تعريف لاعبي المنتخب السوري !!!!!

http://mgtrben.net/viewimages/56497eb7fb.gif
الى الذين يجهلون اسود منتخب سوريا هذا تعريف لهم
مصعب بلحوس : بوجودك بإذن الله المرمى السوري محروس . علم كل حراس اسيا فنون اللعبة وبالشجاعة

اعطيهم دروس .

عدنان الحافظ : انت شاطر ولكل دروسك حافظ , والنظافة من الايمان , اسمع مني يا عدنان , وع نظافة الجول

حافظ .

رضوان الأزهر : الورد السوري لما شافك فتّح وأزهر . بدنا العلم السوري يرفرف : أسود أبيض أحمر أخضر .

عبد القادر الدكة : بدنا نفرح يا سوريا وما رح نحزن ولا تكة . وما بيهمنا لا سعودية ولا يا بان ولا أردن . كلن

رح نحطهم ع السكة .

علي دياب : الشعب السوري ناطر الفرحة ع الابواب . وما بدنا ننطر لنختير بدنا الفرحة ونحنا شباب .

أحمد الصالح : حلك يا منتخب سوريا جمهورك تصالح . وانا واثق رح بتفرحنا ؟؟؟ مو انتا النسر الجارح .

جهاد الباعور : رح نحكي ونكشف المستور , بدنا ننسى سنين العتمة ونرجع أيام النور .وبدنا نغني ونحتفل

وندبك ع لحن الداعور .

(ملاحظة : الداعور من اهم عازفي الاورغ الشعبيين وهو بفرقة الفنان وفيق حبيب )

بلال عبد الدايم : قلبي بحب المنتخب والله فرحان وهايم , ومن هلق بدنا نبلش نحضر الولايم . وبدنا ندبح

ونشوي ونكتر العزايم .

برهان صهيوني : منتخبنا يا ضو عيوني , يمكن متفائل كتير , بس ارجوكم لا تلموني , واذا ما تأهلنا ع الدور

التاني قاطعوني ولا تحاكوني .

نديم صباغ : شوطاتك يا نديمو بتخليني مخمخ وبتعبيلي الدماغ ,حتى الغولار السعودي انحول وانخوت ونظرو

زاغ .

وائل عيان : بيقولو عنك فنان , وانا عم قول هيك كمان , بدنا منك شوية الحان على وتر العود والكمان , بدي

منك طلب صغير , جول الفوز ع اليابان .

سامر عوض :يا ابو سمرة بدنا الكاس الاسيوية ولكل لاعب هدية : شقة بصالونين وحمامين ومعاهم

أربع أوض .

(ملاحظة : الأوضة : الغرفة )

لولو شنكو : يا رجال المنتخب لا يهمكم شو ما العالم يحكو , بكرة بدوب التلج وبيبان المرج ويلي كان عم

يضحكو رح بنشوفهم عم يبكو .

(اشارة الى بعض المستخفين بمنتخبنا )

فراس اسماعيل : اسمع مني ه التحليل , وخليلي بالك طويل , بدنا نربح بدنا نفوز , القصة ما بدها تعليل .

عادل عبد الله : انا بعرفك قبضاي وزكرت أي والله , وتمريراتك كلها بمحلا , لا تخجلونا يا رجال بدنا الفوز

بعون الله .

طه دياب : انت مهضوم وحباب , ومحبوب من كل الاهل والأصحاب , جهزلنا شوطاتك , للسعودي كم صاروخ

وللياباني كم صواب .

(ملاحظة : صواب اتت بمعنى شوطة صاروخية )

جهاد الحسين : شو بحبك يا جيهادووو , انت القلب وانت العين ., الكل باسمك بينادووو . الله يحميك من

العين , انت وعدت تفرحنا , ولازم توفي ه الدين .

قصي حبيب : انت حريف ولعيب , طيب : الك ولا للديب , طلب صغير لا غريب ولا عجيب , كأس الامم

الاسيوية على سوريا معك تجيب .

عبد الزاق الحسين : يا مرضي الوالدين , بتذكر جولك ع الطليان ., بكأس العالم للشبان , بدنا بدل الجول تنين ,

ونغني يا ليل يا عين , ودموع الفرح تنزل وتتمشى على الخدين .

الزينو وعبد الفتاح : ولا حارس معكم ارتاح , هدافين وموهوبين وللجول معكم مفتاح , قولوا الله وشدو الهمة

وخلونا نعيش الأفراح .

فراس الخطيب : بدك قلك ابو حمزة , ولا بسميك الرهيب , مهما تغربت وسافرت بتبقى سوري ومو غريب ,

عنا أحسن ثنائي , انت وخيك سنحاريب , دوختو كل الحراس , والشباب صارو شيب . صار لازم نفرح والله

وننسى ايام التعصيب . انتو الدواء والبلسم وللجرح انتو الطبيب .

تيتا : يا تيتا ويا تيتا , حكايتنا وحكيتا , وبعبك انا خبيتا , لسا الفرحة ما نسيتا , هدينا الكاس وتنيها , متل ما

الاهلي هديتا .