صـــــــــار لازم نودعكم

[ماهرالفيزو]

السلام عليكم ورحمة الله وبركاته

اصدقائي شباب وصبايا الي بيعرفني والي مابيعرفني


يمكن صعبة لحظة الوداع وخاصة بعد ماعرفت قلوبكم الصافية والنقية


بس رغم صعوبتها ماحبيت سافـــــــر قبل ماودعكم جميعا


يمكن هالزمن يكتب انو نلتقي بيوم ويمكن بحياتي يكون اليوم هو اخر يوم

ويمكن تذكروني بلخير ولو كترت اللوم ويمكن تنسوني اني كنت معكم بشي يوم



من قلبي اتمنى لكم جميعا استاذ خالد _ عمر_ دمعة فرح_ مصطفى_ ريماس_ نانو_ جوري_ غروري_ريمة_رهام_غفران_ مارو_صبرين_ابراهيم_ مؤيد_ ملكة_جودي_وكل من اعرفه ولم اذكراسمه

اتمنى لكم كل الخير والسعادة بحياتكم

وسامحوني واعزروني لو بدر مني اي غلط او جرحت احد فيكم



وان شاء الله لو الله كتبنا عمر نلقتي فيكم
ولو مافي النا عمر نلتقي فيكم بلجنة ان شاء الله





مع تمنياتي بلصحة والتوفيق للجميع



اخــــــــــــــــــــــوكــــــــــــــــــــــــ م مـــــــــــــــــــــــاهر الفيزو

[انس.]

ويــــــــن مــســافـــر....

تصور انك آخر مره
رح تندهلي ورد عليك

أخر مره تلمح وجي
عم بيزهر بعينيك

وين مسافر ..اوعا تسافر
وين مسافر ..اوعا تسافر
آخر مره بقلك هيك
آه آه آه

تصور انو تكون الليله
اخر ليله بتسهر هون

وانو الورده يلي لونتها
آخر مره يكونلا لون

ياه الضايع من يلي قالك
انو مانو هون الكون
آه آه آه

تصور انو تكون الليله
اخر ليله بتسهر هون

مش معقوله انك بكره
مش رح تمرء حد البيت

وان اخر مره الليله
رح تسالني ان كان حبيت

ولا معقوله يلي كانو النا
يصيرو كلياتهن ياريت


تصور انك آخر مره
رح تندهلي ورد عليك

أخر مره تلمح وجي
عم بيزهر بعينيك

وين مسافر ..اوعا تسافر
وين مسافر ..اوعا تسافر
آخر مره بقلك هيك
آه آه آه

[ماهرالفيزو]

وين مسافر ..اوعا تسافر
وين مسافر ..اوعا تسافر
آخر مره بقلك هيك
آه آه آه

مسافر لسوريا بلدي مسافر لأرضي وسندي
مسافر اشتم هوا من الحرية حتى لو كنت عايش عيشة هنية
مسافر يمكن للموت
يمكن ويمكن صعب تسمع الصوت

لا تقلي اوعا تسافر قلي سافر والله معاك
قلي سافر وكبر الله اكبر وسمعني من سوريا صداك

[ريحانةُ الجنّه]

يعني اليوم يلي برجع فيه انت راح تبعد

[دمعة فرح]

اي شو هاد ياه :z058: كل يوم واحد ضابب غراضو ورايح :z07:
هفففف :gmgmah:

بس شو بقلك غير تروح وترجع بالسلامة ان شاءالله .. الله ييسرلك الخير يارب
وبلكي تقتدر تتواصل معنا من سوريا ..
الله معك ماااااهر :z09::z07:

[MOSTAFA]

إن شــــاء اللــه بتوصـــل بالسلامـــة ماهر ومنلتقى بسوريا

[ريماس]

تروح وترجع بسلامي ماهر شو هالخبرية :z07:
ايمت رح تسافر؟؟ :z07:لاتنسانا مو :z07:
خليك عم تتواصل معنا بسورية طمنا عليك وطمنا عن سورية كمان :z07:
استودعناك الله
الله معك ياماهر :z07:

[ماهرالفيزو]

هلا وغلا انسة رهام نورتي وجهك ولا وجه القمر صح النوم الحمد لله على السلامة


غريب يعني مختفية كل عالفترة وكلشي عندكم مقطوع غريب بلحظة تطلعي فجأة


على كل حال الحمد لله السلامة ونورتي مرة تانية واشتقنالك



لشو عم تبكي حج دمعة بطلت سافر ترى انا عقلي كل شوي شكل


ابو صطيف انت بنشوفك هون ان شاء الله


ريماس كل هاد دموع انا لمن انزل لسويا والله ياخيت بنسى النت نهائيا بعيش حياتي مع الارانب والحمامات والخاروف الي شتريته جديد ورح جيب بغبغاء جديد ورح دور على قطتي الي ماتت مدري انسرقت مدري انتحرت



بس خلاص تعودنا عليكم مافينا نصبر بلا مانطمن عليكم انتو دعولي بس يخرجلي مديري لان قال عنده شغل وعلى اساس كل شي جاهز واليوم من الصبح طلعلي بقصة الشغل الجديد


يمكن اقتله وانزل بجريمة قتل

[ريماس]

هاد كلو خير ماهر
كل تأخيرة فيو خيرة
بس تحدد معك السفرة خبرنا:z09:

[ملكة دمشق]

بصراحة أنا أنصحك إن كنت خارج سوريا الأفضل لك أن لا تأتي الآن ... لأن الأوضاع في سوريا مضطربة وأكيد إنت بتعرف وعم تشوف شو عم يصير بسوريا ... فلذلك أنصحك بالتريّث قليلا ... مابعرف هذه نصيحتي ... تحياتي لك

[نور الايمان]

:z09::z09::z09:المنتدى من دونك يا ماهر ما فيه حياة
الله معك في امان الله وحفظه
بكره الوداعات
سلملي على ادلب بيت بيت دار دار وزنقة زنقة

[ماهرالفيزو]

بصراحة أنا أنصحك إن كنت خارج سوريا الأفضل لك أن لا تأتي الآن ... لأن الأوضاع في سوريا مضطربة وأكيد إنت بتعرف وعم تشوف شو عم يصير بسوريا ... فلذلك أنصحك بالتريّث قليلا ... مابعرف هذه نصيحتي ... تحياتي لك




صح اختي وكلامك صحيح واخدت النصيحة من اكتر من شخص بس الي كاتبه الله رح يصير هون ولا هناك مع انو منطقتنا فيها كتير مشاكل
لو تجي لقلبي وحتى عقلي بقولو انزل بهي اللحظة بس المشكلة كفيلي ماعم يرضا يخرجلي نبارح كان بعقله اليوم مدري شو صار فيه من الصبح

حاسسني قلبي اهلي متصلين فيه ..". وبعدين خيتي لازم تكون نصيحتك لكل الشباب الي بلغربة ينزلو ويشاركو ولو بجزء بسيط مع انهم محدا مقصر حتى وهما متغربين ماشاء الله عليهم

محطات اعلانية 24 ساعة الله يحميهم

وكتير مشكورة للنصيحة وجاري الدراسة عليها بس العقل مسكر وطاقات الفيوزات

[ماهرالفيزو]

:z09::z09::z09:المنتدى من دونك يا ماهر ما فيه حياة
الله معك في امان الله وحفظه
بكره الوداعات
سلملي على ادلب بيت بيت دار دار وزنقة زنقة



على راسي حارتك ياخيت بيوصل سلامك ان شاء الله

وخص نص تلمنس لعيونك

[ريحانةُ الجنّه]

تروح بتروح الروح وبترجع بترجع الروح لو رحت او غبت وجودك بالروح

[Jude]

لااااااااااااااااااااااااااااااااا:z058:
شو هل خبر هاد ماهر مشان الله لاتروح لك مو سامع شو في اخبار وخصوصي عنكن بادلب :z09:
وبعدين وين وعدك وانا عم استنا خلص امتحانات مشان تعملي حفلة
بس يعني شو بدي قلك غيرانشاالله يارب بتوصل بالسلامة وسلملي على كل اللي بتشوفهم ودير بالك ع حالك وحمي سوريا وما تخلي حدا يخربا
موفق يارب:z09:

[ماهرالفيزو]

لااااااااااااااااااااااااااااااااا:z058:
شو هل خبر هاد ماهر مشان الله لاتروح لك مو سامع شو في اخبار وخصوصي عنكن بادلب :z09:
وبعدين وين وعدك وانا عم استنا خلص امتحانات مشان تعملي حفلة
بس يعني شو بدي قلك غيرانشاالله يارب بتوصل بالسلامة وسلملي على كل اللي بتشوفهم ودير بالك ع حالك وحمي سوريا وما تخلي حدا يخربا
موفق يارب:z09:



لعيونك ان شاء الله احلى حفلة وحتى لو ماكنت موجود رغم انف الاعداء رح تصير احلى حفلة ورح نحجز المنتدى كله عشان عيونك

ونفرح بنجاحك

ادعيلي بس ومابصير الا الي كاتبه ربك

[ماهرالفيزو]

تروح بتروح الروح وبترجع بترجع الروح لو رحت او غبت وجودك بالروح


على راسي ام الرور تعرفي معزتك مابدي احكي ادعيلي بس

[ريحانةُ الجنّه]

الله وملايكتو تحرسك وتحميك

[ملكة دمشق]

على أية حال ... بالنسبة لموضوع سفرك إلى سوريا هذا الأمر مرجوع إلك ... وإن شاء الله سيحميك الله من شرورهم ... بالتوفيق وبالسلامة إن شاء الله ... لا تنسى قراءة أية الكرسي والمعوذات لحتى تحمي نفسك من ظلمهم وجبروتهم ... تحياتي لك

[jorybassam]

شوهالخبرية ماهر على كل حقك نتزل لانو الغربة صعبة وفراق الغوالي اصعب ربي يجمعك بكل احبابك على خير ويحميك وافضل شي انك تدعي انو ربك يختارلك الخير وان شاء الله منجتمع معك على خير

[صبرين]

اخي ماهر ربي معاك والله اديك ويجيبك على خير
ومتنساش بقا طمئنا عليك وسلم لي على العائلة الكريمة
سنفتقدك بزاف مطولش الغيبة

[Ahmadgsr]

أخي ماهر أتمنالك التوفيق من كل قلبي
لكن نصيحة من أخ لأخيه لا تنزل هلأ على سوريا
أنا لو كنت أضمن وصولي للبيت كنت نزلت بس للأسف لا أتوقع وصولي
لدي بعض الأصدقاء عادوا الى سوريا ولم تعرف أخبارهم حتى الآن
سألنا عنهم هنا وتأكدنا من خروجهم
وسأل أهلهم عنهم فقيل لهم أنهم لم يدخلوا سوريا
هناك اجراءات مشددة في المطارات والمنافذ الحدودية
يجبرون الشخص على فتح جهازاللابتوب الخاص ان وجد بالاضافة الى الايميل والفيسبوك والتويتر
واذا أصريت على سفرك أتمنى لك السلامة من كل سوء
وسلامي للاذقية الحرة
أخوك أحمد