بفتحْ بشوقي مخـزنِ الأيـامْ وبقرا عامَهْلي كتابْها بْلهفـي بتصفحا بوَجْدِ وْحِزِنْ ودموعْ كلا سوا ما بنسى ولانِتفـي بين السطر والسطر في أشياءْ علي عزيزة وللشفا وصْفـِي فيها حيـاة ملوَنـي بالحـُبّْ وفيها هموم موجِّعَـا كِتفـي وحتى الفواصل والنقط بيضَلْ شكلا حلو ومزَهزَها الوقفـي فيها حكي عن كان ياماكـان وفيها أغاني ورقـص بالزَّفِّـي وفيها صلاة وسهر حتى الصبح ياريتا لنَّا تـرفّ شـي رفـي وفيها دفا بيقتل بَرِدْ كانـون مع أغلى ناس بصدق متِّصفي أمـي وأبي..إختـي وأخـي ورفقات حولي بـود ملتفـي ولك يازمان ارجاع لنه نْهـارْ خليني إلمس وجْهُـنِ بكفِّـي مشتاق قلبي للقـا وياريـت توصِّلْ سلامي لعندُنِ بلهفـي وقلُّنْ أنا راح كمِّلِ المشـوارْ بهيدي الدني وبالعهد راح وفِّي
