مرحبا ||
اقلام الكحل الملونه ،،
،’
الاقلام الملونه لها تاثير حلو على العين وتعطي جمال جذاب
ما اظن انه في احد مايحبها ،، او ماسبق له استخدامها ،،
والعكس صحيح طبعا ،، البعض يستخدمها بطريقه مشوهه للعين وللمكياج كـ كُل ،،
يا اما انهم يستخدمونها في رسمات حاده او مهزوزه ،، او الوان غير متناسقه مع الميك اب !
بالتالي لو استخدمناها صح وبـ ذوق راح نحصل على نتائج حلوه
استخداماتها :
- خارج العين | لتحديد منابت الرموش |
وافضّل دائما اننا نموه الخط المرسوم بالآي شدو
- لرسم العين من الاعلى
في هالنقطه ممكن نستخدم الاي شدو عليه وممكن نستغني عنه
- لتحديد العين من الداخل
بدووون آي شدو طبعا <~ ولو انه مايحتاج ذكاء طبعا بس خفت احد يسويها وابتلش لووووول
،’
شوفو معاي هالصور :
|المجموعه الاولى|
اول سطر الصوره عاليمين مستخدمين لون بنفسجي يجنن ،، مع الاسود داخل العين
بتقولون لي ممكن نطبق هاللوك باستخدام الاي شدو فقط ،، بقول لكم صح ممكن
لكم شايفين المنابت الخارجيه للرموش كيف ملياانه باللون البنفسجي وكيف التحديد حول العين وآضح !
لو استخدمنا القلم بنفس لون الاي شدو بيعطينا نفس هالنتيجه بالضبط
عشان كذآ لازم تنتبهون استخداماتها مش اساسيه مع الميك اب
ولكن نتايجها غير ومن تجربه ،، سواء مع ميك اب ثقيل مثل الصوره او خفيف مجرد لون داخل العين
الصوره على اليسار في السطر الاول مستخدمين الاسود داخل العين والبرونزي خارج العين من تحت
اما من فوق شكلهم مستخدمين اي لاينر سائل
السطر الثاني يمين مستخدمين الابيض داخي العين + الاسو على المنابت السفليه
الصوره على اليسار حاطين البنفسجي داخل العين
السطر الثالث يمين مستخدمين التفاحي داخل العين
والصوره على اليسار مستخدمين اللون الاخضر برضو داخل العين
|المجموعه الثانيه|
السطر الاول على اليمين مستخدمين الاسود داخل العين والبنفسجي خارج العين
مع تمويهه بـ الآي شدو
على اليسار الاسدو داخل العين والاخضر خارج العين ،، وبهالطريقه بنظري يعتبر تشويه ابدا مو حلو :/
السطر الثاني على اليمين البنفسجي داخل العين
وعلى اليسار مستخدمين اللون التركواز داخل العين ،، ولو ملاحظين الاصفر اللي من تحت هذا آي شدو
لاحظو كيف الفرق بين اذا كان اي شدو او قلم !
السطر الثالث يمين مستخدمين الازرق الفاتح على الجفن اللي فوق والبنفسجي تحت العين
والابيض داخل العين ،، جدا بشع بلييز لحد يسويه :/
اما الصوره على اليسار مستخدمين فيها الاخضر داخل العين
* طبعا الصور هذي منها الحلو ومنها العادي ومنها البشع ،،
لازم نتعلم نستخدمها بتناسق وبـ ذوق
خلونا نشوف تطبيقات لها مع ميك اب كامل ||
هالصوره مستخدمين فيها بنفسجي روووعه
وشكله داخل العين اسود لانه غآمق مره
التفاحي خارج العين ،، ومركزين عالزاويه الداخليه
برضو البنفسجي ،، وترى له درجات كثييير
اذا كان من ماك بس عندهم اكثر من درجه فكيف لو من ماركات مختلفه !
الفاتح داخل العين مع برونز خفيف من الخارج
وعلى فكره الفاتح اقصد فيه اي درجه من الدرجات الفاتحه سواء كان ابيض او بيج او بنك ...
