طيب مو لو كل واحد تزوج ثنيتين او ثلاث لكان ما بقي لا مطلقات ولا ارامل حتى.
بس شو بدنا نساوي الكل ضد تعدد الزوجات ( بعين الله )
بس طبعا بالنسبة للشباب فاكيد الكل رح يفكر يتزوج من بنت بكر طبعا هذا تفكير الناس ليش مابعرف ممكن يكون المجتمع هيك
بس كمان ممكن انو الشاب يفكر انو هي لو كانت منيحة مع زوجها لما كان وصلت الامور للطلاق وخلافو
وطبعا لو في شب واحد حب يتجوز بنت مطلقة فنسبة 99% منهم بتوقع من الاهل يعارضو
اما بالنسبة للاهل فالله اعلم شو بيفكرو لحتى يزجوا بناتهم هيك زيجات فلكل واحد ظروفه الخاصة ممكن نسبة منهم بتفكر بكلام الناس مطلقة ورايحة جاية ...الخ من هالعلاك الفاضي وممكن نسبة منهم لسوء الاوضاع المادية ( علما بانو لو ضلت عندهم ما بتثر على وضعهم المادي شي لانو بالنهاية الارزاق من الله وممكن يكون سبب قبول الاهل لهيك زواج انو سبب بقطع رزقهم والله اعلم )
وبالنهاية كل واحد الو اسبابو
بس اكيد لو كنت انا ما رح وافق على هيك زيجة لبنتي او اختى
حتى لو كانت او مرة بتتزوج فما اعتقد انو اوافق على فارق عمر اكثر من 5 سنين بين الطرفين
وطبعا اكيد ما رح وافق على زواجها الان من بالغ راشد عاقل ومتدين.
ودمتم
