ياحلو صوته حبيبي .. يوم كلمني

[دمعة فرح]

ياحلو صوته حبيبي يوم كلمني
الله على صوته ويازين ضحكاته
صحيح خجلان لكن صوته اطربني
,,فديت صوته وجواله ودقاته,,
اقول احبك وهو محرج يجاوبني
وانفاس صدره تجاوبني بزفراته
يقول يكفي ترى مابيك تحرجني
والقلب من زين صوته زاد دقاته
حاولت اخفف ولكن مايطاوعني
قلبٍ من اسباب فرحه زاد خفقاته
ناديته وقال سم !! وقلت تسمعني
قال اسمعك يـــاهـــوى بالي ومشتهاته
قلت اطلبك قول كلمة حيل تفرحني
انطق بها عوض المحبوب مافاته
قال استحي قلت تكفى لاتجنني
قلها قبل يعـلن الجوال منهاته
تلعثم وقال احــبــك يــامجنني
معك انت عشت الجنون بكل نوباته
رددت اغني احــبــك يامعذبني
(وأنا بعد ) قالها يازين همساته
فجأه سمعت الرصيد يقول يحادثني
باقي معك ون منت ثم نعلن سكاته