كيف بدك تصير حلبي بخطوات مضمونة

<b>

طبعا مع كل الإحترام و التقدير لأخوانا و حبايبا بحلب ... J

مشان تكون حلبي ؟ لك كتير هينة !!

<B>

1- طلاع عل الكلية و شوف واحد من الشباب رفقاتك قاعد مع شي بنت و افروووووووووش معلاقك عليه و الزاق بدينو شي ساعة ليكفر

</B>

<B>

2- يوم الخميس نزيل عل الموكامبو و اشروق كل البنات يللي بتشوفن بوشك مو بس تبصبص طالع راسك و اجرك من شباك الهنضاية و اجعووووور يامو ع الله ايش هل حلو لبين ما البنت تقلب معدتا

</B>

<B>

3- يوم الجمعة الصبح مع وشك بالماظضاية 929 و عل خالدية مشان تجيبو غراض البيت مع الفول مشان تفطر مع العيلة و تتيسوا باقي اليوم

</B>

<B>

4- المسا أكيد بدك تستقبل قرايبينك يللي بدن يبلطوا لل 12 بالليل و لما بدن يمشو و يصيرو ببيت الدرج ولول و سمع الحارة انو مييييت السلامة و ما حسبناها و تعوا لعنا و هنن نشالله نشالله و جيبو معكن راما و بتول و مرام

</B>

<B>

5- السبت عل عزيزية لأنو انت كتير كوووول ووقف مع الشباب شي ساعة بالساحة و ما رح تبين أبدن انك ضرب براني

</B>

<B>

6- الأحد عل حلاق مشان تظبط شعرك و يسألك شلون القصة ؟ و تقللو متل كل مرة لأنو الله محيي الثابت و قصتك العجيبة ما بتغيرا من لما كنت بالحفوضة

</B>

<B>

7- التنين لعند جوسي و بس تخلص الوجبة يللي ما بتشبع ولد صيح ياااااااااااي شبعت مشان البنوتات يقولو عليك انك خفيف و ما بتاكل غير أكلات السينييه ( بس أكيد رح تشبع لأنك كنت معبي البانيو مخلوطة و شيرقا )

</B>

<B>

8- التلاتا ع قهوة القلعة و فت برتيت الورق و لا تترك مسبة ما تقولا يا مأدب و اذا عجزت ألف شي مسبة مشان ما تنقطع القعدة الرومانسية

</B>

<B>

9- الأربعا ع بوابة الشهباء و قسم مع الشباب و احكيلن ع الأفانطي الجديدة و الفقاس يللي فيا و شلون نيمت الشبح ع طريق الشام و شلون اشتريت بضاعة حقا مليون بس انت حربوق نزلتو للخمسمية ( و هي أصلن حقا فرنك و صطوك )

و لما بدك تمشي شيل مفتاح السيارة و الموبايل متل ما بشيلو الجبسة و قسم ع هل شعب

</B>

<B>

10- لما بدك تروح ع تلبيسة البيس هل كوسلا و ارقوص عربية و بعدين ع دورة العروس و افتحلا زمامير متل الجحش و شفط بالسيارة مشان البنات يللي معك يحبوك

</B>

<B>

11- شيل معك ع طول مفتاخ البيت و المعمل و السيارة و المكتب و الكاصة و السكرتون و الخزن و مفتاح المطمورة تبع أخوك بكري الصغير

</B>

<B>

12- بس يصير عمرك 18 بلش تنق بالحجة مشان تفتل بنات حلب كلها مشان تلاقيلك الأميرة ماري أنطوانيت يللي بدا تنبلا فيك ( و أهم شي تكون بيضا و شقرا و عيونا زرق بهيمة فهيمة مو مشكلة ) و لازم الحجة تضل عم تفتل شي 20 سنة من بيت لبيت لأنو انت امبراطور زمانك و لازم تطلع بوحدة بتعقد متلك

</B>

<B>

13- بس يقلب دولاب الشغل أكيد رح تطلع ع أوكرانيا مشان الصفقات التجارية !!!!!!!!! و قول لمرتك انك طالع ع روسيا شغل شهرين زمان ( شغل ها لا حدا يخطرلو شي تاني )

</B>

<B>

14 - ما خلصت لسا بس وجعتني ايدي !!

</B>

</b>