفسها ) : ايه يكون ويكون ، انا يلي بعرف امي لا بيعجبها العجب ولا الصيام برجب ، وانا ما بقبل غير برفيقي حمودة يقبش عضامي ما يعرف انو جيينا خطابين لينجلط .
الخطبة الحلبية
الأم : من بيت شئاع لبيت رئاع .. ولا بيعجبها العجب ولا الصيام برجب !!!
الشب والبنت : بين مطرقة " العادات " وسندان " الانتظار"
لكل بلد أو منطقة أو مدينة عادات وتقاليد تميزه عن غيره، وهذا هو الحال في عادات " الخطبة والجازة " ، لكن حلب تتميز خصوصاًُ بعادات وتقاليد للخطبة ليس لها مثيل في باقي المحافظات السورية، وهذه العادات أوجدها التطورالمتسارع وخصوصية حلب كمدينة تعج بالتجار ورؤوس الأموال ، مما جعل الحصول على فتاة في حلب للخطبة ومن أعقد الأمور، وهذا التعقيد يزداد يوماً بعد يوم ، والمتضرر الوحيد هم الشباب والفتيات، و في السطور الآتية سنسرد لكم غيض من فيض مما يحدث في واقع المجتمع الحلبي .
المرحلة الأولى : موافقة الشب على فكرة الخطبة
تبدأ عادة حكايا الخطبة في حلب من حديث بين الشاب وأمه كالآتي :
الأم : لك ابني حاجة بقى فهمنا ، بيكفي بقى نطوطة من بنت لبنت، اركز بقى وخليني اخطبلك .
الأبن ( بعد سنوات قضاها يطبق هالبنت ويترك التانية ويروح للتالتة ) : هيك بدك يعني يوم ، خلص توكلي على الله وخطبيلنا ، بس ما برضى غير ببنت شقرة عيون خضر (زرق معلش ) طويلة رفيعة ، متل القمر ( طلبات تعجيزية غير الله بس بيلائيهم هدول) .
الأم : ايها هلق فرحتني ، ولك والله والله لأدرلك حلب يمين وشمال وشرق وغرب واخدلك اكوس وحدة، خلص لا تاكل هم .
المرحلة الثانية : إخبارالعائلة وكل ما يلوذ بالأم بموضوع الخطبة لبدأ عملية البحث..!!
وهنا تبدأ همة الأم وتتصل ببناتها المجوزات : لك بنتي دي قوام هيئوا حالكم بدنا نخطبلوا لأخوكم .
البنات: لك يوم ما بكير عليه لسا عمروا 25 سنة .
الأم : لك بنتي لبين ما نلاقيلو بنت الحلال والله يوفقنا ما بنعرف شقد بيصير عمروا.
وهيك القصة تبدأ بنسج خطوطها في رحلة البحث عن تلك الأميرة شريكة المستقبل للابن الملك، وهنا طبعاً الأم لا ترضى بأن تكون العروس إلا أحلى وأجمل من كل (عواريس الحارة وخاصة كنة سلفتها )، وتبدأ الأم بمسيرة البحث وصولاتها وجولاتها في رحلة قد لا تنتهي لسنوات، ومن بيت لبيت ، ومن سوق لسوق ، ومن تلفون لموبايل ومن......إلى .......
المرحلة الثالثة : اتصال هاتفي بين أم العريس والأم يلي عندها بنات للخطبة
طبعاً وقبل ما تروح لبيت العروس ( الهدف ) لازم تخبر بالهاتف من الرقم يلي جابتوه من بنت احمى أخوها ، أو من جارتها يلي شافتلها عروس لقطة وهي بالسوق وأخدت رقم بيتهم، أو من بنتها يلي شافت رفيقة رفيقتها وقت كانوا بالجامعة عبيتمشوا، ويدور حديث كالآتي :
الأم : مرحبا أم محمد ، دلونا عليكم قال عندكم بنات للخطبة .
أم محمد : أهلين لك خيتو ، ميت السلامة.
الأم : لك خيتو أم محمد والله تعبنا ، قلت ميشان هيك قبل ما نجي قليلي اش اوصافها بنتكم ، يعني والله نحنا فتلنا كتير وما عجبنا حدا ، لك تقول الكويسات نفقوا بهالأيام .
أم محمد : انتو تفضولوا وانشالله بتلاقو طلبكم، بس انتو من بيت مين ، واش بيشتغل ابنكم ؟
الأم : نحنا من بيت ( فلان ) ، وابنا اسمالله بيديرفلان شركة تبعيت أبوه وعندو بيت وسيارة يعني ما ناقصوا شي غير بنت حلال كويسة شقرة بيضا عيون خضر او زرق عطلبوا.
أم محمد : وصلتو انشالله بتلائو طلبكم عنا، اتفضلوا يوم الخميس الي جي ، لانو بكرى وبعد بكرى ، في جماعة قبلكم جيين يشوفوا البنت ( مع أنو ما بيكون لا حدا جي ولا شي بس ميشان تفرجيهم انو بنتها كويسة وهيك هيك الخطابين عليها ).
الأم : ايه اكيد الله ما بيكتب غيرالنصيب ، بس ما بيصحلكم متل ابنا ها.
أم محمد : ايه اهلا وسهلا فيكن .
مو رايحة غير عالبنت .. "حديث خاص " بين الأم وابنتها
هون بقى أم العروس بتبلش بتشد على بنتها منشان تحضرها ليشوفوها الخطابين
أم العروس : لك بنتي قومي ، صارت الساعة وحدة الظهر ولسا ما فقتي ، قومي جهزيلي حالك ، وحاج كسل، اش بدك الخلق يقولوا علينا يجوا يشوفو عيونك منفخة، قريضة بنات ، قومي هلق اتصلوا جماعة بدهن يجوا يشوفوكي يوم الخميس الجي.
البنت : لك يوم ما خلصنا من الخطابين ، لسا جماعة ريحين وجماعة ريجعيين ، والله تعبت ارحموني ، يعني كل يوم بدي اقوم حضر حالي واتمكيج ولف شعري و...و... ،
الأم ( مقاطعة ) : ايه اش لكان بدي اكبسك جنبي مخلل .
البنت ( تكمل ) : والله مليت ، طيب ماما على الأقل خليني خلص هالجامعة وبعدها استقبلي خطابين قد ما بدك.
الأم : لك لحقانة بنتي ، تخلصي الجامعة ولبين ما تخلصي منجوزك ، اش ما في عندي غيرك بنات !!! خليني دبرلك ابن الحلال يلي بدو يستتك ، ويعيشك عيشة حلوة ، وانا ما برضالك غير احلى من عيشتي ، لا تخافي لك بنتي انا ما بعطيكي لمين ما كان إلا يكون ابن عيلة وابن نعمة ، وديرس ومتعلم وأحوالوا منيحة ويكون ... ويكون ...
البنت ( بينها وبين نفسها ) : ايه يكون ويكون ، انا يلي بعرف امي لا بيعجبها العجب ولا الصيام برجب ، وانا ما بقبل غير برفيقي حمودة يقبش عضامي ما يعرف انو جيينا خطابين لينجلط .